前菜係四小碟（一次性）有鹽酥雞、拍青瓜、白雲鳳爪、脆花生，全部都幾好味，鹽酥雞上枱時仲係熱辣辣的👍🏻
之後先開始火鍋放題，湯底可以六選一，今次㨂左海皇海鮮鍋，睇隻色初初以為係蕃茄底，飲落先發現原來真係海鮮湯底，裡邊有大量新鮮海蝦，湯底海鮮味濃郁而不肥膩，非常清甜👍🏻
可以落單嘅食物都唔少，而且質素都幾高，推薦嘅有以下幾款：
安格斯牛板腱
脆骨腩
手打墨魚丸/ 蝦丸
總結：小寶套餐價錢夠晒貼地而食物係非常有水準，可以話係性價比之王。如果預算高少少，建議直上「爵爺」或「鳌拜」套餐，可以食埋高質海鮮、刺身，而最最最重要係「無限時」😈😈 不過記得預先book枱，因為就算weekday夜晚都係長期爆滿！
先黎一份四格前菜，分別有鹹蛋黃炸魚皮，酸辣鳳爪，涼拌青瓜，同花生合桃。都令人幾開胃。
呢個價錢包主菜6選1，我地揀咗椰子雞，個湯底帶淡淡雞味同椰子味，味道清得黎又夠味，之後用黎淥野食都好好味。湯底有唔少椰子片，食落脆脆地。
自助配料吧好似太空艙設計，好有現代感。感覺乾淨企理。火鍋配料同蔬菜都好多選擇，今次無逐一細看，食肉都已經夠食。醬料自己去自助醬料吧攞。
青菜有4款，分別係娃娃菜，生菜，皇帝菜同菜心，質素唔錯。其他蔬菜仲有淮山，萵苣，南瓜片，冬菇，金菇，冬瓜，秀珍菇，木耳，蓮藕，響鈴等。
炸魚皮香脆好味。主食有稻庭烏冬同出前一丁。
飲品有自家製涼茶包括竹蔗茅根，冷泡茶，道地包裝飲品，韓國樂天罐裝飲品，罐裝汽水等等。
總括而言，食物質素保持一貫水準，今次個餐進化咗變相多咗個主菜同湯底，而價錢並無加，非常抵食。難怪星期一晚人山人海。
🤩🤩🤩放題任食任叫海鮮、豬牛羊、雞子、沙白、海蝦有齊晒！還有自助區飲品及蔬菜🥬
入去時都已經行入自助區，首先係飲品區，都幾多飲品，除左普通會見到既任依飲品下，重會見到有佢地自家制既竹蔗茅根同埋茉莉花茶，如果唔飲汽水，都有第2啲選擇🤗
淥鼎記係一間養生火鍋店，主打無限時任食雞煲、酸菜魚、火鍋，仲會送牛小排、活魚刺身、海鮮拼盤同甜品等，有唔同套餐，分別有唔同嘢食同埋唔同野送，豐儉由人，依家就嚟秋天，就好適合去打邊爐。除咗火鍋佢哋晏晝仲會主打精緻點心、中式小菜，酸菜魚可以話係店舖嘅招牌菜之一。
店舖環境唔錯，我哋四個人，不過坐咗張六人嘅位，都算鬆動。入邊冷氣足夠。出邊仲有自助區，可以攞自助醬料、飲料、菜、火鍋配料等。
呢個套餐要早一日預訂，餐廳會WhatsApp confirm，套餐除咗有無限時火鍋放題食材，仲有好多海鮮、刺身、牛肉、雞煲/酸菜魚送。最早可以17:30入座任食至22:30。
Video
