Greenhouse Asian Gourmet

Open Now

Now Closed

跟另一對夫婦嚟到「圍坊」睇早場，睇完啱啱好喺食午飯嘅時間，呢度搵食就非常多選擇，中西日東南亞乜都有，兜咗個大圈，最後相中「Greenhouse」，主打東南亞菜，貪其鋪面裝潢份外清新，就即管一試。踏入餐廳，地方幾大，感覺幾寬敞，加上座位編排唔算密，闊落嘅通道，令到空間感強；再者，天花、牆邊都加入唔少「綠化」元素，予人感覺幾舒服。周末就以周末午市套餐為主，基本上睇落好似兩組午餐，一組賣$128，另一組賣$148，但邊組都好，有部份菜式喺需要額外加錢。而套餐包是日餐湯或是日沙律，以及基本餐飲，當然可以加錢升級為其他特飲。是日餐湯今日嘅餐湯喺磨菇忌廉湯，睇外觀都幾唔錯，入口先喺口感幾順滑細緻，飲落菌香確喺濃郁，算喺有水準。是日沙律田園沙律以沙律菜、車厘茄及少少粟米組成，再淋上少少油醋，算唔上特別，但勝在沙律菜夠新鮮啫。大蝦牛油果沙律 $148雖然我哋各自點一款主食，不過，嚟到就一齊開心「些牙」。老婆就再揀多個沙律，皆因有牛油果，仲拌埋唔少芒果粒同士多啤梨粒，喺非常健康嘅菜式，而大蝦都算爽口，鮮甜味都還可以，調味都喺簡單嘅油醋，稍嫌單薄少少，欠缺亮點。黑松露焗豬扒飯 $148呢個焗豬跟預期好大落

新開設於大圍圍方的「Greenhouse Asian Gourmet」提供東南亞菜色及西式餐點，門外與室內皆放置不少綠色植物及佈置，充份感受到大自然氣息，店內設多個座位，環境寬敞舒適且衛生-🔹泰式香葉肉碎沙律選用肥瘦適中的新鮮豬肉，份量充足，口感緊實；加入香菜、蔥花、乾蔥及辣椒等材料，集酸鹹辣於一身，味道平衡，辣得滋味過癮；配合爽甜幼嫩的生菜、鮮香芫荽、爽脆豆角及清新青瓜，健康而口感豐富-🔹海南雞喇沙濃稠的喇沙湯底帶濃鬱的咖喱及椰香，味道平衡；無骨海南雞肉嫩緊緻帶啖啖雞肉香，配合吸湯一流的豆卜、爽口芽菜及滑順帶蛋香的麵條，非常滿足-🔹泰式啖啖蟹肉奄列選用日本雞蛋，奄列頂上不少的蟹肉；蟹肉雪白幼嫩且鮮甜，奄列表面煎至金黃帶微微焦香感，濃香新鮮的雞蛋內滲出啖啖鮮蟹肉的味道，作為奄列愛好者的我感滿意-🔹抹茶巴斯克芝士蛋糕為藝人龔嘉欣旗下餅店之出品巴斯克蛋糕口感細緻順滑，淡雅微苦而微甜的抹茶香與芝士及奶香比例拿捏精準，每一口皆令人回味-🔹鳳梨雪梨桂花茶材料有冰糖、鳳梨乾、雪梨乾、金桔乾、黃菊花、百合、茉莉花、橙皮、淡竹葉及桂花；將熱茶倒進裝有鳳梨乾的杯內會將鳳梨乾融化，再加入蜜糖令味道層次多元

咖哩味道冇問題但貨不對辦, 違反商品說明條例, 放大鏡都找不到蟹肉, 不要說啖啖蟹肉, 連一茶匙的蟹肉都食唔到；咖哩好似湯咁稀,最終140元食咗個剩咖哩湯飯,真心揾笨！！！！外賣平台外賣送遞, 有投訴, 但餐廳抵賴, 平台又對投訴愛理不理, 扮到有一路跟進, 只懂機械式回覆已向餐廳反映, 要求改進, 只少應該將該商品在平台下架, 免得再有人中招！！！只能怪自己豬, 落單前冇去睇評價, 事後先發現原來一月時已經有一星評價關於這個所謂的啖啖蟹肉咖哩飯, 咁即係原來係慣犯, 不是單一事件!!!

圍方座位舒適，環境清新嘅餐廳- Greenhouse Asian Gourmet🌿🪴平時食燒春雞就食得多，依間餐廳比較值得試下嘅係沙薑燒春雞🍗，個皮都整得幾脆，雞肉有用沙薑粉醃過，沙薑味道都幾出，而且嫩滑多汁，幾juicy😋 青咖喱飯就比平時食嘅辣，食到出哂汗🥵 另外個鳳梨雪梨桂花茶🫖☕️都整得幾fancy🤣🤣好似去食tea咁，個茶都幾養生🥰反而個手打招牌檸檬茶冇咩特別，檸檬都可以多少少😅 🌟1️⃣沙薑燒春雞 (半隻) 🍗𝙍𝙤𝙖𝙨𝙩𝙚𝙙 𝙎𝙥𝙧𝙞𝙣𝙜 𝘾𝙝𝙞𝙘𝙠𝙚𝙣 𝙬𝙞𝙩𝙝 𝘼𝙧𝙤𝙢𝙖𝙩𝙞𝙘 𝙂𝙞𝙣𝙜𝙚𝙧2️⃣青咖喱豬肉飯𝙂𝙧𝙚𝙚𝙣 𝘾𝙪𝙧𝙧𝙮 𝙍𝙞𝙘𝙚 𝙬𝙞𝙩𝙝 𝙋𝙤𝙧𝙠 🍛 🌟3️⃣炸薯條配黑松露醬𝙁𝙧𝙞𝙩𝙚𝙨 𝙬𝙞𝙩𝙝 𝘽𝙡𝙖𝙘𝙠 𝙏𝙧𝙪𝙛𝙛𝙡𝙚 𝙎𝙖𝙪𝙘𝙚4️⃣招牌手打檸檬茶 🍋𝙎𝙞𝙜𝙣𝙖𝙩𝙪𝙧𝙚 𝙇𝙚𝙢𝙤𝙣 𝙏𝙚𝙖5️⃣鳳梨雪梨桂花茶 🍍🍐🫖☕️𝙋𝙞𝙣𝙚𝙖𝙥𝙥𝙡𝙚, 𝘼𝙨𝙞𝙖𝙣 𝙋𝙚𝙖𝙧 & 𝙎𝙬𝙚𝙚𝙩 𝙊𝙨𝙢𝙖𝙣𝙩𝙝𝙪𝙨 𝙁𝙡𝙖𝙫𝙤𝙪𝙧𝙚𝙙 𝙏𝙚𝙖 🍍

第一次嚟呢間餐廳，侍應已經幫我留低咗個好印象，因為服務好殷勤，衛生同座位都尚算滿意。我同另一半都叫咗個 weekday 套餐，而佢哋嘅Week day套餐喺公眾假期都可以叫。每個套餐會包沙律或者是日餐湯，我哋食飯嗰日嘅是日餐湯就係粟米湯，味道都算唔錯。至於main course我哋分別叫咗蟹肉蒜香辣意粉同埋大蝦冬陰功海鮮河粉，色香味都俱全 (可以參考我附送的相片)。美中不足嘅地方係份量太細，一個成年男人食一個套餐基本上係唔會飽。兩個人最後食咗$300 ，都算幾抵。

餐廳裝修得幾有綠意。睇餐牌雖然以泰國菜為主，但無啦啦又有啲漢堡包意粉之類，覺得好似好唔專注都驚有啲伏，但食落嘅味道又比預期好。 泰式香葉肉碎沙律 $98肉碎有充足嘅香草味，有羅勒、香茅味，最正仲有埋芫荽！味道香口好味。我個人口味就覺得偏辣咗。如果可以少啲辣就會更好。不過整體味道係好味嘅。包住啲生菜，可以減少少辣又清新。大蝦冬蔭功湯 $88呢個都比想像中好味。湯唔會太酸太辣，易入口得來味道又濃郁夠味。大蝦都爽口彈牙。🤔泰式牛肉金麵 $128咖喱汁幾濃郁香口，個汁係好味嘅。佢有普通粗麵，同埋炸左一團嘅麵放喺側邊。但係個炸麵口感好唔得，粉粉的，唔好食，只能for 賣相不能入口。至於冇炸過嘅普通粗麵，撈埋咖喱汁就OK。不過咖喱汁都係襯飯多啲。牛肉就比較硬實嚡口，麻麻。香蒜辣椒蟹肉意粉 $148普通。味道好清淡，唔惹味。唔覺有預期中嘅蒜味。炸雞髀撈蔥油公仔麵 $88麻麻。炸雞髀唔算出色，雞肉唔嫩滑多汁。公仔麵冇蔥油味，剩係得醬油味。👌🏼肝菌芝士意粉配馬德拉酒 $138忌廉汁撈埋菇汁嘅味道。菇味都算濃郁，但又唔算係濃烈牛肝菌嗰種味道。炒芥蘭苗配西班牙火腿 $78 雖然唔見得有好濃郁嘅火腿鹹香味，

星期曰大概2:45pm 諗住入去食個lunch set , 我兩位，餐廳當時吾算多人，入到去接待員就叫我坐個比較狹窄的坐位，當時我見到有張4人卡位枱，我就話想坐果張枱，接待員就話嗰張枱未執，咁我就話咁我等一陣啦，轉頭個接待員同我講話有人book咗枱，好明顯佢吾想比張枱我坐、咁即係吾想做我生意，做客人當然想食得開心，坐得舒服，首先吾係繁忙時間，點解有位吾比客人坐？想公司執笠，想失業？請著呢d趕客員工，真係好影響餐廳質素，未食已經趕走客人，連第一步都做吾好，我相信都好難做落去，而家香港餐廳酒樓服務態度好緊要，員工同食物都好影響餐廳，請著呢d趕客員工，公司真係執得.

今日叫咗牛扒 雞飯 芒果蛋糕 炒豬頸肉 炒意粉先講豬頸肉整體黎講味道接受到無咩特別除左肥左小小之外然後就係牛扒 可以話係成餐飯嘅精髓 本身叫咗五成熟，點知出到嚟係well Done咁款 咁我就問可唔可以轉返五成熟 佢已經堅持話係五成熟 好想知佢個welldone係咪牛肉乾😅炒意粉嚟講冇咩特別啦普通茶餐廳水平起碼都叫吞到落口然後就到甜品，芒果蛋糕超級好食，如果鍾意食酸既話 絕對滿足到鍾意食酸芒果嘅人總結嚟講成餐飯最好味係佢杯清水同埋奶茶 真係請我都唔再食

船麵味道係唔著嘅 芒果乳酪都好飲 但個海南雞雞真心勁差🤣茶餐廳嘅都好食過佢 嚡熠熠 油飯唔知點解痴埋一舊舊重要係白色嘅 個香草疏乎厘都完全冇特別 唔好食 真心唔推介呢間野 希望你入去食前會睇到呢個評論船麵味道係唔著嘅 芒果乳酪都好飲 但個海南雞雞真心勁差🤣茶餐廳嘅都好食過佢 嚡熠熠 油飯唔知點解痴埋一舊舊重要係白色嘅 個香草疏乎厘都完全冇特別 唔好食 真心唔推介呢間野 希望你入去食前會睇到呢個評論船麵味道係唔著嘅 芒果乳酪都好飲 但個海南雞雞真心勁差🤣茶餐廳嘅都好食過佢 嚡熠熠 油飯唔知點解痴埋一舊舊重要係白色嘅 個香草疏乎厘都完全冇特別 唔好食 真心唔推介呢間野 希望你入去食前會睇到呢個評論

D好評係咪刷出黎？好難食，叫左碟芥蘭，一睇顏色已經唔妥，勁黃，食落果然係唔新鮮既味，呢碟成70幾蚊既菜唔要求食完嘩一聲好食，只求正常質素，點知係比碟唔新鮮既菜🥹d西班牙火腿得2塊，係真係得2塊，極度圖文不符西拎扒都真係懷疑唔係西冷，同埋送上黎個鐵板係唔熱嫁🫨塊扒完全無肉汁，勁似係微波爐番叮咩事，好難食🤯唯一覺得可以接受既係炸魷魚，但remind一下個炸魷魚係要成舊水嫁😂份量係同大圍小食平時買開既差唔多講真我明呢d餐廳係食個環境(都不是打卡able講真)，但唔好比垃圾人食呀大佬🫠呢間餐廳最成功既係引到我打左人生第一個食評嚴重勸退

同屋企人特登嚟到圍方呢間餐廳食飯🥰上網見到呢度環境好靚超打卡😍估唔到食物質素都好好.💎 $88 炸蝦芒果米紙卷鮮蝦與芒果既組合口感十分清新搭配米紙卷入口食到好豐富既層次😆.💎$88 泰式炒通菜呢道泰式菜餚散發出濃郁既香料香氣通菜炒得剛剛好保留左蔬菜既爽脆口感風味濃厚帶有泰式獨特既調味❤️令人回味無窮.💎$78 可樂牛肉串呢道牛肉串每一啖都帶有多汁既口感口感豐富，並帶有微微既甜味🥹.💎$88 曼谷牛腩船麵呢碗曼谷風味濃烈既牛腩船麵好正牛腩燉得入味鮮嫩😍😍同麵條既搭配恰到好處湯汁香濃並帶有豐富既香料風味.💎$98 香草脆皮梳乎厘勁打卡既梳乎厘以香草香氣為特色外皮酥脆入面鬆軟每一啖都食到香草的芳香🫶🏻同時又唔會太甜十分推介~

在打風下他們的服務十分好，帶著眼鏡的男經理服務很好很有禮貌，因為我臨時選這店食生日飯 致電給她訂位他十分之有熱誠，還給我留了很好味的蛋糕給我的朋友餐廳的食物十分之好味，值得一讚

跟朋友相聚，選擇了去年落成的圍方，找到這間門面頗闊落，環境啱心意的餐廳午餐餐廳佈置舒適，木枱木地板，餐廳四處和天花板有不少綠色植物，令人心情放鬆有不同款式的set lunch，如泰式，馬來西亞，西式，等等。套餐包是日餐湯/沙律，飲品選擇了香蒜辣椒蟹肉意大利粉賣相討好，意粉軟硬適中，加了香蒜辣椒調味，非常惹味，啖啖蟹肉不用拆殼，還配上沙律菜。朋友的鐵板 T骨牛扒牛排上枱後自己倒調味汁，香味四溢，份量非常之多，T骨扒厚實多汁，薯條即叫即炸，相當香脆。餐湯和飲品都相當不俗，是日餐湯為粟米湯，粟米蓉，忌廉加些香草，口感綿密，不能跟自己在家中，用罐頭粟米湯煲的相提並論飲品除了基本的咖啡奶茶外，還有不少特飲。選擇了招牌手打檸檬茶，總是覺得用了”招牌”這兩個字，一定不能錯過。用了青檸，茶裏面有不少檸檬蓉，的確清新好喝朋友的芒果搖搖茶沙冰，賣相非常吸引，飲品有不少芒果肉，酸酸甜甜，也透心涼環境舒適，地方闊落，服務也不錯

今日經過大圍睇完戲想喺附近食餐飯，但永遠都係人山人海本身諗住食另外一間餐廳，點知要等100張枱真係有啲誇張行咗一圈商場之後喺一個比較邊邊嘅位置見到呢一間餐廳又冇乜人等位喎，於是就試一試啦入到去個位置呢都算係寬敞嘅，但係枱面同枱面之間就有啲近今次呢就叫咗一個burger啦，另外呢仲嗌咗一個雞翼同埋炸雞嘅小食，另外見到嗰個菠蘿系列嘅沙冰個杯真係設計成為菠蘿嘅外型 於是覺得好得意，就叫咗一杯巨峰提子沙冰個burger係幾好食個肉幾Juicy，但係呢個包皮呢就相對會比較燶啲，可能今次拿捏得唔係太好，但係整體呢都好好食，但係唔食蔥嘅朋友呢記住叫佢走咗佢，另外個雞翼小食都幾好食，價錢嚟講大概$260左右，都唔算好貴，唔想排太耐都可以去試試

收工肚餓，見到新開餐廳唔洗等位决定試下，叫左海南雞飯（轉白飯），份量足，鷄唔會凍冰冰，三種醬汁、配菜、湯、樣樣齊，性價比高。餐廳係綠色清新格調，有吧枱，飲品種類多，有泰式飲品、手打檸檬茶、咖啡、紅白酒...凍飲為主。值得一提，Waiter 們服務有效率。