GUM "JENG!" X 御前上茶 (Closed)

老友是抹茶控，飯後嚷著要吃甜品。走了幾條街，還要等位，吃她的摯愛！我一向順得人，加上有她請客我一定「捨命陪君子」！入座後，典型甜品店的湧擠；裝潢感覺不錯，挺日式的，但椅子依舊不好坐可能怕太舒服，大家會唔肯走，阻住翻枱！最愛吃雪糕的我，挑了抹茶雪糕，配上白玉。雪糕軟滑，抹茶味適中，不是抹茶控的，覺得剛剛好，不太over；紅豆煲得好諗，甜度適中；白玉qq ,是抹茶好豆的絕配！整體而言，性格比合理的一份甜品，但要等超過5分鐘的話，我覺得會有其他更好的選擇。

友人知道小編是抹茶控，所以找來這一間御前上茶讓小編一評！放學就是肚餓~~HAHA！所以先來兩個正餐，之後再甜品！ 門口的餐牌已經好吸引，當然照片是不能吃的，怎樣都要一吃才知道！ 店內的位置其實不多，可能其他人都會來這裡吃甜品，所以我們到的時候也很快有位子，不用等。 我們先點了： 海胆蔥花鮪魚茶漬飯，汁燒鰻魚飯。 飲品方面， 我們叫了黑芝麻抺茶拿鐵(熱)和宇治抺茶紅豆拿鐵(凍)。 海胆蔥花鮪魚茶漬飯！ 初初來的時候沒有了海胆，叫他們加回。 外貌不錯。 先不加茶吃下去...嗯...個海胆唔得啊>"<！WHY會咁既？加了茶落飯，加上鮪魚是很好味的！！但個海胆真係好難吃...用平價海胆不是問題...但...有失這店的身份。 建議大家不要試個海胆了~~HAHA！ 除了海胆外，其實都很好吃。茶湯很有味，而且不鹹。旁邊的是宇治抺茶紅豆拿鐵(凍)，等一下說。 汁燒鰻魚飯~~這個好味！燒汁和鰻魚很配合，配合靚的珍珠米是極級好味。只可惜鰻魚不夠厚哦~~~T.T... 證明是好好吃！！旁邊~黑芝麻抺茶拿鐵(熱)。 宇治抺茶紅豆拿鐵(凍)和黑芝麻抺茶

事先聲明，我唔特別喜歡抹茶食物食完晚飯，朋友提議試食新甜品，佢係 super green tea fan，而且見依間餐廳網上評論頗多，所以決定過來試食點左抹茶菠蘿油 + 玄米茶和抹茶waffle缺點：1. 服務態度差，不會主動給餐牌2. 侍應掛著聊天，要叫幾次先過來落單3. 菠蘿油 - 完全沒有抹茶味，酥皮係淋嘅4. 抹茶waffle : 一樣沒有抹茶味，而且唔夠脆，感覺放左好耐再賣俾人玄米茶正常， 托盤幾好睇總結 ： 不會再幫襯，亦不推薦人來試食

I ordered eel rice and the cooking of the rice is the worst, all sticky and tasteless.The staff is rude and bad mood.The miso soup is nice.The decoration is very nice.There is a tip box in the counter.... really? to afford a better rice cooker? I love japanese food

食糖水都係想坐耐啲，香港啲糖水舖真係多你一間唔多少你一間唔少，老實講食物唔差，但係趕人走個下好興，唸都未唸就已經叫人哎野食，仲有杯聖代圖文不符。店員係有禮貌咁趕人走，但係你流水作業式經營，真係祝你好運👍冇下次

抹茶控總會積極去發掘同嘗試唔同既抹茶甜品，今次嘗試既係已經開左一排既御前上茶~~因為係平日下晝，所以唔使等位已經可以入座，環境幾寬敞，又無限制用餐時間，都適合約朋友食個tea傾下計本身以為只有主打抹茶甜品，但原來仲有茶漬飯可以揀~~茶漬飯冇咩興趣，甜品先係我既目標，揀左一輪，本來想試抹茶銅鑼燒，但唔好彩賣晒試唔到~~最後揀左御前雙色盛合，抹茶焙茶軟雪糕配紅豆白玉，呢個組合冇得輸~~雪糕茶味都夠香濃，粒粒紅豆少少甜，白玉夠煙韌~仲有抹茶凍，本身唔甜，加一啖雪糕一齊食，食落冰冰涼涼，好正~~下次有機會，想再試埋銅鑼燒~~~

今日同屋企人係旺角食晚飯，食完散左陣歩，大家都想食小小野，就去左呢間度食。我唔係忠實綠茶粉絲，但呢間主打綠茶，冇理由唔叫，於是叫左呢個綠茶芭菲雪糕。一黎到睇隻色就覺得好濃，食落真係，值得讚既係佢本身唔甜，配上紅豆蓉食個味岩岩好。上面粒白玉係冇乜味既，連甜味都冇，假如配埋黑糖汁，相信會更好。如果偶爾食一餐都可以接受，但經常食就免了，因為價錢都唔平。同埋呢間會限時，如果一班人想搵個地方食小小野傾計，呢度就唔太適合了。

呢度係同間 boutique share 舖, 初初仲以為行錯呢~入面唔係好多位, 不過都坐得舒服 ge甜品選擇唔係好多, 所以幾個朋友揀 ge 都差不多綠茶甜品味道一般, 好似好淡 o甘無咩茶味, 而且溶得好快

我們七人到來要坐六人枱，還有一人未到，就追我們要下足夠的單，問題就是這時間還有很多空枱未有人坐，很不客氣的，只是我們有人很想食這個，如果唔係我一定會走，想不到標籤日本的服務就是這樣

御前上茶因為未試過既關係 一直都想try try見到2:30-5:30有下午茶優惠～就自己入去毒食下霜淇淋抹茶醬銅鑼燒(兩件) $58配自選霜淇淋口味，我就揀左抹茶口味聽好多人話過佢地雪糕易溶 所以都預左喇 果然偏冰感！10秒都吾洗已經開始軟化味道方面就偏甘 好易入口 略嫌吾夠濃無乜甘苦既味道粒粒紅豆無過甜既情況 吾錯！抹茶凍係原汁原味既抹茶果凍！苦ga！應該要配紅豆一齊食但我神早食曬啲紅豆甘就唯有點醬食，有抹茶黑糖漿同抹茶牛奶醬兩款前者比較稀同甜，似係抹茶加蜜糖水；而後者就較杰身同無甘甜！我比較喜歡後者到蜂蜜味既銅鑼燒...一啲都唔鬆軟，硬硬的無彈性又硬又實！最後要點抹茶牛奶醬先好食少少套餐配有一杯凍/熱飲御抹茶: 味道甘甜 ok的！其實想試佢地窩夫，但無出下午茶set，要$8x好貴有下午茶優惠緊係食下午茶啦！

同細妹行旺角行到攰攰地，就周圍搵下野食。因為就近晚飯時間，我地就打算食少少野，再返屋企食晚飯。行去廣華街個邊，見到一間疑似「日式甜品店」。因為裝潢唔錯，所以我地決定入去坐下食杯雪糕。結果，我地入左去先發現，原來間野係台灣人開嘅。個度大部分甜品同雪糕都係以綠茶做主打，岩哂我個綠茶控妹妹。我地叫左一杯「御前抹茶聖代」--綠茶雪糕+芋圓+紅豆。 成杯綠茶雪糕香滑茶濃，芋圓就夠哂彈牙。成杯野甜絲絲，食到我地樂滋滋。估唔到係香港開設嘅台式店，都可以畀到我地日本美食嘅feel。

御前上茶前晚終於試咗想試好耐嘅日式甜品，因為食完晚飯仲好早，所以平時大排長龍嗰晚就唔使排隊，實在太好啦！御前霜淇淋刨冰 $80最想最想試就係呢個御前霜淇淋刨冰，我揀咗培茶雪糕，雪糕好有茶味，每一啖都有茶香嘅感覺，有少少甘又有少少香，味道令人回味、食唔停口。本身好怕飲奶，黎之前有少少擔心北海道牛奶雪糕一定好重奶味，好在今次茶嘅味道覆蓋左奶味，食完好想即刻再叫多個！呢度甜品一啲都唔平，分分鐘貴過食一餐飯，不過實在好味，成日會心思思想去食架！

今晚我們食完晚飯去咗旺角廣華街嘅「御前上茶」食晚後甜品！我們叫咗海膽蔥花鮪魚蓉茶漬飯嘅湯我們揀咗鰹魚湯，一上碟嗰陣店員會幫我們將啲鰹魚湯倒入飯，味道好清香，海膽同鮪魚蓉好新鮮，鮮甜嘅味道令到淡淡嘅茶漬飯更加鮮味，鮪魚蓉嘅質感相當軟滑，而且份量都算多！御前綜合聖代嘅頂層係煙韌彈牙嘅白玉同霜淇淋，而霜淇淋我們就揀咗抹茶味，味道好濃郁，第二層係香脆嘅甜脆麥，第三層係淡香滑溜嘅御前豆腐，第四層係香甜嘅紅豆，而底層係抹茶凍，但抹茶嘅味道比較淡，唔係好濃郁！因為媽咪超鍾意食煙煙韌韌嘅白玉，所以我們另外再叫咗個白玉團子，他們將白玉整成一串串，再將啲黃豆粉灑喺上面，之後再沾埋抹茶味嘅糖漿一齊食，真係好正呀！

這家店主打茶漬飯和甜品， 點了蟹羔蟹肉茶漬飯(玄米抹茶)和鮭魚親子茶漬飯(鰹魚汁)，當中玄米抹茶蟹肉飯味道較清淡，有點像在京都吃到的，有點平靜是福的感覺；鰹魚汁不是不好吃，但味道濃了點，吃著吃著會口渴。價錢方面，在旺角邊緣一個定食(包茶漬飯、一口藉仔沙津和一點點漬物)約五十元並不為過。飲品在日式店鋪要另外order是常識罷，跟餐一杯飯品二十多元是否超值見人見智，只可以說綠茶與疏打並非良配。Menu 上沒有甚麼side dish，而且牆上說明為免客人等候限時四十五分鐘，不大適合三五知己談天聚餐，反而一兩個人想靜靜地吃頓飯，這裡可以是不錯的選擇。

同上一份工的舊同事好耐無見，約嚟約去都約唔到食飯都唯有響大家都食完大家既飯局就一起食甜品。 響旺角食甜品當然去“糖水街”啦! 朋友選左綠茶布甸，食物嚟到時，他十分失望，圖文不乎，賣相很差，亂嚟咁，布甸無味不特止，圖中的綠色固體不見了，就咁啲核突布甸加綠茶汁收五十蚊，想點啊？！ 我的就係抹茶拿鐵霜淇淋。 抹茶味正常，沒什麼淡或濃，我就不太喜歡加那拿鐵，這令雪糕更加易溶。 其實無乜必要，我地都唔想再去食，又迫，服務又差又圖文並茂，唉。。。。GUM "JENG!" X 御前上茶旺角廣華街13號廣輝大廈地下4-5號舖Shop 4-5, G/F,