Video
Opening Hours
Mon - Sun
12:00 - 02:00
Above information is for reference only. Please check details with the restaurant.
一般來說，人們walk in揀食肆，大多數都會先係鋪頭外面「裝」下多唔多人食先決定入唔入去，少人幫襯的食店通常都係代表質素差。不過凡事都總有例外，有時少人幫襯，可能係因為食物太貴，或者食肆選址太「隔涉」。而位於九龍城的京魂一應該唔係以上兩個原因，我諗係因為九龍城食肆太多，佢呢ｄ細鋪根本就好難做得住。加上鋪頭太細間，想一大棚人食飯，一定唔會去呢度。無論如何，一次機緣巧合下，我係呢度遇上了令我印象深刻的窩蛋牛肉餅飯。一試難忘。午飯時間，入去京魂一，有幾個非常後生的男侍應。放左約十張台的鋪頭，坐左唔到一半的食客，多數是一人客。昏暗的燈光下，播住有ｄ舊的日文歌，氣氛好清靜，個人都放鬆下來。一坐底，未叫野食，個侍應已經拎左杯綠茶、前菜（迷你沙律）同甜品（大菜糕）比你。我見個窩蛋牛肉餅飯定食有店主推介個ＬＯＧＯ，於是搏一搏。相中見到，前菜、味噌湯、飯及沙律、甜品，盛惠$32蚊。物超所值啦。無諗過32蚊的飯可以好食得去邊。點知......真係咁好味。牛肉餅入口鬆軟，調味適中，啖啖juicy，肉香在口腔內四射，好正呀）））））加埋牛肉的好拍檔－太陽蛋，以及軟糯的珍珠米，ＯＭＧ......簡直人間美食！至於前菜、味噌湯同大菜糕，好一般啦，最緊要個飯好食。一個喜出望外的廉價午餐，令我對通漲升溫的世界又重拾希望。P.S.不過唔係全部野都咁正，之後我再度光顧，叫左雞扒飯定食，好一般咋。所以話，美食是可遇不可求，睇你揀唔揀得岩好食的東西。
continue reading
睇過 "飲食男女" 同報紙的廣告, 每位 $188, 好似都幾 o.k., 廣告仲有張汽水任飲 coupon, 於是一試, 一行四人, 下午 6:30 去到, 只得1 檯客. 開頭唔見其他食評講尖沙咀和銅鑼灣分店隊俾你食的幾盤豬, 牛, 雞肉, 以為呢間冇, 點知係跟埋我 order 的食物一齊黎, 張檯幾乎唔夠擺. 食物種類不算太多 (預左), 但就絕對冇 "飲食男女" 裏面的相 o甘靚, 最想食的所謂 7 吋長大蝦, 我 7 點幾問個侍應有冇, 佢話未出, 1至6號 order 紙沒有了1 號, 可能就是海產類食品, 亦唔見有安格斯一口牛. 到 8 點再問有冇蝦, 先拎左 4 隻黎, 但質素嘛嘛, d 蝦肉好黏殼. 另外要彈的就是通風極差, 每張檯只有一把約 6吋的小抽氣扇於牆角, 係完全冇用的, 開頭餐廳人少, 仲冇乜開冷氣, 後尾有多幾檯客先開大d 個冷氣, 其次個爐係一枝枝橫條, 得好快, 火又唔均勻, 侍應加水入爐後個爐仲漏水, 整到我褲同鞋都污糟晒. d 侍應個個都冇喱神氣, 問野又冇乜反應. 好彩原本就冇期望, 所以都唔算失望, 但係就唔會再光顧喇.
continue reading
個別後生服務員態度差及冇禮貌。食物質素差，魚生非常唔新鮮，跟本冇壽司食，但新出既廣告仲大大隻字有壽司供應。辛苦搵錢，諗住可以吃餐好，感覺完全比人強姦。只值$80
continue reading
14號夜睌去食,一心去食牛肉,但唔係想像咁好,冇乜牛肉味,而且切到好細塊.跌左好多塊係個爐入面,抽氣甚差,食完全身油煙味,其它都可以,如果一心想去食牛肉,不去也吧!
continue reading
由於尖沙咀店booking滿, 唯有到九龍城店, 心想同一集團, 水準應差唔多, 點知........哎~~真不明白何謂任點任食....餐紙分1-6號, 偏偏抽起第一張, 仲話果張係有專人燒埋, 仲要一人得一串, 最唔抵係冇海鮮食, 同尖沙咀燒魂一好大分別.好一個情人節晚餐, 俾呢餐攪到一肚氣..第一差: 抽風設施不足, 好大煙第二差: 用黎燒肉既爐係gas爐, 好慢, 好不專業第三差: 雞翼並唔係全隻上, 係一分為三 ; 肉類太薄片, 擺上爐燒燒下會跌落綱架內 ; 分發食物沒按照客人入座先後奉上, 而且太慢, 要多次催促, 常出現冇野燒狀態 ; 肉類之調味一般冇口感.第四差: 大蝦變蝦毛, 仲要一人得一隻第五差: 字眼"任點任食"跟事實不符, 有誤導消費者同場聽見多檯客人埋怨, 食物已點好耐未到, 訂好檯又冇位俾, 要等既情況出現, 這樣管理及經營, 應該好快要打烊..唔會再有下次黎食, 太差...以咁既收費, 自助韓燒會好得多.
continue reading