堅信號上海生煎皇 (花園街) (Closed)

由於食過幾次，覺得應該介紹俾大家去試吓，因為小弟平時介紹其他國家款式嘅美食多啲，今次就介紹呢間上海嘢俾大家嘞😉佢哋主打嘅生煎包真係無得輸，每次食都維持到水準，其他食品嘅味道亦蠻出色，食香味型俱全㗎！好多人都應該知道堅信號上海生煎皇係藝人蕭潤邦開設的上海生煎包店，曾親身跟上海師傅學師，為食客呈獻正宗上海生煎包，誠意十足👍🏽店裏除了有為人熟悉的生煎包之外，亦提供不少款式家常菜，還有供應各式飯麵及小食，每款分量適中；而且亦會有套餐供應，就算一個人食都啱啱好，叫多幾款，三、四口子一齊食都幾化算㗎！為咗食客，佢哋會奉上水準一流的上海風味選擇，將地道的上海菜式品味發揮至極緻，帶來嚐味地道上海菜的不二之選呀！

旺角比較少中菜餐廳，今天看到這間生煎包店，就想進去試試「生煎包」第一次試這間的生煎包，一碟四隻大大隻，內口是超級熱，真係新鮮熱辣，吃時要小心先小小咬一口把內裏的湯先放出來後才慢慢品賞，包內肉質新嫩，肉湯是超鮮甜😋令人很想一喝再喝，包外皮底部脆脆地，不錯👍🏻「酸菜魚」這酸菜魚是驚喜的好吃，辣度不是很強，很合適喜歡吃辣但又不能吃太辣的我😂 酸辣的比較調配得剛剛好👍🏻還有少少甜味，這味道我十分欣賞，是和別家的店有點不同的，而且魚肉也爽口彈牙，也有七至八塊，份量不少😋底部加上薯粉，薯粉吸收了我很喜歡的湯，好味又飽肚😋「豬扒飯」這豬扒飯的豬扒是超級的厚👍🏻👍🏻啖啖肉，加上甜甜的汁，很開胃總結最喜歡的是酸菜魚😋這店質素不錯

突然好想食生煎包，買左呢間好似都幾出名嘅生煎包，外賣自取有優惠（$30有4隻）内附一包醬汁🤩每一隻生煎包都有2種芝麻 黑芝麻白芝麻加重香氣🤤每隻底部都會煎到焦焦的脆脆的🤤🤤 每次食都會有少少狼狽，一咬落去爆汁，熱乎乎嘅湯一咬就泌晒出黎，成日流走晒都食唔晒佢啲精華😕湯汁超熱唔可以一啖食晒佢皮薄饀靚 ，先咬一啖，小口小口品嘗湯汁同精華， 而肉饀都好juicy，底部脆脆地，2種唔同口感夾埋超好食😋😋😋

今日食上海菜，嚟到非常出名嘅生煎包專門店「堅信號上海生煎包」。雖則係咁，小編其實都係第一次食😂一路以為淨係得生煎包小籠包食，原來又有涼伴小食、又有上海湯麵、菜飯、粗炒😍而且質素好唔錯。著重服務的小編😎必須讚當日lunch time一男一女店員之勤快、禮貌、主動又不突兀，令整個用餐體驗好舒服愉快，呢個熱誠好難得。生煎真好正。堅信號生煎包不愧為招牌菜，超級juicy爆汁🤣要小心啲食，因為彈到周圍都係😂湯汁鮮甜，皮唔漿口，包底脆脆的。擔擔麵有花生醬麻醬香味，唔算極濃所以唔膩，微辣有肉碎，麵質可以，爽口唔會過淋。豆漿豆味重，上枱暖暖地唔會熱到飲唔到，幾貼心。有落糖調味，只係小編唔太好甜🤪如果甜度低啲更完美。好大一碟回鍋肉粗炒🤩對辦足料，有齊青紅椒、腩肉片、菇、椰菜，炒起真係好香😘粗炒啲鑊氣味一流😁小編重口味啲，私心調味方面加多些少豆瓣醬更好。胡麻醬拌茄子性價比高啊！估唔到會擺盤咁有心思🤣茄子🍆 保持咬口，中間有纖維感，無overcook到軟爛。

放半日假去食個平靚正下午茶餐，我都覺得自己好識歎😆本身都唔貴，下午茶仲更加抵👀選擇困難可以睇下龍虎榜😆🍜四川擔擔麵$32看著🌶辣醬不少，其實辣度平易近人，感覺更著重🥜碎花生和花生醬帶出的甜香，湯底濃厚，麵條幼滑細緻🤤加配🥒麻辣青瓜$8透心涼的微辣小食，很解膩🤗配🌶酸辣湯+$13以肉絲、木耳絲、豆腐、香醋製成，簡簡單單也能辣得過癮👍🏻 喝著身體會變暖，入冬佳品🔥（其實我夏天也愛喝）🙈🥯堅信號上海生煎包（4個）$28招牌菜‼️包底香脆，肉餡很新鮮香甜，最緊要係爆汁😍 不過要小心淥親♨️枱上有memo教正確食法，仲寫得好幽默🤣加配🥟紅油抄手（3粒）$12抄手皮通透滑溜，肉質鮮嫩多汁，那如靈魂一般的辣椒油更是不可或缺😋唯一缺點是單數🤔吃太慢的話第二件就會被朋友奪走了（？）

話說早兩日好掛住堅信號既厚切豬扒菜飯，點知...變成被笑到臉黃之夜！只怪年輕人，就是衰衝動！說回正題，由於食指大動，老遠都開車到旺角。一衝到門口！見到抗疫優惠套餐，心諗良心老闆啊！咁難得同香港人共渡時艱！再睇外賣9折？咁抵！我決定支持你抗疫！冇睇價錢就同門口果位姐姐講！外賣呀唔該😍😍😍我：外賣俾個E，飲熱茶，再加4個生煎包呀，唔該😉😉姐：好，百一呀我：百一？計左9折架啦？姐：你果d全部優惠野，冇折架啦！我：（心諗）岩既，共渡時艱麻，你平俾我，我都冇可能食你隻車俾完錢咪係到等！點解點解天要咁殘忍！要俾我見到個正價餐牌！我個飯價值竟然係$54😳😳😳可能杯茶好貴呢😌咩話？$12蚊！可能個蘿蔔好正呢，餐牌冇得叫架！係良心老闆同我地共同抗疫先有架👍🏻👍🏻👍🏻計計下，我都係比個正價餐牌俾多左$18.6，抵啦！我一路等一路有同路人抗疫！老闆，你有抗疫優惠！我地實支持你架！最後.........最後.........我得到6條蘿蔔條原來...一切都是一場夢！不過我係唔會夢醒架！尼個世界點會有人用抗疫黎搵錢，點會有人大大隻字寫住優惠但係比正價餐牌貴！係唔會架！人地明星黎架麻，點會呃人架🤨🤨唔會唔會唔會架

好好味堅信號 旺角正宗上海生煎包店堅信號啲生煎包細細粒皮薄餡靚 一啖咬落去肉汁會流出嚟所以要細細膽生煎包皮煎到焦香味到金黃色 裏面充滿豬肉汁豬肉味濃郁 包內的肉圓大大粒 肉質鬆化豬肉味濃郁 咬落口感適中 食完一粒又想食一粒 我個人覺得總共叫四粒就最適合酸辣湯雲吞 雲吞細細粒一碗有六粒手工雲吞全部都捉料雲吞蝦肉札特 個酸辣湯好惹味好足料 飲落去冬菇大大嚿兩隻雞中翼 煎到香脆嫩滑鎖住雞肉的肉質 味道i like最後叫番杯即磨的熱豆漿又係完美的一餐

今日午餐經過堅信號上海生煎皇，鍾意食生煎包的我，決定入去試一試。午餐叫咗雪菜黃魚湯麵餐，跟兩隻堅信號上海生煎包及熱抹香綠茶。生煎包爆汁，食咗先見到原來枱面有溫馨提示，教我哋正確嘅食生煎包方法😅😅主菜雪菜黃魚湯麵嚟啦，條黃魚煎左十分香，啖啖肉好正，湯底亦有清甜嘅魚湯味，食完啲餐成個人醒神晒，繼續努力工作🤣🤣

今次同3個同事嚟食lunch分別叫左擔擔麵 豬扒炒粗 黑椒雞扒飯 厚切豬扒菜飯同埋今次事件嘅主角 亦係呢度嘅招牌 — 生煎包擔擔麵同雞扒飯相對比較普通豬扒正 炒粗就油左少少 食完碟底都幾多油菜飯就淡口啲 配埋個厚切豬扒好滿足講返今次嘅主角先 睇相都見到咬左一半都仲有勁多汁其實餐廳有教點樣食咬一個窿流咗啲湯汁出嚟先至食如果唔係可能會有危險而今次呢個意外正正係我面前發生咗同事B冇留意 一野就咬落個包度啲汁就直射去對面同事C塊面 仲射到好應 中晒嗰隻而C就正正係B嘅部門阿頭坐喺B隔離嘅我全程睇住條水柱射出嚟我又衰嘅 一見到就忍唔住大笑左搞到附近啲人望晒過嚟老尷到飛起🤣🤣🤣🤣（sorry我唔應該笑）好彩我地唔係個包一上枱就食咋如果趁熱食仲大鑊🙈🙈

好耐冇飛上海啦 突然之間好掛住生煎包既味道 所以喺旺角搵左堅信號試吓啦有藝人加持 所以夜晚都幾多人食😍晚市超值套餐芝麻醬五彩伴冷麵 $69雞絲火腿絲蟹柳絲甘筍絲青瓜絲好耐無食過冷麵，真係好有懷舊既感覺，芝麻醬配冷麵真係絕配，再加上配料切絲增加口感！值得推介！堅信號生煎包 2個食得上海野，生煎包先係精髓所在！好耐冇試過咬入口既生煎包會爆汁，小燶既外皮再加上多汁既內涵，無得彈！鮑汁生菜🥬生菜都尚算新鮮，不過記得叫多汁，略嫌鮑汁太小了！麻辣酸菜魚中辣 $58 季節限定一開頭我以為剩係得好多酸菜同魚 原來入邊仲有薯粉啦金菇豆腐等等配料 成件事即加抵食左！ 嗌中辣岩岩 好多麻椒係入面 而且啲魚唔會好腥仲要無骨添😋

之前都聽過呢間生煎包店，但係冇諗過特別去試～ 今日行完街搵餐廳食嘢時，原本諗住食隔離嗰間上海野，點知行多幾步見到呢間，就俾佢個生煎包海報吸引咗，入咗去試啦三個人叫左好多嘢食，又上海粗炒，回鍋肉+菜飯，四川擔擔面，厚切豬扒，小籠包同埋當然唔少得俾佢吸引入去試嘅招牌生煎包啦！！我自己覺得樣樣都好好味，尤其是個生煎包的確好好味多汁皮又脆擔擔面都好推介好香花生味同帶少少麻辣味，面又彈牙臨走時見到個招牌，好想試個粢飯，好想買返去做早餐，但係好可惜日頭先有賣...唯有等下次有機會再試啦！仲有特別要提下，覺得舖頭嘅服務員，態度好好，好有禮貌

行過旺角搵食，突然好想食生煎包，同一條街有幾間選擇，見到堅信號有酸菜魚，一於入去試試生煎包上台，唔會油淋淋一口咬下去，脆口兼且有肉汁雖然肉涵唔夠鬆軟，但已經合格（好懷念上海的味道⋯⋯）酸菜魚粉，辣味自選，魚肉尚可，粉條Q口，尚可。星期日中午冇套餐，上述兩客加罐可樂，$90抵唔抵食見人見志

放假前，就約咗朋友去旺角一間生煎包專門店到食飯，之前已經聽過呢個名，但就冇去食過，於是今次難得有機會就去食，果然非常之受歡迎，全場爆滿，好彩我哋等咗一陣就有位。佢地有晚市套餐，可以以較優惠嘅價錢食到一款主菜、一款小食、蔬菜同飲品，於是我哋都揀咗一個餐。.堅信號生煎包嚟到呢度當然要試吓佢呢度最出名嘅生煎包，見到枱枱都有叫，令我更加想試吓係咪真係咁好味。生煎包送到上嚟熱辣辣，上面黐左沖粒同黑芝麻所以入口嘅味道更加香口。用四個字形容「肉汁豐富」，先咬一細啖，就會發現入面充滿肉汁，先飲肉汁口食包，個包底部剪得非常香脆，加埋甘香鮮甜嘅肉汁同餡料，整體感覺非常好味，果然係呢度嘅鎮店之寶。可以話係呢到必試嘅美食。鮑汁生菜生菜青嫩又新鮮，非常爽口。厚切豬扒配孜然雞中翼菜飯厚切豬扒有豐富嘅蜜汁甜香，雞翼同豬扒都炸得肉嫩惹味，菜飯飯粒煙煙韌韌加埋爽口嘅菜粒，口感豐富。茉香綠茶而家天氣清涼，嘆番杯熱茶個胃舒服晒，甘香消滯。堅信號上海小籠包呢度嘅另一個主打就係上海小籠包，皮薄餡靚，餡料飽滿，肉碎鮮甜，肉汁豐腴，食之前配上陳醋同薑絲，提味昇華。麻辣酸菜魚而家仲新出左麻辣酸菜魚，可以自由揀辣度，我哋揀咗小辣，湯底

之前都聽過堅信號上海生煎皇，今次就去左試呢間專門店。鋪頭門口好易認，仲有個位負責專做外賣，裹面位置兩邊貼牆，未算闊落，但都坐得舒服。上菜個陣食物都熱辣辣，上菜速度都好快！ 整體不錯！食物就叫左厚切豬扒粗炒，小食就叫左皮蛋豆腐同蒜泥白肉。皮蛋豆腐，皮蛋粒再加豉油同蔥花ge醬汁好香，皮蛋粒雖然望落唔多但食落都好香。豆腐切得好夠薄，而且非常滑,，一啖食哂皮蛋同豆腐，啱啱好。蒜泥白肉，蒜泥份量超多，上面再鋪左D蔥花。啱哂鍾意蒜香嘅食客，再配埋少少辣ge汁，食落相當過癮，肉質爽口，調味相當出色！厚切豬扒粗炒，份量都幾大份，連埋少少雜菜。厚切豬扒切開左一件件方便食，切開左都有差唔多7至8件大大件，肉質不錯，唔會太韌或者鞋口。雖然係厚切豬扒，但內外熟ge程度都一樣。粗炒唔算太油，條條分明。食完飲番啖 豆漿, 清一清個口,即時爽哂!

因為好耐冇食過有水準嘅小籠包，今次同朋友就去左堅信號上海生煎皇。旺角店地點都好就腳，鋪頭唔算大，位置都充足，但食飯時間都會坐滿。食物就叫左厚切豬扒粗炒加配軟夾包。份量大，一個人會食唔唒厚切豬扒味道偏甜，肉質唔錯，唔會太乾，有D部份仲有少少筋同脂肪. 而粗炒嘅麵冇散開或者斷哂，炒得都夠火侯。軟夾包就一定要趁熱食，軟諗諗，食落暖笠笠。凍左就會變得比較硬。而小籠包雖然唔小心擺耐左，但係裹面因為湯汁夠，食落都仲暖暖地。小籠包嘅皮唔粉唔厚，咬落連湯汁同肉餡，非常滑溜，值得一讚！生煎包平時見嘅都係偏偏地，但呢到嘅就好似一個波咁，好得意。一啖咬落去，D汁爆唒出黎仲好熱，食落一陣油香，肉質嫩滑。但係食個陣食一定要小心！！！凍豆漿味道正常，唔會好甜或者太淡~