金坊泰國美食

Open Now

Now Closed

近排因為疫症令到好多旅行都取消咗，計劃好嘅泰國行程都要重新打算。為咗補償返個胃，今次就嚟到荃灣一間老字號泰國餐廳食返餐正宗嘅泰國菜。豬手飯 $68肥瘦適中嘅豬手，份量都唔少，食落唔覺太肥膩又會覺啲肉太dry。加埋肉汁真係忍唔住扒多幾啖飯。濕炒海鮮河 $86呢個海鮮河睇實物會震撼好多，相當足料，汁又多。河同海鮮嘅份量一個人食會有啲難度，建議2-3個人開心share。青檸汁燒豬頸肉 $96驟眼睇落就係一座豬頸肉塔。成6,7 層高。最上面係泰式辣醬，底層就鋪滿特別由泰國入口嘅芽菜。爽口嘅芽菜同脆口嘅炭燒豬頸肉簡直係絕配。冬蔭公海鮮湯(細) $112食泰國菜又點少得冬蔭公湯，酸酸辣辣嘅味道，再加上個細爐保持溫度，開胃又暖身。椰青糕賣相唔錯，食落清甜又解膩，食完飯食呢個甜品真係冇得彈!

同朋友約食飯又想方便大家搭車其實荃灣都係一個好地方黎，今次介紹荃灣金坊呢間泰國菜佢有幾間分店㗎咁呢間係我食得最多的一間，今次我叫咗咖喱蟹、炒通菜、蒜蓉條、薄餅、䄂子沙律、生菜包（豬），特別推薦佢哋嘅蒜蓉條，出面好少泰國菜會有做呢一款蒜蓉條，但今次佢個菜炒得麻麻地不過可能係一次咁岩，因為我之前食都係好味同菜夠靚如果你哋想約朋友食飯又想就腳，而價錢方面佢都係非常之抵食，呢一間金坊係不二之選個咖喱蟹係限時優惠，平時去食要$3xx-$400幾架！

尋日喺荃灣放工 見完客， 同同事兩個超級肚餓， 同事介紹我呢度有一間好特別嘅泰國嘢， 味道都幾地道， 所以我哋就去試下想到去發現應該係經營咗都唔少時間嘅地區老舖， 一上樓梯已經有個好大嘅佛像， 好有泰國嘅特色 我哋叫咗三個餸， 百幾蚊半隻海南雞， 尚算滿意啲肉都夠滑， 但份量唔係特別多另外叫咗呢個生菜包， 唔使一百蚊晚市嚟講叫合理， 份量都ok， 我哋兩個最後都係食唔曬至於呢一個嘅青咖哩 牛腩 就有少少失望， 入面有好多泰式茄子， 牛腩嘅份量就比較少， 醬汁就多啦

冬陰公海鮮湯($112)(小)酸辣惹味，湯頭濃郁，材料好豐富，有大蝦、魷魚、青口、草菇、蕃茄等等海南雞飯($68)雖然冇去骨，但雞肉嫩滑軟腍，份量都算多，配泰式酸辣雞汁好醒胃，油飯乾爽有油香，雞湯清甜，都似老火湯，有好多冬瓜明爐烏頭($162)非常鮮甜，面頭鋪滿好多香料、芹菜、肉碎同草菇，另外仲有冬陰公同燒烏頭版本，由於我地叫咗冬陰公湯，所以魚就想食得清淡啲芒果沙冰($36)有免費飯後甜品送，今日係椰汁大菜糕

今日又來左食我其中一種至愛嘅菜式 - 泰國菜！安全措施要做足，入去前每個人都量吓體溫先！必點蒜蓉包條，真係食極都唔厭！😋$50 大大份，一上枱已經聞到勁香嘅蒜蓉味，熱辣辣即下開食啦！再來 青檸汁燒豬頸肉$96，都係一道值得一試再試嘅菜式，青檸汁可以去到豬頸肉油膩，再加上豬頸肉下邊有一堆芽菜，芽菜同豬頸肉一齊食都另有一番風味！個青檸汁有少少辣，好開胃！食完肉當然要食啲菜，泰式炒椰菜苗 $92，泰式通常都有少少辣但又唔會好辣，唔食得辣嘅人都可以接受到！出街食飯都要營養均衡，叫返條魚食下，燒烏頭$110，肉質嫩滑燒得岩岩好，調味都啱啱好就算唔點汁都可以就咁食！

以前食泰國嘢就多數去九龍城之後朋友介紹荃灣有間泰國嘢都大排長龍去到樓下有個姐姐已經不停推介度完體溫之後，仲俾埋消毒濕紙巾我地咖喱炒蟹 $148最近做緊特價，真係好抵食。咖喱汁偏向唔係咁辣，係有蛋汁嗰隻，聞到幾香幾滑椰奶味，再加埋三色椒做陪襯蟹肉幾結實，肉質吾梅口。印度薄餅$50香酥鬆脆，用嚟點咖喱汁就啱啱好啦，如果佢等咖喱炒蟹上左之後，先到嘅話就會更perfect。芝士蝦丸 $96炸蝦餅係我平時去泰國餐廳必點自選，但今次見到呢度有個係芝士蝦丸，感覺有幾新穎鮮蝦泰式炒金邊粉$88炒得好乾身又唔會太酸，香面不油，而且份量十足。我最喜歡旁邊有花生碎🥜將花生碎拌在裏面一起吃，很惹味，感覺很地道。

同同事放咗工，做咗成日嘢，好應該好好慰勞自己，喺車站隔離見到荃灣美食城，見到有間泰國人廚師主理嘅泰菜，正呀！好，坐低睇下有咩食先！海南雞飯，海南雞好滑，而且無骨，點海南雞嘅醬汁酸酸哋，幾開胃。泰式牛肉紅咖哩，紅咖哩夠辣，而且夠椰香，牛肉有好多塊，抵食。蒜蓉包條，個包都幾有蒜香，而且外脆內軟，點埋紅咖哩食簡直係絕配。芝士大蝦伊麵，大蝦大大隻炸得好香脆，食落又香又鮮。想食芝士伊麵好耐，呢度竟然有得食，芝士醬汁掛上有咬勁既伊麵，好味味！甜品是椰汁西米糕，西米糕充滿椰香，加埋一粒粒嘅西米，唔錯。

實施了人群聚集限制後第一晚出來晚飯 ,店員都加緊防疫，用卡板隔開枱的 距離，食得安心。金舫泰國餐廳由荃灣 細細鋪吃到現在荃灣有兩間店 ,另外紅磡和將軍澳都有分店呢！ 餐廳做緊推廣， 咖哩炒膏蟹特惠價148蚊， 份量依舊非常大碟， 果然是名副其實的羔蟹，非常之多羔，啖啖肉，咖哩汁不太辣，散發出陣陣椰汁味，用來撈飯非常匹配。糯米雞翼糯米雞翼一定要猛烈的油炸才能做到 香脆的效果， 雞翼先要拆骨 ,再混入糯米， 餡料多一點也不馬虎，蝦米，蔥粒，臘腸全部齊。金坊出品， 真的必熟佳品， 怕熱氣的我也不猶豫地一啖一啖吃。馬拉盞炒通菜 好大碟，此菜一般較油，但這碟炒得非常出色， 維持到菜的色澤， 沒有炒過濃， 微辣易入口龍眼冰泰國菜當然要飲返一杯傳統的龍眼冰啦 ! 一點也不吝嗇龍眼肉，多到可以食。飯後還有精美的椰汁糕奉送

好耐都冇出街食飯啦，受到疫情影響，盡量都唔出街食飯。不過一年一次嘅生日，揀咗呢度簡單食餐當慶祝！呢間老牌泰國菜食過好多次，地點方便，價錢合理，味道正宗係衞生方面都做得好好：枱與枱之間都保持一定距離、為每個入餐廳嘅客人先量度體溫、提供消毒濕紙巾同紙巾，等等。當然唔少得全部員工都會戴口罩。令我哋都食得好放心。加上我哋食六點，人唔算好多，之後都開始多人食餐牌所見，食物款式好多，唔同種類都有，淨係菜都起碼有十幾款見到有個Special Menu，推介做緊優惠嘅泰式咖喱蟹平時黎當然唔會叫呢啲食，不過因為生日嘅關係所以叫好啲，食咗好多款海鮮我覺得佢仲靚過餐牌上面幅圖個樣，就咁睇落啲咖喱非常濃郁，但係食落又唔會咖喱味太重，完全唔會遮蓋左啲蟹本身嘅鮮味！而且又多肉又多蟹膏！呢個完全係大件夾抵食，唔怪得見到都唔少人嗌，隔離枱都有食見到佢哋仲叫咗個蒜蓉包，可能可以點啲咖喱汁⋯⋯啲咖喱唔會好辣！話明食海鮮當然唔止蟹啦。仲有扇貝大大隻好惹味燒魷魚🦑如果食得辣嘅朋友應該好鍾意配埋呢個醬～蘆筍炒蝦🍤啲紅蘿蔔係花花形狀，頭先嗰幾味都偏向濃味，呢個就清清淡淡健康好多！balance 返！全台都係美食，開心椰汁黑珍珠涼

我很愛到這店午餐，因為選擇多，夠豐富，又抵食。但一次又一次的味道失望，就卻步了。這次我叫了干炒海鮮金邊粉，配椰汁雞湯，還有凍鴛鴦，午餐價盛惠$52。價錢合理，連份量相當抵。但味道就真一般。湯有椰香味，還有兩大隻秀珍菇，不錯的，但很重味，喝了兩啖，食埋菇就停了。之後一碟炒得外觀吸引的干炒海鮮金邊粉出現眼前，第一口就試試鮮魷，沒有味道的，再嚐一口金邊粉，炒得乾身，但很鹹啊！是否鹽未撈勻？自己再翻兩翻，再嚐鮮蝦，彈牙，卻是淡而無味。夾一柱金邊粉食，真的很鹹啊！這碟粉夾有許多不苦澀的芥蘭，我才可以伴點鹹麵食。但食了七成，不知只是因為鹹，還是味精重，真食不下去了。過鹹，已不是第一次，上次食泰式炒金邊粉，伴著四隻爽口而無味的蝦，但味也是過重了。不過，若是想食海南雞或泰式豬手，我都會選擇這店，但炒野就不好了。

食左呢間野幾年，服務越黎越差。最近上去食lunch，冬蔭功湯勁多油，叫左個紅咖哩牛腩飯，D 白飯居然係"粟"既。最離譜既係岩岩飲完杯野，個部長居然趕客叫人埋單走。坐左一個鐘都無，只係一張2人檯，仲要無客等，為何要咁做呢，快餐店都唔會咁樣趕客埋單，一係餐廳方面寫明限定用膳時間，否則講幾多句唔好意思都無用。

The seating is pretty comfortable with soft leather chairs. Although we have 20 tables ahead us, only we waited around 30 minutes, which is pretty normal for restaurants in HK. (Only good restaurants has long line, so it must worth the wait!)First of all, we ordered a Tom Yum soup to start our meal. The soup is still boiling in the pot while serving. The balance of sourness and spiciness was almost perfect. It made our appretize way better that usual. There were a lot of seafood, like shrimps, s

同女朋友一齊行過，見到呢間泰國野好好食咁就入左去結果啲野食有驚喜，金邊粉+濕炒河都好大碟得嚟又好食，啲湯都唔係例湯咁頹，而係好好飲不過杯椰汁涼粉冰就有啲藥水味，可以改進下

第一次黎，食物普遍較辣，主餐叫左青咖喱魚塊飯，青咖喱好食唔辣，椰奶適中香料搭配ok唔會太膩，魚塊都ok嫩滑，主餐52，叫左兩個小食，加埋80，辣腸普通，魚皮調味唔錯，但偏硬唔脆，樓面招呼幾好。

"這晚與你走進鬧市盛況，再次放逐肚皮那輕狂..."又很久沒寫食評，我就好像一個戒了奶奶的BB，不知不覺戒了寫食評...有時候，不是說奶奶不好飲，我依然喜歡飲奶奶，啊，唔係，我意思係BB依然喜歡飲奶奶，只是BB開始大，選擇(+被選擇)就多了，人的選擇(+被選擇)一旦多了，時間就變得很有限...因為你選擇做的事，加上你被選擇要做的事，就是你時間的全部。熟悉又陌生的文字就宛如女人S型的迷人曲線，就在今晚重現在我的腦海裡，禁不住又手多多摸了幾下...鍵盤，你知啦，摸摸下，心癮就會起，於是想起了今晚吃過的金坊：馬拉盞炒通菜 $86:馬拉盞是馬拉盞醬的其中一種材料，此碟加入了蝦米、豆瓣醬、薑、蒜和辣椒，頗為香辣。明爐大眼雞 $168:大眼雞就是木綿魚，配料多到完全蓋著大眼雞搶晒fo，要夾開配料才能夠同佢Say個hello，正所謂："撥開雲霧見青天，焗到雞雞出晒煙"熱辣辣吃魚最正享受，已經分不清是A.)辣著舌頭或是B.)燙著嘴，或者C.)以上皆是。碎肉生菜包 $88: 碎肉酸辣開胃、生菜清新，包著來吃十分惹味。菠蘿海鮮炒飯 $88:米飯顆粒飽滿，很有嚼勁，你見我咁Enjoy既樣，就知道我唔使入息證明