婆婆珈琲屋

Open Now

Now Closed

婆婆咖啡屋價錢: $68/ $68/ +$15好味程度:2/5服務🍴: 3.7/5環境🗾: 3.7/5性價比🥢: 2/5回頭率😚: 0/5😂-婆婆咖啡屋開左好多年一路未試，今次lunch試試佢點知超失望！真係得個樣🥺 性價比又貴，set lunch都要$150up… 因為每樣野加錢…主菜、配菜、主食、飲品8折。擺碟餐具係靚的，昭和風日系，而店員服務都ok，可惜…-❌日式滑蛋吉列豬扒。豬扒粉漿超級厚，可以皮肉分離🫥因為係滑蛋豬扒，所以個皮淋晒就一定，但係太厚唔好食🫤 而洋葱🧅蛋就正常，個汁都唔算太鹹，不過都建議餸飯食。-🆗梅酒啫喱昆布螺肉/ 秋葵豚肉向風沙律。螺肉口感ok有咬口，加梅酒啫喱，鹹甜鹹甜😌秋葵沙律啲秋葵黃gumgum，成件事洞悉都怪怪的😂-❌蛋黃醬油漬飯。以為係流心好靚蛋黃個啲，點知係粒硬的蛋黃(好似鹹蛋黃的質地)🫠醬油少而濃，所以唔夠撈飯，但有豉油嘅話又好鹹…-另外再抽咗朋友少少鯖魚同埋鰹魚刺身，鯖魚正常，但鰹魚好腥😶‍🌫️ No next time… 俾一次機會佢都小後悔🥶

朋友訂咗呢間餐廳，話見到人地刊登D 食物相好靚 好吸引，好想試吓。同埋好想嚟打卡。當進入餐廳，人流唔算多。簡約裝飾設計，尚算舒服。我地坐底，發覺坐嘅位置唔舒服，要求服務員換檯，但被拒絕，服務員話其他檯全部已經reserved. 既然如此，別無他法，唯有接受。之後服務員就安排每人一杯水，分別可以選擇蝶豆花水或青瓜水。對比其他餐廳，可以選擇非一般清水，係特別嘅。我覺得好新鮮，亦好期待order嘅食物！餐牌上面嘅相看似份量多D, 但當食物嚟到面前果陣，每款食物份量對比Menu上嘅還要細。食物味道尚算OK. 但富士山形狀嘅三文魚飯團味道一般。總括嚟講，所有食物味道不錯，份量太細，所以價錢偏貴。最後，用餐後，離開餐廳時，睇到好多檯都係吉嘅，唔明白點解明明無人訂嘅檯都唔肯換比我地。失望！所以我諗呢間餐廳，我唔會再嚟喇。

早幾日打電話預約尋晚6點，隔咗陣就收到確認短信。前日再收到短信以確認出席。尋日準時到達，店員安排入座。成餐飯都無乜嘢。直到7點，有店員拎張單嚟叫我哋check check，無問題可以一陣出去比錢。當時我哋仲食緊個芭菲最尾1/3。咁我哋咪繼續食囉。過咗10分鐘左右，店員就拎個卡機嚟話要埋單，咁我哋咪比錢繼續食啦。點知另一位店員就問可唔可以收嘢，客人已經嚟咗。我哋表示唔知有限時。店員話一般週末都係80-90分鐘左右，閒日可以耐啲。當時我哋無諗咁多，立刻着衫拎嘢走。離開餐廳之後諗諗吓越諗越嬲！無論打電話預約、兩個短信、確認出席網頁定入座時候，都無提及用餐有限時。而且當時店員話客人嚟咗嘅時候，我哋嘅用餐時間都未夠80分鐘！仲食緊就俾人催促離開，體驗十分惡劣。之前食過覺得幾好，所以帶媽咪嚟，但得到一個咁嘅體驗，無下次啦。

之前好出名，超級多人排隊，套餐形式咁樣銷售嘅，係一定要叫煮食，米飯，小食，嘢飲就可以自選，味道就比較普通啦，價錢都比較偏貴！🍴和風醬汁燒豬軟骨 $68🍴鰹魚燒造南蠻漬 & 金山寺昆布小黃瓜 $68🍴蛋黃醬油漬飯 $15個魚生係比較腥，真係要用Wasabi先可以吞到落去，麵豉醬青瓜就正正常常！豬軟骨比想像中硬，係比較有咬口一啲都唔軟腍，味道係鹹鹹地，配咗啲椰菜係幾清爽嘅！蛋黃飯係用咗醬油去醃製，食落去鹹鹹地，有啲似生鹹蛋黃嘅質地，唔係好流心！推薦指數： 6/10服務幾好嘅環境都唔錯，食物就普普通通啦，全都比較偏貴，冇叫嘢飲都已經$170一個餐啊！冇佢哋嘅甜品同嘢飲，不過主食嚟講都算一般啦。

第一次去呢度係因為見到上網介紹，每樣食物都好靚，富士山系列的飲品同布甸，藍色與透明的水，很貼合主題，炸豬排同櫻花蝦飯比想像中好味，而焦糖玉子燒口感很綿密與鬆軟，甜甜的亦可一試。最surprise的是原來生日來會有小驚喜，店員會幫影即影即有相片同送上小蛋糕或其他精緻甜品。謝謝親切的店員與朋友仔，過了難忘的生日。🩷🫶

啲嘢淨係好精緻，但係其實Potion好細， $184得6塊豚肉個餐入邊有五樣嘢，四樣都凍冰冰，冬天食就真係好凍⋯⋯未加嘢飲都已經$184 ，其實性價比真係超低⋯⋯食完職員就以大快活嘅速度光速咁收我啲餐，做乜啫當坐多陣都唔得咩？餐廳細細咁嘅價錢，其實真係好貴好唔抵

整體來說食物質素高於一般打卡café。環境同食物很適合打卡。食物設計有心思。桂花糖漬番茄意外地好吃。👍🏻牛奶咖啡亦好飲。布甸其實只係一般，我覺得不夠軟滑。牛舌真的不推薦，又乾又柴不太好食。朋友點了富士山飯團🍙，她說很難食，有怪味。食物偏濃味。我同朋友選了窗邊位，環境頗舒服。上網訂位也很方便。講真每人二百幾蚊真係唔算抵。不過我去之前也沒有太大期望所以沒有失望。聖誕節埋單時有小禮物送，有意外驚喜！

真係好彩卜左位, 如果唔係唔知要等幾耐先有位, 仲要勁好彩坐張靠窗既枱😎 呢度既食物以日式為主, 個人覺得叫set 會比較抵食, 而且都幾大份🤩豆腐藜麥雲朵蛋沙律🥗($108)大大份既沙律菜上面舖左幾塊滑豆腐同大量既藜麥, 用左檸汁芥末蜂蜜油醋醬塊調味, 簡單得黎又健康😊Lunch Set 🍱定食既價錢視乎揀咩配菜同主食, 揀左煎到外皮微脆肉質嫩滑既雞肉配拔絲南瓜, 凍番茄整到酸酸甜甜好開胃, 特飲係自家製, 所以飲落好清爽同無添加, 另外仲有好好食既啤酒柚子蘿蔔漬🤤✨南瓜雞肉金酢煮($78)✨桂花冷蕃茄 & 梅子牛油果冷豆腐($58)✨梅子飯($12)✨蘋果蜂蜜綠($45)竹炭芝麻鮮奶🥛($53)有個淺淺既聖誕樹拉花, 轉左Oat Milk ($5), 芝麻味唔算濃郁🥲我個人覺得呢度既食物比想像中出色, 同埋感受到真係好用心去鑽研每一個菜式🥳

位於尖沙咀山林道街頭門口的「婆婆珈琲屋」👵🏻，裝修格局以日系風格作靈感，感覺舒適柔和，加上以日本富士山🗻為主題，除了提供款以富士山外型設計的菜式、甜品及飲品，更攞放了大量日本衣服👕、飾物💍、手袋👜，相當有趣概念的小店🤩- 桂花冷番茄費 $48冷番茄口感清爽，加上甘甜的桂花香氣，酸甜開胃❤️- 和風醬汁燒豬軟骨 $78豬軟骨經過醬汁慢燉，肉質軟嫩，入口即化，掛滿香濃和風醬汁鹹香味，偏略脂肪過多，有點油膩🥹- 南瓜雞肉金酢煮 $88底層鋪滿南瓜，味道清甜，雞肉肉質鮮，金酢酸甜味增加層次感，如果酸度可以低一點，更加吸引🤣- 明太子茸飯 $26明太子風味濃郁，米飯粒粒分明，口感滑順😆- 焦糖明太子玉子燒（3件） $62玉子燒口感柔滑，表面加上焦糖，明太子甜味配上蛋香，味道很夾‼️- 沖繩海鹽•富士山 $108必叫甜品，以富士山外形呈現，表面配上鹹甜忌廉，蛋糕體質地鬆軟，加上沖繩海鹽雪糕，相當滿足❤️

在OpenRice看到食評不差，就決定訂位試試看，我們訂的是第二時段，因為可以坐得耐一啲，一到餐廳那裏的風格令人很舒服還有一些小飾品可以購買；餐廳的侍應每一位也很溫柔，因為在我們訂餐的時候找不到QR code，那侍應很快便說不要跟我們幫你填便可。 到想慘的時候，看似很細碟，每一碟的味道也很不錯，而且賣相也很好。我們三個人最後連埋甜品好像叫了10碟左右。 價錢也不貴。真是一間性價比很高的餐廳。 玉子豆腐這個驚喜很大，另外甜品也很好吃。

一直貓大特別鍾愛日系復古風的Cafe店☕️大半年前第一次到訪～還記得當時的富士牛乳布丁很吸睛亦很好吃🥹❤️是奶味很重的布丁🍮印象很深刻。所以今次屬於二度回訪啦～看到他們新推出了深宵の時段menu📌還有秋冬餐單📋餐點都挺吸引～-🩵晴空·富士山特飲 / $58(是一款梳打飲料～很美的富士山特飲！）-🍶天吹純米大吟釀玫瑰花酵母 $148（店員推介可以一起品嘗凍飲/熱飲的兩種口感～熱飲時會較重口感，冷飲時較為清爽點）-🤎青口煙燻醬油漬 / $68（煙燻過的香氣～咬下去鹹香juicy的青口～下酒必配！都是貓大pick!!😺)-🥖明太子白飯魚仔配法包 / $88（鹹香鹹香的白飯魚仔🤤～再配上脆脆的法包片🥖又是很下酒呢～貓大pick!!😺)-🍌香蕉蓉脆皮奶卷 / $78（奶香奶香的脆皮卷配上香蕉蓉～吃多都不會膩！好吃!)-🍙烤赤富士芝士松露飯糰/ $48（粉紅粉紅的富士山造型的飯糰～打卡必點的item！）-💛芝士蔬菜蛋餅 / $52（厚厚的蛋餅～餡料分層很厚啊！再配上微微的芝士香）-🐟鹽燒多春魚 / $48（鹹香脆口的多春魚～又是很下酒！）

之前嚟過一次，體驗好好～念念不忘再嚟第二次😊✨好喜歡呢套嘅環境，明亮舒適，以木色為主調好溫暖。今次試咗好多唔同嘅嘢，覺得菜式都好靚！最開心係食咗一直好想食嘅富士山布甸，非常滿足❤ 而且試咗咁多嘢都係大概$200多啲一個人，覺得都幾抵食。【🌱前菜】酸酸甜甜好清新，有淡淡嘅桂花味。喜歡佢有醋，同埋佢整到無咗蕃茄本身嘅澀味，然後又保留到蕃茄嘅香。第一次食鰹魚，本身驚會唔會好硬或者好腥，但係完全唔會！食落感覺好新鮮又好軟身，好似吞拿魚咁樣。配埋個汁少少酸辣，幾開胃。上網睇一睇，原來『南蠻漬』係指佢個高湯同醋汁再加不同辛香料（辣椒、蔥、蒜等），而南蠻係舊時日本人對於葡萄牙人同西班牙人嘅稱呼。 『南蠻漬』其實就係日本食材版本嘅葡萄牙／西班牙菜式『Escabeche』（醋醃炸魚）～【🍛主食】自己超級鍾意嘅芝士茄子田樂燒！芝士都幾厚、幾拉絲，蔬菜好新鮮～ 特別鍾意豆腐煙韌彈牙嘅口感，又好鍾意佢鹹香嘅味道。然後個茄子超級juicy，入面仲有枝豆同菇！好多顏色好多配料，食得好開心❤日式滑蛋吉列豬扒。朋友話個皮好脆好薄～ 然後我好鍾意下面個滑蛋同個汁。個汁係偏甜的，好啱我胃口🙌【🍙米飯】牛油木魚絲飯。重現深

位於山林道的人氣Cafe婆婆珈琲屋👵🏻☕️應該都廣為人知，係一間日式復古餐廳，不論係場上日式懷舊海報、木系裝修配搭懷舊玻璃、復古吊燈等🕰️每個角落都好打卡able！而家週末有深宵時段餐單，第二日唔使返工，有個地方可以品嚐日式單品、甜品🇯🇵坐耐啲靜靜地傾吓偈都唔錯啊☺️深宵時段餐單🌙以日式小食類、甜品為主，當中最signature一定係富士山主題嘅食物，我哋都忍唔住嗌咗😍🔸吉列炸蠔🔸三色免治雞肉棒🔸明太子白飯魚仔配法包🔸烤赤富士芝士松露飯糰小食類方面，最有驚喜一定係明太子白飯魚仔💯用上熱貼盤盛載蔥油明太子，配搭法包一齊食。蔥油味勁香🥹伴隨鹹香味的明太子，配搭白飯魚仔十分有口感，估唔到成為全晚至愛😆本身想要一個藍色富士山飯團一個粉紅色，可惜藍色太受歡迎賣晒🥲粉紅色係芝士松露飯團，都唔錯，食到中間有軟心芝士，伴隨黑松露嘅香氣🍙🔸香蕉蓉脆皮奶卷🍌🍼🔸沖繩海鹽•富士山🗻甜品類叫咗香蕉蓉脆皮奶卷，類似係炸鮮奶，外皮酥脆夾住香濃牛奶，底下有香蕉蓉，都幾特別。另外叫咗好靚嘅沖繩海鹽•富士山🗻完全係為咗佢而嚟😚賣相真係滿分💯富士山其實係海綿蛋糕🤣質感都好鬆軟，味道正常不過不失。🔸晴空•富士山特飲🗻特登揀呢杯，

由於國慶假期，有朋友從上海嚟左，又係我要幫手搵食開飯。 呢間餐廳之前見到朋友試過，見食物都幾精緻，又以日式輕食為主，二話不說就book枱。餐廳樓上鋪，鋪頭主要以富士山為主題，鋪內有些物品可以買，都幾靚㗎。3個女人一個墟，成餐飯由頭食到尾，又頭傾計傾到尾。 我地叫左兩個lunch set, 再加小食同甜品，巧飽飽，大滿足。食物水準唔錯，賣相精緻最啱打卡😊

約左兩個閨蜜傾偈，想搵個坐得舒服啲嘅地方🫶上網搵吓竟然發現未去過呢一間！咁啱安排咗個角落位環境非常好👍🏻👍🏻食物方便叫嘅每一樣都好有特色蕃茄同冷豆腐，超級清新！我哋重叫了兩轉～牛舌好嫩口好入味！三吋不同味嘅雞肉串唔會好乾，每個味都好難選擇～～佢哋食物嘅味道每一樣都有驚喜不容易在外搵到嘅味👍🏻而且每一位店員都好有禮貌～每一樣嘢食，價錢亦都唔貴絕對值得再回頭！呢一間相信我會好快再帶屋企人嚟～！值得推介🩷