Golem Craft Beer (Closed)

📍Golem Craft Beer📮沙田石門京瑞廣場二期地下G07號舖.放假唔知食咩好, 近近地出左石門🙎🏽‍♂️嘈左兩個星期想食pizza, 咁岩就係度俾佢搵到一間黃店有pizza食, 二話不說應成左佢, 等佢了左個心願.Lunch set有pasta, risotto, pizza, 大約有10款左右, 跟埋餐湯/沙律同餐飲, 好抵玩喎.大蝦喇沙意粉🍝 HKD78一眼就睇中佢, 喇沙汁配意粉應該唔錯😌賣相唔錯, 不出我所料, 呢個combination超夾, 煮意粉時間控制岩岩好, 意粉非常Al dente, 另外喇沙味道好濃郁, 啲汁掛晒係意粉上面好好味, 仲有幾條小蘆筍同幾粒車厘茄令成件事更豐富想挑剔係意粉底好多喇沙既油, 建議可以唔好倒埋啲油落去, 如果唔係食到尾變左成口油😟同埋大蝦好癡殼, 應該唔係用新鮮蝦, 公平啲講佢收呢個價錢又好難serve到新鮮大蝦既🥲蕃茄羅勒水牛芝士薄餅🍕 HKD78萬眾期待既pizza出場喇, 目測係5寸左右既size, 上面鋪左一層厚厚既芝士, 下面查左蕃茄醬同埋放左洋蔥, 車厘茄, 青紅黃椒, 加埋tabasco食簡直係提升左成個pizza既味

七點前happy hour，啤酒買一送一，44蚊一大杯，好正🤟🏻*德國脆皮豬手配薯格 $258薯格上先，之後等咗好耐，大約20-30分鐘，先嚟豬手。薯格熱辣辣，份量非常合理，外皮十分脆口，裏面十分軟熟，薯仔調味重口味，但又唔會過鹹，單食好食，點茄汁都好食，熱氣脆香薯格配啤酒，加埋TGIF，係社畜嘅恩物(默默流淚)。豬手上枱已經切好咗件，不過比想像中細件。鹹香鹹香，豬皮脆但好硬，肉質偏乾，而且好韌，好難咬開，都係薯格正啲。*黃金流沙雞翼 $88有六隻，熱辣辣，鹹蛋黃炒到起晒沙，唔會太鹹，雞翼個皮炸到好脆，唔會俾鹹蛋黃汁浸冧，雞肉juicy有汁，呢個組合冇得輸，不過貴咗少少。

今日又黎到石門呢邊食午餐，搵搵下就搵到呢一間餐廳。依間係一間酒吧餐廳🍸 中間有一串串既吊燈，氣氛十足！特色裝潢，樓底高，無論同朋友傾計飲野，還是同另一伴浪漫午餐，都非常合適.餐牌上有不同既西餐選擇，午餐黎講, 價錢都係約90蚊，包餐湯/沙律，同埋普通野飲一杯，我地最尾選擇咗蒜香帶子墨汁意粉，同埋 蕃茄羅勒水牛芝士薄餅。▧ 沙律▧ 蒜香帶子墨汁意粉味道不錯，蒜香味道突出，但要小心儀容，因為墨汁關係，嘴唇舌頭係絕對會染上黑色。配料帶子算多，帶幾條椒絲點椒。▧ 蕃茄羅勒水牛芝士薄餅餅底脆薄，超 級 多 芝士！！多到可以拉到絲，配料有滿滿既洋蔥椒絲及蕃茄，味道夠濃味，上面灑上幾塊羅勒葉，佢地既羅勒葉焗得變成脆片，脆到有點似平時吃既小食紫菜。▧ 整體來說，環境舒服，唔趕時間又想同朋友chill一chill，吃上一頓優質的午餐，這裡算是一個很好的選擇。

石門不嬲都好多黃店💛，今日去食Golem Craft Beer🍻，顧名思義，依間係一間酒吧🍸，燈光偏暗，好有氣氛！不過今日係去食lunch，所以就唔飲酒啦。-🍴黑松露蘑菇意大利飯($78) - 好香黑松露味😆，而且都幾多蘑菇🍄，意大利飯中間係偏硬，也米😍唔係好食得慣。食落幾creamy！-🍴蒜香帶子墨汁意粉🦑($98) - 份量比想像中少，帶子有幾粒，仲有啲三色椒做點綴。超墨汁，食完一啖，成個口都係黑色🖤。不過食到最後，會見到個碟好多油🤭。-🍴餐湯(跟餐) - 係粟米湯💛，飲得出唔係罐頭，而係粟米蓉，一啲都唔馬虎，而且真材實料🤩！-🍴凍檸檬茶🍋(跟餐) - 杯飲品幾大杯！-🍴青檸梳打🥤(+$8) - 未攪勻之前，有漸變色，幾靚！

石門嘅新餐廳，裝修超令，好有格調，用黑色做主色。叫咗個明太子意粉，雞翼，同埋漢堡，食物質素還可以，唯獨意粉有少少咸，佢晚市有啲好抵食嘅套餐，不過無叫到，所以無咁抵食，主食都成舊幾水。

悠悠閒等人門面好高級，感覺舒服特色裝潢，樓底高，絕對係朋友傾計飲野好地方朋友未到，就去Happy Hour下，點知又太早，有d餓，唯有叫個意粉，打算4點後再叫小食。。我地叫左個蒜香帶子墨汁意粉食左啖。。。已經。。。唔想再食，但為左唔好浪費，最後食曬。。。。原本想叫既小食，都。。。放棄 冇再叫野食lu.星期六下晝既Buy1 get 1 free 好抵飲呀。*飲品正常，所以冇特別影相*

初初叫咗兩個墨汁帶子意粉，1個Pizza，1個雞扒薯菜，海鮮pizza味道可以，但兩個墨汁意粉實在太鹹，員工都好好，主動要求我哋換，換咗個肉醬意粉🍝味道一般，雞扒薯菜本以為好穩鎮，點知。。個款似非洲雞，食落冇醃過冇味，只靠點茄汁加味，薯格還可以，呢間試過一次就算啦⋯最特別地方係，我地一邊坐喺度食嘢，員工不停近距離用漂白水拖地認真保持衞生，只係時間唔啱啫

今日叫左個Carbonara 同香煎雞扒伴薯菜餐外賣。員工服務幾好，有禮貌。餐湯係羅宋湯，咸到冇辦法飲第二啖，真係可以用海水來形容。沙律菜、Carbonara 正常。香煎雞扒非常之辣同咸以為自己去咗食川菜，仲要有成cm厚既油浸住。另裝ge醬汁個蓋亦未關好，翻到屋企已經倒瀉哂。其實整體餐廳嘅感覺同埋員工嘅服務都好唔錯，希望廚師嘅食物可以有所改善，先至令到石門嘅黃店保持質素。

同老友嚟呢頭攞身份證梗係約埋食飯啦，呢期疫情咁嚴重唔知幾時改限聚令，聚得一餐得一餐嘛 😅星期一晚餐廳都唔多人，成晚都係得幾檯客，我哋都算早到仲趕到 happy hour 買一送一。3 條友叫咗 2 個餐，先上洋蔥圈，新鮮炸起好味，連埋薯條啱晒送酒，豬仔骨無諗過咁大條，賣相吸引，肉地夠淋，豬手要耐啲時間但絕對值得等，上檯香噴噴脆卜卜。呢個份量 3 個人食都多，下次可以叫少啲 😅我唔飲啤酒所以問侍應有咩 cocktail 有 happy hour，佢一輪嘴講咗 5 隻但我淨係聽到 gin tonic，問咗 2 次都係咁唯有就叫 gin tonic 啦 🤣🤣🤣 其實佢可唔可以印餐牌等人睇到呢 🤔🤔其間仲有問個 waitress 嘢，但都係機關槍答發，我哋要討論佢答咗乜 😅

朋友們提議到石門覓食，沒想到沒有訂檯的話是真的會找不到餐廳入座，幸好這裡等10多分鐘就有位置～酒吧空間感很強，整體格局很歐美，特別是吧檯，很適合慢慢喝酒！這裡有很多佐酒小食物，不過雞翼有點太甜，吃了一隻已經有膩的感覺。而主食中，這款南瓜risotto和德國脆皮豬手真的有驚喜！後者份量非常大，四個人吃都很飽，而且豬手調味剛剛好，肉都很有咬口，重點是皮還是脆脆的！！！如果不知道要喝甚麼飲品，我推介大家嘗試啤酒，這裡有很多手工啤酒選擇，麥味重的啤酒都有幾款，雖然有點貴，但都很值得試！

好少西餐廳你一食完野即刻過嚟收，有啲趕客feel，漏咗單又話電腦出錯，最搞笑就係嗌咗一個南瓜湯全世界食完野都未嚟，之後佢話因為廚房好忙，做唔切，廚房忙做唔切你地覺得呢個答案有冇問題？比你哋自己諗，我試過一次唔會再覆桌一定.仲有最後一樣，從未食過帶子意大利飯嗰粒帶子已經好細仲要一開2，唔識講.

今日(23-10-2020 Fri)因要見客冇帶飯,就同女同事ET,男同事DN出街食,佢哋 又走嚟呢個竇,我就要$78.00嘅南瓜汁雞肉蜆殼粉,要是日餐湯,同熱柚子茶.是日餐湯係野菌忌廉湯,口感唔係滑,應該係因為用好多野菌打成,個湯好熱.味道: 3分熱柚子茶,柚子蜜份量啱啱好,唔會太甜,不過點解唔俾茶匙的攪勻嚟飲?南瓜汁雞肉蜆殼粉嚟到喇,份量唔多,食得出南瓜嘅味道,蜆殼粉彈牙唔會太腍,而呢個亦同樣好熱.味道:5分抵食係2.7分上次食評係喺18年10月11日刊登嘅呢篇: https://www.openrice.com/zh/hongkong/review/%E5%A7%8B%E7%B5%82%E6%BC%A2%E5%A0%A1%E5%90%8C%E8%96%AF%E6%A2%9D%E5%A5%BD%E9%A3%9F-e3181255

琴日去到石門傾嘢完成後見天色尚早就搵地方食個早晚餐哩間Golem Craft Beer 位於石門京瑞廣場二期酒吧嘅裝潢 彼有氣氛我哋叫咗：▪️黑松露卡邦尼意粉 $78 （午餐跟湯同飲品）▪️炸魚薯條 $98▪️手功啤 $118 （買一送一）首先想講個黑松露卡邦尼意粉🍝好好好好味！😋😋一上枱已聞到好香嘅黑松露味，食落口好creamy，酒香、蒜香、黑松露香味道豐富，洋蔥好爽脆，配搭起煙肉同蘑菇，口感十足。份量不少，但好味到我一個人食哂。炸魚薯條🐠薯條炸得非常香脆，但魚個炸皮唔得，似係沾了少少麵包糠就去炸，魚肉彈牙但凍咗有啲腥。手功啤🍻麥味濃，帶有少少朱古力味咖啡味，口味偏淡。

喺𝐺𝑂𝐿𝐸𝑀飲嘢就飲過兩次，今次嚟試下佢個𝑙𝑢𝑛𝑐ℎ，價錢唔算係平時打工仔嘅食𝑙𝑢𝑛𝑐ℎ價錢，但偶爾一次食豪D嚟講，佢並唔算貴～而且性價比都幾高！環境亦都好寬敞，樓底好高，空間感好大～𝐵𝑎𝑟枱位置好靚💛🥄蘑菇湯(跟餐)蘑菇打成蓉完全融合喺湯入面，蘑菇味好濃，入口比較似泡沫口感，唔係𝑐𝑟𝑒𝑎𝑚𝑦 𝑡𝑒𝑥𝑡𝑢𝑟𝑒，幾好飲！🍛龍蝦汁大蝦意大利飯($88)佢應該就唔係用正宗意大利飯，飯係偏長同厚身而非扁身，不過做到半生不熟嘅口感，好有咬口～龍蝦汁尚可，食得出味道唔算好濃味，不過整體好𝑐𝑟𝑒𝑎𝑚𝑦，食下食下越食越好食🤣大蝦有兩隻，我呢D唔鐘意碌蝦殼嘅人覺得有D麻煩😂唔算特別爽口，普普通通咁啦～🐔香煎雞扒伴薯菜($75)餐牌上面嘅皇牌推薦👑雞扒好大塊，雞皮煎得好香脆！好多肉汁，肉質唔算太嫩，中上水平♡´･ᴗ･`♡伴碟有沙律菜同薯格。薯格份量好多，炸得好脆，食食下覺得好熱氣🤣總括然而佢地𝑙𝑢𝑛𝑐ℎ份量都好大，而且質素對得起價錢，𝐶𝑃值高💕不過聽其他人講質素唔係咁穩定，有機會再試睇下係唔係先🙈

味道：⭐️⭐️⭐️⭐️環境夠chill 座位又寬敞Lunch Set 的性價比高❶香煎雞扒伴薯菜$78 另收加1套餐包左湯或沙律加飲品當日既餐湯係南瓜湯🎃另外附上一片蒜蓉包但餐湯既南瓜味唔夠濃郁比較稀主菜上菜速度慢🐢lunch time比較多人 我哋等咗接近半個鐘味道方面值得一讚👍🏻雞扒烤得好出色 做到意想不到既皮脆肉嫩🐥伴碟的食物一點都唔馬虎沙律份量大 薯格香脆下次有機會可以再試下呢度既手工啤🍺