高高酒家 (Moved) New Location

環境唔錯✨服務員手腳幾快👍🏻食物價錢算係合理🍲🥘🍚冰川咕嚕肉😋😋幾特別😆😆花甲浸菜苗 正正正👍🏻👍🏻👍🏻整體黎講都幾好食，值得一試😋👍🏻👍🏻

我8:14落單。第一碟菜係9:05先上,第二碟9:15上。最後第三碟菜係9:30都未上。態度極差,不停吹佢上菜,職員都敷衍了事,不停話幫你追,結果不了了之。好離譜,同屋企人三人來吃,失望到極點而離開,最後第三碟餸未黎，我地走左。

成班Friend食宵夜去邊度好? 我就推介最近成日去嘅高高, 平民地區,但質素其高👍🏻👍🏻👍🏻首推冰鎭咕嚕肉....跟著呢個燒汁牛肋條又係可以drives U crazy! 椒鹽瀨尿蝦....影嘅時候已俾friend搶哂咁濟、好食程度可想而知😬😬😬台式三杯雞臨尾老闆仲送炸湯丸👍🏻👍🏻👍🏻

清高氣爽, 跟朋友一齊行山. 辛苦完畢, 當然要去大吃大喝.一大班人, 當然最好係中餐啦.蒸班頭腩, 魚肉很滑, 佷好味. 不會過咸.  這是一個孖寶套餐, 所以有二碟, 份量也不少哦! 椒鹽九肚魚, 份量大, 很脆, 不會過濕. 正呀上湯菜苗, 比想像中, 分量大! 超值, 因為菜苗屬於貴價菜之一不得不介紹 黑椒牛柳粒薯角, 送酒一流, 牛柳粒炒得香口沙薑雞半只, 雞也是大隻的品種. 味道剛好.籠仔蝦糯米飯, 這個太油,所以沒有吃完. 如果減少油的份量會比較好價錢合理, 可以再試

同佛山朋友仔食飯，本來打算食炭爐打邊爐。不過太太多人，所以轉左場。冰鎮咕嚕肉。因為冰鎮，所以味道比較淡。而且口感更加香脆。可以一試！避風塘賴尿蝦蓉。睇清楚係-賴尿蝦蓉。冇蝦殼架，啖啖肉！非常適合餸酒！

難得今日個個屋企人都得閒, 所以我地就提早左食團年飯! 因為大家住到天各一方, 所以就去左大家既中轉站- 深水涉既高高酒家度食啦! 因為團年飯所以就食得好D~ 我地叫左好多海鮮食,其中最好食既就係椒鹽鮑魚仔 & 蒜蓉開邊蝦! 個椒鹽鮑魚仔相信大家見到賣相都覺得已經好想食, 實際上D 鮑魚真係比睇仲好食, 好有咬口, 同埋用椒鹽整真係好好食, 好入味,係好特別既食法~ 而個蒜蓉開邊蝦雖然就比較普通D, 不過佢個蒜蓉鼓油汁都做得好出色~不過成間野都略為貴左少少, 如果大家唔衡量抵唔抵食的話, 衣家高高酒家真係值得大家一試既!

已經好耐冇去過這類非常地道的飯店，開業約一年，叩左幾個菜，讚讚讚契嫲炒蟹(苦瓜炒蟹) : 蟹肉質夠彈牙,新鮮，蟹嘅鮮味入左落苦瓜度，D味道一流。蒜蓉開邊蒸蝦 – 每隻蝦都很肥美 超大隻的 香氣十足 濃濃的蒜香味 整個配合起來好好吃喔 這個不錯不錯!!!

純粹路過，見到門面普通，諗住是是但但食d野，但一試之下，食物新鮮，好味，尤其係避風塘癩尿蝦（冇殼），絕對係驚喜之選，仲有雞煲翅，份量十足，沙薑雞滑到不得了，絕對會再試。

中秋節和家人提前食飯，因就近老人家，選擇了這間新開的食家。見到價錢不貴，抱住試試心態，點知好有驚喜，大人細路都食到飽飽，好滿足。下次過來這邊都會再試，見9點後有85折,應該會再便啲。最開心係可以食到新鮮啲魚，難得。見佢有自己的魚缸，我先試下叫，點知好味過一般嘅酒樓，廚師煮的唔錯。

高高上個新開張，中午有老火湯送，於是過來食午餐，老火湯雖然免費，但好足料，睇得出師傅好用心煲的！所以也想過來食晚飯，一家人來，叫了避風塘尿蝦肉，很好，隻隻起肉，考心機的菜色，上湯龍蝦伊麵！……平時食野唔多的我，也食得好飽，每個菜色都想食，停唔到口好快會再來！

这些菜式一般簡直無特别，味道麻麻地無特式，啤酒汽水無特价。雖然沒有加一服務費，这些侍應們招呼服務態度很恶劣，好似唔憂無生意! 如果想在这處泊車是很難找位，有很多警察去抄牌！