大鍋口海鮮火鍋店 (Closed)

今日同朋友黎咗聞名嘅大鍋口。等咗半個鐘就有位。加咗48蚊要咗個番茄薯仔豬軟骨湯同埋皮蛋芫西湯。本人比較中意佢嘅番茄湯，夠味。食品種類比起其他任食場算多了。個場都算大，係L型嘅。一入座侍應就比調味盤我地同埋加豉油，調味盤落完就收走。飲品種類都多。特別個自家製竹遮水好好飲。食到一半湯嘅時候侍應會主動黎話加湯。接單同上菜都好快。又會收曬D蝦殼碟…空罐今次嘅雪糕係芋頭牛奶，個人覺得好好味。雪糕配料最正係麻薯粒，唔係度度都有架。服務質素相對其他任食場都係算唔錯嘅，都算物有所值。侍應反應都幾快。舉手叫侍應想要一杯熱水，佢話水未滾，轉頭比我。十零分鐘後佢竟然都仲記得要比杯水我。真係算唔話得了！唯一美中不足嘅就係冷氣唔夠……越食就越熱。希望遲D冷氣會有改善啦…總體幾講，今日嘅待遇都OK。始終百幾蚊街坊價。都冇話想有6星級酒店服務了。

5點半打電話去Book8點兩位，佢話爆左要排walk-in，OK，我諗我太遲Book，佢唔比，咁照上去排隊Walk-in，點知上到佢大把位，兩人台有5張，4人台有N張，大台有N張，而且係無人等緊。你Booking係Full既留啲比walk-in我明白，但你成半個場都吉既，我真係覺得匪夷所思

早前睇食評都略知呢間火煱店職員啲服務態度欠佳！但始終未親身試過體會過...所以都仍然對佢抱著觀望態度...留有餘地！可惜.....到最後仍是令人失望🤦‍♀️首先呢到寫到明食兩個半鐘...但係當有檯叫到我號碼既時候...職員竟然同我講依家18:00...19:30要交檯！當時我已經覺得有點過分！如果吾係等咗半粒鐘...啲朋友已經on the way 嚟緊 join 我...我一定即刻走人！還有...每當需要職員幫忙既時候...我相信係呢間火窩店叫三、五次還是聽不到應該是很平常很普遍的一回事！揮埋手都仍然當睇你唔到...什至乎仲可以理直氣壯係你身邊當你透明咁擦身而過！呢啲真係無言！咁既服務態度有啲似趕客😠不過一樣還一樣，如果吾介意佢哋咁不一樣既服務態度的話...其實佢哋啲食材都吾差！尤其是魚頭同鮮魚片！當日我哋 order 咗個椰子🥥雞🐔湯底都ok幾嘢味！不過約朋友開開心心食餐飯...攪到氣氛咁...怕且都吾會再有下次咯！況且$160火鍋放題真係仲有好多其他選擇！

新年都過左成個月，應該都唔會再點凍。但打邊鑪o既o野，無話一定要凍先打得o既~ 呢間野，叫大鍋口，但係又唔係o係大窩口個wo，唔知點解整個咁o既名……好多人幫襯，walk in 要等好耐。本來未到宵夜時段，但等得o黎都過左9:30pm，平o左$20。湯底叫o左花旗蔘雞湯，諗住下下火，健康d 嘛~ 首先想講豉油蔥乜剩o個d，佢有晒成set o野擺上你檯，等你唔使行出去滭，係方便o既，但問題係佢之後會收番，再加又要再問，特登煩到佢地……上菜老實講都係比較慢，而且職員態度只係一般，不過都有開心理準備，平價火鍋大概都係咁……鮮蝦滑真係幾彈牙，叫左兩round。生猛海蝦ok 大隻，炸響鈴卷同炸魚皮都仆仆脆唔錯。南瓜流心丸同呢個芥末魚皮餃算係比較特別，前者入面有好甜o既南瓜蓉，後者呢唔係d 餡有wasabi 而係層皮，少少芥辣味咁啦，都接受到的。另外點菜紙有個option 叫「是日海鮮」，不過因為d o野o黎o黎去去，點左其實最後都唔知係咩黎……呢類中式平價火鍋竟然有雪糕食，有d surprised！同埋佢飲品除左汽水、jolly shandy 竹蔗茅根呢d standard o野外，仲有lott

寒流又吹襲香港啦真係幾日又轉季啦D衫褲真係要隨機應變好鬼麻煩不過寒流吹襲 打個邊爐暖下胃都係一個唔錯的提議今日落樓下打個隨興邊爐去左荃灣大鴻輝大廈食呢個暖胃邊爐選左大鍋口海鮮火鍋原因係呢間野出名CP值高我都唔係第一次黎架啦所以呢對個Menu都熟如自掌呀今次我選左花其蔘雞湯湯底本人覺得不錯無話有特別的驚喜囉老實講咁的價錢就無可能有頂級的質素架啦但以CP值黎講已經係絕對值得啦海蝦又新鮮肥牛又對板今次仲有個新的芥末魚皮餃叫野黎野又好快可能我閒日去啦加上有book枱又唔洗等位飲品又任飲啤酒有要求的呢就無任飲啦完全係Perfect池啦一個人都係平均$178連加一我係呢到的fans

昨晚是星期一（12/2）24人去打邊爐，去到佢地竟然俾1張大枱和1張細枱，如果照去咁樣安排應該就會膊頭黐住膊頭食得好辛苦，明明我8日前卜講好左要俾3張枱或2張12人枱每枱有2個爐，她説可以我先會卜，真係吾掂這樣服務！之後我地只有14人1張枱忍受迫住食，而其他同事因為這樣安排而感到氣憤走晒，之後侍應還黑面冇禮貌，我地以後都不會去！

琴晚8點幾同幾個fd行經荃灣眾安街，突然講起打邊爐，以前都去過一，兩次，尚算可以，點知，琴晚過程令到好唔愉快，等位都唔係問題，幾經辛苦等到位啦！點知寫好張單，叫左幾次都無人應，果d服務員我相信佢地方應該同情臺灣地震死傷者家屬甘樣，個個黑口黑臉，都唔緊要啦…仲要俾我去洗手間其間聽到有位相信係高級小小女員工係度講地電話，内容講邊張檯客人點樣，邊個同事點樣，一個女人路講，一路加助語詞的粗口，我心想我來食野，有俾錢咖，年尾流流，俾你甘樣講，立刻咩心情都無曬，所以大家去荃灣大鍋口食小心俾人 咀咒全家啊！

第一次寫食評，不過唔係因為佢好好味，係因為服務真係差到無朋友。先講下佢個格局，佢係Ｌ型咁，收銀果就喺最前，可以睇到最前面大約三分一場，但就望唔到最尾三分一至二分一既位置。咁等位果時，都係收銀附近，見到果三分一場啲樓面都好忙咁，咁我同老婆就大約等咗二個半鐘入坐，就坐最入果個AREA。一坐底，見到檯都未抹乾淨，而檯底下面係一大攤水，雖然俾果灘水跣到，但唔緊要，打邊爐唔會預係乾淨，但係最大問題係果度係無人理，真係一個人無，寫好晒紙想搵人落單兼叫湯底，但就舉咗幾分鐘手都無人理，跟住就去中間左右既位置度找嗰三分二場入面唯一一個樓面姐姐，佢就唔耐煩咁問要乜，我老婆就話想落單同叫湯底，佢就好難為咁話：「我唔係跟果度(後面3分1場)喎，不過唔緊要啦，照幫住你啦~」(客又點會知你邊個負責邊度)，我老婆就話返，後面一個人都無，佢就話「佢哋放緊飯，後得一人咋」，同一時間，有個抬住嘢後生仔樓面喺我老婆後面無禮貌咁大喝「睇後！」(本身已經企開咗同個姐姐講嘢)，本能轉身一望，佢個款就黑位個面兼用盤嘢兇我老婆，無禮貌之餘，仲要烚女人。搞到咁氣頂，繼續坐底食都只會食得無癮，結果決定即走，走果下我哋都有同收銀講聲唔食，

攞左飛，兩位第七張，等左五十分鐘，仲等緊，又講唔到要等幾耐，打電話黎訂又話冇位叫人walk in,唉！其實，多人食係好事，但都應該照顧等候者的需要，講到要等幾耐d客就唔使乾等唔上唔落，仲有荃灣店只有八張兩人枱，如果兩個人食就等到天荒地老！

好耐冇打邊爐，呢日同朋友睇完戲，講開想打邊爐就即刻去大鍋口睇睇夜晚十一點幾去到，由於係平日，所以唔洗等位，即刻入得坐低後當然要揀湯底，今次試椰子雞，好香椰子味，正之後就叫配料，蝦、牛肉、墨魚滑、豬頸肉都係必食，仲有芝心丸、響鈴、生根、娃娃菜食物好快就到，不過每次都只比三至四隻蝦，所以鐘意食蝦既我地要不斷入紙飲品方面，選擇比較少，多數都係有汽飲品，如果有檸檬茶就好喇可能因為太夜，已經冇晒竹蔗茅根水，希望下次可以試到啦整體黎講都算抵食，而且坐得好舒服，不過如果weekend黎就記得訂位喇

我食過佐敦嗰間好好，今次去荃灣呢間一去到 明明食兩個半小時，就話食兩小時就有位， 食兩個半小時就要等位，沒有人等位就話我 排第三個，我見一直d 人很食兩小時就可以入座，我以後唔會在來這間食

這次去了大鴻輝(荃灣)中心兩大人氣火鍋店之一的大鍋口海鮮火鍋店和舊同事聚一聚作為一間任食火鍋店, 主要是食物的種類和質素, 有些酒樓出一些平價任食火鍋, 但種類和質素都是差的而這一家任食火鍋店, 算是中至中上的等級, 一開始他們會給你調味料, 拿完後員工會立即拿走, 下圖為調味盒火鍋料方面, 蠻多元化, 有一些是出面很少見(以同價位比較), 例如花膠; 以下為部份火鍋料的照片火鍋料中, 個人比較推介 墨魚滑, 海蝦, 鱔片, 韭菜餃; 不過這家店你至少要早1小時拎飛, 就以我最近一次, 星期五來, 19:45拎飛, 21:15才有位, 大家要有大等位的心理準備如果你能安排到店右面, 就可以看到落地玻璃街景, 而且沒有那麼擠迫; 以下為個人評分表:

都食過好幾次 食物都算正常 都知道星期五六日黎食飯一定好多人 但今次比我睇到 有人打尖 果四位食客同門口果個女人打下招呼 轉頭就可以入去 我地就繼續等餐勁 唔係介意等 但比人擺明打左尖就真係好火滾 我地都係三十幾號飛 人地成四十幾好飛 但人數一樣我唔明我地點解要等咁耐真心好嬲好嬲

又黎到大窩口啦哈哈，我最鍾意食嘅任食火鍋店就係呢間。雖然間間任食火鍋食材都差唔多，但係新鮮少少就已經好大分別。尤其係內臟之類嘅食材，所以我好鍾意你呢間食，其中一個原因係因為佢啲豬潤新鮮，而且似乎用酒癖過味。另外佢啲肥牛都好好味，而且上得好快，唔似有啲放題咁收檔都未黎到齊。佢嘅蔬菜種類都好豐富，飲品亦都係。招呼都唔錯，不過等位要比啲耐性架。不過！ ！有個唔好處就係book位要提早超耐先有位，所以各位想食就提早book啦。

過左晚飯時間 諗住應該冇咁多人等位 點知結果都係一樣各位都係為左個宵夜時段而黎 結果一等就要等到10:30先份入得 餓死左 但食物質素好高 最鍾意食呢度既手打丸 超彈 另人回味無窮 下次一定要book左位先