牛極 (雅怡居)

Open Now

Now Closed

最近好少出外用餐，但實在十分掛念熱辣辣的牛扒，所以就去了深水埗牛極。店面明亮整潔，座位舒適，店員亦主動替客人量度體溫及提供搓手液。👍👍我們站在門口的自助購票機下單，餐廳一共供應共有六款牛扒，包括日本和牛，最後我們選了牛肩排(180g)及牛柳(200 g)。等候餐點期間，我們去到自助沙律吧享用任添的沙律、白飯和熱湯。值得一提的是，餐廳供應的日式牛肉湯十分足料惹味，忍不住添了好幾碗~牛柳( 200g) $110終於到最期待的石燒牛扒出場，熱石上的牛柳吱吱作響，餐廳出菜時有蓋上廚房紙防止彈油，亦有提供即棄圍裙，安排貼心。切開牛柳時已經感覺肉質嫩滑，入口肉汁滿溢，牛柳事先煎封時的調味恰到好處，不用多餘的調味已經食到肉香。加上在石板上自己烹調，完全不會有過熟的問題。牛肩排(180 g) $80牛肩排是份量十足的厚切，肉質較牛柳結實，但牛味亦比牛柳更香濃。配搭餐廳提供的醬汁，包括燒肉汁、辛味燒汁及蒜蓉，真是十分滋味。如果不喜歡醬汁，每枱都有黑椒、岩鹽、BBQ香草，配搭十分多~這類日式石燒牛扒性價比真的超高，而且牛極的石板溫度和牛扒厚度配合得十分好，即使慢慢邊切邊燒都不會過熟過韌，真真令人十分回味🤤

大概是居家煮食煮上癮，能夠出街食飯都要自己主理！（笑）牛極是石燒的牛扒料理，而且是平價那種，百多、甚至數十便能品嚐牛味十足的牛扒。雖然稱不上自己煮，但熟度確實是自己定的呢！➡️ 廚師會先把上下及四邊熨熟才端出來，利用燒至高溫的石塊來「煮」牛扒，想吃rare便要吃快一點，拍照也不要太久。。。想吃熟一點可以慢慢品嚐。➡️ 「煮」的時候也要視乎牛扒的厚度，例如我點的200g 牛柳超厚，吃至最後也有我喜歡的微血鮮肉效果，但180g的牛肩排便全熟了。➡️ 牛柳很軟腍，牛肩排牛味較濃，可根據個人喜好選擇➡️ 平扒來說，會聯想到鬆肉粉味超重的金鳳；或老字號花園餐廳，但牛極味道好、價錢也物相宜，應該會取代那些味道不佳的平扒吧！而且它還有任吃的沙律吧呢！

近年很多地方都流行石燒牛肉，今次就去左深水埗間牛極試試。牛肩排300g($120) 我個人平較鐘意食牛肩肉 有驚喜！！首先上肉好快，啲肉一開始都係生生地，隨住石鍋不斷燒，可以根據番自己鐘意嘅生熟程度入口。我平時食開5成，但呢種食法，可以令你食均3-10成熟，簡直可以滿足你多個享受。牛柳300g($120)好juicy，一切落去，血汁滲出，切開之後見到塊牛肉好鮮嫩，而且入口好香牛肉味。自助Bar仲有沙律日本米飯同羅宋湯任裝。羅宋湯好濃好重牛肉味，我都忍唔住飲咗兩大碗。

唔知點解好想鋸下扒，就係附近搵下有咩餐廳岩，點知俾我搵到呢間，就去左試下！————————🔸牛肩排 180g $80岩岩送到既時候仲係生生地，係係個熱石上面燒一陣就會熟。食落牛味都濃郁，幾有咬口，唔韌😋枱上面有幾種調味料，痴加左d玫瑰鹽味道更加出🤓評分：🌕🌕🌕🌖🌑-🔸牛柳 200g $110食落口感比牛肩排實少少，不過都係唔難咬開，牛味都夠👍🏻評分：🌕🌕🌕🌗🌑-白飯、沙律、湯、調味料都係自助任裝，要特別讚下既係個湯。湯係牛尾湯，足料又夠味，前後飲左三碗🤣🤣

同男朋友行完黃金商場，喺深水埗附近覓食，見到有一間門口大大隻字寫住＄80 / 180g 石燒牛肩排🐂，好似幾正咁，平平哋一於試下啦！呢度好似喺日本食拉麵咁，先喺門口買飛🧾，揀咗你想要嘅牛，之後職員會送上嚟。我哋揀咗一個＄80 牛肩排，另一個係＄110 / 200g牛柳，試下兩個有咩分別先。以前好耐喺另一間餐廳食過石燒牛，不過唔識食，等舊熱石凍晒都未切完件牛，搞到食到尾都仲好生。今次識食啦，先切好晒，整熟咗啲牛先，牆身上面都貼咗啲提示，教客人最佳食用方法。呢度仲有自助區，有麵豉湯🥣、沙律🥗、白飯🍚可以任添，千祈唔好忘記喺自助區拎番條一次性圍裙，如果唔係上牛扒嘅時候，啲汁就彈到件衫污漕晒。上檯啦！牛肩排比我想像中大塊，相機食完，嗱嗱聲切開，入面係1成熟，所以一定要用熱石整熟佢，食落油花較多，受熱後油花與牛質熔為一體，汁多味美、入口即化。另一款是牛柳，油花雖然比較少，但肉質好軟腍，肉汁亦豐富！不過以性價比嚟講，一定係揀＄80牛肩排，因為牛味食落其實差不多。如果嫌未夠味，可以喺自助區拎啲自家製燒肉汁、蒜蓉又或者辛辣燒汁。＄80 真係好抵食，絕對值得再試！

因為疫情既關係，好耐都無岀過去食飯喇，日日都係屋企煮飯，今日有事終於要岀下去，就揀左c小姐好需要食既牛肉，補充下佢最近缺少左既營養。鐵質真係好重要，有性價比高既牛扒做補充真係幸福😂牛極都幾易就行到，八點幾仲有人等緊位，不過等左15分鐘到就有人走，所以都唔算等得布耐。一入到去侍應姐姐就教我地點樣係部自動售賣機度買野食，好方便！我地揀左最平既180g 牛肩排同肉味唔會過濃既200g牛柳 ！等緊既時候，我哋就岀左去牛極既另外一個賣點：自助bar 。有醬汁、白飯、牛肉湯 ，仲有沙律添。任食真係超級有心！先講醬汁，有三種味：辛味燒汁、蒜蓉同自家製燒肉汁，三種都好惹味。不過最正最正最正既就係個牛肉湯，一定一定一定要試！唔係普通既罐頭湯，係好足料既自家煲牛肉湯！一個唔小心我就飲左2碗😝180 g 牛肩排侍應姐姐拎黎既時候得兩邊表面係有微微煎過，因為每一份牛都係同熱石板一齊上，所以可以按照中意既熟度自己係熱石板上面煮牛肩排超強既牛味完全係我既至愛呀，唔會有好多根，肉質又實，$80 真係性價比超超超高，日式石燒牛扒好似真係完勝呀！200g 牛柳開頭仲以為c小姐會食唔哂，點知好味到佢之後掛住食無講過野，默

去左fd屋企玩，到左3點3下午茶時間好肚餓，聽佢介紹開正系樓下既扒房都幾好食，拿拿淋食完就上返去。獨孤一味得牛扒供應，先系點餐機揀野食，之系交餐券比店員。沙律、白飯、麵豉湯任食任飲。呢到d白飯熱騰騰好軟糯，有海苔粉搭配，加左反而影響左質素。【牛肩扒】$80/180g &【牛柳】$110/100g兩塊牛排都好多肉汁，好juicy。牛肩肉牛味就重d，牛柳就肉質軟嫩d。熱石板無哂熱力可以叫店員幫你換塊新既，不過牛扒不宜過熟，原本果塊就夠用。

今日突然想食扒，就與友人前來牛極試下。咁佢都係一間自助式既餐廳，進舖時店員會招呼你坐下，然後你就可以自己出去自動售賣機選食物，正常想出去選的時候，店員還會把餐廳給我們看，看好才出去選也未遲，我覺得這樣不錯丫，免得大量客人在售賣機前才左選右選。餐牌上有西冷牛，肉眼眼，還有一個是牛肩肉，也有牛柳。雖然選項不多，但是就想全部都試下，不知道店舖是不是知道客人大多有這些要求，故此就有一個扒是雜扒，什麼扒都有，你可以試晒全部。起初友人會擔心不知道會不會是那些頭頭尾尾，但他的擔心全是自己擔心自己，雜扒送上的時候，是明顯看得出是分切出來，一件件的，不過唯一缺點是，不知道自己在吃那一款扒。總體來說，很飽食，可能我們都點300g 的份量，再加上有自助任食沙律，湯，及飯，而扒的熟成度，也有清楚說明只會煮至1成，然後就由客人自行再烹調。烹調至合口自己的熟度再吃價錢方面，適中程度，都是圍繞住$100-180，下次在長沙灣呢頭又想吃扒時，可以再試值得一讚，舖頭供應既野，比我覺得都好足夠，服務是好周到，例如在門口考慮是否進去時，店員會主動出來問你是否有興趣，招呼你們進去，進去後又會主動給餐廳我們看，此舉令我印象特別

見到近排主打鐵板燒牛肉嘅舖頭越開越多，身為牛魔王嘅我就梗係要試吓啦，見到呢間啲評價都唔錯所以就去食啦 一入到去間舖頭已經聞到好香燒牛肉味！好吸引呀～ 原來呢度係自助式㗎，首先門口會有部自動販賣機，可以揀咗自己想食嘅牛肉品種、份量同埋飲品咁，坐低之後就可以自己裝白飯同埋湯，另外仲有醬汁、沙律同埋檸檬水供應我點左一份牛柳（200g），一上枱就燒到吱吱聲，好香 朋友就叫咗一份牛肩肉（180g）一上到枱我哋就攞咗枱面上面供應嘅黑椒，鹽等等嘅seasoning 之後就將佢哋切開一份份啦食落去覺得肉質比較林，同埋牛肉本身已經經過調味，用嚟配飯一流 生熟程度可以自己決定，我哋就鍾意比較熟嘅，所以就燒內阻一陣等佢個面有少少燶燶哋再配飯一齊食沙律同牛肉湯係無限供應架 呢個價錢真係好抵食

今次應朋友介紹，第一次食「石板燒」🤩一入去發現舖頭好特別，原來係採用自動售賣和自助方式，即係自己用自動售賣機點餐，之後自己拎白飯、醬汁、沙律同餐具等等，而店員會上1成熟的牛扒，需要之後透過已加熱的石板烤熟至自己喜好程度，咁樣鐘意幾生幾熟都可以由自己控制。今次分別點左兩款牛，一係牛柳200g，另一款係牛肩排180g，但份量都唔失禮，仲厚過兩部電話。兩者亦各有特式，牛柳肉質較有咬口，但相對牛味濃郁，而牛肩排雖牛味較淡，但肉質淋軟。兩份牛扒配上粉紅岩鹽、胡椒和自取蒜蓉，味道簡直一流，香氣撲鼻同增加唔少牛肉風味，所以當晚都行左出去裝左三碗飯來伴吃。另外，麵豉湯和椰菜沙律都係免費自取，沙律配上柚子醋簡直令人胃口大開，所以食完成餐飯都好飽，岩晒平時鐘意食肉既食肉獸。

進入餐廳，店員先替客量度體溫， 及提供初搓手液， 十分貼心， 環境簡潔、明亮， 座位舒適， 門口自助購票， 店員安排入座後， 大約等十五分鐘食物送到。餐廳共有六款牛扒提供：牛柳 、牛肩排、 澳洲牛仔肉眼、西冷、日本和牛 (赤身)、 日本和牛 (富油脂)，十分專一， 最啱牛魔王的粉絲。趁牛扒未到之前 ， 可以先取菜絲沙律、 熱呼呼麵豉湯及 白飯， 全部免費任添任食㗎。牛柳( 200 g) $110牛柳厚切， 上枱時熱燙燙的牛柳， 在熱石上， 發出吱吱聲， 肉香四溢， 牛柳沒有多餘的調味，自己烹調， 控制幾多成熟， 餐廳提供黑椒、岩鹽BBQ等調味， 自己 DIY 喜歡的口味， 一切自己話事， 更提供圍裙， 十分貼心， 先將牛柳四邊煎，鎖住肉汁， 用刀切開 ， 內裏呈現粉紅色， 入口充滿肉汁， 十分嫩滑細緻， 沾上燒汁， 讓人陶醉其中。牛肩排(180 g) $80牛肩排是牛隻經常運動的部位，所以肉質較結實，有咬口 ，牛味比較香濃， 大塊厚切，配埋誘人蒜片、黑椒岩鹽 ，十分搭配、惹味，和熱呼呼白飯一起享用，十分滋味和 滿足。

位於長沙灣的牛極, 主打是日式牛扒的石板燒, 一入門口就已經見到一台很特別的售賣機先要在售賣機上購買自己喜愛的牛扒, 選擇都算頗多除了入不同的位置之外,還有不同的份量 今次點了的是牛柳 200g這個份量來說一人吃也很足夠因為餐廳除了吃肉外另一大特點就是前菜沙律,湯,白飯都是任添的在牛肉上嚟之前先拿了沙律和湯沙律上還有車厘子可以拎, 性價比超高湯是牛肉湯, 完全沒有味精的感覺在湯底下還可以看到牛肉和蘿蔔萬眾期待的牛終於上來了!!可以看到180g的牛也不算小牛肉醬都在半自助吧那一邊取到的一上來的時候還是半生熟的狀態(大約3成熟)生熟程度可以按照個人口味去到烹調味道超好吃, 餸埋白飯吃一流!!!

最近因為疫症最近多了回家食飯， 少了在外面聚餐， 早兩天我和家人休息一下，沒有煮飯， 就到了深水埗逛逛黃金商場再食晚餐，不是第一次來這見石板牛餐廳晚餐了，因為這裡的半自助式晚餐物超所值，讓我們食到捧著肚子走， 所以今次就選擇和家人來這裡晚餐，這裡沙拉菜，白飯，檸檬水，餐湯都是任食的～更有即棄圍裙讓客人自己用，防止油脂彈污衣物！！這裡醬料也人客人調配，有蒜蓉，自家製燒肉汁和辛味燒汁，可混合配牛扒食可解膩，檯上更有黑椒，BBQ粉，粉紅色喜瑪拉亞山鹽簡單調味！我們點了一份牛肩排180g和牛柳200g！牛柳份量好巨大，重達200g的石燒牛柳上檯了。石燒方式可以讓食客自行烹調熟成度，扒身厚近一吋，肉汁好飽滿，肉質軟腍不韌。適合我們愛肉之人！我自己最喜愛180g牛肩排，牛肉帶甜香，雖然較牛柳薄身，但口感就較為特別，略燒就可做到牛肉邊位微焦，配特製辛味燒汁更能提高牛鮮味，焦香的牛脂配白飯好滿足啊～我們自己弄了一粉胡麻醬，柚子醋配沙拉菜，酸酸甜甜好開胃！罐裝無糖抹茶和提子炭酸飲料配牛肉也好搭，去掉膩膩的味道，讓我為之一振！日式牛肉湯選用半筋半肉的牛肉，配上酸甜的蕃茄，口感特佳！近期流行食石燒牛扒，但是

最近朋友都推介我去食石燒牛，我發現原來性價比都好高，一人一塊牛扒，而飯、沙律同湯都係可以無限添加。牛肩肉肉味比較香濃，入口淡淡的牛油香，200g都已經好大舊，性價比比出邊嘅牛扒餐廳高。而牛柳比牛肩肉嫩滑，食落去無筋，非常之多肉汁。每件牛扒上枱時都係一成熟，可以喺火山石板上面自己煎，鍾意幾成熟都得，餐廳好貼心，上菜嘅時候都係牛肉上面鋪左廚房紙，怕油會彈到客人，仲會有圍裙提供。自助區有飯、沙律同湯，食幾多都得，仲會有即磨嘅岩鹽同黑椒可以比客人調味。

今日係好朋友嘅生日，我約咗佢黎深水埗呢間牛極食好西。呢間餐廳出名食平價石板燒牛肉，啱曬我哋兩個食肉獸😝大槪7:30p.m.黎到，餐廳入面都算多人，睇黎大家為咗食好西都無懼武漢肺炎喎🤣🤣呢度係綵用傳統日式餐廳嘅風格，喺門口嘅販賣機度落單先嘅。而且呢度係半自助餐形式嘅，坐低之後就可以自己拎嘢食，有白飯、海帶湯、沙律，同各款醬汁。我特別鍾意呢度嘅湯，入面有好多豆腐、海帶同菇，貨真價實😋200g 牛柳 （$110）✨一上枱，石板就發出「滋滋」嘅聲，好治癒～打開之後，見到一大塊肉☺️我逼不及待就開始食啦😋 分別點咗特製燒肉汁、蒜蓉、辛味燒醬，我覺得特製燒肉汁係最夾最正。不過除咗呢啲醬，枱面仲有即磨嘅海鹽、黑椒、bbq粉提供，都好正！我同朋友都落曬xd 個牛都好juicy好惹味，啖啖肉，正😋180g 牛肩排 （$80）✨我覺得牛肩排比起牛柳仲更加好食，佢嘅肉質比較嫩滑，更juicy，有少少入口即融嘅感覺！咁好味都係80蚊真係可以不停encore呀😆😆