Video
Opening Hours
Today
11:30 - 20:45
Mon - Sun
11:30 - 20:45
Above information is for reference only. Please check details with the restaurant.
媽媽嘅嘅喪禮。之後，就再晌附近搵食，上網搵搵，赫然發現「貴緣小鍋米線」，多年前曾光顧過佢哋嘅紅磡店，原來靜悄悄搬咗嚟大角咀，咁摘日不如撞日啦。對比紅磡舊店，呢度大好多，又新淨好好，加上有唔少卡位，自然坐得更舒服。雖然都成8點過後非開飯高峰時段，但依然客來客往，枕住都有8、9乘坐滿。嚟得呢類鋪頭食嘢，相信好多人都知點嗌嘢，以二維碼落單都好方便：選湯底（$30-$35），選麵底，選辣度，再選特別要求 / 自由喜好，再揀餸（分4個價位：$9、$10、$11、$12）。此外，仲有兩款新品：酒煮醉香同金湯系列，仲有就喺店家提供勁多特色小食，大部份都喺廿零、三十蚊有交易，並有豆漿、綠茶、汽水……等供應。仲有佢哋嘅服務好人性化，講到明你掃二維碼落單搞唔掂，可以叫店員手寫落單，又可以向店員借手機架方便睇片，就連叉電服務都提供埋，真喺今時今日嘅服務，佢哋已經走多幾步，而啲店員亦好友善，好好禮貌。酒香醉雞翼 $39之前就試過佢哋嘅蒜香醬油雞翼同榨菜豬肚絲，今次見到呢一款新品，當然要試一試啦，雞翼送到上嚟已經聞到少少酒香，入口確喺滲出陣陣酒香，有一份醇厚感，不過，肉質就無預期之中咁嫩滑，但整體味道確喺唔錯。元祖金酸魚片濃湯米線 + 秘製腩肉 $81老友本身都幾鍾意食酸菜魚嘅，所以，一眼就相中呢一款米線，再加一份秘製腩肉，成碗米線真喺勁大碗。單睇外觀就知道，魚片同腩肉絕對俾得慷慨，本身有包埋芽菜、韭菜，而底下嘅米線真喺好似食極都有咁。雖然我哋各有各叫，但都會試少少對方嘅餸料，啲魚片果然超滑溜，又有魚鮮味，而啲腩炆炆得入味，微微辣有啲刺激感，咬落非常之鬆化，老友就話佢個湯底好鮮甜，又有一份酸香嘅感覺。特濃新鮮蕃茄湯配米線 + 魚肉春卷、生根 $56小弟不嗜辣，特濃新鮮蕃茄湯底啱我多啲，而揀呢個湯底，本身已包咗鮮蕃茄、韭菜、芽菜、蔥，只揀魚肉春卷同生根已經覺得好夠食，同樣大大碗到不得了。先飲啖湯，的確，蕃茄味真喺勁濃郁，酸香鮮活，加埋有啲蕃茄咬吓，越食越醒胃，最後差啲飲晒成碗湯！魚肉春卷食得出唔喺啲平價貨，軟滑有彈性，而魚鮮味十足，啲生根吸滿晒蕃茄湯，又變得零捨不同，而米線好滑漏，質感又唔會過腍。黑芝麻豆漿 $10、蜂蜜雪梨茶 $8飲品雖然喺要散點，但唔會開天殺價，跟你出面超市、七仔買嘅差唔多，出面有啲餐廳一罐汽水都收你廿蚊都敢死。老友嘅蜂蜜雪梨茶就唔講喇，而我所揀嘅豆漿豆味夠濃，甜度啱啱好，又滲出淡淡芝麻味。再嚟到「貴緣」，啲嘢食都無令人失望，既大碗，份量足，又好味，無hea做，怪唔之得咁晏都仲咁多人幫襯。
continue reading
喺奧運站行街，見到間好近地鐵站出口，連貫商場的米線店，裏面近乎滿坐，心血來潮都想試吓！等咗5分鐘都安排到座位了❤️🐔貴緣雞絲火山$28: 這個凍盤雞胸絲，加埋榨菜同辣椒Max埋一齊，酸酸辣辣的感覺，好清新！☺️🐷蒜泥白肉肉$28: 佢的蒜蓉醬是橙黃色的，暖暖的蒜泥白肉，肥瘦相間，唔覺得好油膩喎！唔算好辣，酸酸甜甜非常開胃！😋🐠元祖金酸魚片濃湯底米線$70: 呢個酸菜魚米線超大碗，上面勁多魚，微辣微酸，差唔多每一啖都有魚食，湯底算濃湯，滲入落魚同米線都好入味！😛🍲招牌酸辣湯+豬軟骨，滷水大腸，螺旋藻（$35+12+11+10 各餸不同價錢）：都幾大碗的米線！超大厚肉豬軟骨，好入味，豬軟骨整得好腍，唔難咬，滷水大腸的滷水味濃郁，加埋出邊米線店少有的海藻，湯底亦都夠酸辣味，啖啖開胃，怪唔知叫做招牌米線！😋支裝豆漿$10:呢個支裝豆漿，少甜，豆味濃郁，好像剛榨的，實在新鮮！🤩喺附近返工嘅人，建議去食吓呢間，快靚正又好味！❤️
continue reading
西九匯呢個商場之前冇乜嘢嘢食，次次放工都好痛苦，呢個禮拜突然之間有間米線店霹靂登場，見到都興奮，一於今日嚟試一試原來之前喺港島區已經有一段歷史，見到佢推介新手要試酸辣湯同埋滷水系列，果然好👍薯粉QQ，湯底濃郁又開胃，各樣小菜都好惹味，尤其個雞絲山，點住啲蒜蓉汁，真係忍唔住食晒成兜，蒜泥白肉唔係好辣，肉質Q，絕對係米線嘅好partner，食米線之餘叫多幾個小菜，好好餸，嘢飲仲有椰青水同泰式奶茶可以叫，好健康！行過路喎冇錯過啦
continue reading
小妹今日同豬去咗位於奧運站商場內既「貴緣小鍋米線🍜」係炮台山和富中心就食過啦～但呢間真係未食過🤩 呢間米線🍜餐廳🍴主打正宗雲南風味既米線，而且佢地用既湯底係每日新鮮熬製，仲講到明係無添加味精及多款湯底選擇，相信總有款一定岩心水😚正宗雲南風味米線🐖🐂🥠🍜剛才講到湯底多款選擇，當中有招牌酸辣湯、秘製麻辣湯、特濃新鮮蕃茄湯及青花椒麻濃湯🍲等…最特別係有四款湯底濃度可以選擇3分濃（淡啲）、5分濃（正常）、7分濃（加濃半級）及10分濃（加濃1級)🌝 小妹擇咗豬骨鮮濃湯🍲味道👅好鮮甜😆配料方面，芽菜亦不少😝 配菜方面，小妹擇咗甜酸齋及肥牛～呢間酸甜齋係另上，而且食落口係凍既，味道酸酸甜甜，而且份量不少，每嚿都幾厚身😌 肥牛份量好多，不錯😌酒煮醉香鮮雞豬軟骨湯米線🐓🐖🥟🍜呢款米線🍜既湯底好香，當中仲有杞子😍 及醉雞味，非常香濃，醉雞份量亦不少，每嚿都好嫩滑☺️配料上擇咗豬軟骨，兩嚿豬軟骨非常大嚿，肉質軟腍，好入味👍🏻魚皮餃亦有兩粒，皮厚大粒～娃娃菜🥬呢碟娃娃菜有3嚿，每嚿以切開一半，以價錢來講幾經濟實惠～皮蛋豆腐🍲滑溜既豆腐加上皮蛋碎及蒜泥唔太辣，好味😋黑芝麻豆漿支裝🥤小妹好少見餐廳有呢款飲品🥤感覺幾健康😆Thai全新正宗泰式奶茶支裝同樣少見的產品，唔係太甜，幾好飲😎呢間餐廳🍴係商場內，環境格局好新，坐得寬敞舒適🥰
continue reading
我最喜愛米線餐廳🍴貴緣可算是數一數二的好吃😋多家分店的貴緣小鍋米線🍜新開係大角嘴西九匯，今次大角嘴居民有口福了。貴緣小鍋米線，色香味俱全，價廉物美，抵食又好味😋除左米線🍜小食都有好多款式，平時落街食碗米線，來貴緣就搞掂。今次大角嘴新開張，當然要幫襯下：1. 招牌酸辣米線🍜$32配菜另加豬紅，蘿蔔，墨魚丸2. 秘制麻辣紅薯粉$32 配菜另加鹵水雞翅，肥牛，豬紅佢地既湯底真系好味到不得了，食米線食麵，都忍吾住飲埋個湯，先算係食米線😬小食： 蒜泥白肉 $28 出名好食，味道👅夠正宗甜酸齋 $25 開胃最佳小食油菜——菜心 $14 呢度食菜吾貴，甘樣食健康D
continue reading