金象泰小館 德士古道

Open Now

Now Closed

同屋企人食左4次，每次都無失望，海南雞個飯。真心好食😋以呢個價錢，又唔使加一，已經很好的了。下午茶50蚊都唔洗。唔知點解會有咁多負評。個人比較喜歡的餐廳之一。👍🏻希望唔好咁快加價😂😂😂見到好多台都有叫炒通菜，個賣相都幾好。下次有機會試下。中午包餐飲，凍飲加3蚊，都算好親民。下午茶仲抵，40以下都有選擇，湯河38包熱飲。唔夠字數，加幾個哈哈大笑😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂😂

晚飯食嚟食去都係冰室茶記, 今晚就食泰國菜! 我地食親泰國菜, 食嚟食去都係蝦餅, 通菜, 生菜包等! 今日個個都唔太餓, 所以叫咗一人一份粉麵飯。其實之前都試過佢嘅生菜包, 咖哩麵包海鮮, 馬拉盞通菜! 味道其實都偏淡, 唔辣。生菜包啲肉有少少酸酸地嘅青檸味, 泰北嘅酸辣味! 麵包咖哩海鮮有啲驚喜,咖哩味香濃,海鮮唔多!講番今晚食嘅海南雞飯, 蝦球炒金邊粉, 冬陰功香茅豬扒湯河, 冬陰功海南雞湯河先! 海南雞飯幾好食,油飯好香, 海南雞唔老!泰式蝦球炒金邊粉就麻麻地, 有啲似廈門炒米嘅味道!兩碗冬陰公河, 冬陰公唔夠辣, 唔夠香濃,出唔到酸辣嘅泰式味道, 有啲失望!其次就係豬扒好肥!

1. 食辣野既餐廳冇冷氣,基本上八成時間係滴住汗食2. 19:17入座, 19:47已經比人清哂枱,拎走埋枱中間塊檔版,明顯要趕客有4人枱出面等緊, 結果埋單一出門口真係一家三口等緊位3. Menu聲稱係蝦餅既物體應該係一開三,只能夠講係蝦條,有違我對餅呢個形狀既認知珍多冰淡而無味,減肥人仕恩物,飲多幾杯都唔怕肥,順便幫埋銀包減肥香茅雞翼冇香茅味,減少食客洗腎風險,實乃餐廳界清泉豬頸肉炒河食落冇豬頸肉爽口既感覺,更似一般豬肉口感

今日一行二人嚟到呢間泰菜館，未夠七點入座率都已經有八、九成，咁岩就唔使等位，直接有得入。叫左碗冬蔭公海蝦球湯粉($、扎肉湯金邊粉、小食拼盤、生菜包，同一個椰青。冬蔭公海蝦球湯粉嘅海蝦球份量夠，蝦同面底都夠爽口，但冬蔭公湯底味道一般。味道比較淡，出唔到冬蔭公湯底應有嘅酸酸辣辣味，唔夠惹味，有點失望。扎肉湯金邊粉面底同樣夠爽口，但扎肉同湯底味道都一樣淡味。小食拼盤入面有三款小食，分別係炸蝦餅、魚餅＆香茅雞翼。蝦餅夠彈牙、雞翼煎得岩岩好，都算嫩滑，不過魚餅都係略嫌味淡、香茅雞翼就唔太出到香茅味，純粹似幾好食嘅普通煎雞翼咁。最後講埋個生菜包，肉碎有少少辣口，唔算炒得好香口，而且口感有點「鞋」，肉碎中亦有點碎骨。最後，要讚下個椰青，係好清甜嘅，不過$36一個就少貴。

2/8今日入去食早餐，入到去得壹個老女人侍應同埋一個後生仔侍應，坐低幾分鐘（人客不多）淨係見到個老女人侍應不停同水吧女人吹水，沒有俾餐牌給我們，另外後生仔侍應就忙碌執枱，後期我叫個老女人，佢先至比餐牌，我叫咗一碗扎肉魚蛋通粉早餐，食落去魚蛋又腥又臭，於是乎我諗住反映下叫個侍應過嚟，老女人待應回答係呀我哋啲魚蛋係有聲有臭㗎，泰國直送係咁㗎啦，我當時都俾佢嚇一跳咁樣講嘢，佢仲話呢款扎肉魚蛋好多食客叫嚟食😰，我問佢你自己有冇食過，佢就答我有，我話你食唔到又聲又臭咩，佢話食到啊泰國魚蛋係咁，跟住我就問佢你老細係泰國人？佢話係，但係以我所知我係嗰度嘅街坊，個老細係香港人跟住佢就轉話題改話廚房佬係泰國人，我話就算係泰國人，呢度係香港我諗冇香港人會鍾意食又腥又臭嘅魚蛋囉🤮🤮，真心喺度想同嗰間野個老細講，呢個員工再喺度工作，肯定幫老細倒米，我以後都唔會幫襯印象極差，差唔緊要最緊要肯改，呢個員工只係死撐😤絕對絕對以後不會幫襯🤮🤮

荃灣區數下數下都有十幾間泰菜店，每次經過都見到好多人好迫下，今次早少少去食個晚餐。入到去真係好迫枱好細，其實同茶餐廳一樣，只可每人一碟加杯飲品，我地3個人已經係坐4人枱，叫4樣野3杯飲品已經冇位，唔怪得個個都係食海南雞飯同豬手飯。咖喱海鮮麵包 - 冇料得咖喱汁個包好似擺左幾日飛天通菜 - 好野味，但份量太少生菜包 -得個辣字，食唔到其他味道泰式炒河 -最好食之選半價可叫泰式飲品，不過不失總結：服務態度好，食物一段，價錢低食，環境太迫，一試無妨。

一杯凍檸茶要吹三次才有得飲前後要等30分鐘飯都食完丶之後出杯熱丶凍另一杯要再吹才出肉碎蛋飯丶根本就港式肉碎飯海南雞飯都要等35分鐘先出來啲飯係凍掛住做外賣丶冇人跟進堂食不會再去同一集團不會再幫襯

最近見大窩口附近新開咗間泰式餐廳🇹🇭，我嗑就率先幫大家試下有無伏先。當日因為時間嘅關係，去到已經係下午茶時間，我地就叫咗兩個下午茶餐。下午茶餐同普通茶餐廳一樣，都係14:30開始🕝，直到18:00完結🕕。.泰式菠蘿海鮮炒飯 $45 (下午茶餐)好耐無食過泰國菜，首先就選定咗泰國菜必點哪菠蘿炒飯。好彩唔係用原隻菠蘿上碟，如果唔係就會一直食，一直諗個菠蘿係咪循環再用嘅呢... 雖然係下午茶餐，但份量大概係一碗半飯碗🍚左右，skip咗午餐食都好夠飽。價錢先$45，所以材料難免都係將貨就價，都係急凍蝦仁🦐、魷魚🦑、蛋絲🥚同炸蟹柳，味道都唔錯嘅，對得起價錢。.泰式豬頸肉乾炒河 $45 (下午茶餐)除咗菠蘿炒飯，另外就叫咗個豬頸肉乾炒河，河粉選用粗河粉，估唔到炒得幾香幾有鑊氣，面頭嘅花生碎更增添幾分香氣。入面有幾條菜心同豬頸肉，醃得都幾入味，有泰式風味。依個比菠蘿炒飯更加正😋。.另外想一提佢地嘅服務態度都相當唔錯，睇落舖面都係後生仔主理，個個都幾有禮貌，又會提醒我地兩個餐都係即叫即炒，可能要等一等。味道都幾好，雖然未必有非常地道嘅泰式風味，但以依個價錢嚟講都算係超晒班，仲要有鑊氣添

OpenRice 係大量差評 ( ´▽｀)但我自己食就覺得唔係咁差嘅其實當日忽然醒起呢道開咗間舖我本身都幾中意食泰國野又未食過佢地個晚市就試下啦一入門 冇人( ´▽｀)但都好乖咁自己填返資料 再量體溫喺體溫儀有反應之後 就有侍應帶我地入座個人覺得佢喺磚牆上加嘅呢塊野有啲格格不入不過應該都只係想搵啲野掛起串芒果？木枝可能會好睇啲之後就坐低啦 想食咖喱蟹我喺泰國食過幾次咖喱蟹 對椰香嘅味道都算係鍾情( ´▽｀) 不過睇menu見到話要預訂。。咁就算啦 下次唔係心血來潮先訂啦既然佢放四幅圖喺墊枱紙 我諗應該呢四樣係主打所以冇蟹就揀左菠蘿炒飯快快手落完單 望下周圍牆上貼左好多紙 美國漫畫但望真啲 iron man隔離有泰文😂餐廳做左好多裝飾 但我個人係唔太識欣賞( ´▽｀)都可能係老闆嘅個人喜好黎既好快第一碟餸就到左飛天通菜 好似望到咁 冇辣椒 係有少少辣嘅而麵豉甜甜地 係濃嘅味道開頭獨立食都幾好 但因為汁喺底所以之後跟飯食會比較易入口菠蘿炒飯 炒嘅係蟹柳 另一邊有花生同肉鬆小傳統嘅係有提子乾同肉鬆所以係個甜嘅泰式炒飯仲令人意外嘅係魷魚 蝦 嘅比例多過菠蘿好多。。好似有四五隻蝦 魷魚都大隻而我

是咁的，我係一個好中意食泰國野既人，食過香港唔少既泰國餐廳，從來未食過d咁難食既冬陰公 除左劣質之外真係搵唔到野去形容 湯頭無鮮味都算，仲要係無辣味同酸味 完全好似食緊椰奶湯河。 好鬼嬲真係 本身打算佢係新店就算啦 原來有舊舖！咁樣真係好難原諒 以後唔會再去 平都無用 劣食！

芒果完全唔甜 糯米飯好硬椰汁醬唔夠椰汁味份量小都要50蚊唔可以話係完全難食100分我會比30分但如果你同我講呢個係招牌嘅話 我覺得你可以執笠٩(˃̶͈̀௰˂̶͈́)و因為完全唔值呢個價

以前經常去九龍城食泰國野，宜家經常係金象食，同我係九龍城食ga味道不分上下，價錢就天地只差了。咖喱炒🦀超好食，本身想試咖喱大頭蝦。可惜佢地冇大頭蝦俾我兩隻龍蝦仔。總體黎講都系好味，女朋友都好中意可惜宜家夜晚冇堂食，只可以lunch再食了。

今日經過屋企附近，見到有間裝修幾靚食泰國菜的新店，叫埋老公陪我去試吓😂見到午市套餐有我最愛的海南雞飯，當然要試一試，勁期待💕賣相都唔錯，點知食落...d鷄好咸😭第一次食到海南雞會咁咸，同埋雞亦位背面仲有幾條又黑又粗的毛毛未清理🥲食慾大減了😎值得一讚d飯雖然睇落去冇乜色水，但食落好香，帶點點椰香味。老公叫了蝦醬炒飯，偷食了一點點，味道帶少少甜味，配料加左d臘腸，幾惹味，略嫌油左少少🤏總結：都幾失望，希望味道方面可以再提升💪🏻

大窩口一直都無泰式餐廳，所以一知新開左呢間新野，都幾期待，點知相當失望🤯泰式湯粉麵餐，要左魚蛋，轉左做金邊粉，好快上菜，第一次食咁清淡泰式粉麵，我以為自己病左，食清淡，無乾蔥，無炸蒜洋蔥之類，有少少蔥花同埋一啲榨菜？成碗野都係好㝰好淡口味，就算啲白蘿蔔都完全無味，唯有要讚佢既份量都算多。個海南雞都滑，份量唔多，賣相都可以，個醬汁酸甜。荔枝梳打，賣相味道可以，荔枝肉有三粒，都幾清新。午餐黎講，佢價位都算平，不過失望，都無興趣再黎，格離好多餐廳都係呢啲價。

這家餐廳路過幾次，今日去幫襯下。泰式鹵水豬手不常吃，所以點了試下。豬手不算很濃味，豬皮是帶Q彈那種口感，不是燜得軟糯那種，豬肉結實，也算入味。豬手本身不帶辣味，配有酸辣汁，可以沾豬手食，更解膩開胃。白飯份量精緻，口感也可以，泰國餐，米飯也是一種象徵，畢竟泰國以白米聞名。豬手配少量咸菜，帶少量鹵汁，汁液濃稠，味不算咸。餐廳環境干淨，整潔。餐品整體口味可以，出品精緻，適合飯量小的朋友，認真的作品，可以一試。