銀咖哩

Open Now

Now Closed

行過大中唔知食咩好，就入左銀咖喱，之前一直都未食過，諗住咖哩點都唔會難食得去邊。叫左個海鮮蛋包飯試下，40幾蚊，海鮮好少好細粒，蛋唔係滑蛋，而且只係將個蛋煎好放起飯面。個汁係普普通通嘅日式咖哩(冇粒粒嘅洋蔥/紅蘿蔔/薯仔)，冇咩咖哩味，啲飯好乾好硬身，成碟野食落好一般。應該唔會再食...

老麥魚柳包越見縮水，索性俾多啲錢，轉嚟呢度。落咗單，要耐心等一排先有得食。等，係值得，見到個包咁靚仔，魚柳大大塊，香噴噴，包包攞上手又暖又軟熟，醬汁量非常適合少醬族。同老麥一樣，材料都係麵包、魚柳、芝士加醬汁，不過一食入口，呢塊魚柳明顯有口感好多，外脆內軟，冇炸過火，塊魚唔係紙咁薄，有嗰種舊式屋邨快餐店出品的風味。誠意製作，食得開心。

今日勁想食咖哩，就來左大埔中心入面係銀咖喱🤤🤤👍🏻環境幾大幾靚 坐位幾多🤤👍🏻我地叫左個特大咖哩飯一見到哇左出來真係超級大碟👍🏻👍🏻👍🏻👍🏻兩個人食一個特大咖哩飯👍🏻👍🏻👍🏻👍🏻加叫左幾個小食👍🏻特大咖哩飯勁多餸🙌有蛋🙌有腸仔兩條🙌吉列炸豬扒🙌好足料🤤🤤🤤🤤真係好掋食40幾蚊咁多野咖哩汁好香可以簡有辣有唔辣岩哂大人小朋友炸野夠脆夠熱真係值得一試呀

食銀咖哩點都要叫咖哩吉列豬扒飯啦，因為之前食開係幾好食嘅，今次我就加多幾蚊食多條香腸。佢d咖哩味道不錯，而且有d薯仔粒，幾好食。豬扒方面就個炸皮太厚。汽水就比其他快餐店更難飲，完全無氣傢。

同女友行完街，係大埔商場不知食咩好。係食壽司食漢堡包咖喱飯之間，最後去左食呢個銀咖哩飯。感覺天氣凍食呢樣野最穩陣，睇相睇到過好像好大。又講到自己好重量咖哩山飯，買完飛就搵個位坐，上菜快到。點知一睇，圖片仲衰過只可以參考，真係要用一劈野形容。香腸衰過廚師腸好似大陸一蚊一條嗰啲，個塊乾到冇朋友嘅豬扒，硬過塊餅乾，個咖哩就凍嘅，個飯就唔使講啦都係凍，今日天氣得四度，自然叫佢汽水走冰，但你真係估佢唔到，個汽水居然可以係熱嘅。大家如果有興趣我會介紹你試吓打怪獸。

這1.5kg富士山咖喱飯整得真的十分差。先講賣相，真的與相片有很大出入，完全不像山，是一堆扁了的飯。沒有有心機砌出來。店舖內的相片中影的富士山咖喱飯沒有「垃圾食物」如香腸(我一向少吃)這些世衛已評為一級致癌食品，竟然上菜時整了2大條香腸給我嘆。炸豬排的肉質太硬太乾太un(應該是豬排未在完全解凍的情況下下炸的)，而且很油膩，入口難咬開。難怪在繁忙時段也未見過坐滿客人，場商內附近的食店也比這間「銀咖喱」旺場。我和丈夫吃後都打算永不再吃「銀咖喱」。

平時自己一個人都會去食下銀咖喱，因為佢價錢夠平，份量夠大，不過味道就真係好一般。今次我同朋友兩個人去，就挑戰佢個銀咖喱富士山，分量足夠兩個人食有餘。個飯好大，上面有炸豬扒，蛋，漢堡扒，腸仔等等。配料都算多，不過食完真係太濟，如果三個女仔食其實都足夠。

今日係公眾假期間間食肆都好多人等位, 第一次嚟到大埔超級城, 原來呢到分開ABCD區, 每區都有不同食肆, 除非附近都有啲餐廳, 如果唔係都幾難等位, 尤其5位以上, 原本諗住去食茶木, 但等咗15分鐘唔對路, 結果轉場落樓下果層, 見到呢間冇人等位, 裡面又有位就入咗去食, 呢到係自己出去買餐, 之後有侍應攞餐嚟咖喱吉列豬扒飯 - 賣相OK, 味道都唔太差既咖喱牛肉飯 - 賣相OK, 牛肉都好淋, 咖喱味唔太特出咖喱餃子飯 - 餃子皮算薄, 餃子肉都好多汁咖喱海鮮蛋包飯 - 海鮮唔算多, 得魷魚, 味道都係普普通通薯角 -  薯角反而最出色, 好味可樂, 七喜, 美蓮達橙汁 - 3款飲品都冇乜味, 汽水可以做到冇乜味, 都好特別

今日入左大埔...兩點幾咩都未食...就求其搵左間黎食.. 一直認為咖哩飯唔會難食得去邊..但今次逆轉哂我既諗法.... 男朋友點既...衰過啲茶餐廳...成塊芝士就咁整上去...漢堡就係芝士下面..呢個我點...豬排ok既...同樣都係就咁芝士係底...最離奇係呀個蛋包飯...好似係蛋白包飯咁...好奇怪..一啲都唔夾... 啲飯呢...一舊舊咁...真係食落都唔開胃最尾埋單$89... 試過就算....只此一次..

It costed us forty something to have curry chicked rice together with a cup of soft drink. I could get a discount since I am a student. The curry was very very nice and the fried chicken was cooked well. The staff there was polite. We neednt take a lot of time to quene. The experience was fantastic.

今日瞓晏咗又唔知食乜好係商場行下行下，男朋友話想食咖喱咁就食囉我貪心叫咗芝士蛋豬扒咖喱飯，然後轉左地獄極鬼辣男朋友就叫吉列豬扒咖喱飯，加餃子上到嚟係有啲失望嘅，因為個極鬼辣係俾啲辣粉就算…咁樣就要加＄3？？芝士喺片裝芝士仲要冇味蛋熟得滯咖喱冇乜特別，日式咖喱囉豬扒就炸得幾脆，不過麵包糠多咗，口感有啲實豬扒都有肉味冇乜雪味OK嘅跟餐個湯就唔得啦冇乜味嘅蕃茄薯仔湯⋯茶餐廳紅湯比佢更加好味男朋友個餃子就好似超市雪藏嗰啲貨色個皮靭，冇肉汁…好唔得食完一次就算啦

入到銀咖哩 。被餐牌上1.5 kg富士山咖哩飯吸引住 ，咁就叫佢啦。 去買票時 ，收銀姐姐話漢堡排暫停供應 ，叫我哋揀其他的肉類代替 ，我哋揀咗魚柳 。佢哋會畀個號碼牌你， 跟住有人將食物送到你枱面 。嚟到啦 ，賣相跟餐牌上有啲分別，可能冇咗塊漢堡扒啦， 富士山咖哩飯有 : 炸豬扒， 腸仔， 炒蛋同芝士， 太陽蛋， 原本仲有漢堡扒 ，今日我哋揀咗炸魚柳代替， 仲有滿滿的咖哩汁。 咖哩汁裏面有肉碎 ，唔辣， 重甜甜地 ，咖哩汁份量十足 ，加埋太陽蛋炒蛋芝士一齊撈飯， 幾美味 ! 豬扒同魚柳炸得香脆， 腸仔就係一般貨色， 兩個人share食都夠飽 ，平平地的咖哩飯， 都ok㗎!

其實就第一次去銀咖喱食野環境都ok啦佢掛左好多日本的相幾有feel我就點左炸雞咖喱飯 因為有學生證所以可以唔洗錢一杯汽水盛惠32蚊，都叫平啦其實我本身就麻麻地日本咖喱因為我好鍾意食辣野 所以多數都食印度咖喱，泰國咖喱不過因為朋友唔鍾意食辣所以就入去啦 野食黎啦！哈哈個碟好canteen味道係個賣相差左少少姐不過味道唔差啊 新鮮熱辣辣就算d咖喱唔辣我都食得曬一碟！平平地的一個lunch 又有野飲 食得過！

一向喜歡日式咖哩，蛋包飯又係另一心水。平日去開既鋪頭，一個豬扒蛋包飯閒閒地過百蚊，難得呢間銀咖哩，咖哩吉列豬扒飯先$3x蚊豬扒飯本身冇蛋既，要另外加錢買。但好奇怪，只係得芝士蛋奄列，冇齋蛋奄列，結果店員姐姐教我買芝士奄列走芝士。 豬扒大大塊，咖哩汁睇落有d小，但都足夠撈哂成個飯。咖哩汁甜甜地，差不多完全唔辣，亦唔算杰，裡面有小小肉碎，幾小塊薯仔紅蘿蔔。蛋煎得有點老，但勝在份量足。豬扒非常香脆，但脆漿比豬扒厚，但因為炸得夠脆，配搭咖哩飯仍然很美味。唯一美中不足既係，飯量很細，女士還好，男士一定唔夠喉。

銀咖哩一間帶比你正宗日式咖哩的日式飯店， 我由2012年開始認識到而家， 味道從未變過， 每次都將我的味蕾由香港帶到日本。每逢同朋友揾食時經過銀咖喱， 我都一定會推介比朋友， 叫佢地試下芝士吉豬蛋包飯同漢堡包餐前者 - 芝士吉豬蛋包飯飯上放上奄列蛋， 蛋上放上吉豬， 再蓋上芝士， 並加上咖喱汁。吉豬入口非常香脆， 濃郁既芝士溶入吉豬的脆皮上，更能帶出吉豬既味道，混合少甜既日式咖哩汁並加少少奄列蛋飯，真係以為自己去左日本。後者-漢堡包餐 餐內有飲品，薯皇同份量適中既漢堡 ， 非常扺， 只需$28 賣相方面真係非常不吸引， 但食落非常真材實料， 係有心做既漢堡作品， 既叫既整包應該係嘉頓面包， 上面有芝麻果款內裏既漢堡有一定既厚，內裏肉汁豐富，一路食肉汁一路流， 絕非m 快餐店內既超薄，乾身牛肉乾， 淋了少少醬汁， 加入雞蛋芝士一齊食正到冇朋友