百樂金宴

Open Now

Now Closed

陪屋企嘅老人家食飯，佢哋幾乎次次都係揀飲茶，今次就去咗黃大仙嘅百樂金宴由於得三個人食，只係叫咗六個點心，有豬肉燒賣、鮮竹牛肉球、鴨扎、鳳爪、珍珠雞，同蒸蘿蔔糕豬肉燒賣火候恰到好處，幾日口感；鮮竹牛肉球加咗好多馬蹄，食落好爽口，層次感豐富；鴨扎有鴨、豬皮、冬菇、芋頭，唔係周圍有得食，但係鴨掌炆得唔夠腍、雞扎會好食啲；鳳爪同種常一樣、幾好食；珍珠雞份量唔係好多，蒸得有啲過火；蒸蘿蔔糕好滑，好啱老人家食

路過黃大仙，走咗去呢個商場呢間酒樓。去到門口見到人直入好似唔使攞飛咁，見到有個招待員在門口接待處，問問是否要攞飛，招待員好似冇反應（冇出聲），然後遞上一張咭有枱號及點餐紙，那就自動地直接入大廳，在找枱號的那時，有個著哂西裝的女部長（可能係經理添）走過來，我show show枱號，她帶路及一邊對個咪講客人飲普洱，最終坐低咗好耐都冇人上茶來，唉😮‍💨 找人幫忙開茶，一間陣就送到。酒樓裝修都幾裝潢和光猛，好似新裝修過。另外，有D奇怪，D水係滾水但好大’浸‘生水味😢叫咗D點心及鹽雞飯等等。食物方面：雞肉平平，飯微暖而已，豬手D汁結踢踢，牛柏葉比較深色（似返蒸咗好多次）及份量好少下面有嘢墊底，牛肉就冇落喼汁（要找姐姐再補上），個咖喱魷魚，就冇乜咖喱味，水拎拎，D魷魚仲好韌，灌湯餃係特價，麻麻地。唔使講太多啦，總之，唔合格埋單時，只比扣卡收據，提出要詳細單，收銀員冇應，等咗一陣才打印出來，非常cool的服務。整體服務真的需要大大改善😢 其實，這價錢比其他酒樓不算平。（註：印象中曾在疫情前去過這間酒樓，整體都冇今次的體驗那麼差）

今早去飲早茶,一去就自己入去搵位,一路都冇人招呼, 叫極都冇人理, 望到都當睇你唔到, 最後個部長招呼, 但係其他老顧客就兩個侍應招呼周到😤😡食物質素就真係食乜都得一隻味😑仲要樣樣都要有西芹😖連雪山叉燒包都有可以有芹菜😰真係搞唔掂, 真真真真真真真係難食到嘔🤮🤮🤮🤮🤮🤮

今早去黄大仙百樂金宴早茶飲到一肚氣，未執枱就放我入去，又冇人招呼，企咗成四分鐘先至有人執枱，兩位茶一坐低就隊碟花生埋尼，大佬，早茶都要收陀地？叫咗個点心拼盤D粉果同金魚餃酸嘅，叫個部長埋來佢若無其事話補返一個小点俾我算數，你話点樣留港消費

途經黃大仙，與老人家去飲茶。地方都算大，屋邨酒樓餐具有污漬都係預料中事，但食物、服務態度超差，完全唔值個價錢！叫了碗豬腳薑，豬腳、薑同蛋完全唔入味。金網腸粉d金網亦唔脆，個綠豆沙仲有奇怪味道！未食過甘難食既酒樓！食物唔好食就算，本來都無意寫comment,但埋單時見到收多左個糉既價錢，當時只係友善提出自己無叫到糉。點知收銀阿姐態度好差，竟然係叫客人企埋一邊唔好阻住曬！！！整體而言，呢間野無樣掂！！

之前都有睇過呢間酒樓資料先去，雖然有評語話呢間嘢態度差，但單純地以為我去食嘢啫，應該無事嘅。點知由門口攞飛到點食物到走真係估唔到咁受氣。啲知客鬧人嘅，佢對你好就唔睬你啫，其他唔開心就個個都鬧。老實講，食物係ok嘅，但服務員的問題真係要留意吓，如果唔係同行長者唔想行，我都走，呢間酒樓的服務態度差真係唔係普通人頂得順。

本人與家人到百樂金宴lunch, 其實已遇過了繁忙時段，入時已告知有輪椅人士，reception 姐姐已派了張枱，入去後坐定後，內裏服務員很不禮貌說我們只有三人不應坐5⃣️人枱，要坐隔離枱，但是其實之前有職員話輪椅不入到，可能是麻雀枱，跟著又再不禮貌地催我們走開，讓出給別人。我地是客，又是門口職員派位，可能另外有自己人要那張枱，非常不滿此百樂金宴職員服務。尤其有個skinhead 男職員，如果真要那張枱我地願意轉枱，但是職員熊度非常差。

自從黃大仙中心南館的“八月小品”結業後，北館的翠園更加多人，餐桌越排越擠，環境變得越來越差！今次換到樓上百樂金宴吃午餐，點了以下的：#普洱茶：茶色很深，但茶味不突出，一般。#櫻花蝦海皇炒飯：份量足！2個人吃不完，要打包，米飯炒得乾身，粒粒分明，夠味又不會過鹹，挺好的！#臘味蒸蘿蔔：蘿蔔很清甜，蒸比煎更能吃到食材的原味，我喜歡！#香草綠豆沙：天氣越來越熱，綠豆消暑解熱，飯後一點甜，very nice！服務不行！從安排入座、開茶、落單，店員態度散漫！

今日一行六人去酒樓食飯，咁近近地就揀呢間🙁點知成個食飯體驗完全勁差！超級唔建議大家去！😡首先一黎有兩碟花生，我地唔想食所以問經理可以幫我退左扣番錢，點知佢話每枱一定有你唔食都係要照比錢，焗住要我食？？😡第二，落完單都正正常常，點知個豬肚雞煲黎到見到啲雞黑哂，都唔知會唔會係擺左好耐既死雞😡咁我地咪叫人換囉第三，經理處理的態度勁差，我地想唔要同樣既餸換過其他餸（點知你會唔會加料），個經理超級唔樂意仲要比臉色比我地睇😡第四，所有野食一係就冇味一係就好鹹，叫侍應幫我哋收走幾碟餸，收錯左一碟就即刻叫停佢啦，佢擲返碟餸落枱發晦氣，當堂啞然，都未食過咁受氣既飯😡第五，唔要雞煲換左兩個餸，食埋糖水都未有餸上，催左三次催到後尾姐理自已都講點解咁耐未上，係囉我都想問點解，你問番我轉頭既？🤬真心真心！唔好去呢間！如果你中意受氣食飯可以去試下既

和朋友睇「毒舌大狀」，電影全冇冷場，難怪票房超過1億，。睇完電影接着節目就到到黃大仙北館「百樂金宴」午飯，兩款蒸餃，一肉一素都一般，味道太重，口感也不爽。豬腳仔就爽滑中又夠腍，味道很不錯！叉燒湯米，叉燒賣相一般，但口感很好，八瘦兩肥沒有油膩腍腍滑滑，蜜味蓋過肉味，湯底味濃郁，伴有白蘿蔔與菜心很不錯。豬腳仔與叉燒湯米都值得推薦，蒸餃水準較差就冇下次了！招呼一般，消費也不便宜的，今次人均消費$122。

第一次嚟呢間酒樓，外表唔錯，座底叫左6個點心 ，等左45分鐘先嚟2個點心，問個待應幾時會到佢話冇時間好忙，之後可等一個鐘再嚟2個點心，我問佢會幾時再嚟，佢話唔知態度差，前後差唔多2個鐘，最後放棄埋單，冇下次

去黃大仙搵朋友飲下午茶～一出港鐵站最近嘅商場可能係下午茶時間公公婆婆最鍾意一盅兩件經濟低微嘅時候飲茶絕對係高消費三個人叫咗8樣點心～特惠點心孖寶（$33.8）懷舊金翅餃～皮薄不過四隻都爆開～味道麻麻～魚蓉煎釀茄子好香口原蝦燒賣皇（$34.8）大大粒蝦燒賣偏肥都幾好食四寶滑雞扎（$34.8）冬菇、火腿、魚肚、雞同其他酒樓味道一樣鮮蝦豆苗餃（$29.8）唔知點解會有馬蹄香煎蘿蔔糕（$27.8）有臘腸粒、蘿蔔條不過偏薄同埋煎得唔夠香口蜜汁叉燒腸（$31.8）叉燒又乾又硬～腸粉皮偏厚味道一般綠茶芒果糯米卷（$31.8）呢個唔係間間酒樓有～幾新穎嘅配搭～有椰絲喺上面抹茶皮配以芒果粒幾特別3茶位連加一$277～下午茶時段嚟講偏貴

屋企人生日，就去左酒樓食片皮鴨。😋😋🦤🦤片皮鴨切得薄身，表皮香脆，配上軟糯的餅皮，很有反差！👍🏼👍🏼😀😀餐廳重裝片皮鴨嘅肉拎左去炒芽菜，呢個就一般般，因為菜嘅份量太多，肉嘅份量太少，味道有啲唔平衡。🥲🥲有啲可惜另外，重叫左個粉絲蔬元貝，略嫌少咗啲豉油，味道有啲淡。不過，整體都okay，至少海鮮size夠大🤣🤣之後重叫咗個西蘭花炒帶子，餐廳好貼心咁樣提供左蝦醬，海鮮配上蝦醬嘅咸香啱啱好。👍🏼👍🏼臨到尾聲，餐廳仲好貼心送左糖水：今次係南瓜西米露，唔會太甜🤩暖入心下次去可以試佢個炒飯，聽姐姐講，好似都幾多人叫黎食，應該可以質素不錯。🧐🧐埋單都幾貴，不過食片皮鴨都預左啦😅😅

又開始禁晚市堂食，疫情嚴重人流減少午市自選套餐$248最抵食冰鎮豬手粒話梅豬手生煎蓮藕餅醬皇蒸鳳爪，份量較翠x多，好食抵食😚雪菜火鴨絲炆米，足料份量十足4人都分到2-3碗，超飽豆苗鮮蝦腸$31.80⋯⋯欣賞豆苗圈入腸粉食到每啖一隻蝦及豆苗無咁肥膩🙃紅油抄手（特點）$39.80，唔算太辣不過味道稍嫌不足。🥲蜜汁义燒包（中點）$31.80潮州蒸粉果（小點）$23.803粒細細入口剛好😃茶費$11/位都ok

由於约了的朋友因事遲到一小時，到達後因為大家傾公事仍未叫嘢，有個黑衫貌似女部長好串，有意無意間在附近俾說話你聽:「開張枱倾計唔叫嘢,可能傾到今晚12點」。我不是不叫，只是未叫，感覺很差，唔怪得中午仍有咁多空枱。