G. Cuisine (Closed)

今晚揀咗呢度同個朋友慶祝生日🎂事前book位嘅時候已經問定個到既staff可唔可以當日提前拎個蛋糕上去俾個驚喜朋友。佢一口答應仲話會幫手將個蛋糕放上去個碟度，碟上面會寫上Happy Birthday，咁當然要收返$100切餅費啦。雖然呢間餐廳係工廈入面，但係入到去見到個環境同所有擺設同佈置都好靚，真係好適合慶祝生日。我地叫左2個set dinner，appetizer有2款，我揀咗蟹餅，味道非常之好，好有驚喜。是日餐湯係甘筍湯，估唔到一樣都係好好飲。main course 我就揀左牛扒，牛扒我就覺得有少少韌，但都唔算太差。食到最後staff上埋個生日蛋糕，碟上面句Happy Birthday寫得好靚，staff仲好主動話幫我哋影相，仲用自己部電話幫我地影咗張相，之後曬咗出嚟入係個相架到送俾我哋，好窩心♥️我哋最後因為太飽所以冇食到個蛋糕，staff仲幫我地pack返個蛋糕入盒。到埋單嗰陣，佢仲話無收到我地$100切餅費。整體黎講，不論係食物，服務態度同環境，我地都好滿意！一定會推介朋友嚟！

Random find while in the area.I strongly recommend the restaurant for:1）Good service. There was respect for serving order (starters->mains->dessert) instead of everything coming at once. There was also no pressure to leave quickly and the dining experience was comfortable.2）Semi-buffet with a wide range of choices. Unlike usual restaurants with only salad, this restaurant provides salad+small appetisers including chicken wings, fried snacks, AND dessert3）Main dish quality wasn’t too larg

年尾與媽媽撐枱腳 訂了這間評分不錯的工廈西餐嚐嚐 叫了一個晚餐set menu 加一個意粉環境很舒適，有浪漫既氣氛～情侶可以來晚餐～餐廳貼心把set menu 的餐湯一分二 ；食物水準不俗 最深刻是甜品 opera house 朱古力味很濃 而且份量剛好 擺盤也很精緻 另外 餐廳可以讓客人自帶酒 免開瓶費呢

朋友好介紹系列~有在不同地區返工的朋友，其中一個好處是食好西的非大路推介≧∇≦餐廳環境完全不似在工廈之中，若非剛剛坐的電梯及有點掉漆的走廊，置身餐廳之中就是另一世界！黃黃的暖燈、牆上一系列的油畫、造型特別的燈~加起來就是氣氛選了近窗的位置，明亮光潔~又是另一種氛圍回到食物，餐廳是semi-buffet前菜 - 幾款蔬菜沙律，自由配搭冷盤 - smoked salmon, 及日式水草提供一款湯~還有水果及好幾款甜品，其中蜜桃批我的main course魚柳配蕃茄紅椒汁魚煎得不錯，上來的時候是金黃色，脆脆的，如果再乾身一點就更理想！份量不算少，有點厚度的魚柳！😄個汁/醬是頗特別的，有蕃茄片及紅椒碎在其中，酸酸微辣的，別有一番滋味~配上友人自備的酒~一樂也！

今日同男朋友慶祝anniversary, 黎開荔枝角就search有咩食，見到呢間都幾多好評，所以就去左G.Cuisine食dinner慶祝，食物質素好好、服務又好叫左鵝肝多士配沙律、帶子意粉(冇唒蜆肉) 同牛肋骨，每樣野都好好味，不過牛肋骨個賣相就麻麻送果個包有兩種醬，一種係黑松露牛油另一種係蕃茄醬，兩種都唔係出面餐廳一般可以食到，幾有特色幾好味鵝肝多士好入味，個面脆得黎又唔會太燶，帶子意粉份量唔多，但個汁好正, 牛肋骨煮得好淋同入味，好似牛腩咁淋，個醬調配得啱啱好，又唔會太鹹又唔會冇味我地拎左個蛋糕上去，waiter幫我地點好蠟燭又主動幫我地影相 仲用左自己手機幫我地影 原來係俾surprise我地，送左個相架俾我地入住影左果幅相🥰會推介比朋友同再去食！

今日一團十幾位同事booked 位食lunch, 實在係一間encore 再encore 既餐廳基本上我相信如果真係要食，前菜都可以食飽人，只係唔會咁做😂😂特別鍾意食青口，好新鮮，可以用juicy 黎形容，冇誇張！仲有酸甜泰式沙律同好爽口既青瓜，好味唯獨是果碟仔魚，好鹹，與煎三文魚相似><牛扒配豚肉，期待既牛扒有少少失望，七成熟都係唔够嫩，期望太高了！反而豚肉好好味，多汁，甜甜地，好豐富！其他蔬菜都係新鮮既

早幾日老闆請食lunch，當然唔理價錢上網搵咗間近公司價錢屬中上嘅餐廳-G. Cuisine。我哋一行5人，一入到G. Cuisine時，感覺環境都幾優雅，寛敞。餐廳屬半自助餐形式，每人叫一個set lunch，就可以係沙律bar任食。沙律Bar都算幾多款式，除沙律外，重要小食，餐湯，甜品選擇👍🏻👍🏻值得一贊嘅係，餐廳係會不停refill🤩主菜我叫咗牛扒同羊架，牛扒煮得剛好，肉質鮮嫩，配上黃介辣，味道好夾😋而羊架雖然份量相對少，但煎得好甘香，帶少少羊so味😍估唔到係工業區都有咁好質數嘅餐廳🍴

媽咪生日，佢request 想食呢間，所以就陪佢嚟。去之前打去問生日有無special dish/dessert, 佢話可以幫手寫字。去到嘅時候攞住蛋糕去，仲勁好人提我哋如果係度食要收返切餅費，但就可以幫我哋雪住先。走嗰陣又提我哋攞返個蛋糕，去過咁多西餐廳，呢度嘅服務真係一流，大家都好有禮貌，請佢哋幫手影相都無托手踭。呢度嘅食物同擺碟都好高質，尤其佢會擺好哂啲餐具，頭盤還頭盤，main 還main. 真係估唔到喺荔枝角都有啲咁講究嘅餐廳。前菜我叫咗個蟹餅沙律，個蟹肉好creamy 好足料，而且炸得啱啱好，個炸皮唔會太厚粉。啲沙律都好新鮮，配埋個蟹餅就食落無咁漏，酸酸甜甜咁幾開胃。湯叫咗龍蝦湯，要加錢，但絶對值得畀，個湯真係好好飲，起碼飲得岀唔係罐頭，係有層次嘅龍蝦湯，同時入面都有啲龍蝦粒，真係唔錯。可能因為個湯做得太好，我就好期望我個main. Main 叫咗龍蝦fettuccine, 佢喺餐牌聲稱有半隻龍蝦。上到嚟嘅時候，因為期望太高，反而有啲啲失望，雖然個fettuccine 做得幾好，有al dente 嘅感覺，選用嘅粉都可以索到唔少個sauce, 理應幾好食，但事實就麻麻，有啲

這間曾經是我其中一間至愛的餐廳，也帶過不少朋友光顧。以前覺得大廚好有心做食物，員工服務態度也很好。有一次朋友生日來慶祝，我們請侍應幫忙拍照時，不為意他拍了我們一張照片，原來為我朋友準備了一個相架放了我們的合照，非常感動和驚喜。所以之後我都有帶朋友去為他們慶祝生日。今次自己生日和家人去食飯。食物質素差了，味道不好⋯慢煮鴨腿煮到好老。龍蝦寬條麵不新鮮⋯龍蝦有腥味和肉”霉”。牛柳又多筋⋯。總之食物質素差，真的不值這個價錢。我們有投訴龍蝦有問題，侍應只說「哦，我哋啲龍蝦係新鮮嘅！」之後就冇理我地。上完甜品，拍完照，居然冇送相架！問佢點解，佢先至不情願咁送返！這間餐廳已在我生命裏畫上句號。

今晚同朋友係荔枝角聚聚，聽講呢度最近多左好多好野食，所以係openrice搵下，見呢間Ulyssa by Aldou食評幾好，就決定試下！餐廳係工廈入面，入去之前無咩期待，點知推門去左另一個世界，成間法國餐廳咁，加上當時無咩人，氣氛真係一流！講番野食，以為會好貴，因為個裝潢真係好豪華，唔記得係置身一幢工廈之中，所以一睇餐牌，就覺超值！我地先叫左一份雜菜沙律，Ｄ菜幾新鮮，加埋Ｄ檸檬汁酸酸地幾開胃！仲有碗忌廉湯，不過不失啦！然後到正餐，我要左個烤豬柳，肉質鮮嫩，又配Ｄ蔬果，健康得黎又飽肚！我朋友就要左個虎蝦加比目魚柳既菜式，Ｄ海鮮都幾新鮮！最後我地覺得未夠，就叫多個Chocolate  Quartet，佢係由四款甜品製成既拼盆，呢款簡直係全晚既高潮！

難得有人嚟荔枝角揾我食飯，上網見呢間評論唔錯，就預先訂位。餐廳位於工業大廈內，呢座大廈有好多餐廳，下次可以試其他。未到1點到達餐廳，都已經坐滿一半以上，好彩有先訂位。餐廳大概可以坐10-20桌，大致分2邊，職員安排我地坐有窗area的角落，雖然好近隔離台，但有個鐵架同窗簾布隔一隔，感覺都叫有d私隱(其實有時都聽到隔離台對話)另一邊係窗，好光猛！因為裝修主要係白色，加日光，俾人感覺乾淨企理!坐定定就睇下食咩..E? 原來係自助頭盤同沙律吧？甘正？ 仲有甜品？落完order, 即出去睇下自助頭盤同沙律有咩食先其實以小店泥講，選擇唔算少，有幾款沙律菜同已mix好的沙律，頭盤少d，甜品望落唔錯！仲有楊枝金露！不過位置較窄，要小心d。餐湯都係自助，比較水，唔似西餐濃湯，茄子既小頭盤好食！主菜都好快，份量OK啦，正常size香煎龍利魚柳： 魚唔算煎得乾，還可以，加埋醬好食炭燒澳州西冷扒:好多醬，友人話肉質ok，唔會煎到好熟，不過冇咩肉味之後試甜品，出到去，冇咩野淨，只好食生果，奶凍，楊枝金露只有一個字：甜楊枝金露勁”傑”，好醬feel套餐包洛神花茶，我中意！總結：呢個價錢有甘多野食都幾抵，我個日都

第一次跟公司同事一齊去食，環境不錯. 不過相信自助吧有一些食物或餐陽味精頗重，我們吃完都很口渴(對味精的反應），其實收$150-200一個餐的價錢，應該不用加添味精吧. 希望貴餐改善，否則只會趕客. 好的方面是小食和甜品選擇很多.

很久沒有在辦公室附近吃西餐上網 Open Rice 看到很多人讚美這間餐廳，和同事決定中午飯來勘察現場。因為餐厅位於工廈裡，所以室內樓層高度很低。由於中午人比較滿，坐在中間位置個人覺得有些吵雜。 餐廳內裝潢簡單，燈光打得比較優雅。他們的餐牌好像每週都有些不一樣。坐下來很快就有人來點餐。我們自己去拿沙拉和湯。沙拉原有六個選，但是我們來的比較晚，所以有一兩大碗個都空空的。 我選了最簡單的Caesar Salad 和水果沙拉。Caesar dressing 太黏稠了，如果再希一些，會比較好。 那天的湯是Potato Soup, 味道不錯，好像是用Blender 打碎Potato 再煮的。可以吃到Potato 的顆粒。我覺得還不錯、就多喝了半碗。主菜大約10- 15分鐘上來，上菜時間不會讓客人覺得在趕人。吃得比較舒服。 我的羊柳燒的蠻嫩的。sauce 也還不錯。我不能說這餐是我吃過最好吃的，但是我覺得這餐是物有所值的。 下次帶其他同事一起來吃吃其他的菜。

今日兩公婆撐枱腳去享受個午餐，揸揸吓車經過荔枝角，立即搵吓有咩好食，見到附近工廈有間好似唔錯咁，所以就決定入去試吓。我叫咗個海鮮墨魚汁意大利粉，仲要沙律吧任食，先食咗個田園沙律，加咗啲沙律醋好好味，湯就係什菌磨菇湯，個湯好香好好好好味，我一個都飲咗兩碗，主菜海鮮墨魚汁意大利粉，啲帶子、蝦、同魚都煮到啱啱好，意大利粉軟硬適中，墨魚汁如果多少少就更好，之後食埋個甜品，食咗楊支金露同啫喱，雖然我對甜品唔太大興趣，但感覺都唔係差，只覺得個湯最出色。店內裝修簡單但有心思，服務態度良好，真係唔錯嘅選擇。店外裝修店內裝修店內裝修沙律吧餐牌田園沙律、什菌湯海鮮墨魚汁意大利粉甜品

聖誕将至，相約午餐當然要吃西餐應節。呢間餐廳喺億利工廠大廈四樓，唔係同事講開，真係唔知有間西餐廳匿喺度。一踏入門口就已感覺到濃濃的聖誕氣氛。午餐祇有Christmas set lunch。沙律、熱菜同甜點都係自助吧台自取。Main Course就可以自己點番自己果份。同朋友share，我哋一人叫魚，一人叫羊。席間侍應送上餐飲—-五花茶，幾意外⋯⋯食西餐，送中式凉茶。羊架要點讚，够味够腍，份量十足。反而煎魚就普普通通，酱汁太酸，份量較少，魚肉也唔够滑。隔離枱有食客點的豬扒太生，叫咗服務員來後立即道歉並轉頭呈上一份新的，服務態度唔錯。總體而言，值得再來。