金園茶餐廳

Open Now

Now Closed

近年雖然沒有到茶餐廳吃早餐的習慣（因變得吃簡單的），不過還是很享受在茶餐廳吃早餐，為整天注滿能量的感覺！之前因工作關係來到長沙灣一帶，就找來一家以蛋撻聞名的舊式茶餐廳迎接good morning早餐（火腿通粉 + 西煎太陽蛋 + 牛油餐包 + 熱奶茶） $47酥皮蛋撻 $10我自己就很專情的喜歡吃火腿通粉的組合，早上總是喜歡吃點溫和的～ 這裡的早餐偏向幾十年前的做法，通粉以簡單的清湯煮熟，火腿切成絲的加上通粉表面就已完成，味道平淡都是以火腿的鹹香為主，有需要的可以自行加入鹽巴和胡椒粉；太陽蛋是我很喜歡的焦燶邊，灑點鹽巴再由蛋白開始最後再吃蛋黃，有人會跟我一樣的食法嗎？至於牛油餐包嘛，從小到大都不太喜歡吃，不過這裡的我也有吃幾口就普通餐包一個沒舍特別，如果有牛油可以塗抹的話會多加幾口的！為彌補餐包的空虛加上這店的蛋撻很有名，就來試試看～ 這邊的是酥皮派，千層酥皮更是自家製作，加入豬油令酥皮味道更酥香，層次的確是蠻多的蛋液也OK但其實撻皮不算薄只佔一半左右，跟我之前在網路上看到的差頗多！整個味道是不錯的但不至於好吃到慕名而來，也許不是新鮮出爐的關係或者其他原因吧！再來我最喜歡的熱奶茶，顏色

差到忍唔住要出食評🫠聽聞咗好耐嘅金園餐廳酥皮蛋撻世一今個星期日我抱住一個好期待嘅心情去食九點去到酥皮蛋撻$10同埋牛油蛋撻$10都有牛油蛋撻仲要係啱啱出爐每款都叫咗一件嚟試 十分之失望😓首先佢個酥皮蛋撻啲酥皮一啲都唔酥皮跟住佢嗰個牛油蛋撻仲經典一咬就碎勉勉強強蛋漿正常 又唔算話又好濃烈嘅蛋香😣我想講求其搵一間麵包店都好食過佢1） 叫咗個特餐 沙嗲牛麵加餐包火腿奄列同熱奶茶 $47再加咗個生炸豬扒 $29首先個沙嗲牛肉麵都食得出佢嘅牛肉係新鮮嘅，但係完全食唔到沙嗲味😖麵質正常～係普通嘅公仔麵～火腿奄列偏油偏乾 餐包方面入邊有牛油味道食落鬆軟但味道普普通通成個餐最正常嘅係熱奶茶～熱奶茶有茶味唔會苦澀加少少奶香味唔錯最後到生炸豬扒～係成個餐最伏炸到又乾又柴 超重椒鹽味完全冇水份係有一種死鹹嘅感覺 $29 唔算大塊雖然阿姐講話係新鮮生炸 但係一啲都感受唔到佢嘅誠意2）最後叫左 牛奶通粉 $31依個牛奶通粉係冇跟餐既食落係普通嘅牛奶通粉 奶味唔算濃味道比較偏淡 通粉軟硬度OK整體而言 係普通到冇得再普通嘅茶記 仲要唔係話出色嗰款😣😣好伏希望大家唔好抱住好期待嘅心情試

從來都未試過食這餐廳的堂食，今日決定試一試。由於套餐不算很吸引，所以單點了食物。本身想試試蛋撻，但店員指沒有熱蛋撻，所以改食雞蛋多士，好一般。但飲熱鮮奶送檸檬籽🙈🙈，反胃🤢

Must-Try Afternoon Treat at Gold Garden Cafe!金園茶餐廳📍長沙灣青山道316號地舖𝑻𝒐𝒅𝒂𝒚’𝒔 𝑷𝒊𝒄𝒌𝒔:Egg Tart 酥皮蛋撻呢度啲蛋撻真係每日新鮮出爐，酥皮香脆層層分明，食落去一啲都唔油膩～蛋漿滑溜唔會太甜，不過蛋味會比較輕。鍾意酥皮蛋撻嘅朋友，呢度一定要嚟試試！😋 #金園茶餐廳 #酥皮蛋撻 #茶餐廳必試 #香港美食Food: ♥︎♥︎♥︎♥︎♡Service: ♥︎♥︎♥︎♡♡Ambience: ♥︎♥︎♥︎♡♡🔖Save for your next resto hopping!#cwenne_hongkong#cwenne_csw#cwenne_lck#cwenne_ssp|| #hkig #foodie #hkfoodie #hkfoodblogger #香港美食 #香港好去處 #金園茶餐廳 #酥皮蛋撻 #茶餐廳必試 #茶餐廳 #蛋撻 #長沙灣 #長沙灣美食 #長沙灣好去處 #深水埗 #深水埗美食 #深水埗好去處 #荔枝角 #荔枝角好去處 #荔枝角美食 #milktea #奶茶

長沙灣出名茶記沙嗲牛肉麵 2/10沙嗲味好淡，牛肉好薄，唔夠滑，普通即食麵底，唔好食嘅沙嗲牛麵叉燒湯意粉 1/10叉燒好薄，有一浸唔新鮮嘅叉燒味，唔推薦。火腿奄列 5.5/10火腿奄列算炒得幾滑，正常好食牛油多士 5/10正正常常，好多牛油。酥皮蛋撻 6/10新鮮出爐蛋撻，蛋漿夠滑，一咬落去有一浸炭香味，唔錯長沙灣 金園茶餐廳

某個週日，諗住行去看看有冇蛋撻啦，竟然今次好彩遇上新鮮出爐，見門口姐姐在忙着從鐵盤轉成紙盤，就吸引我入去坐低食嘢啦🤤 🥚🥧 酥皮蛋撻 (HK$10)． 厚厚的酥皮，可能被按押得太實，看不到層次，不過蛋漿好好味，甜美而不失蛋香🐟🍟 英式炸魚配茨條 (HK$39)． 外層有薄薄的脆皮，非常脆口，內層有真魚肉魚柳，肉質都幾嫩滑喎！． 經典曲茨條，炸得脆口，多薯肉，薯味十足👍🏼🍋☕️ 熱檸茶． 豐富口感嘅濃滑紅茶配搭3片檸檬，俾我篤下篤下，調味到我喜愛嘅酸味😋

星期日下午茶時間，去到鋪頭都係等一陣就有位。入到去叫個快餐，真係超快送到。快餐有雪菜肉絲米+火腿奄列+餐包，仲有杯飲品。米粉味道正正常常，唔會好重味精；奄列就偏油，成隻碟都係油😂但係愈油先好食。今次叫左茶走，茶餐廳特色，茶味都夠，但係唔夠滑，可能叫凍奶茶好啲。重點當然就係千層酥皮蛋撻，每15分鐘就會見到佢出爐一次，每粒都漲卜卜出爐。食完正餐，事不宜遲，見到出爐蛋撻就叫左個。酥皮做得好香口，唔會焗過火，燉蛋味濃，唔太甜。分分鐘食完一個都唔夠喉，要encore

呢間蛋撻一路都想試🥹，之前放工黎到已經賣晒，終於平日下晝得閒黎買到🤤～喺門口見到一盤已經賣淨一半，即刻掃左半打🤭，仲勁熱辣辣，不過我就拎左返屋企先食🥺🔅酥皮蛋撻 ($10)呢個傳聞中128層既酥皮蛋撻😳，食落酥皮層次未算好明顯，同屋企人都覺得唔係好酥脆，介乎酥皮同曲奇皮中間咁…可能因為無即食?!但蛋味幾香又滑，食落口感幾實(?)💬可能期望過高，試完又覺得同普通餅店既蛋撻差唔多🤣，屋企樓下仲好食啲…有機會經過會即食再試下～

金園的酥皮蛋撻早已馳名多年，幾年前更被蛋撻關注組捧上神枱，令不少人（包括我✋🏻）當年為了一個蛋撻而大排長龍。今天剛好經過，碰巧蛋撻新鮮出爐，見熱潮已過，未見人龍，便買了一個試試它的水準是否有保持。———————————————————————蛋撻因為新鮮出爐，非常熱辣辣🔥賣相依然非常吸引🤩size極大，酥皮一如既往的厚，層次分明，蛋漿亦脹卜卜，十分飽滿。咬下去酥皮鬆化有層次，有牛油香味，而且焗得夠火喉，撻型十分堅挺，連底部的撻皮都非常香脆🥹蛋漿蛋味濃，甜度適中，非常香滑，加上蛋漿份量充足，每一口都令人十分滿足😋———————————————————————金園的酥皮蛋撻多年來保持着高水準，即使賣$10一個我也覺得是物超所值👍👍👍

早前睇影片分享平台見到呢間茶餐廳蛋撻號稱全港第一。今朝早咗起身，決定揸車由將軍澳出深水埗試一試佢。.嗌咗沙嗲牛肉麵、火腿煎蛋、加兩蚊多士、加隻蛋撻。.蛋撻最先嚟到，一咬，又凍又硬，心知不妙，問一問個侍應，佢大方承認：隔夜㗎，朝早冇蛋撻出爐㗎。我心諗，我寧願你朝早唔買，又或者落單前講聲我知。到底係將隔夜蛋撻賣俾客賺多$10賺多啲？定係做臭自己個名會蝕得多啲？我睇唔透。咬完一啖之後我成隻放低冇再食。作為一間咁出名食蛋撻既茶餐廳，如果連對出名既堅持都冇，其實都幾蠢。唔好同我講你下午既出品有幾好食，我唔會比第二次機會你。沙嗲夠咸但冇香味，牛肉又係凍、韌，應該都係隔夜再加唔知賣左幾多日，絕對唔係朝早炒熱果啲。麵正常。.火腿用水煮，冇煎，蛋正常。.多士係薄方包係咁依烘下，淋Pat Pat，冇咩咬口。個人認為收得人加$2，最好比厚多人食，口感係差好遠。.最後杯茶走，好唔好飲係有樣睇，呢杯一睇就係唔好飲果種，入口苦澀酸，飲左兩啖就唔飲了。不過可能係我唔好彩，咁啱去到呢一壺茶既底果浸，我見其他人既奶茶茶色係正常。但係，都係果句啦，如果係對自己有要求既水吧大哥，應該要意識到啲茶開始老，要留起做凍茶茶茶底，

今天經過長沙灣，辦妥自己事務後，已經是中午十二點正，剛巧見到對面街是金園茶餐廳，所以就順道到此一遊， 食番個午餐 ! 一如以往，小妹喜歡他們的茶餐，所以就點了一個金園午餐，餐單包括有火腿蛋奄列加牛油餐包，和叉燒湯意粉，當然要加埋一杯香滑熱奶茶啦! 雞蛋奄列有好多火腿，再加埋大大個鬆軟牛油餐包，真是超滿足! 至於個叉燒湯意好大碟，叉燒也很腍，味道跟以前一樣， 很有懷舊feel ! 再嘆埋杯金園熱奶茶，以現時$47價錢可以享用這個既豐富、又份量十足嘅午餐，真是非常抵食!由於食得太飽，小妹今次沒有叫蛋撻， 唯有留待下次再來幫襯過啦!!

上網見到長沙環有間開業多年既茶餐廳，最出名食酥皮蛋撻，一於去試下先餐廳位於長沙灣，一出地鐵行5min左右就到，非常方便，周圍唐樓林立，好似返左舊香港甘，好有香港情懷☺️下午3點3，餐廳口外排左長長的人龍，原來係排隊買蛋撻! 外賣都要排長龍！😂😂好在餐廳有2個鋪位，堂食位置多，等一陣就好快入座👍我地叫左必食既蛋撻，真係好好食，酥皮口感豐富，蛋漿濃厚香滑，重點係一定新鮮出爐熱辣辣！😍😍配埋奶茶真係一絕😊可惜，菠蘿油最大敗北，睇相都知，下次都係叫蛋撻夠啦😆😆

途經長沙灣，決定嚟金園一試究竟😍今日嚟到好好彩，係唔需要排隊👻開心！嚟到呢間餐廳一定要試嘅就係佢嘅蛋撻，我哋毫不猶豫即刻嗌咗兩個🤪個蛋撻真係仲係超熱，感覺上係啱啱新鮮出爐👍🏻拎起手，望吓個底，個爐火啱啱好，見到個底唔會未上色或者太燶，係good㗎！擺落口啲蛋好滑溜，酥皮夠酥鬆化，正！我哋仲另外嗌咗個下午茶餐，炸魚柳配薯條🍟就係正常茶餐廳水準🤣我哋其實仲嗌咗杯奶茶，杯奶茶係香濃幼滑嘅，不過太口渴，已經迅速飲晒，唔記得咗影🤣🤣🤣

今日專登去長沙灣食蛋撻去到見到門口，勁多人排隊點知原來係有兩間一間係舊一間係新嘅我哋排咗喺新嗰間等咗兩個就已經可以入去之後我問職員點解舊嗰間咁多人有好多人都因為想懷舊啲🤣蛋撻熱辣辣勁好食奶茶濃好飲

今日去試大家都讚不絕口嘅茶餐廳｛金園☕️｝，中午都有1x人排緊隊，不過流動得好快，所以等咗一陣就入得🫶🏻✴️酥皮蛋撻✴️熱辣辣新鮮出爐，外表好靚仔，蛋漿飽滿，令人好有食慾😍味道唔太甜，蛋軟乎乎，不過蛋味連淡～酥皮鬆而不油，食完隻手仲係乾身，無油淋淋嘅感覺👍🏻👍🏻✴️叉燒湯意✴️外表平平無奇，但湯底好夠味！意粉仲keep到彈牙，叉燒仲幾厚身，好食！❤️✴️沙嗲牛肉麵✴️牛肉無咩點用鬆肉粉嗱過，所以有嚼頭🤟🏻沙嗲濃厚，有花生香，食之前記得要撈一撈，成碗麵會更香✨✴️紅豆冰&奶茶✴️紅豆冰略甜，但豆量極多！可以少啲豆同無咁甜更襟飲🙈