清亭．燕萍 (Closed)

心血來潮好想吃這間越南菜 , 馬上上網找個地址 , 般了之後也沒有來過 , 新的大好多 , 至少大一陪有多 . 午餐沒有吃太多 , 叫了一個豬肉蝦檬卷 $32 , 一個雞絲粉 $32 和一個炒金邊粉 $50. 豬肉蝦檬卷是凍吃的 , 有 4 件 , 每件的蝦也好大隻 , 加少少魚露吃好好味. 雞絲粉 , 即是湯河粉 , 個人覺得少少淡 , 朋友就說 ok , 好好味.炒金邊粉 , 沒有鑊氣 , 炒得有些濕 , 普通 . 服務幾好 , 個個員工也好 nice 又有禮貌 .

今次食越南菜的目的地, 係銅鑼灣的清亭, 晚上八點去到, 都無位, 要等成廿分鐘咁滯終於都有得食 叫左咖哩雞煲配麵包, 炒芥蘭, 蔗蝦, 豬肉蝦仁卷, 同男友兩個人, 份量差唔多了!咖哩雞的味道唔錯, 咖哩有香濃椰汁味, 咖哩汁好杰, 點麵包食好正! 蔗蝦ok, 我覺得佢地個酸魚露都幾好, 因為都係用青檸汁做, 不過味道就甜左一啲, 魚露的味道唔係好夠, 魚露味多啲會咸番少少同埋好食啲!豬肉蝦仁卷係之前去越南玩喺越南的小吃檔食過覺得好好味所以識叫, 而家日本人都好鍾意食, 因為食左人都會slim 不過呢度個卷味道一般, 因為無香葉, 又無芽菜又無生菜, 只有檬粉同肉, 好失望 一心想食到地道風味但無..人多, 節奏好快, 好似食快餐, 味道唔算好差, 不過又唔係最好的

成日經過但係未上過黎,今日附近都唔到位,就上黎試試~ 餐廳地方都幾大, 裝修都OK,七點左右坐五六成位 .. 我地坐張長, 膈幾個位就有人坐,其實同搭冇乜分別 ..蒸蝦卷真係普普通通, 淡而無味, 怪唔知得要連海鮮汁上 ..生熟牛肉河既牛肉幾"奀",湯底既味道亦係淡 ..最唔掂係個椰青局海鮮飯, 成$60但係多飯少,連個椰青都幾細唔會有下次 ...

想係銅鑼灣食平平地既dinner，突然諗起清亭，自從搬左鋪之後就冇食過。兩個人一人叫左一碗粉，火車頭同烤牛肉撈檬，火車頭都幾大碗，有牛丸，生熟牛肉，牛百葉，材料味道OK；至於烤牛肉撈檬，賣相不俗，不過衰在魚露冇乜味！好淡，一D鮮味都冇，失敗！另外加左牛油雞翼，加左好多價，賣$38兩隻！差唔多$20一隻！係就係新鮮即炸，但牛油味唔覺，唔夠香口，只係普通炸雞翼，失望。相比以前舊鋪，環境係好好多，又大好多，但水準大跌，希望可以做好D。

這天...又再為香港的歷史加了幾個數字這天...我們依舊為著我們渴望的民主繼續向前1:30已於銅鑼灣出沒由於天氣實在過份酷熱，所以實在沒什麼胃口午餐便決定要吃些輕巧的和不能吃太飽，因為實在想像到之後在維園辛苦的情形最後我們便來了這裡不過老實說...食物實在很普通與好吃還有一段很大的距離，而且價錢不便宜呢今天是紅假...她說沒有午餐，只能散叫....最後我們叫了烤牛肉和香茅豬扒撈檬再加一杯三色冰吃下去覺得它不能稱成凍檬啦，因為一點也不凍呢><只能說是微暖...所以感覺不太好烤牛肉和豬扒也很普通....那些豬扒還頗un呢一點香茅味也吃不到啦三色冰仲唔得...勁淡...無咩味D豆唔多...而且又係一D味都無咁樣都要收$104...一D都唔值呀!!!

七點鬆啲想食野, 走左上清亭．燕萍食越南餐門打開之後, 真係嚇親, 多人到塞住個門口, 好彩等十分鐘就有得食 開心係唔使搭枱, 間餐廳有好多兩人枱, 所以兩個人上去可以放心, 唔怕隔離枱客打黑痴兩個人一人一碗生牛河, 再加一碟牛油雞翼, 生牛河湯底幾正宗, 不過覺得淡左少少, 我食得出湯底都落左幾多香茅去煲, 所以有種地道越式風味, 唔錯!牛油雞翼有四隻同六隻揀, 但兩個人食六隻太多了, 四隻之中有兩隻翼尖同兩隻鎚, 炸粉幾好味, 而雞翼都有好香牛油味, 有水準!出菜好快, 又好快食完, 好似用左三十五分鐘就做完我呢單生意

話說當日同朋友上去食，本來三人行咁好正常話要三人檯，雖未齊人，入座時全無異樣，過一陣個朋友無來，一路食都無問題，到中段都係呢間的招牌趕客手段，其實做生意要翻檯好正常，因此不太介意。直到我叫埋單，那待應話要收$50行政費，因為我地本來話三人但現在得兩位消費令佢公司有損失，我當然唔會難為打工的人，我望下老闆想叫佢過來講下，他一味扮忙，而伙計就話餐牌有寫。結果$50照比，而以後都唔會再上去。

和豬豬女友食晚餐, 想唔到食乜好, 最後上了來這間老店6點, 都不多人, 我們係頭上來的幾檯呢.我見個火車頭張相咁靚, 叫了個;豬豬女友要個檬粉.約幾分鐘便上, 都好快.但個火車頭真的唔太開胃, 跟menu 張相差勁遠我起碼見唔倒有生牛囉...湯底飲口, 都ok 既, 可再濃d就更好.其他料都係一般. 唯有寄望豬豬女友的檬啦.一上, 咦, 又幾好食咁, 好香噃落d 魚露, 一擺落口- 咁甜既?!?!係d 魚露有問題!!!!叫姐姐換過樽, 仍是勁甜, 再好味的檬, 都冇胃口食了.早幾個星期才來過, 仍是正常的, 點解今日會咁頹架...老店子, 想不到會咁...

這晚的服務沒有以下食評說得那麼趕客或不太有禮貌﹐原因可能是平日晚上顧客不多﹐連內裡的雅座範圍也關了燈。 是晚進店時整間食店只是兩成滿﹐所以入坐後沒有點菜而繼續談天亦沒有遭到不有善的對待。這裡還境寬敞﹐整間餐廳主要以木色為主﹐徐了天花板上的大風扇﹐沒有什麼特別裝飾﹐感覺自然原始。心知道這裡出名的菜式是牛油雞翼﹐但因恐怕面上的火山一爆不可收拾﹐所以最後只點了火車頭湯河﹐咖哩牛腩湯金邊粉&香蔥炒豬肉。火車頭湯河 – 份量不算多﹐湯底味道適中﹐不太鹹。但青檸跟香葉也要問服務員才會送上。在其他越南餐廳的火車頭往往牛帕葉份量不多﹐但這裡剛剛相反﹐牛帕葉又大塊又多。 咖哩牛腩湯金邊粉 –味道香濃﹐牛腩份量不少﹐但不夠淋和入味。香蔥炒豬肉 - 豬肉薄切﹐味道吃得出醃了很久﹐沒有半點新鮮豬肉味道﹐ 配菜用上大量蔥和洋蔥。其鹹鹹的醃製味道配上濃濃的洋蔥味道﹐嗜濃味和香口的朋友應該會喜歡這到菜。雖然這裡是銅鑼灣拿最高分數的越南餐﹐但食物不見得很出式。

昨天去了這一間上樓的越南菜食晚飯食物味道 ok~上菜速度一流~讚~點知趕客速度亦都一流~:@只是剛剛一食完檯面既食物~員工就問仲有冇野未唻~好啦~大家都覺得佢地只係想 follow up!我地答完無之後~過多 3 分鐘後~同一員工再唻我地檯問多一次~食完只係短短 10 分鐘~員工不厭其煩地追問我們有否點其他食物~話人多~起碼4次~咁即係點~食完一定要即走~其實如果一開始就聲明食幾耐~幾點要交檯都 ok 呀!但係唔係咁樣趕客 lor!餐廳想做多一點生意是正常~但試想想,這樣的態度會令客人生厭!以後都不再到訪弄巧反拙!!!!!想坐多一陣既朋友一定唔好去~

黎度有幾樣食物, 真係在甘多年都水準不變.1.牛油雞翼(4隻, $35) - 好香既牛油味, 好cripy, 不過一定要熱食, 如果打包一點出油. 2.生牛河 ($3x) - 最好食既係佢既湯底及河粉- 牛都係要快食, 不然會好un.3.蝦豬粉卷($3x) - 粉卷不會很乾, 蝦是完隻上, 而豬肉有淡淡既香味. 向出面好小食到甘既水準既粉卷.不過最唔好既野, 就係d waitress無問人就收人野, 好討厭.

呢間野食左好多年, 由最初1間, 到2間, 又到番1間牛油雞翼真係, 無一處可以比佢好食不過最近好似差左, 另外生牛河都差左唔好, 唔夠熱之餘亦無牛味.以前一定要等位, 而家好多時都唔駛等了, 又可能係上左樓係唔多d.呢度有一樣真係最.........唔好既.就係唔人齊唔比位, 3人table, 2個人到了都唔比, 真係企晒係度咩,好多都係半數已經okay架嗎, 咁樣亦搞到好多人不滿走左去唔食呢樣應該改一下囉~ 門口個細老闆娘態度真係唔多友善架, 有時好似比$都仲要受氣, 不過佢就咁平, 所以實係咁.

五月十七日(星期日)同老公仔做完gym後,去吃個lunch就要趕去下一場-看戲了!只有一個小時,吃點又快又light既lunch吧!我提議到清亭吃,老公在幾年前吃過,有不愉快的經歷...被人趕走!可能當時正值peak了吧!一時多,上面不full!只有四分一檯是有人坐的!...我們點了兩個凍檬,分別是三絲(雞絲,蛋絲,札肉絲)凍檬和雞扒凍檬!落order時服務員還推介我們吃牛油雞奕,說十檯有九檯叫的,未免太跨張了吧!好!就試,老公喜歡吃的牛油雞奕!你三我一!等食物時,見到黃浩然!與他的太太還有似他的親友...剛吃完!他很健碩呢!三絲中的雞絲比較油!其他都不錯!魚露也剛好!凍檬是檬的!...很多店都不是凍!雞扒凍檬,雞扒煎得香,即叫即整!很滑!牛油雞奕,炸得香!都值得叫!總括來說,服務有進步,店員很有禮貌!當然食物也不錯!會再來!

頗意外, 見越南餐廳的生牛肉河($25)及三絲檬($29)都美味. 價錢亦很經濟. 難怪顧客這麼多! 服務亦週到友善, 難得.今晚2位吃了一個細牛肉河($25)、一個三絲檬($29) 、一個鹵水汁生菜($19), 一個蒸粉卷($25) 及 牛油雞翼 ($36) 在銅鑼灣旺區吃晚飯這算是價廉物美吧! 河粉很滑口, 湯亦鮮美. 我連檬汁也喝光, 米粉爽口有米香, 不俗. 必食: 牛油雞翼

我朋友午飯時食食吓撈檬有一條生鏽嘅鐵釘, 一食痛爆, 即刻"lur"出嚟.....即刻叫侍應, 佢死搶我手中放有那口釘嘅碟! 之後我地相都未影到就俾佢搶咗, 揼咗!佢地想攞走碗嘢俾個碗我地, 我地堅拒因為唔想再食反正又食唔曬, 浪費...我朋友食埋嗰塊午餐小食扎肉點知佢地話: "我地幫你取消個餐, 淨係計你飲品"(我地即係覺得 - 有冇搞錯!)我地話: "你仲想有聲譽都唔係仲要計嘢飲啦! 我地其實可以告你!"(佢地即刻話問下老闆, cancel咗一個午餐......)多口侍應x話: "幫你cancel咗一個午餐架啦, 其實意外週不時都有架啦!"(呢一刻好不滿, 咩叫"意外週不時都有架啦!", 係咪要死人先有問題?????? 應該話任何意外都要避免, 釘係唔可以食落肚的, 先生!!!!)我地再問: "如果佢病點算?" (我地真係怕有食肉菌之類, 因為釘生鏽!!!!!)多口侍應x就話: "俾張單你一個禮拜內有事嚟搵我地!" (宜家買衫呀? 一個禮拜有得換呀?)我地要佢地喺單道寫所發生嘅事, 以免朋友真係有事得張單佢都唔認.點知個老闆死都唔寫, 死都話佢會認同佢有買保險我話: "有買保險,