黃金雞

Open Now

Now Closed

呢間小店係西灣河巷仔，平時人流唔算多，開左都好耐到最近先察覺，現時暑假，未知平時客量如何～現時就覺比較少門面亦沒有太多宣傳不講太多，入正題以餐牌價錢，食物質素可以說是超超超值！真的試過就知～海南雞香，多汁豬脾夠哂骨膠原，但略咸牛腩好食又林，唔係茶記個d炆唔林都比你既貨色肥瘦比例很好～配送蘿蔔絲夠特別，條條都撈到有醬汁，一看就知係放足心機整基本上想食海南雞都唔使去太安樓，呢間正太多了奈何真的未必太多人知道此店的 存在 😂店家有禮貌笑容，實在值得更多食客青來！再強調食物質素、店家的用心絕對值得長期捧場！

又同同事來食lunch,黃金炒飯，幾好食如果你地人多，可以叫外賣，下次大家係附近都要試下。特別推介泰式咖哩（青咖哩/紅咖哩）手撕雞同豬扒飯都ok例湯都好好飲，唔似加味精

#西灣河美食#樂食人生1.秘製黃金雞飯 $36-滿滿嘅甜酸紅蘿蔔絲可以話係黃金雞嘅標誌，望落去夠曬「誇」，店主主動介紹係招牌開胃菜，皆因好多人成日都嫌海南雞飯太dry唔夠惹味，加分！-油飯雞味唔算濃，但確實粒粒飯都好入味，個人會建議再加少少醋食更開胃-主角黃金雞其實就係無骨海南雞，夠曬滑！.2.五香豬脾飯 $36-豬脾好軟腍入味，最正就係豬皮已經煮到腍曬，啖啖都係骨膠「張」住你全個口腔，好過癮-同埋有蘿蔔絲伴碟，油飯則換上白飯.3.超濃雞湯 (免費，可添飲)-一杯好濃好濃嘅雞湯，用雞骨同內臟煲成，但真係太濃太咸，飲唔曬 .小結：又一間值得贏到更多鎂光燈嘅小店，價錢夠大眾化，唔好睇少佢個小盒仔，其實入面嘅飯量足足等於兩碗白飯。.店主係一名有熱誠嘅年輕人，有多年入廚經驗，坦言出黎創業其實都係「岩岩夠開飯」，佢話唔期望可以賺大錢，只要每位食客食得開心，對佢而言已經係最大嘅鼓勵，加油呀！😃.口水指數🤤：3.5/5 分地址: 筲箕灣海利街6號海利大廈地舖電話: 97656029

見有間鋪頭新開，主打海南雞飯，仲有咖哩。午市時間搵食，便進去叫了一客「黃金雞飯」，$36，可以多飯，唔使驚唔夠飽，米飯粒粒金黃，沒有馬虎，伴碟的蒜蓉酸蘿蔔好好味，提提大家如果唔食蔥記得要嗌佢走蔥，佢會畀唔少蔥你。隨飯送一杯熱辣辣惹味濃湯，個湯真係要讚，好香，好濃郁。相比市面各式「連鎖海南雞飯店」，這間簡直是性價比拔群啊啊啊啊！！！！一個毫不馬虎的雞飯只要$36, 而家真係唔知邊道可以搵到！！而且是年青人開的本地小店，值得支持啊！！！

本身唔係附近街坊，因工作係度食午飯但係附近行左一圈都無野岩心水，最後經過呢條小街，見到一間裝修簡約由幾位年輕人經營既小店坐低後，年輕人殷勤向我介紹，最後我選擇左招牌既黃金雞飯，雞飯十分抵食，只售$36，但份量十足，雞夠滑，醬夠濃，飯軟硬適中另外重要送一碗雞湯，十分滋潤呢個價錢，可以食到呢個水準比好多茶餐廳抵食得多見雞飯有水準，就追加左個雞軟骨雞軟骨略油，但勝在調味剛好，份量極多😂....我一個人都食唔晒（如果有啤酒的話應該食得晒！ 哈哈）本身都無寫食評既習慣，不過見小店由幾位年輕人經營，希望比d鼓勵佢地，亦想推薦各位街坊黎試試👍

Lunch同同事去食，同事之前已試過幾次覺得好味，個人食左魚飯+青咖哩幾好味抵讚既係服務態度相當好，服務人員非常好笑容，又可以加湯。下次會再去，希望可以keep住水準

住在西灣河年幾，見住呢間小鋪開張。初初就唔敢入去既，覺得幾個靚仔開店，應該好極有限。仲要係細鋪，餐牌又無相片，店中只見高既 bar 檯，裝修格局唔太專業。以前啲燒味店，啲燒雞燒鵝總是掛在門口用燈照著看起來好靚咁，黃金雞就將斬雞既地方縮在店入面，可能是小鋪位既關係吧。總是令我唔敢入去。今日放假，中午膽粗粗落去買盒黃金雞外賣，本來想叫多客雞翼，但老闆話賣晒。中午就賣晒？是老闆覺得做唔住要減少產品嗎？回歸正題，一客黃金雞外賣盛惠HK$36，一個驚喜的價錢，還要送湯，有晒薑蓉醬汁。終於回到家，盒仔細細，以為將價就貨？點知盒係好深，飯同雞是1:1，仲要是傳統黃飯，第一啖，先食件雞，嘩！嫩滑！有雞油的。再來一口飯，哼，真心好味。唔係吹水唔係賣廣告，呢間小店既海南雞真心好味。仲要有蘿蔔絲，咁既價錢有大約八件雞，仲要無骨，我要比200分！外賣就十分好，堂食就唔多位，好在住得近。我都怕佢就快執，呢區人流唔旺，加上佢既 marketing做得不好，入到去都唔覺餐牌在邊就其實是失敗，但雞真係超好食。

薯波新鮮即叫即炸，入面仲有芝士拉絲勁正海南雞飯$36好抵食，雞肉又嫩滑又大件！店主倒左少少青咖哩俾我地試，呢個超級驚喜！！真心好香勁好味，有少少辣，甜甜地好香椰汁味～

小弟經常會在西灣河區覓食 最近發現開左呢間小店.....招牌黃金雞飯 - 泰式海南雞配黃油飯 雞肉好滑 份量足 油飯一啲都唔覺得油 泰式蒜蓉辣醬夠特別我真係好鍾意食海南雞飯 ！呢間真係very good！！！$36 一盒飯 抵！！！例湯 日日不同 不錯不錯........包裝用紙盒做 精緻得黎比發泡膠盒環保！(但保溫能力一般．建議要盡快食用)見到其他客人食泰式 靑/紅色咖喱吉列豬扒飯猛咁話正！下次一定試！一定要試！呢啲CP值高既小店一定要支持 支持到底！香港靠你哋喇

有時下午趕時間要做吓無飯煮婦，今天試試這新開小店。位置在橫街，地方細細，應該主力做外賣，但也有些位置供堂食使用。地方企理簡潔。 今天試了海南雞飯，肉質嫩滑，賣相都幾好，另附上一杯湯。至於油飯，好似同其他食開嘅有些唔同，但就無咁油膩，喜不喜歡就睇個人喜好啦。另外，我都幾欣賞他們用紙飯盒，不用發泡膠飯盒，值得一讚。

今日來探望住西灣河的朋友，發現他家附近有新開雞飯店。外表睇落普通但環境算幾乾淨企理，外賣包裝又唔似食緊頹飯。買左牛腩 豬脾 薯波同佢招牌雞飯上朋友道試試佢，每個飯跟一個湯，老闆仲好好比左少少咖哩汁我試下。講返啲食物，牛腩豬脾水平中高，煮得幾冧，但中意濃味既我會覺得配埋白飯有少少淡，但佢加埋酸菜做配菜，尼個價錢我覺得幾有誠意好過好多餐廳。至於薯波，炸野一向無得輸，尼個薯波係即叫即炸，take away拎到朋友屋企仲係熱同脆唔會成攤油，中間老闆好似加左芝士，仲有少少拉絲，nice至於佢招脾雞飯配黃油飯，雞好滑唔生已經拎好多分，正。黃油飯都ok但唔算驚喜。但成餐最意想不到係老闆送既咖哩汁，勁好味有椰香，配左啲飯勁開胃！如果下次再買我必叫咖哩雞飯，真心推介比各位。每個飯50蚊都唔洗食到尼個質素，性價比實在太高，良心小店希望老闆長做長有。