貢茶 (Closed)

呢間貢茶永遠都係咁多人，排隊落單+等拎野飲共用左十五分鐘。第一次試格雷三兄弟，都係貪佢多野食，首先係個仙草凍，大大舊，甜甜地，好滑溜，感覺唔係好實在，我唔係好鍾意d無乜咬口既野，所以平時唔會點呢個。中間係雞蛋布丁，質地比仙草凍實小小，有好濃既雞蛋味，而且都好大舊下，食極都仲有。底層係我最愛既珍珠，口感煙煙韌韌，煮得o岩o岩好，唔會中間硬心，又唔會煮得太"num"。最後係個奶茶，我其實唔係好分辨到格雷奶茶同普通奶茶既分別，都係有奶味同茶味，一貫好飲水準。

我成日都會飲貢茶，而每次都只係會叫呢一杯，「寒天綠茶+珍珠+咖啡凍(以前叫黑糖凍)少甜少冰」。首先我揀寒天綠茶係因為我覺得綠茶比較上健康，而且佢既綠茶除左有陣清香之外，飲完仲會有少少在口中回甘，完全沒有苦澀味，非常易入口，而寒天本身好爽口彈牙，仲有微微既甜味，令人有食極都唔夠既感覺，聽講仲有好高纖維健康。另外我揀加入珍珠同咖啡凍係因為前者有找韌韌既感覺，令成杯野更多層次，仲可以食好耐，而後者也是比較固體的啫喱，除左令口感更多，當中還帶有淡淡既的咖啡味道，令人好易上癮。這杯飲品中一口就可以食到三種唔同質地的配料，綠茶又帶有小小咖啡味，當然糖水帶來的甜味也很重要，所有野配搭起來十分完美，有機會真的要試試。

係旺角掃街，除了食物之外，飲品係呢個炎炎夏日都係非常重要，尤其食完辣野、煎炸野，一啖冰凍既飲品實在透心涼。貢茶大大話話已經係香港有5,6年以上時間，啱啱黎香港紥腳既時候，我簡直每日都要飲番杯「奶蓋綠茶多奶蓋」，當時好似仲要係12蚊左右，飲夠10杯仲送多杯，好鬼抵飲。初接觸奶蓋時，「杰到爆」既奶蓋，味道係咸咸地甜甜但又會有少少奶味，我喜歡分開飲，先飲奶蓋後飲綠茶，口感特別。但近年貢茶質素好似有所下降，奶蓋總是稀稀的，亦沒有奶味也沒有咸咸地的味道，就是一般普通的忌廉，可幸是下面的綠茶跟往是一樣味道，帶點點的茶味，要是帶住以「解渴」為最終目的的話，貢茶算是個不錯的選擇了。

去完cafe，經過貢茶，見到就咁多人買就買左杯飲。買左杯最普通既珍珠奶茶，幾大杯，同茶餐廳既味左好遠，我唔係幾中意佢個種甜味，有種好怪好假既感覺。杯珍珠奶茶既奶味太濃，完全蓋過左茶味，唔推介大家飲。呢間貢茶出面都幾逼，等個陣幾唔舒服，幾大油煙味。

今日經過貢茶，就買杯「熱奶蓋朱古力」，諗住拎翻學校上堂飲。打開果下好大陣朱古力既香味飄哂出黎，認真覺覺成杯野好靚好足料。但係，期望愈大往往失望愈大。 一飲落口就覺得杯面個奶蓋好鹹，而且好涷，好似同杯入面既朱古力格格不入咁。於是我將杯野攪拌下，令個奶蓋同朱古力可以更加融合。攪拌完後再飲，朱古力既香味好濃好香，成個口好似散發出陣陣既可可豆味 而且，mix埋奶蓋，成杯飲品既口感更加豐富，甜甜地既朱古力伴著陣陣既奶香，你會覺得飲落幼滑左勁多。但係，亦都可能係杯野飲好足料既關係，飲多幾啖，你就會發現好「漏」、好膩，同埋太甜啦 唔係好想再飲落去......而且杯野飲好大杯，最後我都係同fd share先飲得哂。所以建議，如果想試下呢杯飲品既話，最好就同店員講話少甜，又或者同人share飲。

同朋友係旺角行完街就去左貢茶買野飲旺角分店都好逼好多人珍珠奶茶:最普通既珍珠奶茶甜度適中,唔會好水,雖不算是很好喝,但也不錯熱柚子茶:好大杯 第一次係街買熱既柚子茶, 應該係用超市買個隻柚子蜜沖既,味道岩岩好, 夠甜, 很好喝!

今日經過依到,行到有D熱,同朋友買左幾杯野一路行一路飲,我就揀左依個奶蓋綠茶,佢上面層奶都真係整得好厚,但睇落比較似一層Cream好過多,。首先奶味都幾算好,不過就真係無味甜味,反而仲好似有少少鹹味,有D奇怪,之後就試下飲佢原本個茶味,感覺都幾好，最好再於佢有得揀糖既份量,我就揀左30%糖,咁又唔會太甜幾好味,而且佢唔呃人,真係做到少甜嫁,之後再攪勻飲,要比較大力少少,如果唔係好難勻,不過飲落覺得佢個奶味太濃，攪完搖一搖之後就成杯變左奶茶，所以就唔係太好,如果佢奶少番D會正D,朋友個個真係依個香檸優格冰沙,聽個名我真係唔知咩黎,不過佢話香檸優格會有D酸酸甜甜既味，幾正幾開胃,不過飲多就會甜左少少,所以份量其實太多,少番D會好D。

每次去到都頗多人 加上格尼係小食店 逼上加逼 唔係到你 未到你嘅號碼唔識該行開 少少先嘛 出野飲位細 而且每次呢間都是有陣味 講野飲喇 去過兩次 兩次甜度都係喺哂底 姐係冇落shaker la 呢個事少 應該搖暈佢嘛 飲到底真係太甜dum左。。分別係叫左格雷三兄弟同寒天愛玉 

話說與友人一同買了兩柸 烏龍奶盍此飲品應該算是 貢茶的成名作叫了半甜小冰 , 但入口時完全冇分別  一樣好甜.茶味有, 但非常輕 FEEL LIKE Jasmine Tea 而不似烏龍茶 頂上的那堆CREAM 也比以前小了許多許多期後 逛了一會, 大約不夠1小時左右.當再次飲用時, 發覺出現了口感奇怪像是 口香糖 溶了分解了的感覺  非常嘔心已經不敢再飲用不知道是否夏天問題還是怎樣第一次出現這情況於此店相信不用再去

好耐冇飲過D台式飲品(因為飲一次好滯好飽)今日係旺角個FD話想飲,咁就陪佢飲下啦排隊果陣猶豫緊飲布丁奶綠好定新出果隻貴妃烏龍好決定唔到就諗住睇下價錢邊個平D飲邊個囉..跟住到我個FD嗌野飲,佢嗌奶蓋紅茶($18)佢得番$17.5(因為岩岩吃完飯)就問我借左$0.5俾錢果陣個收銀話唔收毫子我FD O左,細細聲咁講左句:下..5毫子都唔收我(排佢後面)就話:唔係掛...5毫子都係法定貨幣姐..(雖然想俾佢聽到,但絕對冇大大聲咁講)跟住個收銀態度勁串咁話:咁5毫子係唔係毫子丫?我個FD只好問我借$1黎買到我買果陣,我問佢布丁奶綠幾錢佢好唔耐煩咁話:咩奶綠丫?我果陣好疑惑,以為佢聽唔到就講多一次:布丁奶綠囉跟住佢又用好囂張既態度話:小姐,我地呢到有奶香綠茶 奶蓋綠茶 鮮奶抹茶wor 點知你要邊隻姐?佢講得勁快 我聽到一舊雲咁 只好話:珍珠奶茶果種佢又話:咁咪姐係奶香綠茶囉!加布丁咋嘛! 咁洗唔洗少甜少冰丫?我無奈左.話:我係想問幾多錢丫佢既態度就好似睇唔起人咁:$17囉跟住我咪話:咁要貴妃烏龍啦佢既態度就好似睇唔起人咁 D眼神好似話:冇錢就唔好學人飲啦救命 我唔係志在果一個幾毫 而係我覺得一杯

I've chosen a green tea without red beans cos I feel that it will be too sweet with red beans added.I also added the pearl for texture .The result is ....good texture but bad taste. t.tAlthough the lable shows "no sugar "it seems that there's sugar added to the green tea mixture already?It become much sugary after 15 mintes which is unacceptable for no sugar added product.The experience was a disappointment .

貢茶好好飲好鐘意佢杯珍珠奶茶….不過已經好耐無飲!因為一杯奶茶好肥><”天氣咁熱,忍唔住叫左杯珍珠奶茶同樣地,都係少冰少甜好重茶味呀!!!!!不過就太多人排隊….同埋個邊燈光好光又曬….飲杯野真辛苦><”今次好好飲…不過侍應服務一般

其實平時真係唔會預去飲奶茶會要求有良好服務但至少可唔可以唔係無禮貌先邊有理由會係話個客﹖我買脆脆莎冰，買果陣唔問我要唔要CREAM都算，當我自己唔知有，我錯我好聲好氣叫你幫我去返層CREAM，佢竟然話『落左你先講』但講完又唔係佢幫我整走佢我都已經無出聲，點知佢仲要突登走出黎望一望佢自己啲promote相然後講句『張圖咪有CREAM LOR』你張圖放係腰位以下，果條圖咁窄，請問點會一望就望下面果啲圖﹖十個有九個都係望上面啲名黎哎野飲嫁啦呢個店員叫號碼又無禮貌唔係講緊佢大聲講野我就當佢無禮貌，我自己做服務業都明白大聲唔等於無禮貌但果種語氣真係完全令人覺得佢似鬧緊人多啲比野飲人下下都係掟落枱，咩態度﹖隔離有個疑似店長OR經理嘅人，由頭都尾睇住佢咁都唔話佢淨係係度收錢....以前去都淨係覺得啲人好HEA，明明成條人龍但係啲店員掛住傾計做野勁慢都覺得無乜所謂宜家呢啲係趕客囉好無﹖做飲食係咪真係完全唔洗要服務態度﹖好想講你啲咁嘅態度會令我唔會再去呢間鋪買野飲情願行遠少少飲第二間OR直情飲便利店好過﹗真心想同個店主講揾日遠距離望下佢地點對客點做野你隔離啲鋪位做左咁多年我都從來無覺得佢地態度差呀希望個

上面層奶真係好厚架！奶到…比較似一層Cream。1) 飲奶+泡　測試後感　預期有甜味，但原來無架，仲好似有少鹹2) 飲原味茶　測試後感　幾好，因為佢有得擇，0%、30%、50%、70%、100%糖，我擇左30%糖（即係少糖啦！），佢做到架！3)　攪勻再飲　測試後感　用飲筒攪，太斯文係攪唔到，因為佢奶太濃，後尾我有搖一搖。結果成杯係奶多於茶，飲多２啖，頂唔順，仲要倒Ｄ水落去先可以飲埋。整體來講，有創意，一試無妨（即係無下次囉！）但茶同珍珠來講，呢間算做得幾好架！

天時暑熱,飲完抹茶青冰冰透心涼!抹茶青冰冰：濃濃的抹茶香搭配優質鮮奶，融合出夏季最爽口的冰沙，喝上一口消暑百分。摩卡莎莎脆片：摩卡咖啡的香濃遇上巧克力脆片的驚奇，濃郁的冰涼口感提起您夏天味蕾上的羅曼史。芒果戀奶：使用台灣玉井愛文芒果熬成芒果泥，再搭配優質鮮奶調理而成的唷!香檸優格冰沙 ： 香檸優格酸酸甜甜的滋味，讓你彷彿回到初戀的回憶巷口，和情人牽著手互相傾訴愛戀的情意 。