金坊泰國美食

Open Now

Now Closed

荃灣#抵食#泰式早餐➡️《金坊泰國美食 》✨✨金坊荃灣友相信都應該耳熟能詳，仲開左2間Tim。食過晚市食過下午茶，都ok既。但想講番既係佢嘅早餐❗️💭有次朝早求其走咗入去食，估唔到一試成顧主😂😂因為真係好抵食❗️仲要差唔多次次都係食同一款🙂，明明有好多款揀-0-🔅沙爹牛肉金邊粉+煎雙蛋，火腿+凍檸茶早餐都可以食到泰式粉麵🤗又有金邊粉揀，個湯底同平時茶記個啲沙牛麵唔同味，所以覺得好特別，夠味得黎唔會太濃烈（早上食岩岩好唔會好heavy)，仲有啲蘿白通菜係到。💥啲牛肉都算好多舊，係新鮮牛肉🤩有啲似瘦版牛腩，好正‼️炆到岩岩好，夠軟熟唔鞋✨早餐可以食到呢啲牛肉真係nice👅食過豬軟骨都唔錯喔。📢$35大大份食完真係非常飽，唔會話因為早餐個碗粉就少啲，凍飲唔使加$3😛（好大杯！）👅：8.7/10

是日想食泰國菜，講到荃灣既泰國菜就會諗起金坊泰國美食，呢間係呢區已經有好多年嘅歷史。今次黎叫咗完隻海南雞，一碟份量唔少，啲雞肉都好嫩滑，點埋醬汁好開胃。黎到呢到緊係唔少得叫咖喱，今次叫左軟殼蟹黃咖喱，軟殼蟹炸得都脆，咖喱唔會話好辣，食得出仲有他其香料味，最適合薄餅或麵包一齊食。最後叫左份芒果糯米飯，啲芒果夠甜而且冇揸，配埋糯米飯同棷汁一流。總括而言，呢間泰國菜味道不錯，而且份量都多，性價比高，可以一食。

今日因為屋企人生日，所以想搵個地方食個飯，結果就搵左呢到。呢間餐廳係荃灣有2間分店，而呢間就近千色店嘅，相對路德圍店較為寬躺。今次去叫左8個送。椒鹽豆腐，豆腐大舊，d炸蒜辣椒都好多，所以比較辣。咖喱軟殼蟹，汁多，但係唔水，好香，唔辣，而軟殼蟹正常水準，食完見仲有d汁，所以叫多左個蒜蓉包。海南雞1隻，雞肉都滑嘅，配上甜辣醬汁食魚翅雞煲，湯底用上椰肉煲，所以好甜👍，但係魚翅比較硬，雞肉就煲得岩岩好。整體都可以。冬陰功海鮮湯，呢個湯足料有蝦有青口有菇，辣度適中呢個豬頸肉沙律就比較遜色，豬頸肉較薄，食落無咩質感，雖然配合埋芽菜食係好，但係量就較少。海鮮炒飯都係一般，因為比較濕。餐飲就叫左芒果沙冰、牛油果沙冰、青檸梳打、象啤。沙冰就便甜，其他都正常。總結來講都可以接受，算係中水平嘅，下次可以再食。

食物唔錯 份量足👍🏻但係服務態度超差 我都知依家禁制令10點 但係唔使語氣差到趕人走 仲要坐喺梳化度大大聲講驚死我哋聽唔到咁 返工返得真係舒服😂我係客俾錢嚟食飯依家搞到好似俾錢黎受氣咁 唔會再嚟食

👍👍👍疫情之下無得去泰國食泰國菜🇹🇭係香港周圍捐窿捐罅⁉️終於揾到一間正宗泰國菜👍價錢合理。開始整個金坊柚子沙律🥗少少辣又酸酸地都幾開胃😋燒大蝦好考師傅手勢🧑‍🍳無燒到過火蝦肉重好彈牙🦐有蝦點可以無燒魷魚🦑肉質柔嫩😀跟個香辣汁帶出魷魚鮮味😋（如果可以大隻啲再厚身小小就完美）露荀炒蝦球不過不失😛一向食開聖子都係蒜蓉蒸或者豉椒炒🔥第一次用泰國香葉炒再加多少少辣🌶️又有另一番風味😁我等足成晚最期待咖哩炒蟹終於出場🦀蟹蓋超級多膏🥰蟹肉豐滿又鮮甜🤟咖哩汁好香😍靈魂就係加左椰汁🥥提升到整個咖哩去到另一層次💯我好想大叫一聲『好好味吖』再跟個蒜蓉麵包條加埋咖哩汁『無得輸』今次食完之後我會再來👍👍👍

金坊泰菜，係荃灣老字號，疫情前常常都去堂食，受家庭客歡迎，基本上都要等位。今次疫情下叫外賣，本來都係放心之選......點知...好失望，難食到放棄... 點解可以出品賣比客人？！ 1️⃣海南雞飯：（$77）❌油飯無味無香氣，完全似係落左啲黃色染劑，隔夜左3幾日既質地...❌雞，嚴重雪味，怪味，唔係啫喱質地，唔滑，唔係一啖無骨既口感，中間仲有啲古怪既血塊，令人唔想食落肚...⭕️醬汁係撈好既 唔係分3種自己撈既風格，味道上還可以，最後靠啲汁遮蓋飯同雞既怪味...先可以勉強食到幾啖醫肚...⭕️跟飯既湯，好油... 冇飲到完全，不予置評2️⃣香芒蟹肉炒飯：（$99）［衰過屋企自己蛋炒飯］❌打開見到蟹肉，以為還不錯，點知勁腥，有up味...食落怕肚痛既感覺...❌炒飯無味，最慘係混左啲雪藏雜豆..... 咩事，慘過茶記$50一碟既揚州炒飯... 啲飯同海南雞飯一樣應該已放置好耐，完全係咁意加熱暖暖地就比客人食.... 完全冇炒過既感覺....❌芒果、腰果，唔新鮮... 冇左highlight既作用手，加埋個太差既飯... 結論係唔想食！疫情下，本想多支持食肆... 但 以這樣的性價比，同埋只係勉強食到

老闆心意實在好好同細心的，客人可以在早餐時段自由選擇食方包或丹麥多士，丹麥多士是好鬆脆的，但水吧只會方便自己做嘢，開了方包就不論多士都只出方包多士，食咗幾次都是一樣食唔到丹麥多士，唯有吾食啦！老闆👍🏻👍🏻👍🏻你原本係想客人多啲選擇，但⋯⋯

(一開波想講聲，原來呢間野d 水係要收錢ga😨 每位$3！！！但佢地就咁放底壺水唔會話您聽要$$ga😧⋯⋯）上星期，無意中見到呢間野，見到樓下無人唔洗排隊，就上去試下lah。一出𨋢，哇，原來間野都好full 下，重有好多人係到等外賣。我地兩個人嗌咗兩碟野，海鮮炒金邊粉+蝦醬炒飯。兩碟野份量都好夠😍 絕對食得飽大家！碟金邊粉個人覺得茄汁味重咗d，而碟飯鹹度適中，d 飯係偏少少濕，都唔錯。最後餐廳重送埋每人一件甜品😋(係件椰汁大菜糕妮，好爽口，唔太甜~）

荃灣出哂名多野食 今日就決定食依間係荃灣已有2間分店既泰國菜我地嗌左個辣肉碎炒飯同埋酸辣鳳爪個炒飯估唔到有咁大份 2個人食都食唔哂啊 鳳爪份量都好多 酸辣味道好開胃 好好食 大讚!!!

路德圍果邊間金坊會比較多人，呢間係樓上舖，人流相對少啲，而且個場都算幾闊落，舒服啲。下午茶餐有飲品只係 $38起跳。店員態度比較一般，都正常既。雞絲金邊粉，用料十足，麵又多。唔會因為係下午茶餐而將貨就價。湯底幾好，雞絲唔柴，蘿蔔好淋，相當入味。鴛鴦比例都唔錯，幾好飲。海南雞份量都唔少，又夠嫩滑，個底有好多金邊粉。仲要送埋迷你咖喱同埋薄餅/多士條。加左廿蚊仲有個泰式無骨鳳爪食下，味道好好，夠曬酸辣，好醒胃。

今日（5/7/2020）來到荃灣，見這餐廳有多人等位及外賣，便試下來個下午茶。點了冬蔭公豬扒河，唔夠辣及唔夠熱，份量足酸辣粉絲蝦沙律，好味，夠酸夠辣，有四隻中蝦。朋友唔食雞，但沙律內有一件無骨鳳爪，估計應是制作酸辣鳳爪沙律剩下，因酸辣粉絲蝦沙律與酸辣鳳爪沙律的調味是一樣。海南雞飯，油飯香口，不油膩，雞肉亦很滑，好味。惠顧下午茶餐，可以加$8加點一客小食，點了酸辣鳳爪沙律，夠酸夠辣，好味。埋單$134，都抵食。

海鮮炒粉絲味道：超有鑊氣！每一啖都好香口！唯一不足就係油左少少，我地食左幾啖就冇再郁過。海鮮冬蔭公（$112）兩人份味道：呢個香茅味好重！味道好濃好夠酸！十分開胃呀！大概可以裝4-5碗啦，同埋好多好多草菇呀！不過略嫌太多油同海鮮太少。蝦呀魷魚呀青口呀每樣得一隻，我覺得有啲overprice香茅炸牛柳粒 （$86/$96？）味道：呢個大伏！一啲香茅味都冇！牛柳冇牛味！醃到鬆鬆散散咁，舊肉梅曬！仲要啲調味好重香精，好似食緊公仔麵調味粉咁！真係求其一間酒樓都做得好過佢呀！生菜包香葉炒肉碎（$86）味道：睇圖好吸引架！好多香葉又多洋蔥！點知來到得豆角。調味都幾港式，不過平心而論都幾好味嘅，個人認為咸左少少。香辣海鮮沙律（$86）味道：最夠泰式係呢個喇！配料又足！酸辣汁夠開胃！下次會再叫！泰式生蝦（$128）味道：生蝦好難唔好食，相比起其他泰式餐廳呢個偏貴。總結：呢間食過好多次喇最好食一定係咖喱，冬蔭公，串燒同沙律之前每次來都一定爆滿，可能做到好出名，感覺上會有啲偏貴。但食物質素幾好同選擇都多，之後都會再來。

服務態度奇差無比，經理同伙計都一樣黑口黑面皺晒眉頭，皺到我以為佢哋紋眉嘅師傅係同一個。叫嘢食嘅時候等好耐都未到所以咪催下單。同佢講話河粉未到，佢就又皺著條眉望兩眼張枱，好似驚死我食完河粉收埋隻碟係度呃飲呃食咁。講真，飲茶同啊姐催單嘅時候啊姐都唔會咁質疑啦。仲要好唔耐煩咁話「得啦得啦」我見你咁濕X都冇話X你X你啦。唔講以為我先係服務佢嗰個 真係6uo

在辦公室經常吃外賣，真的真的受夠了。還好有一天可以乘着出外工作的機會，到荃灣市中心尋找不同味道！這次帶著同事去了這家餐廳，印象中不是第一次吃的，但頻率真的會令我猶豫地問「我有沒有吃過這家？」廢話不多說，入正題吧！同事點了一個海鮮炒金邊粉，而我卻點了乾炒牛肉河，這裏的套餐很特別，首先是熱湯並不是我們常常喝到的，而是很泰國風！「椰子雞湯」我還是第一次學，裏面有一些蕃茄，整個湯都是酸酸的（可惜我不愛酸湯），賣相跟味道完全不搭，但蠻開胃的。而飲品則很大杯，一個男人也會覺得很足夠的份量，也是炎炎夏日拯救人類的一杯飲品（杯子難得一遇地乾淨和漂亮）。我的牛肉可到了，我二話不說將味架的調味料都放進去，未解有四種調味料，我只選了三種（我都不知道是什麼，只是想加就加，看起來辣的就可以了），河粉不會很濕很油，也不會很乾，味道調教得不錯，牛肉有嚼勁，不會過份咸，Lunch來說已經很不錯了！很久都沒有吃等那樣開懷，不用吃頹飯，但夏天要出去，也是另一種掙扎！

話說今日路過見有下午茶，就試下$42鴨肉湯河，等咗差不多15分鐘終於有得食，首先飲湯係唔熱，微暖，味道好似豉油咁咸完全無泰國風味，再搞吓河粉下面，全部係芽菜，河粉就係眼見面頭幾塊份量同我想像中有好大落差鴨肉好似白灼咁唔識形容，豬紅咸到呢我完全未食過咁咸既豬紅，比湯更咸，河粉一塊塊大既出面真係好少見，因為成碗嘢都唔熱，又咸，呢種唔凍唔熱既感覺，令我想快啲食完快啲走無諗過$42質素係咁，下次都係食飯穩陣啲