Video
Opening Hours
Mon - Sun
10:00 - 21:00
Above information is for reference only. Please check details with the restaurant.
今日考試，中間的長準備時間，見到這間之前去深水埗食過的茶寮，難得見到所以入去回味一下。環境都大，但舊又比較不潔。見有客人話有蒸飽有酸味，個心有點怕怕。一個人就簡單食一個蒸籠仔飯，應該比較保險點心都多選擇，我見腸粉及炸物多人叫叫咗蒜蓉排骨蒸籠仔飯排骨都普通啦，不過比較油，食完下面個茶葉一層油！飯比較硬，因為無汁，所以用枱上的豉油，我覺得如果配煲仔飯豉油好更好食。服務都可以，話凍佢有立即關了頭上的冷氣，都好的！無加一 只要茶錢每人$4，可以坐好耐
continue reading
新蒲崗美食雲集，諗住隨意試一間，見呢間大大間，有點心食又唔使去茶樓同人迫，點知中伏🤢叉燒包係空心既，一舊叉燒都唔見，得d叉燒醬牛肉好唔新鮮，變壞左😵點心專門店d點心蒸到過晒龍...色香味俱差..茶又唔靚...唯一係蒸飯正正常常...........價錢方面都唔平，同酒樓差唔多，但呢個質素...估計點心全部都係叫貨，冇註場點心師傅即日製造唔怪得lunch時間都冇乜人客，真係好難食，冇下次!!!!
continue reading
今晚入新蒲崗揾食，貪這裡泊車方便，泊埋路邊就行行得。選了一間食點心的做晚餐，見這裡有湯入，點知有驚喜。一坐下，見到這個天時都有煲仔飯，勁！蒸鯇魚飯，不過我最後叫了籠仔蒸蒜蓉龍躉飯+$43有菜有燉湯，物超所值，魚肉鮮甜就算不落豉油本身已夠味，不過我覺得加點色水好睇D，加了點甜豉油，好味。點心即叫即蒸，鮮蝦腸粉晶凝通透，雪山叉燒包雪山份量恰到好處。花旗參燉烏雞湯，川芎白芷燉魚頭湯足料，夠味，返到屋企都冇口喝，所以相信冇添加味精。值得推介
continue reading
假期想飲茶但又唔想同人迫？近幾年有種新式茶樓興起，有傳統點心食又有茶飲，但唔同既係點心款款新穎又有趣造型。適逢清明放假估到傳統酒樓一家多人到爆，所以同屋企人決定係屋企附近呢間茶寮解決。其實我地唔係第一次食！不過成12點幾先坐低，錯過特價時段。我地order左：海蝦籠仔飯 / $48食得出係炒飯底，但味道偏淡，蝦食得出唔係新鮮蝦，鐘意食清淡既朋友可能岩。但個人覺得若蒜茸再放多啲就更好。鮮蝦菜苗餃 / $26菜苗係白菜仔黎，同樣蝦都係食得出唔係鮮蝦，上枱夠熱，味道還可以。黃金蝦餃皇兩隻 / $17上枱時熱辣辣，新鮮出爐。皮唔夠薄，味道都好淡。蟹籽燒賣兩隻 / $15同樣都係上枱夠熱，味道還可以。香滑牛肉腸粉 / $26我記得首先上菜係呢碟牛腸，放低時無煙...不出所料唔夠熱，皮太厚。本來仲好怕跟住上菜既點心可能都凍冰冰。不過好彩...龍蝦鮮湯竹卷 / $26依個點心比我老公彈到曉飛，好喊好似倒瀉鹽...老公話食到啲肉唔新鮮，或者呢個原因要落多啲味精，個湯都係喊到舌頭變麻好喇...最後埋單$80一位左右。價錢係有少少貴，唔似其他食評寫得咁平，或者其他人係特價時段食掛下面餐牌慢慢睇...
continue reading
兩個女仔去食飯，唔知食咩好，就入左黎食點心未黎食過，無諗到又幾抵食，樣樣都想試下，忍唔住叫左成十個點心炸野食幾香口，尤其係炸雲吞同脆皮羅白腸同埋蒸個啲點心都做到傳統點心嘅味道，蝦餃燒賣牛肉，鳳爪排骨飯唔會濕得滯。感覺樣樣都幾到位，唔會好似啲新式點心咁做到鬼五馬六，本身無咩大期望，點知都算幾驚喜！佢晚市有任食火鍋，都幾多野食，下次黎試埋
continue reading