堅信號上海生煎皇 (欣榮商場)

Open Now

Now Closed

今次叫咗兩個午市套餐食，一個係上海粗炒套餐，另一個係糖醋脆黃魚菜飯。佢每一份套餐可以揀小食，我一款揀咗花雕醉雞翼，我覺得佢好入味而且酒味好夠，凍啲會更加好食。另外一款小食叫咗生煎包，有肉汁而且個底剪得好脆。主食係粗炒，份量好多好濃味，我習慣咗配豆瓣醬，加咗豆瓣醬食好正。另一款係糖醋脆黃魚菜飯，糖醋黃魚無骨，炸粉好薄好多肉，好正。飲品揀咗熱豆漿，都係加兩蚊，今次係外賣自取，留意番外賣都要加返$3，因為佢都有幾個盒，不過整體都抵食既。

都唔駛介紹，應該大部分人都識呢間野。就有得堂食，告別外賣同係屋企煮飯洗碗的日子，都幾興奮，襯前晚係屋企附近幫襯下外賣。記得幾年前係旺角分店食過令人驚喜的豬扒，今日再試豬扒擔擔麵，還能保持水準，特別係擔擔麵，同唔會太過辣太強烈嘅湯底，唔似勁食花生醬底。不過，生煎包才是真心做得好，放左一陣先食，仲係有肉汁噴出來，整體還可以保持到剛剛煎起嘅狀態，老實講，仲有外賣折幾好，我欣賞反而係佢唔會係做左連鎖店之後做得求其，至少唔會食到火滾。

今日要去土瓜灣，琴晚睇定土瓜灣有咩好食，見到有生煎包食，食評亦不錯，可惜食過今次後唔會再食！去到職員態度好好，有比熱水洗食具，有提供口罩紙袋，自助點餐，唔錯！最後點左個午市套餐，豬扒菜飯，再套餐價加多兩粒必試生煎包，承惠$62先上兩粒生煎包，職員有細心提醒小心比包內熱湯辣親，好細心，但我始終都係辣親😅😅食完生煎包，豬扒菜飯仍未上，聽到職員有催廚房，最後嚟到職員都有講唔好意思，見到上碟時，豬扒每舊都有紅色，因為始終係豬肉，我真係唔敢食，即刻同職員講，佢話係咁，但係係熟嘅，我再三話你幫我淨係翻熱，令豬扒再熟d,我先食菜飯，最後佢拎左入廚房幫我加熱。豬扒再次上碟，確實比之前深色返，所以我當然照食，一食落，感覺唔好味，好似醃左好耐，唔好味，所以算，唔再食，可能唔啱自己口味，咁就諗住繼續食埋個菜飯就算，食到差唔到7成，見到一條好長好粗嘅頭髮！乜胃口都無，已經再開解唔到自己😩😩😩我要走了！只好同自己講，沒有下次！始終生煎包專門店都係食返生煎包穩陣

因為疫情關係，時間差唔多接近六點，所以冇經思索嘅情況下試了這間上海店，店員有禮地介紹了下午茶套餐，我們點了上海粗炒及擔擔麵再加兩碗酸辣湯、小籠包、生煎包。來了這個擔擔麵真的一試難忘，這擔擔麵已經超越了難食的評價，人生第一次嚐到比糖水更甜的擔擔麵，我們吃了幾口便放棄了，再來的上海粗炒是跟茶餐廳水準差不多就是難食，跟着的酸辣湯渴撻撻生粉水一樣也放棄了，小籠包不提也罷。而什麼代表作生煎包也是監生加了大量熱湯入包裏面，希望令食客有錯覺以為好食，其實只是跟大陸食店的小把戲，不好吃加上弄污你的衣物。帶了太太來光顧這店，食後有點像愧對家人的感覺！永不再來！

自從上次喺屯門食過一次，估唔到小店嘅小籠包都咁好食😋，原來已經有好多間分店，今日喺土瓜灣見到即刻買返個外賣🥡先！堅信號豬扒菜飯🍚🐷➕配涼拌➕茉香綠茶🍵 $65跟餐追加左粒小籠包🍲食$10額外買多兩粒$18😆（涼拌麻辣海帶絲拼蓮藕片~唔記得影🤪)疫情咁嚴重，梗係外賣穩陣🤪, 發小籠包外賣返到嚟都仲好好味😋，超多汁冇令我失望。一個人要食四個先夠喉😆個菜飯俾我想像中少菜😮‍💨，可能係因為菜價高企，不過菜🥬外賣回來都keep住青綠，飯都粒粒分明👍🏻個豬扒好好味，甜甜哋好入味👍🏻，肉質軟稔，而且冇骨，啱晒我口味😆杯茶🍵就不過不失，普通茶一杯。價錢🌟🌟🌟味道🌟🌟🌟🌟🌟

疫情嘅持續令到晚市堂食繼續被禁, 真係令人覺得好灰暗, 唯有不停發掘唔同嘅外賣啦。記得第一次食🔸堅信號🔸時就覺得價錢比較平, 不過隨住越嚟越多分店, 價錢亦都相對地提高咗。🥢 晚市套餐-外婆紅燒肉菜飯配上海醬蘿蔔紅燒肉有5-6 塊, 肥瘦適中, 不過肉質偏乾, 醬汁帶有甜酸味, 好惹味, 用嚟餸飯好好食。上海醬蘿蔔醃得好入味, 咬落口好爽脆。🥟 堅信號生煎包呢度嘅生煎包整得好好食, 皮薄多汁, 第一啖咬落去就飛曬d 肉汁出嚟, 而d 肉好新鮮軟腍, 真係好好食。💭 整體食物都幾好, 不過價錢略嫌有少少貴。

今日去開土瓜灣做嘢，收工經過見到呢間堅信號生煎包，都幾多人等外賣，見到外賣自取單點有八五折，都幾抵喎，所以諗住試吓😋最後叫咗佢嘅晚餐 - 上海粗炒 配 上海醬蘿蔔$58 包埋一杯熱嘅特選茉香熱綠茶🍵當然要追加一個小食 $10 灌湯小籠包而家外賣單點都有八五折，所以叫咗佢哋嘅招牌生煎包 (4個)$36環境質素🏚：🟢🟢🟢🟢⚪️衛生程度🧽：🟢🟢🟢🟢🟢美味程度😋：🟢🟢🟢🟢🟢抵食指數🤩：🟢🟢🟢🟢⚪️回頭指數🤩：🟢🟢🟢🟢🟢小總結📝：佢嘅上海粗炒有少少油膩，小籠包同生煎包都好多汁，堅好味😋上菜速度都好快👍🏻外賣另外收多$3

今日夜晚外賣晚餐經過堅信號生煎皇門口突然間好想喝酸辣湯大大碗酸辣湯配5件餃子$28真係好抵食！酸辣湯，酸辣度適中，湯料十足另外在嗌咗招牌生煎包$36/4件包內超級多汁，外皮一啲都唔硬，好味😋同秘製豬扒菜飯套餐配凍豆漿$69

路經此地，見到有上海舖，裝潢幾光亮，就入去試下。先點佢個招牌爆汁小籠包，勁熱上碟，個皮好薄，好juicy，真係會爆汁！好好食！值得推介！再試左佢新出酸菜魚，不過同平時食嘅唔係好同味，偏咸，有點失望。再叫左個餃子湯麵，個皮厚左少少，但湯算濃的，麵好食。飲返杯潤熱飲就岩岩好，桂圓紅棗茶，都多料的～

土瓜灣區沒有什麼上海嘢，見到開咗一間上海東西，當然要去試吓啦。嗌咗最基本菜式四川擔擔麵，睇吓佢嘅功力。味道係夠濃嘅，亦都有花生嘅香味，呢個我哋都覺得唔錯，幾滿意。而且都唔算辛辣，係港式嘅口味。跟住散叫咗一份豬手，非常之淋，入口基本上係即溶咁滯，而且味道都好足夠，但係就覺得有少少鹹咗啲，如果攞嚟配清湯麵嘅話，就很好。不過我就覺得有少少貴，因為三舊要$42 .當然仲要試埋佢話係招牌嘅生煎包。真係好新鮮滾熱辣，咬咗一啖，出煙嘅，而且啲汁真係爆咗出嚟，淺左落個枱面度。佢嘅肉汁係非常之多，亦都鮮甜，配少少醋，覺得好食！呢間野味道係唔錯嘅，座位就比較普通快餐嘅形式。服務方面就非常之好，你一入嚟佢會話歡迎光臨，叫嘢食問嘢等等， 侍應亦都會衝過嚟幫你，而且態度非常之好。感覺喺呢一方面嘅訓練係做到非常之足。整體來講，因為座位坐得比較普通，有點窄，以呢個價錢來講就覺得有少少貴，不過味道就幾好食嘅，間唔中食都可以。

路過見到有想食的生煎包就入去食個下午茶先 ...點了客四川擔擔麵下午茶 (HK$36)轉凍豆漿 +HK$2 再追加多多 2 隻生煎包 +HK$12擔擔麵上面有很多豬肉碎醬汁帶點甜和少少辣，還有點花生粒，很惹味剛煎好的生煎包熱騰騰，底部煎到很脆裡面的肉餡香甜鮮嫩，湯汁飽滿，食的時候小心湯汁四濺 ...** 以上分享是以我的口味、體質和情況作出分享及感受，一試 / 合用與否請自行決定

呢間最近開咗好多分店，佢哋嘅生煎包做到好多汁，一咬落去係會爆汁嘅，所以食嘅時候要咬一細啖先，吸晒啲汁出嚟先。✨✨生煎包個底煎得好好✨😊，就算擺耐咗都係好脆嘅(*≧ω≦)真係必食生煎包❤️❤️

一路都有食開堅信號生煎皇嘅生煎包，貪佢肉汁豐腴，肉餡鮮嫩，每個包都熱辣辣，食完一個真係會停唔到口，一件接一件，真係、抵讚！今次分兩個order叫咗一打半生煎包外賣，拎外賣時自己擺烏龍，幸得分店兩位負責人（經理及主任）熱心幫助，圓滿解決！實在好滿意，希望貴店生意蒸蒸日上！生意興隆！

芝士龍蝦🦞小籠包外皮相對厚身，能夠好好鎖住大量既湯汁💦，肉汁有濃濃既芝士味😋，變相龍蝦既味道就無咁特出！好味指數: 6.5豬扒四川擔擔麵 🍜除咗麻醬，佢哋亦放咗唔少花生碎🥜，未食都聞到好大陣香味😋！雖然肉碎份量唔多，但配有豬扒🥩，最值得一提，佢哋有搽唔少既蜜汁🍯，肥瘦均勻，食落唔會太干🤤！好味指數：7

新店開張不久，想去試下生煎包定價中等，不算太抵食。環境迫狹，店內嘈吵。冷氣超凍。而且需要服務時，好耐都無店員幫手。其中一名店員對客無禮。試試生煎包，生煎包果然爆汁，可以從圖中所見，一咬會噴汁出黎，直情會噴到桌面，而且生煎包是放在煎Pan 上，所以是熱呼呼的。生煎包上的黑白芝麻令外皮更香口，而且底部有少少燶，好好食。內裡是肉和滿滿的肉汁帶油，味道不錯。不過幾好食都好，態度差都是不能接受的。新店開張，可能未上手，但唔代表要責罵客人，非常差勁。嗌野食落單時，在餐單上寫左豆漿走冰，但年紀較大的男店員就態度很差的話「唔洗寫走冰架，呢度都唔落冰。」咁作為客人又點會知呢？另外，其他較年輕的店員都正正常常，但唯獨是那位中年樓面態度差。食完埋單，同佢講話個位有啲凍，冷氣好大。佢就語氣惡劣的話「話熱又話熱，開冷氣又話凍，而家真係好難服侍」親耳聽住咁樣講話「好難服侍」。請問而家咩態度？點解要咁惡去話客人呢？人地善意提醒，就要話客人好難服侍架喇咩？希望店方多加留意店員態度。