淥鼎記

Open Now

Now Closed

我同朋友好耐冇打邊爐，所以特登去咗旺角呢間有得食雞煲又有得打邊爐嘅餐廳。呢度嘅邊爐放題價錢適中，又近地鐵站，非常方便。食主餐之前，店員會比幾碟小菜我哋，有豆角。煎蝦，蝦煎得好香脆。呢度嘅醬料非常齊全，任君選擇。我哋叫咗雞煲。雞煲非常之美味，雞肉都好幼滑，雞肉彈牙，肉質香濃美味。呢度嘅肥牛非常之新鮮，肥膏同瘦肉好分明，雪花都好靚。食得出係上等靚牛。呢碟都係牛肩膊，雪花亦都好分明，入口即溶。牛肉嘅種類都好多，任君選擇。佢嘅配菜都好多種類，有蝦丸，牛肉丸，墨魚丸，同埋菜。所有食材都非常新鮮，材料上盛。 我哋食不停口，就知食材非常之好食同美美。我哋嘅湯底係養顏花膠湯，花膠非常之大塊，非常之彈牙。湯底非常知足料。

因為個名好搞笑，所以特登過黎試下。淥鼎記個名對金庸迷真係幾吸引，連佢既套餐名都係：小寶，爵爺，真係好搞笑。 訂左旺角呢間黎食，嘩好彩訂早少少，晏啲都坐滿啦。我地叫左個小寶套餐，一坐底就係叫左個主菜同小食先。果然唔係邊爐咁簡單。佢首先有：雞煲，酸菜魚，抄海鮮簡，我就叫左酸菜魚。黎到好大碟，仲好有睇頭，耍埋菊花花瓣好靚。魚好鮮嫩，配菜都好足好多，最正係有埋勁粗大既花生苗，好甜好爽。真係呢碟主菜都抵。跟住湯底簡左美人花膠湯，真係好大舊花膠架。佢既肉好新鮮，都算大份。因為大家都鍾意食肉多，就冇叫海鮮個set。另外出面自取既菜，丸，魚皮之類都好多選擇。最正個菜櫃，獨立一碗碗擺雪櫃，夠新鮮乾淨。而且都好企理。佢地既竹庶水都好正，去到又熱又剩，一坐底已飲左1杯。

最近發現淥鼎記又可以食點心，又可以飲杯香醇奶茶，正好符合我兩個要求🤩而且食物種類十分之多。🌟鳳爪排骨日本珍珠飯，鳳爪夠淋，排骨夠實淨，飯底入晒味，搭配非常恰到好處。🌟沙律蝦長春卷給人一種外脆內軟的口感。脆卜卜的春卷皮包住滋味沙律醬和爽口鮮蝦。🌟嫣紅奶黃流沙包，Q彈的外皮包住熱辣辣的奶黃流沙，順滑卻不膩口，每一口都帶來滿滿的幸福感。🌟蠔皇叉燒包的外皮鬆軟，配搭肥瘦適中的蜜汁叉燒肉，讓人在每一口中都能感受到口感的完美平衡。🌟蟹籽龍王燒賣是一道充滿驚喜的美食。它的內餡裡有粒粒大蝦，咬下去時彈牙十足😋🌟黃金鮮蝦餃，皮薄餡靚，鮮蝦新鮮彈牙。🌟鳳凰鮮蝦腸粉，滑溜溜腸粉的口感極為順滑，搭配上鮮蝦的爽口彈性，絕對讓人回味無窮。🌟熊仔奶茶和熊仔檸蜜茶，飲茶都可以嘆番杯奶茶😚，它們不單賣相吸引，而且味道可媲美出名的茶餐廳。除咗點心外，淥鼎記仲有火鍋，下次再黎試吓先得。

同班friend去食放題，本身食唔多，最好就係冇限時！呢度一開始會上個刺身拼盤，跟住就有主食五選一，我哋揀咗雞煲（其他仲有酸菜魚、椰子雞、清湯牛腩等）再嚟就去揀湯底打邊爐，又有一盤手切肥牛同海鮮拼盤，淨係食呢度都差唔多飽😅 牛肉好軟身、好味，海鮮亦都大件、新鮮。價錢係略貴，每人$450，不過冇限時算係咁！👍🏻

同一眾朋友聚會，食放題就最啱啦。今次呢間放題成日見人食，想試好耐啦☺️人多嘅關係，就叫咗個乜都有嘅爵爺套餐 ($368/位，再加一）。🥬前菜炸物都幾夠脆，枝豆就正常質素。🦐時令刺身盤款式都幾多，有三文魚、蝦刺身、帶子、鮑魚等等，色彩豐富打卡幾靚☺️ 魚生都幾新鮮，呢個幾滿意😋😋🐟主菜主菜有好多選擇（雞煲/烤魚/干鍋/酸菜魚/椰奶雞/清湯腩），就返有朋友唔食辣就叫咗酸菜魚，係好食嘅，魚都夠滑但勁大兜，食埋呢個其實大家都飽啦‼️✴️花膠美人鍋食咗咁耐，終於嚟到邊爐環節🤣揀咗呢個清d嘅湯底打邊爐，配料都係同其他放題一樣出去嚟菜、丸、餃之類。個人覺得餃類唔錯bo有驚喜，雖然都飽飽地，但都會想繼續食佢。🦑海鮮拼盤🐚拼盤有蝦、帆立貝、蜆、鮑魚、花膠同蝦滑。海鮮質素普通，唔夠新鮮，仲有朋友食到有沙😅😅。🐮頂級手切牛及牛丸一睇就知好嘢嚟，手切牛牛味重，有d咬口，而牛丸中間幾juicy有d牛肉汁❤️兩款都出色‼️最後仲送哈根大師一杯🍦🍦🍦由頭食到落尾，真係飽到上心口😌😌 都值回票價嘅，不過Yummy呢個黑洞食到呢個份量都要投降啦😇

好耐冇食過咁高質既邊爐啦! 呢到一開始可以食左主菜先，選擇都幾多，有雞煲，酸菜魚，烤魚，最後我就簡左海鮮乾鍋。 原來都幾大兜! 好香麻辣味，夠曬辣，入面既料都好多，有我好鐘意既萵荀，好爽口。仲有蝦，蜆，魷魚等等。食完之後就可以簡湯底打邊爐，今次想養生少少，叫左個花膠美人鍋，其實佢有成6款湯底簡，款款都好吸引! 花膠都幾厚身，好足料，湯底好清甜，好滋潤!! 肉類，海鮮款都可以係QR code落單。安格斯精修肥牛好好食，好重牛味! 其他火鍋配料都係自助形式，可以係出面自己夾，選擇都幾多，仲有雲吞，餃子呢D。連野飲都好多款，最鐘意佢地自家茶既竹蔗矛根，好解渴。茉莉茶都好唔錯! 呢到就算係醬料都好多款。今次叫左小寶套餐，其實都幾抵食，食完主菜都有少少飽，仲有得打邊爐，好正。

今晚約咗朋友去了旺角淥鼎記早鳥晚餐， 十分豐富！😋😋😋我哋book咗位17:30-19:30 每人$238+10% 入座後，揀咗個［小寶套餐］已經足夠攬住個肚好滿足咁出門口！🤭🤭🤭餐廳環境： 餐廳地方寬敞，座位舒適，佈置得古色古香！入口已有一大塊淥鼎記大牌方，甚有特色！🤗🤗🤗火鍋配料： 任食嘅火鍋配料都有好多選擇及丸類品種多羅羅例如：牛筋丸、麻辣豬肉丸、黑松露丸等~~梗有一款啱胃口，加上其他食物見到都好興奮！🥬🥦🍢🧆🧈飲品種類： 成排各種飲品雪櫃，有自家煲大大杯嘅竹蔗茅根及其他飲品由你選擇！🥤🧃🥃🍹🍺老壇酸菜魚： 一大碗酸菜魚上枱~魚肉滑溜， 魚肉多過配菜，內有薯粉、萵筍及芽菜，非常足料！整碗酸菜魚酸辣度適中，味道恰到好處，極讚🐟🐟🐟澳門豬骨鍋： 呢個湯底值得推介，一嚿嚿大大的豬骨非常足料！好重新鮮豬骨味， 仲有新鮮粟米更加甜！豬骨骨筋仲好有骨膠原，用嚟打邊爐簡直一流！😝😝😝安達斯牛板翼： 肉類是由QR code掃描落單, 牛肉油脂與肉的比例非常好！淥咗十秒就食得，肉味濃郁，order到食唔停！😆😆😆優質羊肉： 羊肉好味~不會太大羊騷味，肉質細嫩，薄薄一片好快淥熟，時間啱啱好！🤭🤭🤭順

又想食酸菜魚🐟 ？又想食雞煲🐓？Why not both ?🤤🐟🐓😆朋友好貼心搵到間可以一次過食酸菜魚同雞煲嘅餐廳，而且價錢同份量都合理，唔洗一大班人兩個人都可以食到😋👍🏻🐟老壇酸菜魚二人套餐 $ 198-小辣+花甲 $38+米粉 $3+凍咸檸七 $10😋食後感：-呢份係午市2人套餐，可以自己選擇加餸，我哋只係加咗花甲同米粉，因為仲要留肚食雞煲🤤花甲幾新鮮好味😋👍🏻米粉係另上，加少少酸菜魚嘅汁味道都唔錯🥰-同之前食過嘅酸菜魚好似有啲唔同😆小辣一啲都唔辣🤭係咪我哋太低估自己🌶️好香嘅花椒同炒香咗嘅蒜味，魚肉有口感，幾啱唔食辣嘅朋友-配料都幾多有蓮藕、芽菜、酸菜、薯粉同埋綠色好爽口嘅瓜🤣唔知正確名字，但食落幾好味🤤🐓惹味重慶雞煲(小）$168-小辣😋食後感：-同樣叫咗少辣但一啲都唔辣😂不過底部有汁個啲就好夠味🥰咸咸哋好少辣，小雞煲份量剛好夠2個人食😋好味👍🏻喜歡辣嘅，可以叫中辣或以上🌶️估唔到我哋2個人食完酸菜魚2人套餐再食雞煲都食得晒😂一次過滿足兩個願望🥰正而且價錢合理抵食，每人平均$208.5，9-10成飽😆

我本身就係火鍋控，尤其係任食打邊爐真係講得出都食過咁濟🤣🤭呢期好多都玩一個價錢包小菜、主菜，再打邊爐，淥鼎記我覺得係做得幾好‼️👍🏻比起始祖「家x」好太多🥹🥹鹿鼎記有三個價錢，主要分別係有冇魚生拼盤和海鮮種類～我㨂左最平的小寶套餐，但都有3-4款前菜，主菜二㨂一：雞煲/酸菜魚，前者是我飛忽，小辣都夠惹味👍🏻我既獨家食法係出去拎埋啲生魷魚、牛栢葉、魚皮之類，加入去一齊炒，既防止痴底燶左，又可以吸收埋啲醬汁😍😋正架‼️‼️餟完雞煲就打邊爐🍲我一定㨂豬骨湯，因為呢到既豬骨湯底真係比埋3-4件大骨頭🍖有肉有骨髓，一定要啜埋先和味😆啲肉又唔會好肥，一半半加埋烏冬就一流😽😽菜呀響鈴個啲都好新鮮乾淨，唔會擺到又黃又梅又唔脆👏🏻👏🏻仲有自家制飲品：竹蔗茅根係我最愛😍唔甜又清熱，啱晒食熱氣野🤣冷泡花茶都唔錯🫶🏻環境幾乾淨，二人平日夜晚都有卡位坐luckyyy😎冷氣夠大，所以油煙味不重👍🏻走廊又好闊，方便出入拎野食/飲🫶🏻美中不足係冇雪糕🥲最平套餐冇的 🤭still quite perfect dinner😉

大滿足的一餐！原來朋友超鍾意食麻辣火鍋，不過一直冇人陪，今次等我陪下呢位朋友啦。選了呢間「淥鼎記」，餐廳內部裝修十分古雅有風味，大量卡座及設有廂房。餐廳提供多款火鍋套餐供選擇，成人計價錢由$258-$488不等。任食時間長達120分鐘；亦特設有無限時套餐，絕對可以讓大家慢慢食、慢慢嘆。目測當晚繁忙時間特別多人，所以建議先訂枱，咁就吾使等位咁浪費時間了。餐廳設有超大自助區域，供客人自助選取各式醬料、火鍋配料及飲品等。自助火鍋配料多達40多款，各種各樣任君選擇，而且非常衞生企理，呢方面真係超讚！飲品選擇很多，除汽水、亦有各款果汁、茶及水等飲品，更有自家制洛神花、竹庶矛根等。我們選了麻辣火鍋湯底，店員送上湯底時，更配送有多款餐前小食，呢樣亦都十分讃！呢個重慶麻辣湯底，真心正到不得了，不單夠香麻夠正宗，而且越食越香辣，超超超過癮。至於牛、豬等肉類火鍋料，則可以用手機QR code 落單，很快店便會送上，嘅方便又保持食物物質，真的不錯。各款肉類都很新鮮高質，絕對食得開心又大滿足。呢間任食火鍋餐廳真係值得推介，由價錢、環境、食材，而至服務都令人很滿意。另外除火鍋外，更有點心、小菜等供應。

第一次黎到淥鼎記，位於旺角分店，交通非常方便。我地揀左小寶套餐，7點半前離座只需$238，價錢好實惠。套餐可以係重慶雞煲，老壇酸菜魚同干鍋海鮮雜錦當中揀一個主菜，之後再揀湯底打邊爐。首先係餐前小食：枝豆同椒鹽魷魚。跟著係小辣重慶雞煲，煮大概8分鐘就可以食得，其間侍應會幫手攪拌雞煲，以防煮燶，服務好細心呀。講番雞煲先，份量都唔少，配料十足，花椒，八角，洋蔥樣樣齊，夠惹味。雞肉厚身，但唔會嚡口，麻味比辣味重，舌尖都麻哂，但愈食愈開胃。食得差唔多，就可以用QR code order湯底打邊爐啦。海皇海鮮鍋，有蝦味同蟹味，幾鮮甜，連淥嘅食物帶有鮮味，相當唔錯嘅湯底呀。QR code落單嘅安格斯肥牛同牛板翼，牛味唔錯。仲有豬肋條，啖啖肉又唔韌，淥耐左都唔怕。自助區食物選擇多，一盒盒整齊排列，乾淨衛生。有鴨血，水魷，牛栢葉，炸魚皮，韮菜餃......樣樣都想試，要小心眼闊肚窄呀另外，自助醬料區有10幾種選擇，飲品都有好多選擇，我特別推薦自家竹䉀矛根，足料又夠甜，啱哂打邊爐。旺角區有呢間價錢實惠，服務用心嘅頂級雞煲火鍋，真係要再encore呀

終於有機會book到這家火鍋店，之前試過只有2人是不接受預訂的！無限時是重點，可以慢慢傾慢慢淥。食材，刺身，海鮮都非常新鮮。無糖飲品的選擇也有很多，套餐送的牛肉盤質量極高，然後再叫的肉類也算OK。頭盤點的酸菜魚，肉質很好，辣度可以自己調教所以一定適合所有人！我推薦花膠美人湯，滾到尾都仍然清甜.唯一比較不完美就是給的桌子太小，基本上放上每人碗筷後已經無位。5人比的是4人方檯，有一個人要對住檯角來坐，非常不便！希望可以改善一下。

📍淥鼎記旺角彌敦道593-601號創興廣場5樓餐廳位於旺角林林美食集於一身的創興廣場，距離地鐵站只有5分鐘步行距離，非常方便。餐廳提供不同的任食火鍋，可以先揀主菜(六選一)，後上湯底(六選一)。主菜分別有六款，當中的蕂椒烤魚一定要六位以上才可以選擇，這次我們先試店員推介的重慶雞煲。雞煲我們叫了少辣，一上枱已經香氣四溢，雞件份量非常多，啖啖肉，肉汁滲出雞煲的辣味，配上西芹和洋蔥等配菜，越煲越辣，回味無窮。食完雞煲，我們點了花膠美人鍋，配上40多款火鍋配料，肉類方面有牛、豬、羊、雞，更有多款時令海鮮。值得一提的是餐廳會提供前菜，今次有椒鹽九肚魚和黃金炸魚皮，兩款小食都非常香脆可口，九肚魚肉感好實，椒鹽味由內而外，絕不馬虎。湯底方面，花膠美人鍋熬製得非常濃郁，花膠非常黏口，非常適合喜歡滋潤的女士，我都忍唔住飲多幾啖熱湯先補一補。安格斯極佳級精修肥牛極力推介，牛肉紋理分明，油脂分布平均，食落好有奶香味，不會過韌。相比之下，安格斯牛板腱既牛味較重，同樣出色。另外有幾款自家製的水餃和雲吞也值得推介，有芹菜豬肉餃、香荽蝦餃等，餡料包得很足，皮薄餡靚。

呢日黎到旺角嘆茶, 平時去開傳統酒樓飲茶,今次試左呢間新式地方飲茶感覺都唔錯~ 呢度好處係唔駛同人搭枱, 同埋都坐得幾舒服, 茶市都幾多人食, 原來夜晚仲可以打邊爐, 我地兩個人都可以安排到個卡位坐, 認真舒服~ 我地叫左一個鳳爪排骨飯, 一個北菇滑雞飯, 春卷, 粉果同埋鴨腳札, D 點心都黎得幾快, 味道都唔錯! 春卷夠哂香脆, 粉果配埋辣椒油真係一流! 鴨腳札勁大件! 飯就粒粒分明, 食落好好味! 淋埋豉油食真係一流! 肉既份量都唔少!

好耐冇打邊爐所以放工約左朋友去旺角🍲我地就揀左小寶套餐🍽️入座後，職員會問想揀邊款主菜，有得六選一（一次性），咁我地就揀左食雞煲，雞都好大件，啖啖肉好正😋同埋叫左bb辣都夠辣🤡食完雞煲後，就嘟QR code落單。餐廳提供6款湯底選擇，今次我試左澳門豬骨煲🍲內含三大件豬骨、粟米同蘿蔔，都好清甜好味🤤之後我地就瘋狂叫安格斯極佳級精修肥牛及安格斯牛板翼。我地叫左好多次，d肉都好靚🐮好美味🤤自助區亦有多款配料、蔬果、飲品同醬料選擇。我就夾左幾款丸同餃子🥟而南瓜好甜🎃最後食到好飽飽