銀咖哩

Open Now

Now Closed

第一次來銀咖哩是同事介紹的, 這兒的咖哩微辣,而且十分香濃，味道很好，是我食過之中最好味的咖哩，亦適合不太食得辣的人嘗試。此外，銀咖哩的款式又多，例如有海鮮蛋包飯， 吉列豬扒咖哩飯，雞肉咖哩蛋包飯等， 而當中蛋包飯連埋咖哩的味道很夾，有香濃咖哩味之外， 飯和蛋分量也配合得恰到好處，不會太多或太少。至於醬汁方面， 除了有香噴噴的咖哩外，更有蕃茄汁和芝士在蛋包飯的外層，令口感更豐富和層次感。 這兒的價錢又十分大眾化，出品也有一定水準，想試下咖哩又唔喜歡食太辣的朋友，不妨一試。

同朋友經過九龍城，諗唔到食咩，就入廣場搵食。平時食咖喱吉列豬扒飯，今次試新野叫左個咖喱餃子飯，咖喱唔太辣幾好食啱曬啲想食咖喱但又驚辣嘅朋友。餃子煎得幾脆，略嫌太少，餡料都頗足料，多肉汁，同咖喱幾夾，飯嘅份量適中。

九龍城真係好多野食但好多都係泰式野由於個人唔係太頂到泰式個種辣所以都係去左商場度搵野食九龍城商場入面真係唔算多野食得最低個層有幾間餐廳外就得番吉之島想平平地食個lunch唔通又食M記咩見到銀咖哩又唔係貴M記好多 30蚊下都有個飯買左個咖哩雞飯買個時同服務員傾傾下先知原來以前係上面樓層因為要起吉之島 所以搬左落泥九龍城呢間銀咖哩位唔算多一眼都可以望曬 除左轉灣位仲有張卡位外但好得意 又唔洗等位所以我就直接坐左係卡位野食泥啦都係好似其他分店咁 都係用銀盤裝住個人就對呢樣野無咩特別意見 但食到最尾會有D金屬磨擦聲 唔係咁鐘意咖哩汁算多 起碼夠食成個飯飯方面我加左 佢有幾種加法 鬼盛就免費幫你加多少少雞就炸到OK 唔算太硬整體泥講不過不失啦 30蚊係香港仲食到個咖哩飯真係偷笑

而家係香港搵個三字頭既lunch真係愈黎愈難，成日財赤個陣都唔知食咩好，唔通餐餐都食m記杯麵咩，唉。不過之前同幾個好耐無見既friend去左食九龍城廣場個間銀咖喱，一睇個menu其實有少少嚇親，老實講九龍城租唔算貴既，但無諗過普通餐廳仲有平過20文既飯，咁米坐低試下囉。坐低個環境一般啦，同普通快餐店差唔多。 睇下餐牌都幾多選擇，仲有我最愛既蛋包飯同芝士（心心眼），有學生證仲有汽水送添，埋單三十文我覺得幾抵啊！買完佢會比個號碼牌你，跟住等佢黎啦，可能因為個陣唔多人啦，五分鐘之後就黎左啦。相機食先之後就即刻試下啦，初時見到個份量都有d驚食唔飽，不過原來蛋下面d飯都幾大份。講下d芝士先，雖然唔係我最鐘意溶曬個種，不過都幾有奶香，橙黃色咁幾靚lol d蘑菇就不過不失啦，應該都係罐頭菇掛，咁平都唔會話好大期望架啦。 最欣賞係蛋啊！唔會好似有d茶餐廳咁煎到老曬，仲有蛋汁，令到個飯無咁乾。咁叫得銀咖喱最後講下個咖喱啦，佢sell日式咖喱，所以係完全唔辣既，我d怕辣既fd都食到曬，不過我食得辣既就覺得唔夠過癮囉，同埋真係咸左少少，食完都幾口乾，飲曬個杯汽水都仲係好頸渴。不過咁既價錢真心難得，有下次既

叫咗個"銀咖哩飯"冇餸 剩汁送飯的啲汁OK 日本咖哩汁咁 有啲肉碎係啲汁到份量OK,一嚟我叫咗多飯,攞嚟當下午茶一流(如果唔嫌好Dry的話@@)最緊要夠平,只賣$17學生送多杯嘢飲

這間銀咖哩有很多的分店。佢上飯方式很好 不用客人捧著飯找位，而是付錢後由職員送上。送上來的飯 看似份量很小，但是當食下去 會很飽肚。而且咖哩的味道豐富及份量足夠。在免費多飯及可以要辣度 也行值得令人欣賞

4月下旬當其他餐廳人客稀疏, 這裡卻要等位, 何解? 看看價錢就明白了兩人要了一個1.5公斤富士山咖喱飯 $72有無1.5公斤不知道, 但數量其實同2個餐差不多少有太陽蛋一隻、腸2條、漢堡扒一塊和一份炸豬扒食物和咖喱都是預期之內其實我覺得日式咖喱要做得出色是困難的, 不是不好, 而是各大超市的即食咖喱太出色了買一包回家熱了淋在飯上就不輸店子的甚至我有時都懷疑此類咖喱店是否向同一供應商攞貨...

今次招牌日式吉列豬扒飯的質素退步了, 豬扒的皮和肉分開兩層, 最想食的咖喱汁也不多, 而飯的份量夠, 可是咬口嘛嘛. 可是廿幾蚊, 有學生証送埋汽水仲想點呢. 不想費時想食乜時仍然是一個好選擇.

呢間咖喱真係麻麻地好食 夜晚人流不多 只有丁點幾人 鋪頭又幾細下 侍應得一個人 想叫杯水都幾難我叫左吉列咖喱豬扒賣相好似ok甘 但食落卻普普通通 沒有將咖喱味道完全發揮出來 總係覺得咖喱吾夠辣味 再者豬扒皮厚過豬扒本身 實質是沒什麼肉 味道還算ok既 環境質素夠清靜 衛生還算一般 態度良好 

店子面積不大，晚上頗多人等位。點了芝士海鮮蛋包咖喱飯和芝士照燒雞肉蛋包咖喱飯（大辣）。咖喱加芝士是一個很好的組合，不過芝士只是一塊塊的車打芝士，所以只是略為溶化。飯不是珍珠米，而蛋塊煎得OK，只是配料（海鮮和照燒雞肉）都少得可憐，基本上都是大口大口地吃白飯和蛋皮，咖喱就是沒層次的即食咖喱味道。加辣原來只是在側邊加了辣粉，頗辣但很難拌勻。加點的吉列炸蝦（$15）是現成的雪藏貨，即炸但完全沒吸油便奉客，碗底的油多得過份。不過價錢相宜，如果是想吃得飽又要求不高的，是不錯的選擇

二個月前去左個到食咖哩,以前原本係上面,依家變左係下面,我叫左個咖哩炸餃子飯,+$2要芝士,但係唔係幾滿意就係只有汽水,我係極少數之一唔飲汽水的人,又無杯水比你,即係叫我渴死姐,我去攞飯個時塊芝士係一塊個D囉!!我以為係融左個D,真係呆左,D餃子唔係幾好食,D咖哩麻麻地,佢入面加左D牛肉同薯仔碎係唔錯,但係D牛肉碎係細粒到你係睇唔到!

好野做左第一個今天晚餐如下：(p.s.飲品：可樂竟然 “out of stock”…搞到要飲七喜 =__=)基本上兩個都係芝士咖哩蛋包飯, 只不過我地2個人, 一個叫雞肉, 一個叫餃子。這裡的咖哩不辣, 很有日式咖哩的香味, 是會令人想念而再吃的咖哩味道。而我們每次都會叫蛋包飯, 因為它的蛋有蛋香, 而且夠大塊, 可以cover哂成個飯一齊食。至於芝士嘛, 個人喜好, 不過我的那塊芝士不夠熱, 如果可以煮溶一點會更好呢!餃子同雞肉都正正常常。整體來說都幾好味, 喜歡咖哩的朋友可以一試 =)