金滿都越南餐廳

Open Now

Now Closed

尼間野態度差出晒名，d亞姐好似喝狗咁，明明有人排隊埋單，照傾埋d股票先，名副其實睬你都有味，但冇計，佢方便而且尼食肆又唔多，今朝買早餐慘羅，拎出尼輕飄飄，打開睇下，嘩⋯同半件餐肉治有咩分別！又一冇良心食肆，諗住自己唔休生意，員工態度不知所謂，食物求其。😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡以前成日係佢度食早餐，食食下都頂唔順，估唔到連冇技巧嘅三文治都咁

星洲炒米在一般的茶餐廳好難唔好食，但係喺金滿都嘅星洲炒咪真係麻麻地！佢用嘅米粉係幼身嘅，味道偏重，料多但未必係好事！以前食過，覺得熱狗都好正！但冇諗過星洲炒米會咁一般

今天下午去該店買外賣諗住用9拆卡，佢出張票係原價諗住問下個收銀啦，佢態度極差話：「咪計左9拆啦，找錢啱咪得囉」，其實哩個收銀態度差已經唔係第一次，有次叫外賣睇緊餐牌食乜佢就係咁催「食乜呀睇咁耐」我當場呆左，跟住又有一次想問佢餐牌以外既野食，佢又話「餐牌有就有，冇就冇我好多野做你係咪叫架唔係唔好阻住啦」希望大家去惠顧是小心啦唔好問咁多野

平時返工咁趕朝朝追追趕趕都係搭的士不過香港人就係咁奸成日爬頭等的士遲來先上岸所以呢我就由爵悅庭行到去樂悠居行再行到去油站，不過亦都係啲人咁奸，我先遇到金滿都三文治我次次都係買完之後跳上的士所以每次都趕到飛起佢哋朝頭早有餐蛋三文治、腿蛋治、碎蛋三文治、吞拿魚沙律三文治、鹹牛肉三文治，另外包埋紙包飲品或者熱飲，價錢大概系15至＄20，早餐來講真係好抵，有時個三文治仲熱架！不過呢間同另外50米內有另一間金滿都唔知係咪同一個老闆呢呢兩間我都覺得非常好

之前食開新之城間金滿都， 但係早幾個月前執咗， 老婆一直好想食返佢個炸春卷， 見有分店咁唯有山長水又遠行過去揾返來食。一坐底已經覺得好似有啲中伏嘅感覺， 點解一間主打越南菜嘅餐廳竟然有買港式茶餐廳粉、 麵、 飯嘅呢？落單我例牌一定係生牛肉湯河， 老婆就香茅豬排轉金邊粉再加個細春卷， 由於我哋倆個都有啲肚餓所以唔係叫下午茶而係叫正常價錢$35嗰種， 見餐牌寫住泠熱飲品加$5.- 特飲就加$10.- 落單時已經問咗個侍應一次係咪加$5.- 佢答話係咁我就要一杯凍檸茶加一杯凍奶茶。等嘢食途中侍應放底張單， 見轉金邊粉加$2.- 加嘢飲就每杯加$6.- 咁就揾個疑似經理嘅高級啲職員問下點解加$5.- 變咗$6.-之後佢嘅神級回覆竟然係: 係呀！ 加咗價$6.-呀！ 然後就行開咗！算啦一兩蚊費事同你計， 過咗陣足之等到有得食， 唔知大家有無試過生牛肉湯河啲湯係唔熱嘅呢？ 佢又唔係話好凍應該有30℃咁上下， 但係請問點可以整熟啲牛肉呢？ 咁就又揾番嗰個疑似經理嘅高級啲職員同佢講話唔夠熱， 佢都好好人咁話同我換嗰碗！換返來嗰碗佢哋為表誠意， 將之前碗河粉用另外一個碗再上然後再將牛肉灼熟放面， 咁就叫

呢日一大早就彈起身, 因為打算行遠D, 去買個豐富早餐食!!!呢期既天氣係唔錯, 氣溫低又有涼涼風, 好爽爽…九唔九搭小巴路過既時候, 都會見到有人龍排晒隊咁買早餐… 所以呢日決定一試!響西鐵站慢慢行, 大約行咗15分鐘左右就到步~去到望一望, 啊~ 原來早餐有2個種類, 有小食之餘亦都有麵餐, 仲有D係越式既添!黎之前已經有D心水, 今次先試小食, 一共買咗2份:1/ 腸粉併粉果 配 麥精 ($18)2/ 腸粉併牛肉球+燒賣 配 凍咖啡 ($31)2位姐姐好純熟快捷咁, 就已經攪掂晒2份早餐, 比完錢就滿心歡喜咁慢步返工去~返到公司, 一打開, 哇~~~ 超級豐富呀!!!腸粉應該有3-4條, 粉果有2大隻, 其實原本我想飲熱豆腐架, 不過姐姐話今朝無熱, 只有凍, 所以無奈揀咗麥精囉~腸粉軟滑又唔太淋, 可惜無辣椒醬囉(姐姐都無問過我要咩醬…), 粉果大大隻蒸得通透, 裡面餡料充足, 可惜無辣椒油囉(姐姐都無問過我…), 還好! 我有自家辣椒油, 成件事即刻好味咗好多, 哈哈哈!!!!至於另一份早餐, 當朋友仔一打開, 第一句竟然係: 哇! 佢個蓋柵得埋先勁喎!!因為頭先掛住比錢,

食物品質一般，待客服務一般，清潔也一般，吃後不會再去。當你吃剩下一半的時候突然来一句小姐幫你轉個位吃都吃不安樂，吃一碗粉都要搬來搬去一碗牛肉粉湯底差差差差差差差

要到附近的公司辦公務, 到了午飯時段就見到轉角有間飯堂, 望望店名才想起太太講過「金滿都」這三個字, 好! 輪到我做先頭部隊, 試過好味就帶她去吃。女侍應生極力推介咖喱飯, 她的解說就是「從未吃過這麼好味的咖喱飯」,而且日賣過百就是這樣我叫了一客越南咖喱牛腩飯。暫且用我的理解去解讀她的咖喱, 這碗咖喱牛腩是有較重的椰醬味, 味道甜甜辣辣在這個大暑天時一定好送飯, 而牛腩就包括有牛筋, 煮得夠腍夠入味, 無渣。  薯仔有數件, 入口粉腍, 又吸了汁, 正常來說是沒有不好吃的可能。最後, 還包一杯飲品, 凍奶茶走甜, 要加$2凍飲錢。

工廠區附近有兩間金滿都，相隔好近，超容易搞錯。今次我吃的，是橫龍街的一間。柯打的是咖喱雞飯，連凍飲要$39，都咪話工廠食堂便宜。不一會，飯來到，咖喱香不突出，都是以辣椒油的辣味為主，勝在雞肉嫩，薯仔粉，作為普通的碟頭飯，算恰當。凍檸茶，偏甜，我是沒問題，但如果可以冰凍一點就好了。

今天午餐，叫了這間平時食開的金滿都外賣。話時話都幫襯了一段時間，最近都見佢質素下降，食物份量減少，但我心知人工鋪租貴，量少都算數，都幫襯了幾長時間。但......是咁的，今日哩個"滑蛋蝦仁飯"真的好好食，大蝦3大隻，隻隻都大過1豪子。外賣送到，一開：真係大叫一聲，好開心！睇下張相，係一開盒個樣，絕不是我食過之後拍的。等有緣人見到可以有幸一齊食滑蛋走蛋大蝦飯。

本身住開哩頭附近, 都知有哩間餐廳, 屋企人試過話OK~~同個朋友行下行下, 黎開哩頭, 見肚餓於是就入左去喇~~坐低侍應好快手俾左兩杯水我地~~原來哩度有兩層, 都好大喎~~叫左 [ 廈門炒米粉+凍華田 & 洋蔥汁炸脾飯+凍檸水 ] 炒米粉OK~~ 因為我朋友鍾意食茄汁味~~洋蔥汁炸脾飯GOOD~~ 因為個洋蔥汁超好味~~ 個脾好鬼脆~~見佢出面都有個賣小食檔仔, 有串燒同其他小食咁...SO臨走買埋個雞亦尖番屋企送啤酒慢慢嘆~~ SO GOOD!!!

平時黎哩到食開酸酸地既撈檬粉，貪佢夠開胃～不過今次想試下熱食．．．　ｏｒｄｅｒ，個名好似叫～〔沙嗲菠蘿牛肉炒檬粉〕等左５-１Ｏ分鐘，主菜就黎喇．．１）幾足料，熱辣辣～２）賣相幾好，仲有芝麻灑起面～３）炒得好好味，牛肉又夠淋～最後加埋哩杯凍菜蜜，夠解渴，正～～食得飽飽又好味道！！番去繼續做野～～

平時都冇咩為意哩間金滿都～最近見佢擺左個熱騰騰既檔口出黎，好似幾吸引，，，八掛既我，左望望右望望之下，幫襯買左個三文治早餐哈～原來三文治芝士＊豬柳漢堡，會係幾好味的！！而且哩度買早餐都幾方便！！落車過條馬路就見到喇～～另外店員都算係幾勤快，問佢有咩賣轉野飲幾錢都好肯答我 GOOD呀！！見佢仲有其他野買，糯米卷好似都唔錯，而且餐飲有豆漿配，幾健康～會再幫襯的！！

星期六行完街，襯過開黎哩頭搭車番屋企前食個TEA先～假日哩度冇咩人，坐得好舒服～我叫左個越式春卷庶蝦拼沙律＋凍朱古力～個［越式春卷］幾香口，好好味喎～［庶蝦］幾特別，好耐未咬過庶呀，哈哈都好味～～最後個沙律，不過不失啦，不過我下次都係想拼薯條多啲嘻嘻～總括黎講，唔錯～～食得我飽飽又好味～～

好唔抵食!!!!!!!!!!!!!話說我同同事一齊嗌下午茶,,我嗌左一個豬扒湯濛,, 我同佢講豬扒另上之後問佢凍飲駛唔駛加錢,,佢話唔駛咁我兩個同事嗌凍飲,,我嗌熱飲上到黎,,63蚊!!!!!!!!!!!我即刻睇張單豬扒另上加 1蚊凍熱飲都加 2蚊我火都黎埋,,打落去問,,我問佢「豬扒湯濛唔係20蚊咩」佢話「係, 但你另上, 要另外比個盒你另上所以加1蚊」我同佢講「咁之前落單你又唔同我講??!!」佢話「er.. 可能係個同事唔清楚」之後我再問「咁野飲呢,,我頭先問過佢話唔駛加咖喎!!!」佢再一次話「可能個同事唔係好清楚,, 我地下午茶凍熱飲都加2蚊咖」我再一次無言…我唔會再order尼間野食咖啦!!!!!!!!!!!!!!!!