牛陣 (Closed)

和媽媽去贐明會見完吳姑娘及去拿惠康現金卷後，便準備吃午飯，當我們經過始創中心，見到有一間吃日式火鍋，便入來試下，怎料－真係無下次，超劣的火鍋！ｄ粉絲一灼即淋，個湯底又淡！竟然弄日式火鍋，應該有地獄湯底才對，又少菜，只係有生菜、西洋菜及青江菜揀，ｄ炒飯好硬（唔記得拍攝炒飯）服務態度認真麻麻，叫待應員拿匙”更”，那個待應更可以唔記得拿，結果要我叫另一個待應拿！早知就去大自然素食吃素清清腸胃好過！

星期日行創世…原本打算食pizza hut(渣打咭有優惠)，但見到牛陣(無食過)，就試下啦…6點幾，唔使等位，坐低…嘩，感覺已經唔舒服，檯面有油，隻碗仔個底都無洗(唔知係油定咩，濕濕的)，叫換，等好耐都無人，就自己去換啦…98/148/…原來只係清湯…算喇，叫左148(第一次來牛陣，以為睇下多50蚊會有幾唔同的牛味)可能唔識欣賞，同埋係平民，所以都係鍾意肥牛多點…配菜的魚塊反而係全店最好的(不過唔多)第一次應該食98算啦…太唔抵啦…

超唔抵呀，$98@係清湯，如要其他湯底每人要加20，我地一行四人，即係比多$88(連加一)。而且話雪糕任食，但又唔refill，佢都得架la問佢係唔係會refill仲黑口黑面話無架wor，攪到要搵大粒果個出黎先肯refill。其他比你任食ge野又少，又唔好食。

第一次去牛陣食, 點知完來不外如是等位等左九個字, 由於只係想試下, 所以叫左個最平既 $98 清湯鍋牛肉同豬肉尚算 ok, 但配菜十分之普通, 魚柳只係出過一次, 丸同魚蛋個 d 又冇, 淨係得菜呀, 菇呀, 豆腐呀 仲有間唔中會出下沙律, 布甸同涼粉最離譜係汽水要十蚊罐 !!! 一於唔叫, 飲水好過 服務一般, 要叫先有人加湯同加水

星期六中午, 朋友之前係另一間分店食過晚餐覺得唔錯便試始創呢間, 1. 侍應態度差, 問都冇問俾個清湯我地 2. 餐具唔齊, 自己拎夾生肉筷子3. 冇雪糕匙羹, 侍應只講轉頭出黎拎, 問左兩次先有人refill4. D 丸勁重雪味收錢、執檯、提醒夠鐘就最快

話說前2日同女朋友去開旺角行街 所以就去左始創牛陣食lunch平時去開銅鑼灣果間都唔差 味道ok服務都吾錯 而且選擇多但係始創牛陣真係令我好失望 1.員工服務態度錯2.出面d食物選擇較小3.牛肉冇乜牛味 一d都吾好味4.衛生麻麻 d員工抺枱好求其 間吾中有d小動物飛來飛去我女朋友一入去坐低已經叫左2碟牛肉 等左20分鐘先至黎其他枱都已經有 之後吹左佢2次佢先黎員工態度非常懶散 好冇禮貌 最嬲既係食左45分鐘已經比人吹埋單以後都吾會去始創間牛陣 都係幫襯番銅鑼灣算

已有半年無黍,侄女想食,去完教會 2:30PM到達,我要求坐架位,等左5分鐘,一坐低就叫左果個48蚊一位既火鍋,侄女馬上出去攞 醬油,菜,幾分鐘豉油湯底到,因得60分鐘食,所以好快開動,牛肉比之前薄左,唔可以一片一片夾起黎碌,放入都無物口感無左生龍利魚柳,得熟左魚片,菜有生菜,油麥菜,白菜,娃娃菜.茄蕃, 南瓜, 芋頭, 豆腐,翠玉瓜,冬瓜,金菇,冬菇,粉糸,烏冬,蘿白,豆卜，牙菜,洋蔥,D雪糕超硬,石頭咁~想食呀出力但以這個價錢,都接受呀去快餐店最平都要3拾幾蚊啦

材料很新鮮，真的好食，價錢平，又有好多蔬菜食，環境很好。I like it用了蕃茄和清湯底，taste good~! 環境舒適，冷氣又足，好。吃得很飽，開心。調味料都好多選擇.....蔴醬,酸汁,金蒜同埋芫茜~一碟肥牛：好味道，因為質感好，有牛肉味。不肥不瘦，打邊爐用，味道很好。魚柳：好好食，雖然無魚味，但我很like。大量蔬菜：豆卜，牙菜、蘿蔔、翠肉瓜、芋頭、生菜、豆腐、冬瓜、冬菇。所有蔬菜很新鮮，好味道。吃了很健康的火蝸呢!我愛吃豆卜，好入味。Ice cream：mango 和雲呢拿，好味，好滑。

如果想一定有位 大家最好早D BK 啦哩間分店特別多人去食90MINS其實有D趕既 不過無計啦一行三人食左差唔到15碟牛...真係值回票價除左牛 豚肉都唔錯不過 其他選擇就少D 因為始終都係主打牛啦另外值得講既係任食既DREYERS 雪糕不過去到9點幾個時已經無咩味了正常應該有6種味既就夠鐘個時D牛會黎得好慢想食就要早D叫啦 如果唔係會食得好趕!

一坐低朋友就叫左果個98蚊一位既火鍋牛肉豬肉可以任叫既,另外出面仲有D丸呀,菜呀,菇呀,豆腐可以拎其實牛肉豬肉任叫真係幾多,食左唔係好多就好飽了今次叫左清湯底,其實都無咩味上次食濃湯比較香,同埋入味不過限時一個鐘食真係太少了..等得D野熟黎都好快夠鐘,同埋會有人黎不斷催你走,所以食得有D趕

我嗰日一去到已經即刻有位, 原全唔駛等, 已經覺得好奇怪, 只得幾枱人.....坐低之後, 我個朋友叫咗個女侍應黎, 問佢有咩唔同嘅湯底, 佢竟然只答了"清湯lor", 咁唔同價錢有咩唔同呀, 佢竟然只答了"咪價錢唔同lor", 我個朋友就同佢講, 你可唔可以講下有咩選擇呢? 佢竟然只答了"咪呢幾個lor". 佢講每一句都係有個lor字, 個樣超唔想做咁. 所以我朋友叫佢行開, 唔想再問佢. 最後我地全部起晒身走人去第二度食. 我幾年前去過官塘嗰間, 官塘嗰間超好, 會話你知有咩選擇, 跟太子呢間完全唔同, 我走咗之後至明白點鮮太子呢間咁少人了.........

可能係閒日去，所以無咩人一入去就有位叫左得百三蚊既餐打邊爐係最平嫁喇可能係咁所以個湯底無咩咩可以豉油加水甘...umm...其實真係好似一般打邊爐咁既質素食物選擇唔多而且食物質素又唔係特別好，普普通通最出名係牛但唔見得牛係最好味-_-閒日既價百三蚊，普通質素個人覺得唔抵放題好過

今日一行六人去左牛陣打邊爐朋友先攞位,我同貓爸泊好車後到所以去到已經有枱今次係我第一次係牛陣打邊爐“牛陣”我聽過好耐,一直都未有機會試今日終於一試今日試既係”面鼓“湯底味道唔錯醬方面個麻醬都幾好食物方面選擇就真係唔多點既就只有豬(類似五花腩）,幾甘香仲有牛個人覺得豬香口d兩者都係任叫任食至於自已拎既就有5﹣6款菜翠玉瓜,冬瓜,金菇,冬菇,秀珍菇,粉糸,烏冬,蘿白。。。選擇雖然唔及得上一般酒樓任食款式但我地都覺得豬牛肉都比較新鮮另外成枱每人加＄15就汽水任飲甜品有雪糕任食。。。食物都唔差但個半鐘就的確少左D成班人食飯總會吹吹水太趕就有D倒落肚既感覺另外唔知係咪太多人關係待應都好難搵（除左堆單叫你俾錢同叫你LAST ORDER,走既速度超快）加湯都係自己黎。。。（另外順帶一提。。。唔好KEEP 住加湯,最後會太濃,好易”痴“底同好鹹）埋單6個人$878 （許左加1,同埋每人$15任飲）平均1人$147同好多任食酒樓差唔多如果唔特別嗜”丸“類個D既可以一試牛肉比酒樓好,每碟份量都唔細, 起碼唔會扣起D得幾片所以嗜肉人士,一個唔錯既選擇

聽朋友話牛陣超好食喎, 好奇心驅使決定一試, 去食佢的午餐set, 揀左"上級牛任食"$98 限時一個鐘．結果好失望．．．１／服務差　－　原來放題包任飲汽水，但冇人同我地講，就咁放左兩個杯就算，埋單先發現（仲要聽到隔離枱講先知）　　　　　　－　限時一個鐘好趕，仲要係咁提住你夠鐘啦，最後出聲叫你走，趕頭趕命，又唔係好食！　　　　　　－　叫天不應叫地不聞，冇人行過黎附近，要自己走去搵人問野２／食物唔掂　－　ｄ牛冇牛味，仲要一碟比一碟差，有黑血邊（以下有圖為証）　　　　　　　－　ｄ豬肉超多肥膏（冇乜肉），有怪味，唔新鮮，亦有血邊　（以下有圖為証）　　　　　　　－　ｄ醬汁唔得，豉油太鹹唔好味．　　　　　　　－　清湯麻麻地　　　　　　　－　配料勁少又唔新鮮，連最基本的粟米都冇，ｄ魚蛋好腥，ｄ烏冬好碎，唔掂！（以下有圖為証）３／環境麻麻　－　個爐係”美的”的，好似向屋企打邊爐咁，一ｄ都唔pro,應該係入枱的好ｄ囉．　　好彩唔係一黎就試和牛晚餐，否則會肉痛覺唔值！總之冇下次！

本身去過食幾次.前個幾次都ok.今次去係同男友&佢D朋友去.野食唔算太差.D牛肉都算係好食.但限時食.有時要食得好急.價錢本人覺得偏貴左少少.不過都無問題.最大問題係個waiter既服務態度好差囉!本身有個waiter黎話"唔好意思,依家last order,仲有無野要落,無既話埋埋張單先"我地埋完單之後坐多野食多陣野.另一個waiter就走過黎講"你地都坐左好耐啦wo!"個刻我呆一呆.個時我地差一碟牛未食完.我男友就話食埋碟野先得唔得.個waiter一句講"唔得!"再話要收起個爐.個陣我真係黑住面同男友&男友D朋友走.我覺得係咪應該一早提一提我地仲有幾多時間呢?同埋唔係應該夠鐘個時禮貌咁話一話比我地聽呢?一聲都無講過就一句勁串咁彈出黎.依D服務態度我諗無人會接受到囉唔該!我覺得應該要改善下D員工既態度!