聯邦金閣酒家 (Closed)

早前同多位朋友來到九龍區聚餐，大家都打算吃中菜之際，來到這間位於佐敦同油麻地之間的永安樓上的聯邦酒樓第一次來到聯邦酒樓吃飯，這家有點歷史的食肆，原來質素都唔錯👍🏻👍🏻👍🏻而且價錢好實惠！！北京填鴨，片皮鴨，做得唔錯，鴨唔會太多肥膏，肉都算嫩，外皮酥脆可口，做得唔錯，好過好多以片皮鴨做賣點嘅餐廳，例如乜乜鴨子！朋友們仲叫咗個唔知咩蝦球，做得唔錯，醬汁好香口，如果大家想食可以照住張相叫！炸子雞冇得輸，外皮相當酥脆，肉質相當嫩滑！！口肉多汁，高質之選！必叫 ！海鮮嘅嘢都係時令價格，調味做得唔錯，而且唔會過分熟，有咬口同時保持嫩滑質感！

著西裝嘅人行來行去，叫極都唔得閒應人食物質素一般般竟然連找錢都找少座位間隔太窄，疫情都後期了還是之前嚴重時嘅佈局今早9點幾去就見到有幾張枱『被訂座』如果只是做附近街坊生意而欺負新客的話，那麼早點換招牌是理所當然的結果自從換了店址後去幾次，竟然各方面越來越差今時今日，生意難做？有酒樓關門，有酒樓卻大把人排隊等位。服務極差，卻難請人。不思進取還要阿爺派錢，越白白派錢，人就會越懶，服務質量越來越差，墮落到一個點，勸喻不要再幫無恥之人

今日同三個 friend 出去食，諗住貪方便又見幾多人排隊，但其實虛有其表。首先鮮蝦腸，個啲蝦成陣雪味同埋凍嘅，豉油又冇味，竟然收費$22.8。其次，糯米雞啲醬汁完全未煮熟，同樣收費$22.8，之後餡料少之有少。第三，燒賣就有陣怪味仲要唔個點解有嚿綠色嘢。服務態度方面，一開始叫服務員執枱，佢竟然大聲呼喝我哋，想取消個粥又勁耐，大約十分鐘，總共浪費了我地九個字。🤬🤬🤬🤬總結，又貴又唔好食，服務態度又差，手腳又慢，以後都唔會再食，強烈建議大家唔好食呢間。

疫情之下一家人已好少飲茶，現在疫情緩和，酒樓又容納6人一枱，酒樓生意好轉了許多。今天陪父母油麻地看醫生，便順便約他們飲茶。這間酒樓位於永安百貨樓上的大廈，我知道是因為我的保險經紀的公司之前也設辦公室在這幢商廈內，之前約他交表格時上過這幢大廈。那次已經驚訝於一幢商廈，竟有一層是食肆租用，一般遊人實在不易找到。食物方面沒有特別評論。特別想講講服務。第一，侍應服務真的不好，揀了點心寫了紙，舉手舉了5分鐘，也沒有人來招呼。侍應未必缺人手，可能真的不勤力，我要交點心紙到櫃枱給經理，而經理不會覺得不好意思。第二，大家見到附圖，酒樓為確保客人相信碗筷清潔，將幾個水煲置於大堂中間，裡面灼著筷子碗碟等，像要餵嬰兒飲奶的父母在家用熱水消毒奶瓶般。這點我不肯定應該是讚賞還是如何，只想說我離遠看以為是賣食物。最後埋單發生的插曲亦是我覺得最憤怒的地方，就是職員過完信用咭後只給回我信用咭收據，卻沒有給回我信用咭。我自己亦無為意，到我去完廁所，太太說我忘記拿回信用咭，但其實是收銀職員忘記把信用咭交給我。你說這間酒樓的服務如何? 上至經理，下至收銀，都是在「扮工」而不是返工!

兩天禁止堂食後，今天朝上相約了同事先飲個早茶先上班，同事提議在公司附近的茶樓用膳，愛吃點心的我便隨他的提議到此進餐。餐廳入內有提供量度體溫和酒精搓手液服務，所有進食用具亦均使用熱水清潔過後才讓顧客使用。各張餐桌可見隔開了一點五米，以及只可坐兩人。而且餐廳推出優惠，凡正牌食品外賣自取可享有八折優惠。晶瑩鮮蝦餃鮮蝦餃一籠四件，外層餃皮晶瑩剔透，口感柔韌薄身，內裏餡料飽滿充足，蝦肉鮮嫩肥美，爽口彈牙，豬肉香濃鮮美，整體新鮮爽滑。蟹籽燒賣皇燒賣皇餡料飽滿大顆，頂部放上蟹籽作點綴，入口鮮香煙韌，味道濃郁，配搭蟹籽進食，更使燒賣增添一份爽口清脆的口感。韭菜煎蝦餅韭菜煎蝦餅一碟三件，外層煎至色澤金黃，入口韭菜和蝦肉份量眾多，韭菜清香鮮嫩，蝦肉爽口彈牙，整體酥脆鹹香，惹味可口。蟲草花雞絲腸腸粉皮晶瑩剔透，入口軟糯薄身，內裏餡料有蟲草花、雞絲，蟲草花菌香味濃郁，鮮美清香，配搭嫩滑香濃的雞絲，兩者相配獨特，較少有餐廳提供此款腸粉，而且其營養價值豐富。竹笙灌湯餃竹笙灌湯餃湯底鮮甜味美，配料有竹笙、灌湯餃，竹笙份量眾多，外形雪白，佈滿小孔，使其飽吸湯汁，而且口感爽脆柔嫩。灌湯餃飽滿大件，入口餃皮煙韌軟糯，內裡

星期一朝早10點上到來，吾算多人，不過因為冇得搭枱，所以等左陣先坐得低。We came on monday 11am, not too many people.But cant sit with others, so we waited a little.牛腸steamed meat chong fen：表面厚厚一層油，皮薄，但淋batbat；餡多，味道都係一般茶樓水準。Oily, thin skin, too soft; lot of fillings, tastes as ordinary restaurants 炸雲呑deep fried dumplings ：好淺色，好脆口，好食。Light in color, very crispy, tastes good煎餃子、煎韮菜蝦餅fried dumplings, fried veggie shrimp paste：食完冇乜特別感覺，吾會太難食，安全之選。Nothing too special, not too bad, safe「必食」流沙奶皇包’must eat’ runny bun：點心紙話係必食，好失望吾流沙，冇乜蛋黃香，難

放工同屋企人係油麻地食晚飯聚餐。由於想食中式野，所以就去左位於永安大廈8樓既聯邦金閣食野。上到去既時間尚早，所以唔多人。坐左係到就開始揀野食。最後揀左5樣野，有魚，牛腩骨煲，生炒骨，炒西蘭花同炒飯。首先係帶子炒西蘭花，普普通通，不過不失，炒得幾香口。跟住就黎生炒骨喇。呢碟就比較失望喇，肉非常之硬，連大快活個咕嚕肉都比佢做得好食。不過勝左肉夠多。之後就黎左碟楊州炒飯。炒得唔錯，飯幾乾身，有蝦但叉燒就比較少。最令我期待既紅酒牛腩骨煲果然冇令我失望。牛骨啲味入曬去啲紅酒薈汁到，非常野味。牛腩骨炆得好淋，好易就可以將佢望骨。而且佢仲有蒜蓉包俾你送啲汁，一個字 正！最後就清蒸石班仔，幾有鮮味，而且唔算多骨。但去到呢個時候已經好飽......所以魚真係食得唔多。埋單前仲送你3碗中式甜品：紅豆沙，綠豆沙，番薯糖水。聽佢地講蕃薯糖水比較麻麻，其餘兩碗都好好食。4個人最後食左652蚊。呢個水準真係唔算貴，下次一定會再黎食！

油麻地的聯邦金閣，因地利關係，所以久不久，都有同事約去食飯。首先，個乳豬皮脆肉嫩，只係略為多肥油，如果皮走層油，就真係完美。但一分錢 一分貨，所以，呢個動作，我唯有自己做。黑松露炒大蝦西芹，份量十足，D西芹食極都有而西蘭花炒鮮魷，同樣大大碟，不過呢碟就足料好多，魷魚多過菜，唔駛箏，而且D鮮魷又夠厚身，真係好正。其他餸菜都幾好，食左咁多年，聯邦金閣的水準都幾穩定，未試過特別差，所以久唔久，都會來食下飯。

朋友聚會的冬至飯, 好幾家人, 又有細路, 最好就係去返傳統啲嘅大酒樓, 地方寬敞, 坐得舒適, 容易照顧小朋友。油麻地永安樓上嘅聯邦金閣係很好嘅選擇。價錢算合理。我哋預先就訂咗 <合家樂滿堂全包宴> 1.5圍。嚟到食的時候, 發現份量原來都好大。我哋18人, 一圍半, 食到最後都有好多嘢食唔曬要打包, 當然其中一個原因係我哋小朋友比較多。<鴻運乳豬全體> 最重要係隻豬肥瘦適中。 有肉食之餘又唔會太肥。師傅手勢不容置疑, 係我近來食過最好食嘅一隻乳豬。<上湯焗波士頓龍蝦配伊麵> 龍蝦美味新鮮彈牙, 伊麵爽口唔會太過淋, 調味合適。高水準。<碧玉螺片肉帶> 原粒帶子粒, 味道清新, 新鮮可口。<脆奶伴石榴百花球> 夠火候, 脆口, 唔會油淋淋。用油高級, 唔會有油益味。百花球好好味, 比美婚宴大酒席水準。脆奶味道特別。<紅燒竹笙雞絲魚翅> 都幾足料, 冇味精。而且份量多, 一定夠分。<翡翠鮑螺片扣玉掌> 我個人最喜歡, 覺得呢個最好味。 鵝掌炆得夠火喉, 又不失咬口。 而螺片(

大致上食物都麻麻但係服務就奇差叫佢攞少少嘢都黑口黑面 畀曬嘴面你睇其實老實講 我知叫你攞嘢都係好辛苦但係擺埋上面度就唔夠專業囉啲蝦仁 一食就知係frozen但係我唔明白點解好多人食個沙律卷反而幾好食燒鵝勁鞋你睇下佢個皮燒到燶曬咁叉燒好肥油雞勁鞋佢有個勁似豬皮嘅花膠 同埋啲菜一齊煮滴曬水咁好唔開胃反而個牛尾係有驚喜雖然我唔食牛但係佢個汁 撈落其他嘢都算係炒埋一碟咁樣其實舊零兩舊水我真係唔可以要求太高食物質素勉強接受服務質素就真係勁差不過個廁所真係幾乾淨

因為去完QEH探病要去搵飯食,所以貪近摸去試試。見到個大堂好光猛又靜局,印象唔錯。散叫幾個少菜試吓水準一般賽旁蟹唔軟口,豉油蝦碌又唔多新鮮。咕嚕肉最OK,個煲仔都唔錯。其餘真係麻麻哋。晚飯嚟講,唔會再幫襯囉。

禮拜下午茶時段2:15入座。點心選擇同正價一樣，只係比正價平少少10%唔到。weekend下午茶比平日正價差唔多，都有平到小小。但overall 唔算平。3個人食左$290。呀媽已經算細食，我普通飽，因為太難食，所以都唔想多食。到d食物，選擇已經唔算多，質素差到無朋友。係全面咁差，不論炸嘢定蒸嘢定炒嘢。叫左碟炒河，勁油都預左，但油得黎唔好食。食具唔乾淨，呢樣好多酒樓都係，自己係咁e洗吓只能接受。服務正常，ok的。

第一次來聯邦金閣吃晚飯，平日來酒樓都是飲茶。若不是朋友邀請也未必會想起來酒樓吃晚飯。早幾天還跟朋友說起，今年未吃大閘蟹，看到餐牌$98一隻的大閘蟹就二話不說點了。雖然點了大蟹，但看起來體積不算大。誰不知內裏的蟹膏軟滑甘香，十分鮮甜，如果份量再多一點就好了。黑松露帶子炒鮮奶比日較少機會在中菜看到黑松露的菜色，一於試試看。黑松露香氣撲鼻，令人唾延欲滴，帶子也爽口新鮮，可惜鮮奶太多，吃畢後感覺太膩了。紅酒鮮茄燴牛尾煲牛尾煲用上中式瓦煲，因為火力均勻可以保持醬汁的美味程度，牛尾肉質軟腍，再配上用紅酒和鮮茄做成的醬汁，令牛尾吸盡醬汁精華，非常惹味。旁邊的蒜蓉包烤得金黃鬆脆，不過略嫌蒜蓉不夠多，否則就完美了。沒想到兩個人最後捧著肚離開，非常多謝朋友的邀請。

佐敦咁多酒樓, 我覺得坐得較舒適同埋較好食的係聯邦金閣酒家, 今日中午兩個人唔係好肚餓, 叫左一籠叉燒飽, 一碟上湯龍蝦伊麵叉燒飽($20)- 皮好薄, 叉燒好足料, 多汁, 好好食上湯龍蝦伊麵 ($108)- 龍蝦新鮮, 好多肉, 配埋上湯, 好鮮甜加埋茶錢, 每位$10, 埋單$170

今晚約咗班舊同事食飯, 一行十人, 人多就梗係最好食中菜啦~ 揀呢度嘅原因, 主要係地方就腳, 容易揾! 不論住港九新界嘅朋友, 交通都一樣咁便利 (≧∇≦) 因為已經訂咗枱, 準時嚟到就有位~我哋今晚點咗以下菜式:今晚嘅菜式, 大多中規中矩! 當中以炸子雞 & 蟹肉笙竹炒荳苗最為出色 ＼(^o^)／ 炸子雞皮脆肉滑, 夠惹味 ^^ 冇乜肥膏又唔油膩! 炒荳苗好鮮嫩, 蟹肉 & 竹笙亦好鮮甜, 好夾 ^^ 比一般用瑤柱絲炒嘅做法更為清新~傾傾講講, 開開心心又一餐 (≧3≦) 我哋十個人點咗九個菜, 連埋汽水, 啤酒… 埋單都只係位位 $150, 真係幾抵食 (≧3≦) 坐得舒服, 環境又唔太嘈, 呢喥確係一個唔錯嘅良朋好友聚腳地!!