Gemini (Closed)

早幾個月食過尼間野都覺得okay,所以琴日難得有假,睇完戲諗住上泥食多次, 點知原來轉左手, 唔係之前間cafe, 轉左做私房菜 (Royal Feast) @w@上到泥同個waiter講左兩句, 原來上泥食之前要訂位 @w@不過好好采!!咁岩又有四位既冇泥到而師傅又準備好晒d野食 所以有位可以試下。(琴日個menu係$450)上面尼個就係煎西瓜配魚子醬多士,拎到上台之後waiter建議就話我地食左一粒煎西瓜, 之後先食多士, 跟手先再食埋個兩粒煎西瓜 )而本人太侯琴既關係, 食左一粒先記得影相 hohohohooo!!沙律就係牛油果青蘋果蟹肉沙律,冇諗過原來牛油果同青蘋果可以咁樣夾埋一齊泥食, 反而令到牛油果冇咁"漏", 正 蟹肉都幾新鮮, 同埋沙律菜呀哥仔話係用左陳年黑醋撈過, 食落同出面個d撈意大利黑醋真係差好遠 @w@跟手泥左個熟食, XO醬扒帶子,哥仔話XO醬係師傅自己整既, 都睇得出, 因為乾瑤柱都多過人, hohohohoooo!! 帶子就係北海道泥既, 而伴碟就係用白酒+牛油炒過既京蔥, 食落都幾香口, 唔錯 到個湯就係黑松露野菌湯, 哥仔話尼個湯係師傅用左十幾種唔

都吾知係咪做生意，我見咁多好評先想試，我尋晚book 好哂，今日下就三點亦都打黎confirm booking , 點知六點又打黎同我講今晚full 左俾吾到位我，咁你想我點呢，得番一個鐘又搵過野食，我絕對吾會再試呢間野

第二次寫食評 這次寫是主要因為多重性質的推動: 1.好朋友傑仔的生日,認識多年你都是比我更搞笑...哈哈.2.這餐廳的服務誠意,我自己都是飲食行業,很喜歡認真做飲食的店.3.小鋪竟然會有海產例如:生蠔,法國羔蟹,價錢做得好平. 其他的食物菜色都很新鮮美味.***不過註明意大利菜色,但都不太多意大利料理選擇,西式食品為主,但質素比想像又好很多.~~~~~~~~~~~~~~~~~~~~~~~~~~~~~~今次我們朋友6人晚飯,選這店原因是其中一個朋友介紹話間餐廳坐得好舒服,可以容易D傾偈,所以就試下.入去第一個感覺很靜有音樂,我地因為早到,坐下得我地幾個講野好似好大聲,有D好唔好意思咁~~~D服務員好快就俾我地幾杯水同餐牌,亦見到著制服的廚師同我地打招呼,不久滿坐之後就熱鬧了起來.~~~~~~~~~~~~~~~~~~~~~~~~~~~~~~這次我地選擇多種食物,介紹最記得的幾樣菜式:1,烤雞~ 這是跟二人餐的主菜,味道十分十分好...出來時很香,外皮脆,肉身夠汁,醃味很正,印象最深刻.GOOD2.湯~ 周打蜆湯...又真係有新鮮有殼蜆wor...雖然不多,但夠誠意,味道好鮮,湯其他配料都多

已經唔係第一次想上黎試, 但咁岩上兩次都包場無得訂位, 今次朋友生日揀左LEE度包場, 終於可以試一下LEE度。先講位置, 間CAFE係樓上9樓, 由SOGO行過黎唔洗兩分鐘, 不過唔算易搵, 因為係尋常大廈入口, 雖然有大廈水牌, 但真係行過左都未必知。佢地包場係4小時計, 我地7點先開始, 但係6點左右就比我地上黎放低蛋糕加小小佈置一下。個場幾靚, 有好多畫(有D靚有D唔靚^^), 中間有大空位比我地玩GAME, 食物就預設放係近窗位置。我地原訂7點半開始食前菜小食, 不過STAFF見我地7點多仲有好多人未到, 就即時同我地夾過出食物既SCHEDULE, 好細心。最後成8點先開始食小食, 有雞翼, 薯蓉, 鴨胸沙律...ETC. 最正係個薯蓉, 一食就知係手打自製 (同KFX d 薯粉口感完全唔同), 牛油味好香, 又滑。另外炸物都唔錯, 個薯角好香口, 受歡迎。大約半個鐘之後就出主菜, 有3款pasta 同1款risotto。pasta我既首選係忌廉雜菌雞柳意粉, 個汁好香, 唔會太膩, 配料又多。risotto我食時已經有d乾身,硬, 味道ok但口感一般, 但係我朋友就最鍾意個

因為係樓上cafe.個入口不太起眼.我同友人盲中中經過左幾次都唔知-__-上到去間cafe又係另一景像;D成間cafe都主要以畫為裝飾.係最入既角落仲有間房仔專擺d畫具.問一左問原來呢度除左食野.仲可以book場係度畫畫.仲有專人指導.連我呢d零藝術天份既人都想試下去玩xd成個環境都好舒服好relax.係台上面仲有呢個小擺設.我地最後叫左個2人餐:個湯唔錯.不過如果係配plain bread我仲覺得好d.蒜容包同湯既味唔會一齊咁重個前菜不錯.不過我自己唔太鍾意食牛.所以食得唔多.但個春卷幾好味.夠脆夠料.兩個意粉都好好味好juicy.不過只好怪兩個女仔太細食.真係食唔哂xd就係因為佢我地都要留肚食xd好好味好重朱古力味好正;)不過每人食兩粒就已經肚到傻左hhhaahahah我同友人傾計傾到左住人地收工.不過佢地仲好nice咁同我地講野.感謝你們;)會再來的;)

尋晚同啲朋友去食飯~ 第一個感覺係好嘈.... 可能地方細人多自然會嘈啲~不過, 呢間cafe 有幾樣野估佢唔到1. 估唔到得咁少set2.估唔到有生蠔仲幾好食!3. 有西冷牛扒, 唔錯唔錯~!整體而言對食品服務都滿意~但係真係太嘈！同啲ＦＲＩＥＮＤ傾計要好似嘈交咁.. 下次要諗諗再唔再嚟...

睇到食評係17比0....而d 相又ok....就一試...點咗set of two...湯 ~ 無得選擇...只有海鮮濃湯...味道好鮮有少少蝦肉...份量比其他店多!煙三文魚什菜沙律 ~ 三文魚好味...個沙律菜新鮮...but 個汁唔可以特出沙津味道...!!澳洲西冷 ~ order 五成...啲確係五成上枱...牛味充足十分juicy!!蒜蓉海鮮茄醬意粉 ~ 個汁甜咗d..汁味道好似千島醬煮成,,.!!

星期四晚跟兩個中學同學聚會, 揀左黎LEE 度, 不過因為好耐無黎過, 爭D唔記得左點上樓, 好彩有佢地電話打去教我地點去。我地訂9點枱, 去到既時候客人唔多, 大部份已經食完係度傾緊計。 環境同之前一樣唔錯, 我地坐近窗位置, 唔會太近其他客, 傾得嘈D都OK~講番食物, MENU同之前唔同左, 而家SET DINNER係4個COURSE, 有湯有前菜咁, 價錢比之前相對高番D。我地叫左兩個SET, 另外加一個PASTA SHARE。兩個SET我地都係揀湯, 係雜菌海鮮湯配蒜蓉包, 個湯好味又足料, 睇到有唔同既菇, 又唔會太濃。而前菜就揀左燒汁肉排, 同埋網紋春卷, 燒汁肉排超好味, 配料既紅蘿蔔勁正, 不過味道似中式多過西餐。春卷係蟹肉餡, 即炸都算脆, 但無乜特別。主菜3個都係PASTA, 我最鐘意既係蟹爪棒忌廉意粉, D蟹棒好正, 忌廉汁又有少少白酒味, 香。另外散叫既PASTA係 鴨胸芝士茄乾醬意粉, 汁好香濃, 不過可能因為有芝士做個汁, 一凍左就有D乾硬, 一定要快食。另外一個SET DINNER既PASTA係黑毛豬柳意, 因為我唔食豬肉, 無試到, 不過我D FRIE

二月二十八日 (星期一)公司的松屋菜菜子要離開了我們同事為她設了一個歡送Party有些舊同事(當然包括老公仔)也有來為她慶祝今次攪攪新意,不去吃buffet改為在銅鑼灣包了一間樓上Café經明查暗訪,終於找到Gemini差不多每位250多元包小吃,主菜,飲品各一小吃方面,我和老公仔分別選了蜜糖雞翼和帶子焗薯蓉老公仔對雞翼要求很高今次他都說頗有水準雞肉入味之餘,甜度亦操控得好而我的帶子焗薯蓉亦不錯熱哄哄的,帶子味鮮而爽薯蓉亦很香濃接着店員又送上限量小食有炭燒豬頸肉和煙肉芝士卷質素亦不錯期待着主菜的驚喜我和老公仔都不約而同地點了卡拜尼意粉真的有點失望汁太稀了,令到意粉未能入味而且材料不多,有點物非所值之感雖說是包場,但平日只得數小時$250一位,加點錢也可以吃一頓豐富的自助餐或中餐以此質素,不算太值得無論如何,祝菜菜子事事順利Keep in touch!!!

單憑感覺，經已愛上這個地方。一門之隔，兩個世界。外面是煩囂庸擾的鬧市，裏面是舒適優雅的桃園。整齊潔淨的傢俱，在柔和燈光的影照下，倍覺溫暖。牆身掛滿不同品味的油畫，藝術氣息濃厚，格調高尚。套餐選擇不多，大家各自挑所好。前菜煙鴨胸櫻豆沙律，為豐富的晚膳揭開序幕。櫻豆煙韌可口，粟米鮮甜美味，配合微酸的沙律醬，恰到好處。接著送來香辣蕃茄醬燒蝦意大利麵。大蝦爽口彈牙，意粉煮得略腍。醬料味道難以形容，不酸不辣，總之非我所愛。服務非常周到，侍應見意粉吃剩頗多，主動查問是否不合口味。反映意見後，年輕的廚師走來，表示會加以改善，並為我們送上兩件蛋糕。無可否認，這裏的食物尚有進步的空間。然而，店員細心聆聽顧客的意見，廚師積極求變的態度，實在誠意可嘉Gemini，努力呀！

除夕夜同朋友黎左食冇bk位, 本身都怕冇得食點知又有喎可能因為我地太早..黎到話只有fixed set睇過D野都OK$158 加2但本身唔係跟PASTA.. 係薯蓉田螺, (睇到人地枱好細... 我地決定加$20 轉PASTA)前菜, 個SALAD好好味啊我本來唔食煙三文魚, 但見咁靚, 人一世物一世, 結果都試左~都OK, 但我唔會自己特別叫黎食之後鴨胸雞翼羊鞍, 好好味!唔知點解佢個鴨胸好香!係冰凍, 有好FRESH既感覺羊鞍都ok wor, 少少so, 但係香個隻再黎pasta2個都好好味好忌廉feel不過我鍾意紅汁多d, 易D入口, 冇咁易濟甜品, 燉蛋有D失望...因為.. 佢燒得太LOAN...結果D 焦糖都食唔到但另一個, 係班尼X (唔係好記得個名, )都係D朱古力CAKE 咁LA朋友話食到紅酒味, 但我食唔到不得不提佢個芒果沙冰, 係好FRESH 好清新既味道!唔係得個甜字, 我估真係用芒果做既真係超好飲, 結果大約每人$200好滿足!!不過其實佢SET個價做$188+1 會好D lor...哈哈, 始終加2感覺冇咁好, 雖然為番出黎都係1樣錢

因為要幫朋友攪一個兄弟姐妹既GATHERING, 所以我首選係依喥包場, 4個鐘, WEEKDAY只需$3500, 都幾抵呀。答應過老闆啲野好味就幫佢寫食評, 所以我黎得寫食評咁即係好味啦!店內環境給人有人種好舒服既感覺, 不得不提, 店內的油畫真的很美, 同埋佢地啲staff 超 nice, 所以想係喥推薦俾各位!Welcome Drink我選擇咗FRUIT PUNCH同埋MINT LEMONADE MINT LEMONADE - 初初我都好擔心會好薄荷架, 因為我係一個唔太鍾意薄荷既人, 但見到樓下食家話好飲, 所以一試, 依杯野我都飲咗3-4杯呀, 真係好味喎! 不過我都想係喥同老闆講聲唔好意思, 唔係因為MINT LEMONADE唔好飲, 係因為佢地班人覺得綠色好怪, 冇人敢試, 可能佢地少上openrice睇食評啦! FRUIT PUNCH - 用了新鮮的果肉製成, 讚!Salad and Appetizers芝士元貝焗薯蓉泰式香茅雞翼/ 蜜糖焗雞翼 MIX辣味薯角 拼脆雞件明蝦鮮果沙律芝士元貝焗薯蓉 - 初初我以為係會粉開, 但後尾食落好似有粒粒

幫公司同事搞一個生日會，我和我拍檔在銅鑼灣走遍幾間CAFE，要不是太暗太細，就是老闆職員樣子古怪，其實在OPENRICE都有做RESEARCH, 最後都係選了GEMINI，因為我們第一次上去就讓我們有一個深刻印像，地方整齊乾淨光猛， 第二個印像是不擠逼，五、六百呎的單位，一般CAFE都擠滿枱，他們不是，這點好重要，我們在辦公室擠了一天，實在不想放工再擠。場境佈置也有格調，老闆有很好的品位。我們第一次上去傾談時，是由廚師向我們介紹包場DINNER SET，然後老闆再FOLLOW UP，兩人都很願意介紹包場的食品，他們推介的食品也是不錯，非常有誠意。前菜/ 小食: 辣味薯角 拚脆雞件 ＜﹣﹣不錯但個人覺得不夠辣 泰式香茅雞翼/ 蜜糖焗雞翼 MIX ＜﹣﹣不會太鹹，恰到好處 芝士元貝焗薯蓉 ＜﹣﹣老闆推介，極好味，推介 煙肉芝心脆蝦卷 ＜﹣﹣﹣煙肉芝心好配搭 推介

此小店在我的Waiting list 也有一年多，早前想吃，不過好像裝修，所以轉了吃其他，最近有朋友生日，終於吃了一次了。用了雙子座作店名的小店，的確在附近經過也絕不會發現，此店位於銅鑼灣瘋薯旁邊的大廈上九字樓，其實不難來，不過因為少宣傳，所以不多人知道吧。小店說是cafe，不過沒有sofa，與一般餐廳無大分別，只是特別有一間小房掛畫，自從我入去照相後，見其他人也在小房照相留念，活像一個小景點。店方說是畫是老闆的朋友畫，也廷好看的，但統一點會更好。畫都放滿在小店上，感覺有點像到了一個小型的畫廊裡吃一餐，當然不會因為有點藝術氣氛就會變得寧靜，相反，大家來這兒也是輕鬆地玩樂，所以是廷吵的。星期一至星期五的餐牌上只有三款前菜三款主菜，每天也是這些，所以可以說我們四人就有能力掃menu 了，四人來就有一款要double點了。泰式網紋春卷 配 黑醋汁 – 網紋在那兒? 看不出，春卷送迫得比較實，咬下去的餡料不香，另外，可能個人問題，不喜歡這個汁，聞就不慣了。煙鴨胸櫻豆沙津 – 又來我不愛吃的蔬菜沙律。櫻豆有點像三角豆，咬下去是沒有水份的，其實不太夾也不好吃，菜是多，有些帶苦，整體來說是沒特別。辣

I've taken a liking to upstairs cafes when it comes to having a quiet dinner with a girl friend or two to catch up on recent events. They're relatively cheap, providing a cozy atmosphere, it feels healthier than drinking at an overpriced bar somewhere ridiculously loud, and if the food's good, it's a big bonus. The young waiter was very attentive when I shivered and looked around as I sat at a table facing the air-conditioner on at full blast, he offered to turn it down and turn the gust away f