Golem Craft Beer (Closed)

聽講石門開多左好多餐廳，反正諗唔到食咩，就入黎行個圈再揀~晚餐時間唔洗點等就有位。侍應好細心講解左每款手工啤嘅特色，我地就揀左兩款同兩個主食套餐。侍應話Golem Lager係佢地嘅招牌，揾酒廠專門釀造嘅，飲落唔苦，入口後有陣好香嘅麥味👍🏻而All Day Breakfast (stout)係黑啤，飲落有淡淡嘅咖啡味☕️都幾特別套餐包埋餐湯，今日係粟米蟹肉忌廉湯。入口似粟米蓉，好足料，但就唔係好似忌廉湯😂主食都幾大份，海膽汁帶子意粉個汁好香好creamy，不過食到尾有啲濟，如果share食就會啱啱好。鰻魚石鍋飯嘅蛋同鰻魚鋪滿成個飯，鰻魚燒得幾好食，唔會腥😋飯量好多，最後都食唔哂😂侍應話餐廳會開到凌晨2點，仲見到有得玩beer pong，下次可以約多幾個朋友再黎🥳🥳

🔥一間餐廳好與壞，回頭率高與低，食物水準嘅穩定性都佔一定比率。早前初嚐Golem，的確有驚喜，湯係真材實料，食物份量合理同調味適中。近期喺同一時段用餐 (星期日晚巿6點)，Golem就帶俾我失望。要左兩個Dinner Sets，有餐湯，主菜同餐飲。🔥先係餐湯，蟹肉粟米湯。係一個承接上一次美好嘅延續，依然濃郁。🔥同上次一樣，加配唐揚魷魚圈。魷魚細隻左，無咁啖啖肉，可能貨源不穩定？份量慷慨。入口咸過上一次，明顯調味重手左，但未至於食唔落。🔥吉列牛扒配凱薩沙律我見過其他食客嘅相，沙律配有温泉蛋，但我呢碟無，可能我唔好彩？🤷🏻‍♂️吉列牛扒都偏咸，無乜牛味，但好在肉還算嫩，入到口。🔥明太子蟹肉意粉係咪隻温泉蛋黎左呢碟？不過隻蛋嘅蛋黃係毫不流心😂蟹肉份量合理，但明太子份量應該唔係好多，睇圖睇到。入口，嘩！好咸，咸到乸喉，食左半啖後，真係再食唔到。一子錯，滿盤皆落索。🔥反映俾店員知，店員表示以前有食客都話過同樣情況，幫我再問下廚房。相隔一陣，店員表示廚房話’係咁嫁啦’。我呆一呆，下？真係咸到食唔到。然後，我問店員拎杯水，真係咸到要漱下口。但轉頭佢去左幫人落單先，我唯有靠自己啦，自己去斟水。然後，就無

今日嚟開石門探朋友，佢就帶咗我嚟呢間酒吧，有超多手工啤選擇，環境闊落，啱晒同朋友啤一啤。坐低即刻叫兩杯手工啤，分別係Gwei Lo Mango Peach同香港友，前者好香果味、味道清香少少甜、好清新。後者就好重小麥味。另外二人叫咗一個dinner set，包括一客主食+餐湯或沙律，我哋就選擇咗原條鰻魚石頭鍋飯，加蟹肉磨菇湯。鰻魚飯有超多鰻魚！味道一啲都唔腥，仲有好多滑蛋，蔬菜，份量足料。另外叫咗一客烤磨菇，燒汁都唔錯！埋單二人食咗4百幾蚊，有啤酒飲又有野食share👍🏻

沙田石門站一帶近年人流漸旺，在京瑞廣場林立住一眾販賣老香港本地情懷的食肆之中，開了一間面貌與別不同的 restaurant bar, Golem Garden，今天就同朋友入去摸摸杯底 chill 一chill。和左右光猛明亮的門面不同，Golem Garden 謐靜而神秘的格調，透過全落地玻璃將店面一覽無遺，昏暗之中卻又恰到好處的散發著親和力。店內提供豐富既精釀啤on tap選擇，仔細一看，盡是香港本地的精釀廠，由老牌的門神、少爺、鬼佬，到較新的香港友都有。呢間主打本地啤的精釀吧，沒有故作情懷的裝潢，卻有著真正的本土味。先來兩杯。黑鳶的 Mandarin Saison，呈整體通透，但略濁的黃金色，泡沫很多但不算持久。聞起來就非常friuty，飲落口亦充滿柑桔類的香甜，最後引出「漁夫之寶」式的檸檬味刺激住舌尖。酒體很薄，也沒有太長的餘韻，果味基本覆蓋了酒精味，幾乎可以當果汁飲，用來「開胃」是不錯。而Carbon Brew 的 All day breakfast Stout 就可算係「飽肚」。呢款合作啤加左特調的咖啡豆製作，啡香充斥，酒體中等偏濃厚，不愧是液體早餐。沒太多花巧，好工整的一

石門是沙田區新興食肆集中地，今天中午就到這家酒吧西餐廳食了一個簡單午餐。這兒環境舒適寬敞，晚上有各式手工啤酒供應，本地製作夠新鮮夠特色，還有一set 6 款不同濃淡程度的啤酒大拼盤 Beer Platter，黑啤白啤也有，適合朋友知己共聚暢飲。望下望下，未到下午1時已高朋滿座。講返今天午餐，餐湯是番茄湯，我則選擇了沙律，正想食得清一點，就來柚子醋沙律吧。火箭菜菠菜苗莧菜面等，加入柚子醋，微酸醒胃。等了一會，店員端上香濃鮮茄大蝦意粉，明顯即炒，醬汁掛上每一條意粉，加了微辣，特別惹味。飲品可選擇多款，各式熱茶、咖啡或汽水，最後我選擇了熱洋甘菊茶。Lunch set 至下午3點，3點至晚上9點是 happy hour 時間，啤酒半價，也提供送酒小吃如雞翼、薯條、炸雞粒等，店主特別喜愛威士忌，提供多款來自各地的珍藏，日本、蘇格蘭或台灣得獎威士忌也有，正構思推出 Whisky Platter，威士忌迷拭目以待。而晚餐亦有不少選擇，石頭鍋飯及吉列牛扒是近期推出的新菜式，看menu 已非常吸引。

今日約咗朋友食飯，佢喺石門返工，就佢方便就喺石門京瑞食個飯傾下計啦。哩度環境不錯，整潔，柔和燈光，聽住英文歌，還有一部冇声的大电視，你喜歡可以選擇坐Bar 枱，第一感覺冇選錯地方👍夠哂chill。打正牌手工啤，當然要試試佢啦。我地叫咗Heros嘅 Session Ne Ipa 和 Nimble Marco，兩杯味道各有特色。Ne Ipa 未飲先聞到果香味，入口清純，清精濃度只有3.5唔太飲得酒既朋友也可一試，不錯👍至於Nimble，有少少似飲咖啡的感覺，入口帶有一種苦甘味，都幾易入口。小食嗌左唐揚魷魚圈和芝麻雞翼。魷魚圈外脆内軟，魷魚鮮甜，配埋個沙律醬好開胃。芝麻雞翼有5隻，皮炸得很脆口，而且雞肉保存到嫩滑带有肉汁，好味，冇雪味主菜叫了美式燒烤猪仔骨，2個人都食唔哂，份量好足，肉好 juicy又夠嫩，醬汁酸酸甜甜，好野味，肉離骨，即叫即焗，程度剛好。每人平均$280，Golem 環境舒服，食物質數好，又有手打啤酒，侍應服務態度友善，唯一美中不足是隻碟太細，切豬仔骨個陣有啲唔方便，雖然我推荐大家用手食。絕對係沙田chill 之選！

喺閒日百忙於所面對的繁重工作🙇🏻‍♂️不經不覺到了終於可以休息一下的週末☺️除左同朋友或另一伴四處遊走散心之餘😆尋找一個小基地好讓自己放鬆心境☺️享受一個寧靜的下午時光亦至好不過☺️位於石門京端廣場二期既Golem Craft Beer喺石門站C出口行過黎亦十分順路方便😆位置亦好近賽馬會傑志足球場🤪⚽️所以踢完波過黎都好就腳😆呢度悠閒寧靜舒適既環境☺️配合有情調浪漫既燈光及背景音樂☺️除左可以同朋友黎嘆下酒食下野之外😆與另一半黎享用浪漫情調晚餐亦至好不過☺️👫充滿住格調浪漫既氣氛之餘☺️店員亦好熱心體貼地招待😆氣氛亦配搭高質素既酒類西餐美食😋🍴Crazy Rich with Double Hazy IPA雖然以Double Hazy IPA配合酒花味更為濃烈🍺🙇🏻‍♂️但加入濃厚花香口感帶甜容易入口之餘🍺而且帶出層層濃郁既花香😆🌸濃厚花香既手工啤酒乃小肥之大愛也🙇🏻‍♂️🐷🍺😆濃厚花香味既Crazy Rich🍺🌸亦好適合女性結識結識🍺😏🤪從中亦帶出香港精緻成熟既釀酒工業🍺☺️🇭🇰吉列牛排配凱薩沙律大大塊吉列牛扒確係嚇親小肥🙉🤣🥩🙇🏻‍♂️大塊到要投降了🙇🏻‍♂️🤤😵🥩大廚將原塊肉扒沾上炸粉直接炸至香脆🔥🤤👨🏻‍🍳

約咗老婆出街食飯，隨便在工作的附近找找，見到一間酒吧，便進入一試。可能是平日，在酒吧內的客人不多。我們選好座位，就叫了兩杯啤酒。對於我倆不太飲酒的人，味道都可以的，可以扮吓happy hour 享受。之後，點了炸尤魚，芝麻雞翼同豬仔骨。炸尤魚沒有太厚的粉䊢。芝麻雞翼就炸得皮脆肉軟，味道有少棘，好野味。最後主菜豬仔骨，焗得適中，沒有太乾，切開都有肉汁。用手食更見原汁原味。總体各樣味道不錯，而且另份量十足。

聽講係京瑞有間餐廳嘆手工啤好正 難得我地係第一城探完朋友又時間尚正 我同老公即刻搭一個站過去 試一試 見到唔少一家大細用餐 於是我地決定係度食埋晚餐各自點咗一杯Carbon Brews All Day Breakfast (stout)同埋一杯Carbon Brews Crazy Rich (double hazy ipa) 兩杯都係由本地精釀酒廠出品前者係黑啤 入口有濃烈咖啡味 帶有americano 唔算太苦 但又有5.2%酒精含度 過足口癮後者偏向水果啤 入口充滿芒果及木瓜果香飲落質地順滑 所以感覺上酒精感相對較低但實際酒精含量有8.2% 呢杯更合我心意主食我地揀咗原條鰻魚石頭鍋飯 鰻魚肥美厚肉軟腍 而且無細骨 目測大概十二件 鰻魚面層塗滿照燒汁 加上石鍋熱力 逼出鰻魚香氣及保持熱度 以防冷凍後變腥旁邊嘅炒蛋香滑重牛油味 再撈埋落白飯惹味到想獨食 呢款大人小朋友都一定鍾意食另外又追加黑松露薯條以及泡菜豬肉雞翼伴酒將炒豬肉酸辣泡菜釀入去骨雞全翼 一啖咬落去同時食到雞肉同豬肉 口感有層次 而雞翼本身經過微炸 更加味濃香口 泡菜屬小辣 主要作引味之用 怕辣都啱食 薯條剛炸起 熱辣辣上碟

尋日係星期日，想同老公同埋個女夜晚去食飯，諗諗吓，上次去石門飲茶好似經過一間類似酒吧嘅餐廳，上次都已經有啲想試，不如就趁今晚去試吓。我哋入到去，見到好大個吧枱，我女第一次去黑蚊蚊嘅酒吧食飯，佢有啲好奇！我哋叫咗個原條鰻魚石頭鍋飯同埋個明太子意粉，個石頭鍋飯係正嘅，呢條鰻魚又長又大條，仲燒得好好食呀！我同我老公一人叫咗一杯手工啤，叫咗一杯凍檸水比個女，又幾好喎！大人有得飲酒，小朋友又有薯條同其他飲品飲，呢度真係唔止酒吧咁簡單！

不是因為朋友在石門工作，都不知道石門有這麼東西食呢！ 最出名就是陳根記呀！ 不過，Happy Friday 當然去Bar 啦！這家正是陳根記旁邊，戶外可以吸煙，而室門裝修就好elegant 呀！坐下來第一次飲香港本地的手工啤而且還有至愛的朱古力口味甜味充足好易入口不過，酒度則有8度呀可以說不小心飲多了 醉酒都不知道呢飲酒當然要有小食盤啦我們點了一盤黑松露薯條和燒雞翼兩款都是即叫即做黑松露醬配搭香脆的薯條再加啤酒簡直是絕配的而燒雞翼就是我最愛呀雞翼就有少少燒過了不過，味道富有香甜的蜜糖味有點似自己BBQ 燒的口味呀！

石門越來越多食肆進駐。已成了沙田馬鞍山朋友們食飯聚腳點。今日同大圍親友食飯，就揀咗哩度。係地舖行左一圈，大排檔，冰室茶記好多人排又好吵。所以揀「Golem Craft Beer」, 貪佢較静，較有格調，坐得舒服又坐得耐，可以一路食飯一路傾下計。墨汁海鮮意粉: 意粉好有口感，配墨汁好味，海鮮也很爽口新鮮。香濃鮮茄大蝦意粉：鮮大虾真係好鮮。炸辣味雞鎚: 啤酒至佳拍檔。和牛粒串燒: 好香，好冧，好 jurcy炸薯角:新鮮炸，熱辣辣的。有讓你食完又食，不停食的魔力。1664啤酒:清新果香，冰凍潤喉。我至愛的啤酒。

上次過開嚟沙田做野係到食lunch今次又過嚟做野就約返係到食晚飯啦呢度嘅裝修環境好舒服♥️♥️♥️之前Lunch食過呢度嘅牛扒👍🏻👍🏻今次就試下佢其他野啦🤤我上次食咗個洋蔥圈好鍾意但朋友話想食魷魚圈🦑所以今日就佢😂好脆♥️♥️♥️炸得啱啱好呢個芝麻雞翼勁好味🥰個Rib都唔錯👍🏻個汁好正朋友叫咗杯1664而我就試咗呢杯帶柑橘味嘅美式IPA🍊味道幾好好清爽♥️♥️呢度嘅Menu好靚所有野都係有心思嘅👍🏻值得再嚟♥️

今日車完家姐一家返馬鞍山，兩公婆走去石門開餐。經過京瑞二期，見Golem Craft Beer 酒吧門口有位泊，門口餐牌既野睇落又啱食，就揀呢間。老公揸車，我只好自己飲啤酒。食物我地叫左墨汁海鮮意粉，老公好鍾意食墨汁意粉，見到必叫。呢度既意粉無令佢失望，好好味好彈牙。帶子，大蝦，青口都好新鮮。海膽汁帶子意大利飯，用海膽汁煮意大利飯，好特別。美式燒烤豬仔骨，豬仔骨好大塊，超市買未煮既都要成百蚊，抵。👍再叫D小食送酒。炸辣味雞鎚，炸得好脆，吾辣。雞肉好嫩滑。和牛粒串燒，和牛油花均勻，好林滑。炸薯角用美國焗薯做，好好味。差不多食完，有警車出現，老公即刻沖出去開車走人。好彩泊門口，否則呢餐貴幾百。😛

餐廳走暗黑系路線... 門口有小桌子提供...方便友人去「呼吸 」 😏餐廳樓底極高...感覺開楊又舒坦 👍🏻👍🏻脆炸芝士粒🧀 ($58)黎到酒吧餐廳當然要點送酒小食... 身為芝士控的我...好快就決定好要點芝士粒...新鮮炸好的芝士粒上枱時非常熱呼呼... 芝士的大小剛好！一口一粒的... 咬一去...芝士醬爆破的口感...正呀！🤪🤪 仲配上蜜糖芥茉醬的沙津菜... yummy 😋😋😋唐楊魷魚圈 🦑($72)友人喜歡炸物... 所以第二款小食繼續都是炸物-唐楊魷魚圈 🦑減肥？食左先講了！😲魷魚的份量是頗多的....與平時一般餐廳只提供魷魚圈的做法不同，碟內魷魚各部位都有...外脆內熱...配上凍冰冰的沙津醬...送酒真的一流呀！西班牙海鮮飯🥘 ($158)主菜方面..店的選擇真係超多！又意粉又漢堡包...款款都好想吃 😫😫😫最後店員推介我倆點依個西班牙海鮮飯...初初仲擔心一碟飯吾夠吃😂😂😂 (友人超大食呢！🤫) 結果份量剛好！ 海鮮飯的配料超多呢！大大塊魷魚...鮮蝦...洋蔥...青椒...芝士...應有盡有...配上口感十足的飯粒...味道真的不錯唷！No.2 Heros se