好旺角粥麵專家

Open Now

Now Closed

落單時，叫白粥店員已經提醒這裡的白粥調過味。已經坐低，試下無妨。結果第一口，感覺不太對，白粥如此之濃味咖？偏鹹，最離奇係好鮮。还叫左一碗雲吞麵，望了去，好多油。食時都係好怪嘅鮮味。殊不知來食粥麵的人想食清淡地？

以為這麼多人讚好，就來試試，原來真的令人失望！， 叫了一碗雲吞麵（$37），一碗牛筯河（$39），D伙記態度唔瞅唔睬，叫不要腩汁，那女伙記豪無聲氣，表現不滿的樣子，傳聲給煮麵的伙記還單單打打，又是不滿意我們的要求，食物拿出來了，令我非常失望，咁嘅價錢，少得可憐，份量太少，吃你唔飽，雲吞中的蝦腸裏藏有沙粒，食落叫人不舒服，麵質還勉強可以，牛筯，麵量，河粉的份量實在太少，味道只是普通而已，認真唔抵食，永遠無下次幫趁了，一次就已受夠了，這個時候還有這種服務態度，不知老闆怎樣想？

記得小時候媽媽經常到冬菇亭吃炸醬麵，我因此能順道沾幾口，這是我印象中兒時咱一被允許的辣食，因為家長總要求小朋友吃得清淡，也許長時間被強制禁欲，才搞得現在特別愛吃辣😅不是第一次光顧這家麵店，早已知道粉麵價錢貴，份量少，但麵質確實勝人一籌，所以我只有在不太肚餓的時候，或是像這次有特定想吃的食物才會來。京都炸醬撈麵分兩種份量，一碗賣$37，一碟賣$50，未吃午飯的我必然選擇一碟。超多年沒吃過炸醬麵，但依然記得當年那種甜辣的味道，辣比甜鮮明突出，這個一吃卻讓我疑惑了，到底是當年吃的不正宗，還是門派有別以致味道大相逕庭? 第一口下去已感覺怪怪的，味道跟我媽做的麵豉蒸排骨非常相似，就連色水也像，不同只是這個比我媽做的甜很多。炸醬的辣味很輕，遠不如當年吃的辣重甜輕，我是挺失望，完全不是我想要的味道，而且我又不太愛吃甜，更加不喜歡了。撈麵附上一碗清湯，這裡的清湯向來出色，湯看着清淡卻有一股鮮香，幼麵又份外爽口，把幼麵放到清湯裡吃要比沾上炸醬好吃太多。平常我會把清湯喝得七七八八，但這次被炸醬污染了，味道變得又咸又甜喝不下去。先不說這裡的炸醬有多麼令我失望，即使在這裡吃到一碗好麵我也難以給予好評，原因是價

The best wonton noodles I have ever had in Hong Kong so far, traditional hand made noodles, wonton soup, wonton with the spicy mix sauce. Please try the congee there not bad tho

好旺角雲吞麵聞名不如一見，鋪頭唔算特別就腳喺洗衣街要特登行過去或者落車喺附近。鋪頭內部都係一般粉麵鋪頭嘅擺設，不過好明顯入邊就裝修過都乾淨企理。座位就唔算特別闊落。呢間鋪頭嘅麵係自己打嘅，真係買少見少。個湯就唔算特別香蝦子味，係清脆利落。食落麵身又唔算太重鹼水味，算彈牙。雲吞皮雖然唔係特別滑，但係都算夠足料。喺其他雲吞麵鋪頭有分大細蓉嘅玩法，呢間鋪頭嘅份量算好足㗎啦。抵食！菜單方面選擇都有好多唔同配搭嘅粉面同埋粥，絕對會想試吓佢嘅粥。

這麵家已食過很多次，每次必點我喜愛的鳳城水餃麵，雖然只有三粒水餃但真材實料，少吃多滋味嘛！ 水餃餡有豬肉、蝦、筍和木耳，味道是正宗廣東風味的！出面的水餃已經不是這種味道了。麵質有彈性，不知現在還是不是竹升麵，但麵食落爽口彈牙！另一必叫的是南乳豬手撈麵，麵好食不在話下，豬手煮得十分入味，火候煮得恰到好處，不會太淋，好爽滑，充滿膠質叫多個小食吧！鮮爽滑魚皮（又係充滿膠質）加些姜䓤豉油，又是一道美食必點！

很久沒有到這間店鋪食了。雖然附近開了很多店鋪，但仍然想到這店食套餐。我們兩個人點選了兩個65元的套餐，狀元及第粥和豬手河同麵。首先來是小碗豬手麵和河，豬手一樣炆得很淋，很入味，這店鋪的豬手真是頂呱呱，湯底又有豬手醬汁，每次都連湯都清晒。狀元及第粥也是我對這店鋪第二至愛，因為配料非常新鮮，而且種類多，不像其它店鋪。材料包括，豬潤，豬肚，豬腰，豬肉丸，豬心，混入粥底煮了，粥底吸收了所有鮮味，所以我每次到來必定點選這兩個組合。今天突然想食白灼薑蔥鯇魚皮，所以也點選了，魚皮非常爽口，完全沒有腥味，配上薑蔥豉油汁正爆，雖然之前也有食過，但每次一個人難以點選太多食物，今次剛好兩人，所以立即點選。店鋪環境也很舒適，而且下午時間有這套餐優惠，所以很抵食。不過緊記，近花園街那分店是沒有這套餐的，午市套餐只有洗衣街那間才有，所以有幾會，大家可以一試。必定食完一次就愛上🤣🤣🤣

這是間很有歷史的麵店，搬了新位置，人沒那麼多，好坐了點，味道不變。最喜歡他們家的炸醬麵，與別不同，他們是有點像麵豉的炸醬，撈麵食味道很好，不會過濃過鹹。另一必試推介當然是豬手，很入味，很稔，撈麵一碟有3件豬手，份量十足。除了麵食，其實他們的粥也是很好吃，材料都新鮮，而且粥底做得很綿很香。所以我建議，如果2人到訪，可以考慮 share, 一碗炸醬麵，一個粥，再加一份豬手及一碟油菜就剛剛好，又可試到他們家都做得出色的東西。

香港既老店真係買小見小，好旺角就係其中一間仲係到既老店。佢係2013年至2018年獲米芝蓮美食推介既粥麵老店，而且由開業以黎，都是自家手打竹昇麵。-今日叫左佢個招牌雲吞麵黎試下，我貪心咁叫埋個水餃雙併😝其實佢一碗係好細碗，如果當正餐咁食應該唔夠。-佢個麵真係比坊間食到既彈牙同冇咁重硯水味，真係食得出同出面既唔同，唔錯。雲吞水餃食落唔算話令人好驚喜，但好足料，好多蝦係入面，雙併加埋好似有5粒。-個日見到d侍應同d客關係好好，好似好熟咁，我諗Lee d老店除左食物吸引到人之外，仲有份人情味係到。

好旺角堪稱是老店，1971年開店，屹立至今已有47年了。還記得讀書時代，經常到舊店食雲吞麵，搬遷後這是第一次光顧。今日沒有點上雲吞麵，點了腰潤粥，粥一上檯，熱辣辣的，豬腰豬潤很新鮮，食上口很嫰，沒有過熟的情況，很讚👍🏼可惜粥底較稀，不過味道尚可，沒有味精，食完也不口渴。腰潤份量不多，只有三腰兩潤，實在不夠喉😆但對一個膽固醇有點超標的我，已足夠了😂

好旺角粥麵雙絕，今晚仲見到有爽脆魚皮，結果叫咗 一碗粥，一碟菜，一碟魚皮同埋一碟麵，埋單好似170左右。先講唔好味嘅，係魚皮，佢係夠爽又夠脆，不過係又一朕腥味，連跟碟上嘅香菜都蓋不住朕腥味，算係水準之下。蝦籽雲呑撈，有小小梘水味，不過唔太影響成碟麵嘅質素，水準都叫做保持到咁。菜就唔多講啦，跟住呢⋯⋯蠔豉肉丸粥，呢個非常好，原來蠔豉同粥亦非常之夾，而蠔豉一定要解體碎上溶入粥底，將碗粥昇華到另外一個層次。

We ordered a won ton noodle and a beef brisket noodle - both were very tasty! Portion size is just a little small but price reflects this. Gives you space to try more food!The gentleman serving us was lovely and very welcoming, although he knew very little English he did try and communicate with us 👍🏼

好旺角又細食到大。。細個個時媽咪帶我去食，或者去完教會會買外賣俾我地食。雖然好多人叫麵類、撈麵，但我最最最鐘意食係佢既粥！細個媽咪會叫及第粥俾我地幾兄妹食，仲好記得以前佢地未搬鋪仲係旺中對面個時，無新店裝修，伙計全部都上曬年紀，會光顧一次又一次既就真係佢地食物既質素。佢既及第粥煮得好綿，用個細鐵煲加大火去煮，加埋啲料去煮，我見佢每次都係一兩碗咁煮，我真係覺得好好食。而家每次去都會叫一個腰潤粥，加一碟油菜，佢未必係最物超所值既一間，但係我心目中係最好食同最有感情既一間。

傳統做法既雲吞麵已經愈來愈少，畢竟手打麪師傅好多都退休，又冇咩後生仔想學呢種手藝。好旺角難得地保留左呢種傳統做法既雲吞麵，老師傅每日親身上陣打麵。廚房位於鋪面，可以見到中氣十足既師傅大顯身手，坐係竹竿上跳動，打出靚麪。手打麪質地爽口，唔會食落有好大陣硯水味，湯底靚，雲吞好足料。$35一碗，絕對係值得。有時食野唔係淨睇味道，仲係對過去既一種懷緬。多得好旺角對正宗雲吞麵既堅持，我們還可以享受這一份好滋味。

今日點零鐘時間，去左旺角洗衣街個間好旺角食左碗雲吞面，食食下…發現有一只只小昆蟲浮上面…哇！住呢頭…都好耐無幫襯過…一幫襯就偏我遇上…一碗面…又細細碗…四粒小蝦蛟……簡水味甚重，埋單$35,重貴過尖沙咀…老字號店鋪，唉！無下次…大家睇下要唔要幫襯…