銀座神樂屋 (Closed)

原本打算跟朋友去七福吃晚餐，但沒位了，所以到樓下一樓神樂屋食，點知所謂的酒店日本餐廳食物及服務太差。1）員工，我地一坐低，朋友問我食唔食火鍋，我話怕肥所以問侍應可唔可以獨立叫餸唔食火鍋，個侍應話可以，咁我地叫佢幫我地落單，點知佢比左疊白紙仔同支鉛筆我地，叫我地自己寫號碼上去落單，我朋友叫佢幫我地落單，個侍應繼續推枱上的紙同筆比我叫我自己寫。當堂呆左，酒店日本餐廳用張細紙仔落單我真係未見過。另外又漏單。2）食物，燒帶子竟然是辣的而且無鮮味.....清酒蜆也沒有味，連酒味都無。䓤吞拿魚壽司D紫菜韌嘅。蝦天婦羅味道一般，未食完就比個侍應收左D天婦羅汁，又問佢再攞過，但就無蓉同薑，算了，都可以照食。最攪笑係餃子好耐都未黎，我地催下，點知佢話唔好意思，餃子煎燶左，要再煎過，我唔知講咩好，唯有埋單。3）叫埋單時係另外一個侍應，點知到比錢時至同我地講我地未食火鍋都係要比火鍋放題一個價錢，fine, 價錢唔係重點，重點係點解之前個侍應唔同我地講清楚呢？又話可以只叫單點。跟住呢位侍應話頭先個侍應中文唔好，英文好D，我反問咁佢點解唔同我講英文呢咁？雖然我地無查清楚晚市只有放題，但我相信餐廳有必要提醒及解釋

約埋幾位好友到灣仔駱克道既日式料理，打邊爐放題。打邊爐最緊要有好既牛肉，對於我地來講打邊爐無分季節，一年四季都會食的！清清地既昆布湯是使用北海道日高出產的昆布煮成傳統的清湯底，配牛類，海鮮都能突顯味道卻不會被湯底遮蓋味道，這就是我們喜歡昆布的地方了！價錢分別為$228，$268，368。我地簡左個$368(美國產牛小排，嚴選牛肩胛，嚴選豚)牛厚薄度岩岩好，好大塊，每盤大約有5塊肉，我地瘋狂食牛，$368任叫任食真係好抵食，而且賣相與味道一樣咁靚咁正，牛味香濃大塊不柴口。 自助吧比大家調醬油，蔬菜吧豆腐，豆卜，蘿蔔，幾款菜，丸，樣樣新鮮。其實仲有串燒，壽司，刺身，天婦羅等等小食任叫任食架，咁多選擇又好食，所以我地覺得呢度物超所值，值得再來！  

千萬不要以為你在洒店食日本餐就有酒店的級數，那樣想的話，你會很失望。人手超級不足，烏冬湯底超鹹。牛肉烏東的牛肉超肥，壽司嘅紫菜林晒同係超市買嘅冇分別。今日食個烏冬，海老林曬，中間有個鍋蛋，佢連雞殼都送埋比我。真係多謝曬。價格算是便宜的，地方也寬闊，一個烏東大概$80至＄90。如果套餐有埋壽司、蒸蛋或者天婦羅，大概另加20至＄40不等。相信大概不會是日本人管理的吧，所以質素才這麼令人失望。當然如果你要一餐飽肚的港式日本菜，它算是可以滿足你的。

一提放題就會諗起限時。想食飽啲但又想一邊傾偈慢慢坐，唔係好多放題都可以做得到。要不就俾貴啲去食自助餐，要不就來銀座神樂屋。這裡，除了放題魚生刺身，熟食，改名後還加了火鍋放題。真心覺得正！改名之前都已經來過好幾次。除了感覺自己用白紙寫紙仔order食物騎呢一點之外，大致上都係感覺正面的。服務好，就除夕夜同家人去了晚飯，覺得服務人員都很有禮貌之外，他們也很細心，亦有耐性。環境及人流方面，餐廳在一間中資酒店內，可能洋人節日影響唔到佢哋，所以放題沒有乞人憎地做兩輪，冇分section, 六點去食到十點離開，食到飽，傾到飽先再去倒數。人不多，很好坐。始終有返酒店水準，衛生程度亦很令人滿意。而且也照顧到有BB的客人，有嬰兒換片室，地方闊落。食物方面，很好，食物洗得很乾淨，放得整齊又有次序，沒有打仗的感覺。火鍋肉類係同侍應order嘅，所以更加衛生，沒有放在岀面自己夾到岀晒血水的情況。(自助韓燒經常見到岀晒血水的肉類放岀來)所以肉類一落order即刻刨就好靚仔。火鍋以外嘅食物種類冇以前多完化，但現在加入肉類火鍋放題，所以重點都係去返火鍋上。其他火鍋鍋物自己岀去夾，你想像到的日式配料大致上都有。我自己

同事升職加薪，當然少不了請吃飯。老細決定到灣仔一酒店內的日本餐廳請吃午餐。由於是午飯時段，等位的人很多，幸好我們一早訂了位(六位以上才可以訂位)才不用輪候。打開餐牌，套餐的款式也頗多，價錢也合理，於是點了一客牛肉湯鳥冬拼六件壽司定食。過了一會兒，定食已經上桌。嘩! 份量很多呀! 套餐有前菜，六件壽司和一鍋牛肉烏冬。前菜是三文魚漬物，味道甜甜酸酸的，令人胃口大增。六件壽司是由三文魚、吞拿魚和赤貝壽司各二件組成。每件壽司都頗大件，一口食不完。壽司上的刺身都很新鮮，所以每一口都鮮美甘香。吃完壽司已經半飽了，重頭戲還要放在那鍋鳥冬上。烏冬鍋份量十足，內裡除了烏冬外，牛肉鋪滿整個鍋面，還有一隻半熟的雞蛋和其他配菜。看起來很好吃的樣子，馬上開動。把半熟的雞蛋混在烏冬裡一起吃，很香很滑。牛肉的味道也不錯，如果切薄一些會更好。一口接着一口，吃得差點停不下來。吃了一半後，肚子太漲了，只有放棄了。最後再上一客牛乳軟雪糕。牛乳的香甜充滿整個口腔，把之前的飽膩感完全消除，為我們這頓午餐劃上完美的句號!

係附近training最後一日要食餐好，選擇了這一問，貪夠就腳之前食過，覺得份量都足秤。今次食了大蜆烏冬鍋蜆，蜆都算大隻(冇異味同彈牙)。烏冬煮得啱啱好，冇overcook, 有咬囗。湯底則帶有麵豉味，飲左都不太囗渴。 跟餐有雪糕同餐飲。埋單100左右。灣仔食午餐係貴d架啦

多謝姊妹替我地齊齊慶祝生日🎉🎂，揀左位於灣仔香港華美粵海酒店 - 銀座神樂屋 GINZA KAGURAYA」，以日式火鍋放題為主打。有5款湯底選擇，每鍋可選兩款。肉類款式收費，包括A）豚肉（每位$228）/ B）美國牛肩胛肉眼+豚肉（每位$268）/ C）美國牛小排+牛肩胛肉眼+豚肉（每位$368), 我地選擇中等價錢(即$268 - 美國牛肩胛肉眼+豚肉。豚肉每片切到好薄，灼一灼就食得。放題自助吧仲有無限添加蔬菜，烏冬，甜品。另外仲有刺身壽司， 燒物，小食...飲品等任叫。刺身雖然款式吾太多，但勝在夠新鮮，尤其有我喜歡嘅三文魚子，同牡丹蝦差吾多大嘅甜蝦，我地都返叫左某部分。 因為不限時，所以我地由6点食到10点，有兩個胃都頂吾順😅🤣。  職員服務態度ㄡ好，我地好快不停遞order紙(每次每枱只可以寫6款食物)，佢地依然好好笑容。最後仲有姊妹為我地準備左我地至愛Kitty蛋糕，而且吾收任何切餅費。呢餐超級豐富，好滿足的一餐生日飯😍😍

$110叫左個魚生飯，超細，無下次同樣嘅價錢，大把餐廳可以食到大份抵食質素高嘅餐。呢度貴為酒店餐廳，咁嘅價錢但比咁嘅質素簡直不能接受，性價比超低。呢間餐廳永遠唔會再黎

款式不多, 味道郤出奇地好, 推介! 刺身很新鮮, 火鍋用料足, 北海道產牛奶雪糕很值得推介, 只係唔係好夠雪.... 有點溶....別外有各式串燒, 味道都不錯.很奇怪, 人不多, 地方闊諾.....坐得很舒服

星期六要開工，skip左lunch...放工勁肚餓，去左最就近嘅銀座神樂屋食Shabu Shabu放題獎勵下自己！冇Book枱之下加上星期六，竟然唔使等位！YEAH!坐得舒服。。。餐廳剛裝翻新完，好新淨而且冇裝修味，枱與枱之間都闊落，坐得舒服。加上唔係遊客區，個場8點都唔full，講野唔使嗌破喉嚨3種價錢，唔似酒店價！講返menu，呢度只有3種價錢選擇，揀$368牛小排可以食埋另外2個價錢平D嘅牛肩胛肉眼同豚肉，$268可以食埋豚肉但就冇得食牛小排，當然$228就冇得食貴D嘅牛小排同牛肩胛肉眼啦！酒店黎講好抵食！無論邊一個價錢，都可食埋menu上嘅其他食物。因為未食過呢間，於是揀左個中間價錢試下。落order開始計任食120分鐘，夠鐘後冇得加單，但可以繼續坐岩晒同朋友吹水吹一晚！只包一杯飲品，添飲或酒類要另計。湯５揀２，我哋揀左雞湯同海藻，一濃一清。雞湯係堅入味，烚完都唔使加調味已經好好食，但食食下就好咸。海藻湯係水味...所以岩岩好中和雞湯咸味。所以建議大家唔好揀2款濃味嘅湯。主角係牛肩胛肉眼同豚肉真係要學人哋講返句食牛有牛味，食豚有豚味encore 左好多次！呢個時候就豬左一下，因

食物：刺身冇冰底。。超市水準。。冇乜味。。得鱆紅魚同甜蝦好少少。。每人228只得豚肉。。要食牛就最少要268。。仲要加一。。不過都係普通貨。。冇乜味。。不過唔韌。。肉質ok。。豆乳湯底。。超級鹹。。愈食愈鹹。。豉油都唔使點。。問題係。。只包一杯汽水。。唔係罐裝/支裝。。真係一杯。。再飲要7蚊杯。。好彩有茶。。不過又係冇味。。唔睇會以為飲緊水。。焗帶子同蒸蛋出奇地好食。。明太子蛋卷、燒墨魚咀都幾好食。。蜆又係冇乜味。。自家製烏冬。。好彈牙。。可惜比個湯底搞到好鹹。。之後用昆布清湯洗過都唔係好食到。。菜都算新鮮。。不過唔算多款。。軟雪糕。。自己斟。。幾香奶味。。幾滑。。應該真係日本貨。。員工：呢度落單要自己寫紙。不過唔係平時放題嗰啲紙。。而係白紙。。但啲員工唔會自己講聲。。無論搵佢哋問嘢、落單、追單。。個個都好似喺夢境咁。。係咪做慣酒店餐廳。。唔識做放題？？上菜：除咗加單漏咗之外。。其他速度都正常。。叫1串燒帶子。。最後嚟咗4串。。仲要分兩次。。燒青椒就冇嚟到。。（成晚啲客坐唔足半個場。。如果多啲客唔知會唔會再亂啲。。）