金泰泰式美食

Open Now

Now Closed

約咗好友去行山，我地又未食lunch ，食咩好，佢誠意推介不如去大埔墟街市食泰國菜，我心諗唔好啦掛，老實說我絕少去街市食嘢，總是覺得街市濕濕納納又一浸味，食物又好污糟，試就試吧，一坐低立即叫左個扎肉金邊粉（佢D扎肉切得好厚有咬口，曾經去九龍城食過扎肉切得勁薄）、椰汁冰（好有椰汁味但偏甜有代改善）、冬蔭公（好味足料）、豬頸肉炒芥蘭（夠鑊氣），好有真係無介紹錯，好介紹👍🏻抵食👍🏻材料好足👍🏻我這不是大埔友的食客，遠道而來食大排檔立即改觀啦！好幸福😊

尋日同朋友嚟呢度除咗豬扒之外，仲試咗呢間泰國菜～❤️蔗蝦撈檬 💰5️⃣5️⃣呢個價錢包埋熱或凍飲，檬粉都幾大碗，無痴埋一pat，麵質爽彈👍配料有三隻大大隻蔗蝦，炸得香脆唔油膩👍口感OK，如果再彈牙多少少就Perfect😆蝦片勁脆！😋 生菜青瓜紅蘿蔔絲爽口，枱面有撈檬汁自己可以隨便加，酸酸may may好開胃👍感覺呢間餐廳都幾正宗，下次會想試吓佢嘅泰式咖喱或者炒野，應該幾好食同幾有鑊氣😀😎

朋友推薦下去左試～假日都要等位 熟食中心比較多人揀咗豬頸肉金邊粉～有埋野飲個湯有啲甜甜地 豬頸肉份量都唔錯～熱辣辣咁食落好暖胃👍🏻 嘢飲配左凍檸蜜 （檸蜜竟然唔使額外加錢有啲驚喜😆）金邊粉質地有少少彈牙 我自己幾鍾意～同出面一般嘅金邊粉唔同 份量又多 食剩少少🙈整體分數：7.5

無得去旅行 又懷念泰國味道同朋友星期六去到大埔街市熟食中心 有三檔泰國菜 有其中兩檔係同一檔 星期六晚都十分多人 加上限聚 要等位 等左大約15分鐘就有位我地3個人 叫左四款食物*串燒拼盤（雞肉豬肉牛肉）各兩串🍢🍡*串燒熱辣辣 有肉汁 但沙嗲醬不夠味*生菜包（可選豬肉/雞肉/牛肉）🥗*較乾身 都幾辣 十分大碟 若果多少少菜 就好 因為真係好多肉碎*菠蘿海鮮炒飯*原隻菠蘿 大大碟炒飯 酸酸甜甜 好醒胃但海鮮較少 而且味道一般 有少少腥味*炒金邊粉*平時食開炒金邊粉 係紅色 酸May May 今次依碟係泰式醬油炒 同預期中有出入 但都係十分大碟總括依然呢一間泰國菜大碟抵食 3個人埋單$250但味道一般食過另一間 我覺得果間好食好多

今天又今天又来吃，前天晚上吃这个金泰泰食，今天好多人呢，上菜比较慢，菜很有特色，挺便宜的，吃好饱，以后有空还会过来的，三个人点了四个菜，有鱼，有虾，有炒饭，五百多元

前天夜晚8:30去到那个大埔熟食中心2楼，没想到意外的惊喜，味道既然不错，分量很足，价格很便宜，食材很新鲜，明天还想再去帮衬，试一下他其他的菜式，性价比非常的高。

〰️越式卷 跟餐加配$16一共有四嚿入面有好多炸蒜定唔知咩超級香！！加埋佢個汁酸酸甜甜😍〰️辣椒膏海鮮炒河 $49海鮮有青口、魷魚同埋🦐仲有生菜、蘑菇、青豆同埋粟米粒🌽辣椒膏唔辣，但好配炒河有鑊氣河粉又唔會太淋易同唔易斷〰️雜錦湯河 $52有炸雞翼、春卷同埋扎肉炸雞翼炸得啱啱好，皮脆而且入面仲好Juicy！春卷入面係收埋咗一隻🦐同埋一條西芹西芹令到成個春卷感覺清新～扎肉好有胡椒味😍湯底好清甜，雖然係搵骨頭熬但係一啲都唔油膩😍 （差啲飲晒成碗🥵）不過湯河入面嘅雞絲有啲乾同老🙁〰️糯米糍/ 千層糕 $15一款糯米糍係芝麻同埋椰糖味椰糖味幾特別😆好似都幾少見外面仲有真椰子絲黐住，即刻勁香！不過我覺得啲皮都幾厚椰汁千層糕同外面嘅都係差唔多不過轉咗做玫瑰造型🌹

呢日去大埔嘅梅樹坑遊樂場🌳，去之前嘅指定動作緊係搵食啦🍴大埔墟熟食中心出名多美食😆所以決定去睇下～本身打算食東記上海麵，但我朋友突然話想食泰國嘢，誤打誤撞試咗呢間👇🏻😹👆🏻午餐時段有特價餐牌👇🏻👍🏻平啲之餘仲會送埋熱/凍飲～基本嘅泰式粉麵飯會有，譬如係湯/撈檬、鳳爪、春卷等等👆🏻每次食泰式粉麵，一定係叫豬頸肉湯檬～今次都唔例外，仲有驚喜！😻52蚊黎講，份量真係算幾多～成十幾塊豬頸肉😆講真喺其他地方未見過有咁多，而且燒得唔燶唔乾👍🏻亦唔會太薄～檬粉就正常嘅份量，男仔都應該夠食～呢個可以encore～👆🏻泰式海鮮炒飯🍛同樣係52蚊，不過呢個同茶記嘅炒飯差唔多😹食唔出有咩泰式風味，應該話無特別～份量同樣都多，海鮮有蝦🦐同魷魚，味道一般，試過就夠了

各區熟食中心都有好食又抵食的餐廳，今日介紹一間起大埔熟食中心的泰國餐廳。下午茶時段5點來到，餐牌勁多選擇，唔好以為熟食中心少d choice, 其實講得出的泰菜都應該有。隔離枱仲食緊燒泰式原條爐魚，真誇張！我們嗌咗個菠蘿炒飯，勁大碟同足料，四五十蚊有咁的質素真係超讚。雖然我覺得配料無其他高質泰菜咁高質，係比較平民住家式的，但整體味道又ok wo，又夠鑊氣。另外一碟乾炒片河都好足料，勁多肉片，一樣係大大碟，真係當晚飯都得。下午茶仲送野飲，真係抵到爛！

呢間街市泰式熟食檔，由大埔新街市一入伙已經開舖，全店都係由泰國人士主理，姐姐們操流利廣東話，人有Nice，所以我都長期有幫趁。今日走咗去食個午餐，一碗豬扒撈檬加凍檸茶都係$49。不嬲都知道呢間野大件夾抵食，但今日實在太誇張，本身已經用一個大碗，蝦片、豬扒、蔬菜，已經鋪滿晒成個碗，真係唔見檬粉嘅存在，我要撥開啲豬扒先見到檬粉，之後我就開始喪落檬粉汁，浸住D檬粉，差唔多同湯檬一樣平時食開雞翼今日轉食豬扒，豬扒大件夾厚，雖然唔及隔離東記咁出色，但都可以！唔想食太油膩的話，凍檬不失為一個好選擇

首先要讚下老闆娘好熱情，每次上嚟食都滿帶笑容🤭😝跟住要讚下啲嘢食，食過好多間泰國嘢呢間度都算幾好。之前試過生菜包，海南雞湯米，豬頸肉炒河，馬拉盞炒通菜，全部都好好味，好值得推介。😋😋平時係買外賣返公司同同事一齊食！！今次特登上嚟食。超級鍾意佢哋嘅海南雞湯米👍👍👍👍個湯超級正！因為食完仲會想返轉頭再食並介紹左好多身邊朋友試，分享美食係一件好開心嘅事🤤🤤🤤🤤（我不是打手 純粹係因為好食想要分享）

在大埔踩完單車，來到金泰泰式美食吃泰國菜，叫了5個菜。泰式小食拼盤 ($106):小食拼盤有魚餅、蝦餅、雞翼、春卷 全部小食都經過油炸，熱辣辣，炸得十分香脆，味道不過不失。蝦餅不要期望有很多蝦，但以熟食中心的標準來說仍是合格有餘，入口彈牙。蟹肉炒飯( $55) ： 每次叫蟹肉炒飯，都會事先問餐廳是蟹肉或者蟹柳，因為兩者根本是兩回事。金泰的蟹肉炒飯是用真蟹肉炒的，蟹肉的份量足夠，以$55 的價錢來說頗抵食。椒鹽軟殼蟹 （$79) ： 忘記了拍照，軟殼蟹的份量很多，亦炸得十分香脆，不過炸粉過多。豬頸肉炒芥蘭 ( $57)： 豬頸肉受熱不均，有點凍。味道正常，不過不失，豬頸肉亦不會過油。蒜蓉包($36) : 不建議叫。一來價錢相對其他菜不便宜，二來有一種難以形容的怪味。金泰的泰國菜勝在大份，味道比上不足比下有餘，如果來想熟食中心又想吃泰菜，都可一試。

好少入大埔，今日郊遊完畢，專誠喺區內搜尋美食。見熟食中心好多選擇，呢間價位親民口碑唔錯，就決定光顧。我同朋友一行兩人，點咗燒白鱔、椒鹽田雞同鹹魚炒芥蘭。燒白鱔係超級好食，一客六串，一入口就食到彈牙嘅質感同燒烤嘅香味，肉質好新鮮，點上泰式酸辣汁，好味到極，我畀五粒星！鹹魚炒芥蘭都係極滿意嘅一道。芥蘭嫩而爽，加咗薑絲同鹹魚粒，香味同鹹味恰到好處，而且分量很足，只賣$49，實在超值！椒鹽田雞係比較遜色嘅一味，味道淡，有啲懷疑大廚忘記咗用椒鹽回鑊。但好彩椒鹽可以後補，向店方攞咗一小碟調味後都ok，只係比起前兩者，呢碟冇乜驚喜。啤酒叫咗獅威，$18一支，抵飲之餘仲好夠凍，正！另外值得讚嘅係服務態度好好，雖然只係大排檔格局，但落單同上菜嘅哥哥姐姐都爽手兼有禮，令我哋全情食得滿意又開心？

突然想食泰國菜，大埔唔算多選擇見到新街市有間，價錢實惠，評價唔差，決定試試Weekend都有特價午餐，選擇都幾多，前後兩版滿既有湯粉麵、乾炒濕炒河、飯、小食等等我地叫左海南雞飯四十幾蚊好大碟，雞同飯既份量都非常多雞有微微香茅香味，食落去係新鮮既，但就略嫌鞋左少少，尤其雞胸位辣汁唔算非常辣，但好惹味，點雞都點飯都好夾油飯粒粒分明，但個人覺得硬左少少油飯都無想像中咁香但呢個價錢呢個份量真係無得挑剔不過跟餐既港式奶茶真係好一般偏甜，飲落無茶味，但入口又會有啲甘味豬頸肉炒河等食既時候已經聽到廚房烘烘聲，都知道炒野會有獲氣黎到果然，非常有獲氣大碟，炒河同埋豬頸肉份量都好足味道似係港式乾炒牛河咁比起泰國食到既乾同埋 泰國既偏甜配菜都幾多，加左辣椒有好微既辣但成碟係幾野味呢個餐跟既凍檸蜜味道正常，好處在唔洗另加錢雖然係港式泰國菜，味道唔算好出眾但四十幾蚊一大碟又跟埋野飲係抵既👍🏻👍🏻

講到食泰國野，我成日覺得有d泰國姐姐嗰d就會地道d好味d，而我亦覺得只要試一試一間泰國餐廳嘅泰式炒金邊粉，就一定可以知道呢一間泰國餐廳個廚師得唔得，今日我因爲d泰國姐姐坐低咗，亦因為佢嘅泰式炒金邊粉瞓低咗(瞓低只因唔好食，推翻咗我對於有泰國姐姐一定有返咁上下嘅理論)。佢嘅賣相又真係唔錯架，不過一食落就知道出咗事，明顯碟炒金邊粉少了那應有的泰式醬汁，成了一碟得個樣兼有兩隻蝦的炒金邊粉。跟手朋友叫的三絲炒檬粉亦上檯，個樣竟然同我碟泰式炒金邊粉一唔一樣，只係多咗幾條青椒絲紅椒絲，同埋少咗幾隻蝦。