蓬瀛仙館齋廚

Open Now

Now Closed

這家齋菜很好吃，雙菇炒菜心菇鮮甜配上了菜的香味10分美味。齋鹵味裏面有不同的材料，我最喜歡的是吃酸齋酸甜，很吸引。菠蘿咕嚕肉的賣相也很吸引，吃下去外脆內嫩，好吃。這裏最吸引的還是腐竹銀杏白粥，免費任添加，吃落去粥底黏糯，令人百吃不厭。

到來還神之後順便到食堂吃午飯， 羅漢齋飯可轉麵，叫多個齋鹵味添。他們的白粥真的很好味 ，吃到腐竹的味道。 羅漢齋湯麵份量不少， 羅漢齋和齋滷味的味道也很好 。總括來說抵食又好味。 飯堂闊落又乾淨。 不過提提大家現在 不能在廟中化寶，拜神後宝碟衣包集中放籠中 收集，由廟方處理 。而不屬廟方的外來宝碟衣包要自行带走。

年尾去蓬瀛仙館還太歲，黎到覺得肚餓（因為未食lunch,，就係因為想黎食齋，所以留肚），就入黎食野醫肚。下午3-4點冇乜人，不過4：30 last order，食到5點就要走，各位想黎食齋菜記得預岩時間。同埋佢地係唔希望各位帶各類葷入黎，各位最好唔好帶啲乜肉乾肉粒呀，乜魚絲魚乾之類既野入坐啦。黎到睇睇餐牌，就點左2味菜，一款齋乳豬，另一款西檸汁煎蘇卷，再每人十蚊茶位加任食白粥或飯。埋單百五蚊攪掂，要去去櫃枱比錢先。簡單講，黎到主要係食粥，啲菜未黎之前，我就倒左三碗粥落口，冇錯，真係倒落口，加小小鹽，筷子撈勻，唔洗用匙羹，就咁倒。佢地米既比例唔多，算係稀粥，又綿又好味又易入口。倒完一碗倒兩碗，倒完兩碗倒多碗，如果唔係叫左野食，我諗我倒粥都夠飽前後連食餸我起碼食左七八碗粥。另外兩味齋菜就正正常常，份量味道等都係合格以上。乳豬記得點坐低時佢地比茶時附加既醬，咁就最好食。西檸卷小小酸甜酸甜，唔錯。不過最緊要係一啖菜加幾啖粥，食完啲粥記得出去畢返碗粥埋位先再食菜，包你食到飽。

地方好大、唔洗等位但好多位都要搭枱任食白粥同白飯粥好綿滑、加左腐竹有少少香炸芋卷拼春卷芋卷 : 腐皮卷芋泥炸外脆內軟、又香芋頭味，超正春卷皮係夠脆0既，但個餡唔太好食紅燒豆腐 : 非常好質豆腐夠滑有豆香、汁味道剛剛好，好滿意子薑生筋有D辣又有D酸，個味道好新鮮特別食品質素好好，價錢平，份量又多係等上菜時間有D長，落左單第一個菜要成30分鐘先上~哈哈太餓就唔掂~

今日朋友想食齋，選了家附近的蓬瀛仙館齋菜部，點了二人套餐160元、包茶粥飯任添食，價錢十分抵食，包指定三款齋菜，春卷拼齋燒鵝，香口好味😋雜菜材羅漢齋，正常味道不錯，個人最喜愛酸菜炒鵝腸、非常惹味，酸菜伴粥非常夾，整體味道不錯👍😋

已有數年沒有去，十分回味它的傳統味道的齋菜，水準依然保持到。炸春卷拼腐皮卷好鬆脆，法海蒲團賣相不夠好，芋頭魚酸汁不夠，羅漢上素唔夠熱，白粥仍然出色，十元一位包茶芥粥飯，整體不過不失。

每次到蓬灜仙舘拜祭先人也沒有留下吃飯，一天想吃素，就想起蓬瀛靜修楼有一間餐館。環境優雅，服務員和藹親切，素食味道鮮甜香濃！叫了的是基本菜，因為不知道什麼是鷄，肉等，但基本的己經很出色了。羅漢齋炒麵汁濃，麵脆😁 春卷及腐皮卷外面輕脆內軟味濃。

家人想試下食齋菜，於是搵到屋企附近的「蓬蓮仙館」，見價錢合理，食評都不錯，於是就一行五人出發了！一共叫了五個小菜，分別係：酥炸花枝片（唔記得影），西檸酥卷，五柳素葫蘆，豉椒蘚姑炆豆腐，羅漢燴上素。白飯或者粥任添（每位十元正）。齋菜即叫即煮，有鑊氣，鹹甜適宜。小編尤其喜愛酥炸火枝片及五柳素葫蘆（芋頭）。花枝片彈牙香口，五柳素葫蘆的芋頭香軟細膩！就只係呢兩道菜，小編絕對會再光顧！偶爾同家人朋友試下都幾唔錯

今日係白色情人節我兩選擇到蓬瀛仙館茹素慶祝。這裡是我近期新寵之素食蒲點，交通方便地方乾淨，坐得又舒服。👍📋今日二人就當然是二人套餐 姐姐帶我們入座後，我就急不及待先來碗白粥，這裡的白粥粥底軟綿，白米加有果皮腐竹特別綿滑。🥢羅漢燴上素配料非常豐富，冬菇、草菇、馬蹄、雲耳、椰菜同麵根全部係係天然食料，最古早羅漢齋。🥢豉椒素鵝腸鵝腸就用了加工蒟蒻，口感爽與豉椒好夾，酸菜甜甜地又爽脆非常惹味，這道菜配白粥一流。🥢春卷拼素鵝春卷香脆不過火，啱我饞嘴一族，素鵝如果有甜酸汁會更好！😋整體來說抵食。👏

為了一碗友人讚賞的白粥，這天難得來到粉嶺的我，特地來到區內，以至全香港的有名道觀「蓬瀛仙館」吃了一頓齋菜。初次到來食齋，見有二人餐（$160），便不散點了，反正，到來的主要目的，就是為了那可能是全香港最有水準的白粥。二人餐只有三道齋菜，沒有素湯，不過白飯和白粥就可以任吃，喜歡的話，多吃幾碗都得。「羅漢會上素」即是羅漢齋，是最基本又最常見的齋菜，「豉椒素鵝腸」則是扮葷菜的素菜，兩者雖有極大分別，但共通的缺點是茨汁過濃，讓本應比一般葷菜清淡的齋菜失去了原先的吸引力。兩者相比，下了酸菜在內，味道較多元化的「豉椒素鵝腸」我就較為喜歡。第三道素菜是「春卷拼酥卷」。與另外兩道齋菜相比，這道齋菜是我最喜歡的。脹鼓鼓的春卷內包裹著清甜爽口的沙葛和冬菇、蘿蔔等餡料，口感頗佳；酥卷以炸腐皮包著軟熟的麵筋，適中的味道也讓我覺得好吃。至於這天主角的「白粥」，的確是有水準的，粥面上浮著溫柔的腐竹，看上去已覺十分綿滑，米花早已碎開，與粥水混成一體，吃來綿軟可口，即使不下鹽加味，已經足夠。我前後吃了兩碗白粥，沒吃白飯，要不是之前的早餐吃得甚飽，我還可以再添多碗白粥呢！雖然這頓齋菜我最喜歡的始終還是那水準甚高的白粥，

蓬瀛仙館的齋菜，2021年1月我已經享用了4次，每次來都得到侍應的熱情招待，座位舒適，即使疫情期間，衞生情況和疫情措施也做得相當好。食物種類多，分單點和套餐。食物至愛荔卷雙拼和羅漢豆腐飯。價錢合宜，有1次我外賣回家再用西式煮法 ，簡直一流，新鮮fresh2021年1月開放時間由11：00至下午4：00 ，大家如果行完流水響，還完神也可以來品嘗一下

‼️❤️ 記得CLICK我PROFILE關注我呀 ❤️‼️.🥬 齋菜 HKD 225 @ 🌟 蓬瀛仙館 Fung Ying Seen Koon 齋廚《👽食神大媽愛食素》.😇 達摩祖師佛誕 🙏.適逢達摩祖師佛誕，去蓬瀛仙館食齋。三人套餐盛惠 HKD 225，菜式係預設不能隨意更改，自助形式筆飯或者粥，大圓台所以會有其他客人搭台。味道不錯，份量足夠。希望大家都會抽時間偶然食素。.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂..📍 粉嶺百和路66號☎️ +(852)2669-3033.

其實好少去齋舖食齋，因為覺得好油，啲食物又差不多味，蓬瀛仙館係少數我覺得無呢個問題嘅。是日同一班同事出黎食下齋，餐牌有好多套餐揀，但我地有個相當嘴刁嘅同事，覺得套餐太平凡而決定散點，叫夠八款好意頭。餸未到就梗係要食粥先，呢度個粥真係超正，有果皮香，又綿又滑，真係明火白粥，不是粥舖啲撞水粥，太好味，未有餸都食左三碗。齋滷味呢個好平凡，無乜特別話好唔好味，酸酸地咁樣。脆皮炸春卷十分香脆，入面一絲絲蔬菜好好味。香煎腐皮卷腐皮有咬口，入面的蔬菜好juicy。酥炸荔芋卷呢樣十分好食！炸得香脆又唔油，咬落一啖啖芋頭，好綿，同芋頭魚異曲同工，但呢個一口一件更方便食。豉椒生根同事話想食生根，問店員有咩推介就點左呢款，豉椒幾惹味，生根吸哂啲汁好味。羅漢會上素雜菇同馬碲好好味，蠔油汁夠入味。百合黃耳花枝炒蜜豆呢味淡淡地，白色一塊塊個啲係素花枝，食落爽口好得意。雪菜三絲炆米最後仲有碟炒米粉，同羅漢上素啲料差不多，多了雪菜，鹹鹹地炒得幾好味噃。好飽好飽，樣樣都好味，碟豉也算大，抵食！

香港人好鐘意聽到人話食素就話人地係食齋，其實齋同素係唔一樣架。齋係有宗教成份，食物唔可以含五辛。要食齋去返啲寺呀觀路就最適合，雲泉仙館既齋好食，但地點唔就腳，今次就貪方便去左粉嶺火車站隔離既蓬瀛仙館。平時白飯同粥都係自己裝，但因為疫情關係，就變左職員分好比客人，如果要添就同職員講聲。靜靜雞話你知，我地係為左個粥黎既。唔知點解食齋既地方煮既粥特別好食，煮得夠綿，仲有陣腐竹味咁。除左白粥，食齋必食既一定要數炸春卷！一碟春卷有成8條，成碟上有啲heavy，好彩有得雙拼，我地就揀左素乳豬，實行齋口唔齋心。春卷炸得恰到好處，唔會太油膩，好正。素乳豬都係啲麵筋之類既製品，un un地幾有咬口。食完啲煎炸野就食個清淡啲既炒三絲啦，話就話三絲，但其實係有N咁多種蔬菜，乜野顏色都有，營養夠哂均衡。其實仲有好多野想試，佢地啲碟頭好大，兩個人食唔到太多，咁又有藉口下次再黎喇！

每年年頭都會去呢道食齋唔係宗教問題 係細細個就已經有既習慣只係今年既狀況 一齊食既人就愈黎愈少肺炎橫行 其實都避開左農曆年頭 最旺既正月坐到入去 唔影食客啦但就冇左以往搭枱既情況店員都盡量將食客隔開啲枱黎坐其實我已經係兩點幾入座 但疏落既枱都有幾十個客因為以往都好多人一齊黎都係叫個多人套餐再散叫今次係我第一次做落單既傻下傻下就叫左個2人餐。。。一百六十蚊本身想加碟齋 但話已經賣哂 (｡ ́︿ ̀｡)咁唔緊要啦 其實兩個人三個餸係絕對食唔哂咁一坐低 就有人過黎問我地食唔食粥原來今年因為疫情關係 今年既粥唔係自取形式 係佢比裝埋比你按人數 個量會增加我見鄰桌係一煲粥咁放上枱不過呢道個白粥真係我食過最好味既白粥食頭兩啖可能覺得同一般食既分別唔大但食多兩啖就發現好香果皮味 可以自己加鹽我冇加但覺得已經夠鹹睇落都係綿同啲米已經係爆開哂 係正既而飯就自己裝既飯因應各人口味 有人中意硬啲軟啲爛啲我只可以話呢道既飯唔好食對我黎講太黏。。。春卷都係好食既 入面蘿蔔好足料出面又唔係油淋淋咬落好脆 但二人餐有成八舊有啲誇張始終炸物食得多覺得好熱氣併埋一齊既係酥卷 老實說我唔知咩黎應該係豆類製品 唔係熱既 但都唔