牛八和牛燒肉屋 Express (The ONE) (Closed)

加分位・用壽司帶上餐，一兩分鐘就上・盛岡冷麵、韓國冷麵好掂・牛肋肉 OK・一直播住機場廣播，幾搞笑扣分位・去三次先食到一次。22:00 閂門，第一二次話 20:30 已經截單，第三次 21:15 鬧完又比我入返・自助區都係氣炸鍋野・飲品除左梳打水外，都係糖水・有分鹽醬、醬汁、味增，其實即係唔落醬、燒肉醬、麵豉醬，唔洗諗住各樣叫一塊，只係碟肉上面唧左唔同既汁・寫親厚切既都唔好叫，成塊叉燒咁送上黎・想人打卡但裝修無咩誠意，影唔落相

#午市套餐 ⭐️⭐️⭐️⭐️⭐️係機緣巧合之下，經過呢間燒肉店，見到佢除咗有得揀放題之外，仲有一個午市嘅半自助餐，$100都唔使就俾佢吸引咗入去，而且好有驚喜，特色係送餐由一架飛機自動送過嚟。⭕️雖然係半自助餐，但蔬菜、甜品，飲品等等都好多選擇⭕️最鍾意佢有無限嘅紫菜，撈飯超好食⭕️午市套餐有得揀牛、豬，雞，個人最鍾意牛⭕️以半自助餐同埋尖沙咀嚟講價錢真係幾抵⭕️飲品方面除咗有咖啡同茶，仲有唔同嘅汽水果汁⭕️餐廳係以飛機做主題，除咗機場嘅裝飾，連張單都係一張飛機票好有特色

今日午餐好肚餓，因為冇食到早餐，於是去左呢間牛八和牛燒肉屋 Express食燒肉早午餐。呢度有得揀食放題或者套餐，午市套餐有12款揀，有唔同肉類配搭，主要係牛唔同部位，有平有貴，價錢由$95至$188不等，另加一，包自助沙律，前菜，湯，飯，飲品及甜品，限時90分鐘。A4黑毛和牛牛肋肉，和牛牛舌定食 $188 另加一A4黑毛和牛牛肋肉，和牛牛舌定食係成個餐牌最貴，我地一行四人都揀左呢個最貴既定食。牛可揀醬汁或者鹽醬，我哋兩樣都有試。一客有4片牛肋肉同3片牛舌。牛舌厚厚哋身超彈牙，非常好味道。牛肋肉油花四溢，肉汁豐富，不過牛味唔夠濃，加左醬汁嘅牛肋肉就味道好啲。伴碟各有一條秋葵同一件冬菇，質素同自助吧嘅蔬菜係一樣。自助吧係餐廳門口附近。有客人無戴口罩攞野食服務員都留意唔到。自助蔬菜有南瓜片，秋葵，冬菇，茄子同翠玉瓜。質素可以。秋葵好嫩。南瓜片連皮，好奇怪。自助沙律有生菜，沙律菜，車厘茄，生洋蔥，青瓜片，麵包粒，海藻，同後期出嘅燈籠椒同甜薯。質素可以。甜薯特別正，燒一燒再食，又甜又滑。泡菜有大白菜同蘿蔔。質素好麻麻，未能encore。仲有帶鹽嘅紫菜片俾你送飯。下面有沙律汁同燒肉汁。湯係牛尾清

晚上六點半，當美麗華廣場間牛角Buffet要等百幾個籌，呢間響The One新開既牛八竟然唔駛等位！同樣是日式燒烤放題，尖沙咀分店更是飛行主題，除了店內佈置有航班顯示板，更有牛八Express 在輸送帶直送食物，幾有Gimmick。價錢分四級，星期一至四晚市120分鐘放題46品$208，69品$288，80品$358以及84品$588，星期五至日及公眾假期貴$20。餐廳設有自助吧，有蔬菜，沙律，炸物，甜品以及汽水機，望落正正常常，炸物如果新鮮出爐還好，放耐左就算有暖燈照住，餃子皮都變得硬身。細看69品菜單選擇，其實有啲已經在自助吧供應，難怪落單時總覺得選擇唔多，而且無乜特色部位。整體食物質素中規中矩，感覺同牛角Buffet差不多。最正係呢個價位有溫泉玉子，可惜有蛋有飯有紫菜，但始終做唔到牛角飯既感覺。入座時有張「機票」，憑票尾可換一個Haagen Dazs雪糕。

太太有日係網上見到呢間咁特別嘅餐廳，咁啱果日蛇王蛇咗去附近 就約埋太太 and 公主一齊去試試佢我早咗到，同前台靚女問要唔要攞飛，靚女話e+有位，不過知道我太太and公主未到，話可以係另一邊坐下先（因為入座開始計時）。到齊人時剛好多人，卡位無曬，不過有Bar台位，有邊大少少，三個人坐都夠，當然馬上入座。 帶我地過去坐嘅時候，靚女都有介紹自助bar等等見到咁得意，飛機送餐，當然第一時間試下佢先，前後點咗三份餐，另加係自助bar攞咗 d 小薯，冬菇等等就馬上開餐 三份餐好快就由飛機直送到我地面前，肉質賣相幾好。爐仔雖然細細，但有成 2個鐘，可以慢慢燒（可以好好把握牛肉要五成熟內嘅我嘅要求）之前去過好多都係60分鐘左右，時間比較趕。一家大細開開心心，快快樂樂，新奇好玩嘅一餐

疫情下，想飛，發夢啦！既然咁，就去呢到發下夢啦！一入去先攞張登“機”證，可叫唔同主菜，按餐收費。不過一入到去 第一時間係打卡。之後先選主菜。叫主菜留意，當然要有個燒烤餐，另一個案喜好叫，因為要善用上面前個爐嘛，哈。出面有唔同嘅燒物，當然仲要少量熟食同沙津，都新鮮，面前有調味料，但忘了落添。熟食唔差，有炸燒賣同炸餃子，夠脆，新鮮炸起唔太油。主菜到了，會由發機送到你面前，等你自己攞，好似以前廻轉壽司，但更過癮，因為親眼睇住係架機送到，再睇住架機返轉頭。個雞好鮮，燒耐左都唔嚡口。而個炸豬扒真係勁脆口，不過感覺仲熱氣過燒烤出黎個D而最正嘅係甜品，個蛋卷好似....應該係日式個款卷蛋囉，如果食開類似都知，夠軟滑而飲品有果汁同汽水，不過最攪笑係，居然2樣咁啱壞晒，只可以飲....水同茶....

見廣告幾吸引就嚟食平日下午無咩人唔洗等碗要自己出去拎建議職員入座時可以講聲一坐低就有豬牛雞小拼盤因為燒緊先發覺係無碗好徬徨出面有前菜湯飯自己拎但因為見到有蚊仔係盤邊爬緊無哂胃口飲品選擇幾多 但以汽水機為主講返個餐 廣告嘅$208無牛食就升級 埋單2位$6xx味道方面 除咗有蔥有蒜嘅有味其他款嘅肉都無咩味道可言見肉類表現麻麻就出去夾菜點知一掂脆玉瓜 成隻蚊飛出嚟嚇到我非常不安之後即刻諗食完之後再去食咩安慰自己總括然而唔會想再食有少少浪費左個裝修

首先唔好幫襯放題！唔好幫襯放題！唔好幫襯放題！個人叫牛最小288*2，呢個價位同區有更好選擇 ！                                但係如果你本身鍾意食菜，lunch set可以試下。lunch set普通牛大約98蚊-100頭（大約8片），抵食在加多3X蚊可以多一份full size肉。total 140 左右有16片肉，正常厚度，you get what you pay for, 所以肉一定一般架啦，但上級牛肋肉都叫有牛味                                                            lunch set都可以享用common area既食物沙律新鮮， 汁自己簡自己加燒既菜basic款都有齊有紫菜飯炸野除咗炸芋泥波（名我作既）唔錯，其他average以下甜品average以下野飲汽水，soda，咖啡齊                                                  所以總結140 蚊=16片肉+紫菜飯+新鮮菜任食，係大商埸，我覺得okps  同埸好多小朋友，雖然我係大

又到中午吃午飯的時候，途經牛八燒肉店，就想吃一下日式燒肉，於是就入內光顧，入到店內服務員帶位，坐了位後選了69款式的燒肉放題，然後服務員講解一下點餐的方法，之後就點食物，點餐要用手機的相機掃描賬單上的QR code，掃了QR code之後就會有點餐的畫面十分方便，進入畫面後就點餐，點了69款式範圍內的食物，例如牛舌，上級牛肋肉，上級牛肩脊肉，雞肉，豬頸肉，豬腩片，清湯拉麵，炸薯條，點了之後按確認訂單，然後就等餐送來，這段期間就先去沙律吧取飲品和其他熟食，飲品有汽水和果汁，汽水有百事，雀巢檸檬茶，七喜，無糖百事四款口味，果汁有菠蘿，雪梨，提子，橙汁四款口味，是自斟模式，先取了一杯加了冰的菠蘿汁，然後取熟食，熟食有沙律，白飯，牛尾清湯，炸薯角，取了牛尾清湯和炸薯角之後就回座位等食物，等了一會之後食物在座位旁邊的輸送帶送過來就開始燒，等約十分鐘左右食物燒熟了然後就吃，牛舌，牛肉，雞肉和豬肉很新鮮和香口，加上醬汁點來吃份外入味，清湯拉麵湯底清甜，有些胡椒味，麵身夠彈牙有口感很好吃，炸薯角和炸薯條炸得很脆很香口，沒有麵粉味和不硬身很好吃，果汁加冰來飲特別有口感和解渴，吃燒肉時口乾飲幾啖很舒服，之

疫情之下大家都好耐冇去旅行。機場就更加少去啦！呢間餐廳嘅裝修設計係用機場嘅概念，令人好似真係喺機場入邊咁。入座嘅時候佢會每人派一張登機證，之後帶你去你嘅座位。如果想點餐嘅時候，只需要掃一掃個QR code就可以用手機落單，好方便。食物會由旁邊嘅跑道由飛機運輸過嚟。呢一part小朋友就最開心啦😄其實好似迴轉壽司嘅概念，只不過佢將火車變成飛機✈️，好有新鮮感。我哋揀咗兩小時嘅放題，肉類嘅質素上乘，都好多選擇。小食、沙律、蔬菜、白飯、麵豉湯、飲品同甜品都係自助形式，可以自己出去攞。我覺得牛八呢間餐廳好適合同小朋友一齊去食，坐得舒服，又有得玩又有得食😊

120分鐘任食嘅燒肉店，環境比到你有去旅行既感覺，一坐低就收到兩張機，其實係用嚟換雪糕用既，枱面仲有塊木牌可以比你寫野，可以係門口掛起求福，有種比你去咗旅行嘅安慰，呢個idea唔錯呢度有4個價錢，由$208/46品(豬/雞) ，$288/64品(+牛) ，$358/80品(+海鮮) 至 $608/84品(+和牛) 另外仲有自助bar 可以拎菜， 牛骨湯，多款飲品(如巨峰提子汁，仲可以自己溝梳打），甜品，小食...等最後我地叫咗$288/64品只要scan qrcode點餐就可以啦，好快飛機就會將你order咗嘅食物喺跑道帶送上，好新奇嘅感覺，小朋友一定會勁鐘意肉既種類亦好多，唔同部位都有，有汁燒同鹽燒，味道唔錯架，食物都嚟得好快，兩粒鐘真可以飽到捧腹呀😋大滿足

知道牛八新開左間新分店係The One，係玩gimmick 同airline concept，好耐冇去過旅行嘅我興起就去試吓～一check in 餐廳就會issue 張boarding pass 比你，再帶你去所屬嘅zone等飛機！今次獲分配嘅座位係面對跑道嘅中段位罝，望住order嘅食物沿跑道送到，係好特別嘅～我地揀左$378+10% service charge 嘅package。Common area 有汽水咖啡bar、salad bar 同幾款熟食。近幾年比較少食放題因為眼闊肚窄，其實食唔到好多。不過我地嘗試每類牛、豬、雞、海鮮都試下，好味先encore! 款式口味好多但食物質素一般，encore左牛舌、牛肋肉。跑道送出食品玩味十足令你有所期待，係疫情下飛唔出香港嘅小安慰，一試無妨！雖然食到好飽，但甜品永遠有第二個胃～走前記住憑機票換領京都抹茶庵嘅焙茶/抹茶雪糕，簡直係highlight ，超正！

候機室燒嘢食間歇聽到又聽唔到嘅廣播高樓底但多處好多指示牌長長又好開揚嘅落地玻璃再加上一張似機票雪糕卷真係好似去咗機場候機室食物就係一般放題牛豬雞蝦菜麵飲品Edaciousness 5/10環境氣氛新鮮有趣

日本係唔少香港人嘅鄉下，久違嘅日本旅行，最掛住嘅當然係日本美食啦！今日M佬就帶我嚟到位於尖沙咀The One嘅牛八和牛燒肉屋Express，嚟一次日本偽旅行！餐廳佈置成一個機場咁，細心到入座仲會一人有一張登機證添，之後就由機長Captain Gyuhachi喺呢2個小時帶我哋向日本出發啦！牛八和牛燒肉屋Express餐廳本身就有勁多打卡位，一於喺食飽肚腩凸出嚟之前打咗卡先啦！首先喺入嚟餐廳嘅時候，每人就會有一張代表唔同放題級別嘅登機證，真係好有feel呀！另外，喺天花上仲有航班資料，加上不定時嘅日文同英文登機廣播，真係夠晒細緻。當大家用QR code落order之後，你嘅飛機餐就會由牛八航空經跑道嘅自動送餐系統送上喇！飛機餐呢度嘅飛機餐分為午市套餐同4款放題選擇，今日為咗重拾日本嘅味覺，特別揀咗全84品嘅和牛放題！我哋食完之後，真心高度推薦呀！自取區喺等緊燒肉嘅時候，可以喺自取區攞嘢食先！驚喜嘅係韓式泡菜，真係好啱我口味，我堅食咗3碟呀！另外，呢度仲有唔少蔬菜選擇，例如：粟米、冬菇、秋葵、南瓜、茄子、翠玉瓜同生菜等等，記住蔬菜絕對唔少得，因為可以降低肉嘅油膩感，食得更多呀！除咗要燒嘅蔬

餐廳主題特別，但係關於食物方面其實冇咩特別，唔會話特別好食，感覺一般般，麵豉湯我覺得係即食麵嗰包粉嘅湯，我食嘅套餐就$358嗰個.但係原來和牛只有和牛舌以一個選擇，需要其他部位嘅和牛係要選擇貴餐廳最貴嘅嗰個套餐，服務方面感覺良好，職員有陣時當我遇到問題都會即時解決，送餐速度快，職員會主動收碟，小朋友好鍾意呢種特別嘅餐廳，因為佢哋會覺得好新奇，但係對於我黎講，食材先係最重要，如果比同樣嘅價錢，我會選擇其他。