Giovanni Pina Ristorante, Bar & Pasticceria (Closed)

今年嘅紀念日黎左北角 Giovannipina 慶祝，每次經過分店都想搵機會試下，最後選了北角分店北角店以紫色花花世界做主題，感覺真係好浪漫，亦非常岩打卡～趁住天未黑就立即影番夠本先Dinner set 都幾抵食～ 有湯、主食、蛋糕及飲品 都只不過係$228所有切件蛋糕均$52/件，只要蛋糕櫃能見的都可選任何一件（dinner set)黑松露野菌磨菇湯 配麵包條磨菇雜菌味濃郁，帶陣陣黑松露香氣而且很順滑！晚餐包一杯飲品選了凍檸檬茶魔鬼薄餅 $188薄餅邊焗得脆脆，食落帶麵粉香氣用蕃茄醬做基底，水牛芝士同滿滿辣肉腸，很不錯！慢煮厚切加拿大黑毛豬鞍扒 顏色好吸引，而且真的很厚切！豬鞍扒切落粉嫩多汁～ 蛋糕選了tiramisu 口味，咖啡同酒味比例好夾，海綿蛋糕亦濕潤，幾高質。最後都決定買多兩件番屋企慢慢嘆！

疫情關係真的少了很多出外用餐，所以出去食的都要經過精挑細選，今次選了有品牌保證而且仲有開揚靚景的Giovanni Pina Ristorante。這個意大利餐廳老品牌的北角分店除了景觀舒適，裝修同樣優雅。再來就要看看食物質素了，今次選了其中一款是日睌餐Kurobuta Set, 包括了黑松露野菌忌廉湯，慢煮厚切加拿大黑毛豬扒配芥末子陳醋汁還有精選蛋糕及飲品。另外散叫一份意大利四式芝士簿餅。Kurobuta Set黑松露野菌忌廉湯雖然不算濃稠，味道卻依然濃郁而且非常滑身，可伴隨的麵包脆條非常夾。主角慢煮厚切加拿大黑毛豬扒配芥末子陳醋汁絕對是日焦點，一上檯面覺得非常大份量，同時被燒得焦香的外表所迷住，一切落去更加不得了，肉汁已經不停湧出，而且黑毛豬肉的色澤依然保留粉嫩，咬下去鮮嫩多汁，更加因為厚切關係保留了層次質感，非常高質。雖然寫著精選蛋糕，但其實可以自己出蛋糕櫃選擇，選了咖啡橙香蛋糕，兩者都保留了各自的獨特香氣外，同時和諧的融合在一起，做到了齒甲留香，蛋糕上的慕絲打得非常幼滑，絕對吃得出心機。意大利四式芝士簿餅豬扒已經非常出色，但我私底下實在更愛這個。餅底用了獨特烤焗方法，脆口但不乾身

返咗半個星期工，好似冇乜Energy，想食個好啲嘅 Dinner獎勵自己，揀咗响北角匯一期一樓嘅Giovanni Pina Ristorante, Bar & Pasticceria餐廳來自意大利，有成過百年歷史，主打西餐輕食同甜品。見佢個餐好抵，有主菜有湯有嘢飲仲有甜品都係二百零蚊，以呢個過江龍嘅質素，個價錢簡直係超值，仲要個環境勁舒服，又有海景湯係黑松露野菌忌廉湯，黑松露嘅味唔算好重，但菇菌味就好香主菜分別係煎加拿大黑毛豬扒，塊扒非常厚，仲要帶骨，煎到外皮香脆裏面肉汁豐富，唔係一般嘅豬扒可以媲美另一個主菜係煎帶子大蝦配橄欖油炒扁意粉，分量唔算多，啱啱夠一個女仔食。蝦好爽口，帶子唔會煎到過熟，意大利餐廳嘅炒意粉，一定唔會差得去邊甜品分別揀咗榛子朱古力蛋糕及坊間比較少見嘅開心果忌廉蛋糕，兩件蛋糕都非常出色，話哂間舖頭都係做甜品起家，而且每件甜品單點都要成$50幾蚊，而家成個餐先至係$200幾蚊，真係非常抵食👍

歐洲式的裝潢很美，尤其是由天花垂下的串串紫藤花，成為「打卡」熱點。坐在窗邊位置，一邊享受美食，一邊可欣賞窗外海邊公園景致，感覺非常寫意。有兩款套餐可供選擇。套餐包含餐湯、主菜、精選蛋糕和咖啡/茶/凍檸檬茶。 餐湯：黑松露野菌忌廉湯黑松露野菌忌廉湯濃稠得宜，入口是粒粒切碎的新鮮野菌。黑松露香氣飄飄，野菌味道突出。 慢煮厚切加拿大黑毛豬扒配芥末籽陳醋汁 厚切黑毛豬扒份量很大，表面帶點焦香。慢煮黑毛豬扒肉嫩無筋，配上微酸的芥末籽陳醋汁，更提升了黑毛豬扒本身的甜味。伴碟有鹹香的芝士、新鮮薯仔和蔬菜(西蘭花和蕃茄)，清爽口味。 香煎帶子大蝦 意大利欖油辣香蒜炒扁意麵 大大只原隻帶子爽口，大蝦新鮮彈牙。扁意麵軟硬度剛好，以意大利欖油、蒜片和香草烹調，質感爽滑。添上少許辣椒刺激味蕾，味道更清新惹味。 拿坡里薄餅 意大利的拿坡里是薄餅的發源地，既然今天來到這雅致的意大利餐廳，就點拿坡里薄餅來嚐嚐。薄餅邊帶焦脆，蘑菇、馬蘇里拉芝士和蕃茄醬分布均勻有致。以爐火烤製而成的薄餅，餡香可口，絕不油膩。 精選蛋糕我以為會是店員送上指定蛋糕，但原來是客人可隨個人喜愛選擇一款蛋糕 我們選了「開心果櫻桃慕絲」和「米蘭芝

之前喺尖沙咀食過佢嘅蛋糕一直念念不忘今日喺北角又見到佢開咗新店環境好靚，佈滿紫藤花，有海景又坐得舒服見到佢lunch set有包埋蛋糕同飲品都係二百零蚊兩款各叫咗一個試吓首先係黑松露野菌忌廉湯，配香草麵包條脆卜卜沾d湯特別好味慢煮厚切加拿大黑毛豬扒黑毛豬扒厚實，內裏粉嫩又Juicy煎得剛好唔會韌香煎帶子大蝦辣香蒜扁意大利粉呢個好啱我個人口味，香辣味好到位帶子好厚肉，鮮甜多汁份量剛好，加埋蒜片好開胃意大利四式芝士薄餅勁足料香濃芝士加脆邊pizza 勁滿足而甜品揀左蘋果批香濃牛油味配蘋果肉帶有肉桂香味，清香撲鼻，識落唔會太甜另一個甜品係我最鍾意嘅朱古力蛋糕Sacher all’ltalian濃濃朱古力包住海棉蛋糕，又香又滑鍾意朱古力嘅朋友一定要試最後餐飲點左咖啡跟曲奇餅🍪

終於結束一個星期的落雨，決定去北角海旁散下步，順便搵間有景睇的餐廳食個靚lunch Sicilian seafood salad -海鮮有青口/大蜆/八爪魚/大蝦，全部都好大隻肥美，青口要特別highlight, 好耐冇食過咁肥的，漲卜卜的肉好鮮甜意大利四式芝士薄餅-姐對芝士係好picky，呢4款都係高質芝士，芝士獨有的鹹香味好足-另外有上一杯honey，原來芝士配honey 食係咁夾慢煮厚切加拿大黑毛豬-肉質鮮嫩肥美，黑毛豬豬味好濃郁-厚切真係唔係講笑，啖啖肉黑松露野菌忌廉湯-唔會太結，好真材實料的野菌味門口有好多款蛋糕，太吸引了叫左個tiramisu 外賣, 一攞到返屋企就比屋企人爭食哂影唔切相=.=

Giovanni Pina 已經進駐北角匯，店舖鄰近海旁採光度高，陽光下拍照真的很美🥰。裝修是以佛羅倫斯「紫藤花」主題。田園風的佈置，配著北角碼頭景色，帶來特別打卡位📸💕。-💥熱玫瑰牛奶咖啡 | 熱椰子牛奶咖啡 HKD$50，這兩口味也很喜歡，而且有心心拉花😍，。每一杯咖啡也有曲奇附送，口感酥脆配搭挺好。玫瑰口味味道清香，還有玫瑰花花瓣做點綴😎。椰子口味香甜，椰子味較重感覺特別。-💥西西里島海鮮沙律配經典意式油醋汁 HKD$188，沙律的賣相很吸引，海鮮用料豐富🤤，包括：大蝦、帶子、八爪魚仔、青口及大蜆。食材用料新鮮，味道鮮甜爽口😋。配著酸酸的沙律，既開胃又惹味。-💥蒜片蕃茄白酒煮青口配意大利脆包片 HKD$198，上次缺貨吃不到，這次特意點來吃的🙈。上菜時聞到很香的味道醬汁味道酸酸甜甜，酒味和蒜味香濃。青口大大隻，肉質鮮嫰爽口😋，另有脆包片可以配醬汁吃。-💥虎蝦車厘茄扁意粉 HKD$228，對於蕃茄食物靜靜是很喜歡吃的💞，這個賣相吸引很香蕃茄味。虎蝦大大隻肉質爽口，扁意粉口感煙韌。醬汁濃稠均勻沾在意粉上，味道酸酸甜甜的。-💥意大利24個月巴馬火腿火箭菜手工薄餅 HKD$268，薄餅是

平日放假約了好朋友食個late lunch，途經他住所附近的北角滙一期一樓的Giovanni Pina 餐廳被它的外觀深深吸引著，門外的蛋糕框放滿很多蛋糕和cookies，看到即時食慾大增，内裡紫籐花裝潢很靚，顏色配搭好浪漫使人心花怒放感覺，所以一於决定置身其中享受一下。這裡食物選擇都有很多，我哋選擇了一個Linguine set，餐湯黑松露野菌忌廉湯，香氣撲鼻好creamy。主菜是“香煎帶子大蝦意大利橄欖油香辣蒜片炒扁意粉”這個意粉我朋友讚口不絕， 蒜香微辣帶出海鮮鮮味，麵條非常爽口煙韌，煮出水準。另外点了 24個月巴馬火腿羅馬包厚薄餅加$38可以配杯意大利葡萄汽酒， 這個薄餅鋪滿甘香嫩滑嘅 parma ham， 羅馬包焗得非常香脆內裏煙韌，個包底做得非常好和意大利麵條互相輝映。這個水牛芝士什沙律很清新配迷迭香醋汁，醋酸甜刚好。午餐還包含一件蛋糕，可以在門外的蛋糕框中挑選，我們選了開心果樱桃慕絲蛋糕，嘗一口已經喜出望外，入口香滑開心果香配埋酸甜的櫻桃，整體感覺好滿足。餐茶点了米蘭咖啡配上小小一塊cookie非常貼心。看見餐桌上有推介，這個日本紅豆凍coffee latte好吸引，雖然

花花世界，跟窗外環境好協調，裝潢花了心思，採光十足，另人置身於舒適環境內。黑松露野菌忌廉湯🥣入口綿滑，菇菌的香味樸鼻而來。慢煮厚切加拿大黑毛豬扒🐷非常juicy，沒有丁點嚡口感。陳醋汁的點綴另肉味更提升。鮮果吉士千葉酥🍰酥化的一層一層，好滋味💕甜而不膩😘日本紅豆牛奶咖啡☕️粒粒紅豆蓉有嚼口。不只紅豆冰咁簡單，原來跟咖啡一樣出色。吃飽飽但被蛋糕櫃吸引，買了回家跟家人今晚分享。每件蛋糕🍰$52，價錢相當合理。

以意大利糕點聞名的Giovanni Pina最近係北角開左新分店，分店位於海旁的北角匯，可以邊望住海景邊嘆美食，非常受歡迎，周末下午茶時段經常爆滿，今晚趁放早就早d去攞位，同老婆嘆返個early dinner。😊我地6點半左右就到餐廳，客人未多，可以安排到窗邊位置，我地坐底時剛好日落，配埋餐廳靚裝修，整個畫面實在太靚。😍Giovanni Pina北角分店晚市有兩款優惠套餐，價錢分別係$208和$228，套餐包括餐湯、主菜、甜品及飲品，價錢非常親民，我地各點左一款share食。😁黑松露野菌忌廉湯黑松露的香味撲鼻而來，忌廉湯的濃度不稠不稀剛剛好，入口幼滑，配湯的麵包條烘得香脆可口。Kurobuta set $228慢煮厚切加拿大黑毛豬扒配芥末籽陳醋汁豬鞍份量大，切開見到肉汁從粉嫩的肉中滲出，豬鞍入口肉質嫩滑，配上酸甜陳醋使味道提升，令人謂口大開。配菜的奶油薯仔入口幼滑棉軟又充滿奶油香味，味蕾十分滿足。😋Linguine set $208香煎帶子大蝦意大利欖油辣香蒜炒扁意麵大蝦及帶子煎得剛好，蝦爽口又吸收了蒜頭香非常惹味，帶子彈牙之餘又有香濃的鮮甜味，很好吃。扁意麵的軟硬度恰當，吸收了欖油蒜

意大利手作甜品｜𝐼𝓉𝒶𝓁𝒾𝒶𝓃 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒩𝑜𝓇𝓉𝒽 𝒫𝑜𝒾𝓃𝓉尋日放假特登黎試新餐廳，不過就落濛濛雨。餐廳新開冇耐，以紫色黎做佈置，頭頂吊左好多風鈴花同吊燈，一邊有落地大玻璃望住維港，另一邊就有好古典風既金色圍欄，座椅都係深紫色，成個感覺好典雅舒服。中午時間黎食，好彩有𝘣𝘰𝘰𝘬位，因為之後見有𝘥 𝘸𝘢𝘭𝘬𝘪𝘯 客都已經冇位。見佢有 𝘭𝘶𝘯𝘤𝘩 𝘴𝘦𝘵，咩都有齊晒，所以唔洗諗🤣▫️ 𝑺𝒐𝒖𝒑黑松露野菌忌廉湯𝗖𝗿𝗲𝗮𝗺 𝗼𝗳 𝗕𝗹𝗮𝗰𝗸 𝗧𝗿𝘂𝗳𝗳𝗹𝗲𝘀 𝗮𝗻𝗱 𝗙𝗼𝗿𝗲𝘀𝘁 𝗠𝘂𝘀𝗵𝗿𝗼𝗼𝗺𝘀咁多個西湯入面最鐘意係磨菇湯😍佢既黑松露味唔太突出，但係勁多磨菇蓉😆加左忌廉令𝘥湯入口好順滑同𝘤𝘳𝘦𝘢𝘮𝘺，份量都幾多！▫️𝑴𝒂𝒊𝒏🌟香煎帶子大蝦意大利欖油辣香蒜炒扁意麵𝗟𝗶𝗻𝗴𝘂𝗶𝗻𝗲 𝗔𝗴𝗹𝗶𝗼 𝗲 𝗢𝗹𝗶𝗼 𝘄𝗶𝘁𝗵 𝗦𝗰𝗮𝗹𝗹𝗼𝗽𝘀 𝗮𝗻𝗱 𝗣𝗿𝗮𝘄𝗻𝘀帶子好厚肉好鮮味，大蝦亦有2隻，餐廳既用料好新鮮，所以𝘥材料唔需要過多既調味已經食到食材本身既鮮味，同樣地扁意粉吸收左海鮮既味道，加左幾隻小辣椒🌶️同欖油黎吊味煮已經好好味😋🌟慢煮厚切加拿大黑毛豬扒 配芥末籽陳醋汁𝗦𝗹𝗼𝘄-𝗖𝗼

見天氣清涼，約埋好友去玩！好耐冇搭過船，於是搭船去北角碼頭玩下！可惜當日落雨，所以無行去其他地方，只是起碼頭商場行下。意料之中搵到間餐廳裝修好特別，仲係可以望到海邊！時間剛好肚餓，餐廳門口有好多甜點🍮！我同好友都叫左個套餐，黑松露野菌忌廉湯配左條餅乾，好香的黑松露味道。餐廳放左不同的茶葉，吸引左我試甘草薄荷茶，用茶壺裝住，可以慢慢嘆茶🫖朋友就試左咖啡☕️濃濃的咖啡味，不錯👍🏿慢煮厚切加拿大黑毛豬扒，真係好厚，肉質嫩，再配上芥末籽陳醋汁，令到豬的味更加濃厚！朋友的香煎帶子大蝦🍤意大利欖油辣香蒜炒扁意粉🍝好滑好大粒帶子，好味😋！甜品一定要試試，真的好食！

今日途經北角匯，發覺一期開咗我至愛嘅意大利百年餐廳Giovanni Pina！😍​Giovanni Pina過江來香港都一年，北角店係第四分店，食物質素唔錯之餘，個人仲勁鍾意佢哋間間店都有靚景、好坐，基本上係我無限encore嘅飯堂！😋❤️​​好似今次北角店，參考左佛羅倫斯春天季花「紫藤花」為題，店內有條長長的紫藤花長廊，睇上去真係勁浪漫！至於menu，感覺同如心店大周小異，但最正係設有新張優惠，買任何正價食品都可以半價享用pizza/羅馬厚包，仲有件裝蛋糕買三送一！勁抵食！當然立即坐低食返餐！😍​​✦ Angel Hair with Lobster HK$228​龍蝦肉爽口彈牙，熱食好正！我仲好鍾意天使麵，卷埋羅勒青醬食，成件事好惹味！​​✦ Angus Sirloin Steak HK$288​每次嚟Giovanni Pina，我都必食佢哋嘅安格斯牛扒！牛肉外層煎得香脆，入面又有嫩滑多汁嘅肉，加埋薯菜及黑椒汁，啖啖肉好過癮！​✦ Mozzarella Balls, Cherry Tomatoes and Balsamic Baby Onion Pickles HK$128​清新Che

最近見到人去左北角呢間GIOVANNI PINA打卡，我又要去！今次約埋4個朋友一齊聚餐，真係好耐無試過4人同檯，真係比個政府害死。叫左個SET DINNER，我覺得好抵食，有餐湯、主菜、飲品、甜品！餐湯係牛肝菌濃湯，好濃好香，唔錯！主菜係燒羊架，佢呢度可以揀5成熟，真係要靚羊先夠膽食半生熟啊！燒汁好濃味，幾好食！羊架半生熟真係好JUICY，好好食好腍，不得了！呢個SET DINNER好抵食！飲品我轉左做凍朱古力，好濃好香，識飲一定要揀呢個朱古力。跟餐果個熱茶比左個FD飲。跟餐甜品可以揀呢個千層酥，勁鬆脆，真係好好食，果然係佢地嘅招牌甜品！另一個朋友叫左沙律黎食，話要減肥。另一個朋友叫左牛扒，都好似幾正，好大份。牛扒都係配燒汁。肉質好鬆軟，有牛油脂香，肉味好濃。另一個朋友叫蛽肉意粉，幾鮮味，試左一啖，都OK另外我地點左兩個PIZZA SHARE黎食，因為佢地做PIZZA真係好出色，佢地係用明火烤，所以個皮好鬆脆好正！呢款係辣肉腸，D肉腸多到呢~~~~四重芝士PIZZA都係超正！佢係用左4款芝士黎製作，面頭再淋上蜜糖，真係好鬼好食，咸咸甜甜咁，不過好膩係真，所以一定要SHARE，但性價比