金牌海鮮火鍋 (Closed)

上次試左火鍋，今日嚟試下飲茶食點心！叫左"招牌燒腩"$118,賣相簡潔切得十分精緻，每件大細一樣，夾起來不會有皮同肉一夾就分開嘅情況出現，外皮十分之脆口，而肉質和肥膏分佈好平均，食落不會有乾的感覺但又不會太油，這樣除了肉質好之外還要有功力先可以做到！"手拆鮮蝦腸粉"$58,初初上枱覺得平平無奇，但夾起食落腸粉厚薄剛好，蝦非常大隻同新鮮彈牙，再加上佢嘅甜豉油張我帶返去以前小時候好食茶樓點心的感覺！"燒賣"比其他餐廳唔同嘅係佢蝦下面再加左啲髮菜，整體新鮮好味但又冇乜特出！"叉燒包"都係同其他唔係好大分別，但佢新鮮即叫即蒸同用料十分亦值得讚！"包羅萬有"依個其實係升級版嘅棉花雞加少少排骨、蟹柳同一只小鲍魚，又係初初上枱覺得平平無奇，心諗只係改左個名就收我貴啲，點之食落佢個汁真係不得了，我諗應該係加左少少包魚汁落去，全部料都吸收曬啲汁非常味道！最後經理為我們送上綠豆沙作結尾，味道不太甜亦煲到起曬沙！果然係有質素的中菜！

年初一本來諗住嚟依間試下，點知休息，於是初四再嚟試，晚上十點人好少，裝修不錯，佢哋卡位闊落和比較高增加了私隱度！更有私人電視比你一路睇一路食，茶杯碗碗都係特別訂造令整体感覺高級，今次點了"金牌牛骨鍋"$228,嚟到嘅時間非常大鍋，可能係開左冇幾耐，連外面個鍋都靚啲知道佢唔係平價嘢！講返個煲，由於太大煲有兩大塊牛骨丶牛腩丶牛肚丶牛腸丶牛𤧭丶蘿蔔等等，件件都非常大件用料十足，所以個湯底亦非常濃郁，加左幾次水都咁有牛味，我共飲左幾碗同埋我建議大家先食其他食物先再食湯底嘅配料，咁啲配料會更淋同入味，尤其個蘿蔔吸曬啲牛湯，非常好味，我兩個人結果仲食剩可以打包兩盒拿回家，其實佢$228真係唔算貴，你外賣而家叫個剩牛腩都成百啦！"本地新鮮手切牛頸脊"$288,顏色鮮豔新鮮，但我個人覺得厚左少少，同埋要咬好多次先吞到！"手工蟹皇餃"$138,本人最失望係覺得佢雖然外形精美，但味道平平同普通小龍包一樣，唔值嗰個價錢同唔會係推介，可以不叫！"娃娃菜"$38 , 份量非常多同新鮮！雖然佢未必係會令我成日嚟食，但我諗我會為佢個牛骨鍋再返去！

好啦，天氣終於有寒冷的感覺，在冷天氣之下食煲仔飯、暖笠笠雞煲、打邊爐先至夠爽皮，係咪先？XDDD今天同大家分享位於灣仔的「金牌海鮮火鍋」，是屬於比較新的火鍋店。一講起「金牌」，可能大家會諗起 Parco 之前的唱片公司，兩者當然沒有關係，但出品我就覺得同樣都有水準。「花雕醉窩雞」$118 / 半隻總覺得吃「花雕醉窩雞」湯底一定要在冬天，如果唔係我怕會流鼻血。。。湯底的重點是酒味一定要夠濃，才會有「大長今」及吃醉雞的 feel，否則不如叫回普通的湯底好了。這個湯底藥材味及酒味都足，很有藥膳的感覺。「金牌手切牛展」$258現在本地供應的新鮮牛每天只有約一百隻，大家為貨源爭得你死我活，這個手切牛展味濃郁，並不是一般美國肥牛可比，$258 抵俾。「新鮮牛舌心」$168用了牛舌裏面最柔嫩的部分切成薄片，放在湯裏面汋分半鐘，中心仍然帶嫩粉紅，入口軟綿綿。學之前「小喬」話齋，吃到好吃的牛舌，的確有點兒初吻的感覺。。。「手功蟹黃餃」$138強推這個「蟹黃餃」，我一個人食下食下食晒成碟。。。餃裡面全部釀滿蟹粉，雖然現在過了大閘蟹最盛放的時間，蟹粉仍然非常豐腴多油，完全不腥，將餃放在湯內約四分鐘，浮起即食

之前同男朋友係佐敦食過幾次火鍋, 總體黎講都印象ok,雖然無旺角嘅平,不過我地通常唔鐘意食任食放題果d.所以呢間都ok. 早排聽同事講係灣仔都開咗間新嘅飲茶唔錯,於是我地5個女人仔去咗飲茶. 呢間裝修比起佐敦靚,不過始終新開 . 一坐底叫咗推薦個燒腩仔同蜜汁叉燒. 呢兩樣都比較滿意,燒腩仔皮脆得黎一d都唔硬,因為我成日食脆嘢會整親上顎 . 叉燒都係我嘅摯愛, 不過因為另外幾個唔肯叫肥叉. 但原來佢嘅叉燒唔會好瘦好韌.蜜汁味好夠. 另外點心方面唔係叫咗好多,個個都話減肥  我地叫咗一個蘿蔔絲餅,金錢雞,鹵水切片鮑魚,同馬友. 金錢雞比較特別, 原來係五花腩同雞潤. 五花腩食起身唔會好油膩, 不過中間雞潤食完有d罪惡感, 有quota嘅朋友可以試下. 個人比較鐘意切片鮑魚. 特別嘅係好少食到有鹵水嘅鮑魚 . 原本以為會好lum,但原來切片后食都好爽,加埋鹵水入味真係唔錯.. 相比起平時食嘅d灼嘅鮑魚係兩種style,呢個無咁單調. 至於馬友都係潮州菜嘅popular喇,呢個食起身都唔會諧,平時食親都係大眼雞,有第二款凍食嘅呢d打冷嘅魚類都幾好 . 總體都唔錯,不過最尾食唔曬我地都

又到冷鋒不斷騷擾式登陸的季節，雖然香港人一向春夏秋冬皆邊爐，但到了這個季節爐友就更是瘋湧而出。很多火鍋店你進去閉上眼會以為去了街市趁壚。這家食店就至少做到格調上不同，裝修華麗講究，直追酒店級數。人的行為舉止絕對是受週圍環境所影響。所以在這家金牌火鍋店的豪華鋪設下，凝造出與別不同的氣氛。簡而言之的感覺就是一個字～舒服。本少是一個人在家也可打邊爐的那類人，所以一坐下就能擺出一副高手模樣說了一句：「混醬是關鍵。」成功攝服在座新認識的朋友們，哈哈，一好球。而我放在心裡沒說出口的是：「湯底是關鍵。」因為眾人以我馬首是瞻。我淡淡地為大家點了牛骨湯底。當然我是有做功課才會選這個的，一來聽過朋友推薦，二來較特別其他地方不容易見。而其餘食材讓新朋友們自由發揮。這才能做到一舉手一投足更顯高手風範。兩好球。而這個湯底不是開玩笑。真的很關鍵。懂叫的就是高手。牛味濃，無負其名牛到入骨。而且份量足。裡面的牛展牛肚每樣都非常入味。食量較細的朋友，人不多可能只點這個都會飽了一半。朋友們隨手點了些火鍋常備配料，本地肥牛有預算中的高水準。與牛骨鍋湯底交融後而更是成全了彼此。我們幾個無牛不歡的都食到牛牛聲此起彼落。無法子不

It opened that very week and we were eager to try this new place every time we walked pass their renovation works which consisted of 3 floors. They have taken part of the old VolksWagen showroom.It was 815am that morning and we walked in for morning dim sum. No one really knew the place have opened and there were only a table taken.Small tables are of booth style, kind of like the Cha Chan Teng style, with a mini tv installed with every booth. All very grand looking with one simple flaw - the se

突然轉冷…打返個邊爐先…一直都未食過呢間…所以都唔太知咩價位…只知佢係佐敦有一間…灣仔店係新開…入到去…好靚嘅裝修…打開menu…嚇左一嚇…價錢都幾貴… 呢個鍋正呀！話就話牛骨湯…一煲入面已經有晒牛骨白蘿蔔仲有大量牛雜！先食呢個湯底d料已經飽左一半！2百幾蚊好抵食！ 呢個手切牛…切得有d厚…雖然好夠牛味但太厚…唔夠滑…麻麻地… 呢3款自家製嘅火鍋料都好好味…當然價錢都唔平喇…丸同餃都過百蚊一碟…但得8粒咋…響鈴就68…4個人就住叫食左千一蚊…但最後都好夠飽…味道又ok…貴d但都可以接受嘅！

最近公司附近開左間潮洲酒粥家，名叫金牌海鮮火鍋，聽講出名貴價點心，一籠叉燒包要38蚊、蝦餃燒賣亦四、五十蚊一籠……個個同事都話想一嚐貴價唔飽既滋味 ，一於拉大隊齊齊試！呢間酒家係灣仔利景酒店附近，茶色既玻璃幕牆幕門，感覺高尚，樓高兩層，坐電梯或行樓梯上落都得。我地訂左13位，安排坐於一樓既房間。長方形既空內間格，寧靜光猛加新穎既裝潢，super fresh！通過一排排既卡座，才到房間,房間夠大, 座位舒適, 有TV看。由於時間既關係，我地交俾一位同事發辦預早點嘢食:-1.滷水鵝 : 鵝肉切得超薄片，肉質嫩滑入味。底下墊左滷水豆腐，超滑溜。2.豬腩肉 : 切成細細件，皮脆薄，半肥瘦腩肉，入口即溶 ！3.蠔仔粥 : 蠔仔鮮甜，粥好味！4.叉燒腸 : 腸粉軟滑，叉燒味美！5.牛肉腸 : 牛肉鮮嫩！6.叉燒包 : 叉燒薄片，包質幼細！7.奶皇包 : 熱辣辣既流沙奶黃，流沙如水一般，質感太稀！8.蝦餃 : 貴價貨，但一般質素，皮唔夠晶瑩通透，蝦肉彈爽。9.燒賣 : 貴嘢但又係普通質素。蝦肉彈爽。10.鳳爪 : 少辣入味。11.貴妃雞 : 超嫩滑！12.沙嗲牛肉炒河 :

以前常光顧佐敦店，現在終於不用過海了！新店格局高貴很多，餐牌也略有分別。點了魚湯鍋底 ($208)，個鍋本身有很多小白菜和豆腐，有很多胡椒以致味道有點微辣 ，湯底很鮮甜（不過略貴）。本地肥牛（脊邊）依舊好靚！花竹蝦是生猛的，點了醉上，肉很甜很彈牙，每隻蝦大概3両重。我喜歡他們的蔬菜，很新鮮，洗得乾淨，小白菜和西洋菜都很靚！還吃了聖子、西洋菜餃、烏冬。吃完有水果送，也和佐敦一樣有日本雪米慈。裝修環境很靚，有大量卡位，每個卡位都有電視直播！服務也一貫的好，只是有點兒 hard sell 海鮮。留意一定要開茶($10 位)，醬介 ($15位）。

金牌海鮮火鍋前兩日，同一班愛吃同事一齊去Lunch, 去咗灣仔公司附近開咗冇幾耐嘅金牌火鍋食。 去到覺得佢嘅裝修幾Grand, 好少火鍋店有咁高檔嘅裝修。 我哋一行有8人食過非常豪嘅午餐，我哋叫咗幾款點心，加小食。潮州蒸粉果，皮薄，材料清爽沙葛, 少許芹菜，味道清甜下爽口。手拆鮮蝦腸，未食過咁大隻蝦嘅腸粉，腸粉皮非常滑，蝦差不多有手指咁大隻，好豐富呀😁😁😁，仲有蜜汁叉燒腸，叉燒"冧冧"，非常好味。蘿蔔灌漿，有少少似蘿蔔餻，但唔係用麵粉，係用馬蹄粉，口感煙煙靭靭，好得意。脆皮燒腩仔，四四方方，燒肉皮又脆又唔硬，非常好味😜😜😜秘製蜜味叉燒，簡直唔停得口，又冧，又入味，不太肥又不太瘦，最鐘意食叉燒嘅我簡直不得不俾佢👍👍👍，真係最好食嘅叉燒。蟹肉魚翅灌湯餃，從來冇食過咁足料嘅灌湯，有鮑魚，魚翅，蟹肉，個湯非常鮮味，感覺好似食咗個魚翅咁，非常滿足， 👏👏👏👏真係想再食😜😜😜鮑汁扣鵝掌，鮑汁味道very good, 不太濃，鵝掌蚊得夠冧，冬菇又厚又滑又入味，真係回味再回味。仲有金錢雞，真係一款非常有心意嘅美食, 一塊雞肝，一塊肥膏，一塊雞肉，雞肝甘香味美，雞肉又好入味，直得一試。 出面已經唔係好多

早排放工經過見到灣仔竟然開左金牌火鍋，勁開心，好幾年之前跟家姐去過佐敦呢間打邊邊食牛骨鍋，好記得，好好味，仲記得知陣自己仲未出黎做野，係家姐請，個晚好開心。今個weekend就帶埋媽咪黎試下，點知佢晚飯唔得閒，我地唯有改食lunch，好funny地lunch食打邊邊。但黎到發現原來有得食點心小菜，媽咪見到，最後決定食點心小菜，抱住都幾大期望既我，係呢度食點心...有種失落感。anyways...再次証明媽咪係冇錯的！呢度啲野食果然唔差。 好特別，呢度有一味叫做...金錢雞，佢係一片雞潤一片豬肥肉咁間住間住，聽落夠晒肥膩，但原來呢味菜出面已經唔係咁易食到，今日試下，2片夾住食，原來好好味！佢個雞潤好香質地冧冧地襯住一片煙煙韌韌既豬肥肉，食落好甘香，正！我地仲叫左燒腩仔，waiter哥哥話叉燒都好好味，我地就相信佢叫埋叉燒！ 果然冇介紹錯，睇落舊叉燒好似有啲啲dry，但擺入口之後，原來好冧滑，又唔鞋。好味過附近灣仔好出名個間燒臘鋪(殊.....)。試埋我至愛既燒腩仔，不之得了，個皮脆卜卜，一層肉一層肥咁間住，幾乎成碟比我食晒，哈哈哈哈。我地仲叫左好多其他點心，佢地都好精緻。蝦腸，蝦係我又一

天氣轉涼，絕對係打邊爐的時候。同屋企人約好星期六，星期二打去book左VIP房，一行九人決定去灣仔新開的金牌海鮮火鍋打邊爐。上年已經試過佐敦金牌，覺得超正，侍應介紹條魚超新鮮，湯底做得超有水準，又有日本野食。心想：因為太耐無打邊爐的關，對於今個星期六的打邊爐飯局簡直極度期待。七點半到達，人未齊但肚餓，問侍應有什麼出名的菜式，叫佢推介一下。佢介紹小食-古法金錢雞（因出面無乜地方有得食）同麵包蟹（第一次食），另外先點三文魚一客作小食(諗住試下火鍋店內的日本野）八點終於人齊，湯底點了-胡椒豬肚湯底&蕃茄薯仔湯底。點了本地手切肥牛、響鈴（即叫即制）、日本春菊、稻庭烏冬、蟹皇餃、西洋菜餃、墨魚丸、雲呑、西洋菜…etc重點推介古法金錢雞-一塊鵝肝，一塊肥膏，一塊雞肉，很入味麵包蟹-蟹膏同蟹肉已經刪左出來，不用自己刪，蟹肉鮮甜，點佢俾的蟹汁，好襯三文魚-五塊都厚切，可媲美正宗日本餐廳本地手切肥牛-勁新鮮，有雪花有牛的鮮味，唔肥響鈴-等候需時，真係即叫即制，炸得脆而不油日本春菊-即唐蒿，食到係日本個種清甜，必試蟹皇餃-蟹粉小籠包，真係蟹粉造的，放湯的時間不可太久，俾一般烚餃的時間短雲吞-激似佐敦麥文X

灣仔金牌開咗雖然唔夠一個月，我已經係第三次幫襯，一次係中午食茶；一次係食火鍋；一次係食晚飯。中午飲茶雖點心唔多，但每樣點心都好雅緻，出品質量高，中午的例湯冇得頂，168蚊一煲湯物超所值，我同老婆來食茶時，睇見枱枱都點例湯。晚飯係同班為食的同事一齊來食，佢地對食物要求都幾高，首先叫了個金錢雞來食，6件88蚊，大家邊食邊嘩嘩聲，話太好味了。金錢雞係心機菜，工序繁多，利錢唔高，做法亦好講究，有些大廚會用較肥較滑的豬頸脊做冰肉，同時以雞肝或黃沙膶代替豬肝，取其軟滑，沒有腥臊味；瘦肉就不用多說，選肉眼部位或較瘦的叉燒炮製。食家唯靈曾說過對乳豬有三大要求：皮要脆、肉要鹹，皮下要有肥膏口感。金牌的燒乳豬就係唯靈口中所講的。我認為好食過新乜記，客人到咗落單，大約30分鐘有很食。呢度的深水泥鯭大家一定要食，深水泥鯭通常都清蒸，用的配料是陳皮。嗰晚我哋叫咗條兩斤多重深水泥鯭，用果皮薑絲蒸深，肉質鮮美，用來撈飯一流。第三次係度食火鍋，呢度的火鍋同佐敦金牌一樣，充滿期待。我們叫了個牛骨鍋，牛骨煲裏有牛膀、牛腩、牛肚、牛腸、牛肺、牛筋、牛骨等，料足味濃，朋友話呢度的牛雜真係好有街頭風味，我感覺牛骨鍋比佐敦金牌的

我向來愛吃火鍋，時常去不同的火鍋店，而佐敦金牌是我的飯堂，最愛那裏的牛骨鍋，有天經過天樂里，看見躍眼的招牌，原來金牌在灣仔落戶了，太開心了，在灣仔道和天樂里交界，很容易找。(我本人是住在灣仔的)於是約幾個朋友到灣仔的金牌吃(我叫朋友把車停在集成大廈，再步行幾分鐘就到，也可以把車停在後面的愛群大廈)，裝修好高檔，用料講究，很有酒店格局，分上下兩層，一樓全是房間，二樓有卡位及枱位，整體很高檔，有級數的，環境高尚安靜，沒有一般食肆那種吵鬧。大家如果去過佐敦金牌會知道，老闆對食物、員工服務的要求都很高，在灣仔你也會感受到(由於新開張的原因，服務有待改善，例如出菜較慢)，值得一讚的是洗手間很乾淨。各款醬料以小樽裝著放在一個盒子內，比佐敦小一些，精緻一些，有辣椒、有蔥、蒜粒、麻辣醬、花生粒、辣椒醬等等。我們坐下來先叫了些小吃，牛肉粒，金錢雞等，難得這裏有金錢雞吃，我個人認為比新浦崗德龍的好吃多了，除了吃火鍋外，有地道的潮州菜吃，今次主要是吃火鍋，下次再來試店中的潮州菜。我們叫了不少東西，牛肉(爪邊)簡直冇得彈，在這裏吃到牛舌頭，新鮮的牛舌頭熟了後非常爽口，味道鮮明。我們還叫了象拔蚌，嚮鈴，鱔片等，

本身我有去開佐敦嘅金牌火鍋, 覺得雖然價錢比一般火鍋店貴, 但食物有一定水準, 所以見新店咁近, 又撞啱家母生日, 諗住上去試下。點知今次bad experience 到我忍唔住要開account寫食評鬧。我哋訂咗檯, 上到去一坐低, 裝修算幾好, 但已經發覺侍應班阿姐已經唔係好對路。佢哋服務態度係幾好幾有禮貌, 但明顯唔係做開較高消費嘅酒家, 甚至可能連一般酒樓都未做過。打開菜牌, 消費比佐敦店更貴, 大概係因為舖租, 可以理解, 但豬肉類第一項「加拿大午餐肉」一罐索價168大元, what!? 英文寫係canada spam, 我以為係百佳都賣緊50蚊罐Hommel SPAM, 都仲可以理解。睇真D, 同一頁有幅午餐肉嘅相.....原來「加拿大午餐肉」係ontario 產長城牌午餐肉 。如果要168蚊食罐長城牌, 點解我唔食2碟68蚊一碟嘅豬頸肉?最後我哋點咗鱔片、鵝腸、黑柏葉、牛頸脊、蝦滑、西洋菜、白菜仔、響鈴、湯底係半隻醉雞煲。老實講, 呢幾碟嘢其實我一個人都已經食得哂, 但因為我哋一家三口綜合所有因素都覺得今次似會中伏, 所以叫嘢好克制, 諗住試一試先。幫手寫嘢嗰位著部長衫但