牛禪燒肉日本料理 (Closed)

去過日本中部，回憶裡除了有白川鄉，還有未入口已經令你精神溶化的飛驒牛。上次去左隔離既18巷，今次一定要再食牛禪了 ！牛禪食物質素高無可置疑，原來周不時也有特別推出的Menu! 店內地方大，不過最好還是先預約。原來呢排做緊清酒放題！！！只需$100便可享用清酒放題，90分鐘內無限任添指定清酒～這款冰鎮後的清酒，色呈清亮透明，香氣淡甜口味纖細，想不到放題也如此高質素！特製的酒樽，隔開了酒液及冰塊，不會因冰塊溶解而稀釋了清酒。三點前菜 - $30原來每次黎，三樣前菜都有所不同。今日有我最喜歡既醃蒜頭，海蜤同小魚乾，全部都好好食！南瓜天婦羅 - $78酥脆的天婦羅外皮，內裡是半爽帶腍的南瓜，口感乾爽，味道清甜！芒果蟹籽沙律 - $88食多個沙律開開胃吧！要食牛，就先了解下牛唔同既部位～A5近江和牛海膽丼 - $780A5飛騨玫瑰 - $1680一朵朵精緻既飛驒牛玫瑰，呈現出粉紅色幼嫩肉質同絲絲的白色油脂紋! 玫瑰花分別係飛騨牛脛脊、飛騨A5肉眼、飛騨牛小排同飛騨A5西冷四個不同部位。飛驒牛油脂均勻，燒起黎牛肉特別香濃，入口即溶之集帶一點點咬口，肉質滑嫰，令我地的味蕾立即溶化～九州西冷 - $2

同老婆大人慶祝結婚三個月，去佢一直好想再去既牛禪啦！三點前菜 - $30上次同太太黎，太太話個蒜頭好好食，今次前菜又有蒜頭，哄得她大叫滿足！味醂魚乾 - $98即河豚/雞泡魚乾，微微加熱了，十分可口！炸雞軟骨 - $38雖然剛剛炸起，熱到會辣親咀，但都忍唔住不停將雞軟骨放到口裡！鹽花平均分佈，香香酥酥的，說罷我又食多一粒。 芒果蟹籽沙律 - $88芒果好甜，配上青瓜絲同蟹籽，開胃～A5近江和牛海膽丼 - $780原來食和牛刺身，餐廳須要辦好多認証。今次我地有幸食到，而且又係第一次食，真係好開心好榮幸！近江牛來自日本滋賀縣，黑毛和種既和牛，同松阪牛、神戶牛齊名並稱為日本三大和牛。職員教我地有幾款食法，你可以將牛直接品賞，亦可沾上雞蛋。也可加飯加海膽～或變成一個丼飯，適隨尊便。第一次食牛刺身，口感冇想像中咁血腥，可接受。牛本身冇調味料，可加少少鹽花，帶出從未試過既口味。A5飛騨玫瑰 - $1680絕對要相機食先的A5飛騨玫瑰！視覺效果震撼，沉睡中味蕾亦突然復活過來。飛騨玫瑰有四個不同部位，分別是飛騨牛脛脊、飛騨A5肉眼、飛騨牛小排同飛騨A5西冷飛驒牛來自日本岐阜縣，係經過14個月既飼養的黑

價錢貴但沒有相應的質量，魚生沒鮮味。牛肉好乾沒油份。近江牛質素低。同樣價錢，其他牛乜乜的舖頭的牛質量比它好十倍。巨鋒提汁好甜，但沒巨鋒提子味。落單又扮有型唔寫低，落漏單

朋友生日，例牌請食飯，一直對呢間餐廳有興趣，主力高質燒肉，終於可以去試下。餐廳在世貿，餐廳幾大，但一入餐廳無什麼人。望一望餐牌，餐前屬於中上，都不算平。於是就咁叫了一個二人前套餐。我覺得海鮮幾新鮮，有兩隻大蝦，大大隻好生猛，而且仲幫你加了芝士，燒的時候芝士溶係蝦肉度，味道唔錯。仲有d魷魚，魷魚就無什麼特別，邊度都有。肉就得幾粒，真心覺得好少。呢餐飯好似差唔多$600，質素一般，個人認為唔抵食啦，試過就算，要高質去日本食好過。感覺餐廳高不成低不就，包裝成高質餐廳，但服務不算殷勤，食物索價偏高。

终于凑齐一家人，前来打卡。我们点了两道菜：1）近江A5和牛盛宴，2）和牛海胆饭。食物质素都没话讲，非常接近日本本地的水平了，毕竟是每隔两三天空运食材到港的。服务水平要分人：1）一位绅士的服务态度亲切，为我们详细介绍食物和酒类，而且烤和牛的水平高。2）但是，一位女性服务员，态度很差，满脸不高兴，烤肉时东张西望。她只帮我和家人烤了4块和牛，却烤老了，难以下咽，我只能吐掉了。我觉得这样的服务无法和一家优秀的餐厅相匹配，建议对她加强培训，否则会影响餐厅生意。明年一月到四月，我会和家人回访，期待和牛雪山，期待服务水平有所提升。

早排有朋友介紹銅鑼灣一間食和牛專門店，星期三放工約左幾個老友走去試試海蜇帶有麻油香，魚仔乾合桃香口得黎帶點甜，蒜頭夠爽脆日本青蘋果蟹籽沙律：青蘋果爽口帶點微酸，加埋新鮮蔬菜同蟹籽，感覺很清新洋蔥墨魚咀：墨魚咀爽口彈牙，非常香口A5近江和牛海膽丼：爆燈好食粉紅色的A5近江和牛，油脂分布平均，擺設整成花形，賣相夠哂美觀，入口即溶夠滑溜，油脂散布口腔，海膽大大塊，味道濃郁夠鮮甜，三文魚籽同樣鮮味爆燈，簡直冇得彈（必食首選）極上和牛盛宴：有齊九款不同部位，燒十零秒就食得各有不同的滋味牛舌：切得唔厚唔薄啱啱好，口感有啲軟身，加少許鹽夠鮮味牛淋腿肉：肉味油脂分布平均牛頸：肉質味道比一般的更濃牛脊：燒起來很香，牛肉味比軟淡牛小排：肉味最濃烈，肉質鮮美帶有筋牛臀肉：肉質柔軟，脂肪比例較少牛上肉：味道較濃夠韌性西冷：感覺充滿肉汁的扒一樣肉眼：充滿油脂肉味飯後甜品：日本雪糕：黑朱古力雪糕（黑色），D24榴連雪糕（微黃色），海鹽雪糕（藍色）最後再加多個 泰式甜品 香芒椰汁糯米飯椰汁夠香滑，紫米、糯米煙煙韌韌，芒果超甜

夥計服務態度差爆，當進食晚餐的時候、女夥計經常攞鹽甖在敲打不停發出噪音，我和朋友很客氣的問她可否不要發出噪音！因為非常騷擾！她停了不到5分鐘、又發出的聲響仲要比之前更大聲！令人非常討厭，我和朋友感覺太厭煩唯有埋單離開！💤總括不是物有所值囉、與價值是不成正比例！食物質素不是太好、魚生不太新鮮但免強叫可以、牛ハラミ有羊鬚味拎上台時已出血水！不知是放得太長時間才上菜影響否，至於steak200g /$560, 只有140g可以食 因為超肥無片油 ！質素實在太差！

放工出左銅鑼灣晚飯，朋友搵左間餐廳專食牛的日本餐廳聽到都好吸引！好期待！餐廳的裝潢設計都好舒適，而且好寬敞坐下來就點杯野飲飲下先，好靚好吸引藍蝶夢、藍蝶綺蘿後：藍蝶夢，係蝶豆花+乳酪soda；前：藍蝶綺蘿，係蝶豆花+菠蘿汁三點前菜 - $30首先有三點前菜，包括有海蜇、蕎頭、魚乾洋蔥墨魚咀作餐前小食很不錯，超香脆可口一口芝士外面好香脆內軟，咬落去一陣熱辣辣既芝士流出黎，超好味日本青蘋果蟹籽沙律 點番個沙律🥗，消消地唔洗淨係食肉咁膩A5近江和牛海膽丼 有齊晒我最愛的食物有海膽、三文魚籽同和牛刺身，紫菜包著三文魚籽+海膽簡直是最佳配搭，另外和牛刺身入口即溶化，浴化的的心各樣都好新鮮，食得好滋味極上和牛盛宴（1份半）呢間餐廳的特色可以係可食到牛的不同部位，餐廳會有個牌提示由淡到濃開始，令食客能感受到每個部位的油花分部唔同，有唔同的質感各層次望著黎燒，真是色香味都齊晒食落去入口即融如果想食飯的朋有都可以叫番碗飯，唔洗咁肥膩鱈場蟹腳 平時去浜燒係人地店埋俾的地，今日都係第一自己燒，燒起好香口，蟹肉鮮味香甜香芒椰汁糯米飯 好美滿的甜品，芒果都很香味，糯米飯和紫米都好好味各式雪糕 最後點少得雪糕點左

今晚同班朋友飯聚，餐廳主打食日本和牛，燒肉食法就時時食到，呢度仲有和牛刺身食。最吸引我地就係和牛盛宴，有齊九種不同部位，可以一次過品嚐各種口感同味道，好岩同朋友一齊分享。三點前菜 $30，帶點麻油香的海蜇，我比較喜歡呢款微甜香口的魚乾合桃，少見的醃蒜頭也很爽脆很特別。日本青蘋果蟹籽沙律 $78，為左平衡一陣既燒肉，點了呢款清爽的沙律，青蘋果微酸好爽口，加埋脆卜卜蟹籽帶來鮮味，清新果香令人覺得好開胃醒神，也可去掉肉食的膩感。一口芝士 $88，即點即炸，食時要小心燙口。薄薄炸衣包著爆滿的半溶芝士餡，味道夠濃郁，好有奶香的芝士味。A5近江和牛海膽丼 $780，華麗出場的丼飯，破格設計，將食材分開擺盤呈現出來。有A5近江和牛，而且卷成花形，好睇又好食，嫩粉紅的顏色，看出油脂分佈十分平均，而且油份豐富。海膽好大塊，份量頗多，表面顆粒感明顯，幾新鮮，味道濃郁又甜美。三文魚籽份量較少，但粒粒晶瑩剔透，鮮橙紅色好吸引，仲好脆口鮮味。用紫菜包刺身或與飯包來食，自由度大，任意喜好配搭。先用和牛刺身沾點蛋黃來食，好滑溜質感，入口開始溶化，油脂肪香豐腴。再沾微甜醬汁，味道變鮮甜。也可配海膽和三文魚籽，味道更有

踏入十二月，香港都開始轉季啦。突然間天氣轉涼到得返14,15度。咁梗係想食返少少熱野暧身啦！打邊爐？成日都做嫁啦！韓燒？質素太參差！所以朋友就提議去食日式燒肉 正！點解我諗唔到嫁呢？牛禪日式燒肉位於銅鑼灣世貿中心13樓，門口格局已經極具日本風加上依間以和牛為主打，鐘意食高質食物嘅朋友一定唔可以錯過三點前菜 $30先點一份前菜試下先，海蜇酸酸辣辣好開胃日本青蘋果蟹籽沙律 $78蟹籽一定要撈均沙律黎食，咁沙律就唔會好淡。起馬有少少蟹籽小小嘅鹹味成個沙律都好清新同健康，要幫我地吸收後面不停食和牛嘅油膩呀一口芝士 $88一口芝士超流心，勁多芝士會流出黎點埋沙律醬黎食，仲會有甜味添雖然會好肥，但為左好食就放肆一次半次啦洋蔥墨魚咀 $88細細舊、熱辣辣、脆卜卜三個理由足以令我同朋友極速清晒成碟墨魚咀雪裡玉 $58係時候要點返杯野飲飲下啦，雪裡玉係用荔枝同火龍果混合而成所以成杯野飲都整富纖維，有排毒美顔嘅作用岩晒女士飲A5近江和牛海膽丼 $780 超豐富嘅丼，有A5近江和牛刺身、海膽刺身同埋三文魚子近江和牛係日本三大和牛出產地之一，所以肉質非常鮮美同埋大家要知道唔係所有部位都可以用作刺身，每一件刺身

聽很多朋友說如果要食燒牛肉既話就一定要黎牛禪，今次終於約左幾個朋友黎食佢個招牌和牛！真完之後真係覺得有名有實！非常好明太子玉子燒~厚厚既蛋漿整成非常嫩滑既蛋內層仲keep住水嫩感覺！明太子更綿上添花食落多點層次~~讚呀A5近江和牛海膽丼！！近江和牛是日本三大和牛之一，霜降恰到好好這份丼就有和牛，海膽，三文魚籽跟紫菜一齊食！加上可用蛋汁來配襯，更帶出生和牛既滋味包住一齊食！紫菜還脆身非常吸引！海膽還超鮮甜~見到張相已經好想再食啦還叫了這個極尚和牛盛宴！會有說明書教先吃那個部份才感受到當中既油花變化小小tips就是先燒一邊，等待到有血水滲透出來時，就反另一邊！如是者咁燒！不用常常翻來翻去！就會燒出如圖咁靚仔既燒肉了本人最欣賞就是比較重油花既感覺！所以這裡的牛肩，牛小排，肉眼都是我的至愛識食一定係咁食再叫碗日本飯來襯托~100分呢松葉蟹腳亦用來燒的~燒到剛剛熟竟食出咸香鮮甜既味道建議多人的話要叫2碟，因為好味的濟唔夠食喔最後還叫了這個榴槤雪糕榴槤控岩哂係一個非常好既 good ending!! 真係非常建議想食燒牛肉既朋友來這裡，必定不會失望

近排食過一間超好味嘅燒肉 仲有非一般嘅飛禪牛食係CWB WORLD TRADE樓上 地點都好方便就腳今次兩個人撐枱腳 難得就係成晚可以傾住計慢慢品嘗七味魷魚 $68多春白飯魚 $88日本青蘋果蟹籽沙律 $78先叫左幾個前菜  魷魚同多春魚都炸得香脆 記得要點埋三款醬汁 非常惹味青蘋果沙律超級清新 雖然好酸但又食到停唔到口 都特別開胃最愛的刺身都冇令人失望 三文魚好新鮮鮮甜又充滿油份 仲有螺都好爽口 唔使點太多豉油已經好正～五品刺身拼盤 $298三文魚腩同拖羅～好肥美呀！！以為呢個蝦頭係裝飾 點之原來炸左都可以食埋架炸到炸卜卜 蝦味仲突出A5飛騨玫瑰 $1680全晚最期待的牛！！整成玫瑰花咁樣上分別有四個部位 牛脛脊 牛小排 西冷同肉眼果然唔止睇得仲好好食！！驚自己唔識燒燒太熟 開頭個陣店員仲好好服務幫手燒食燒肉最鐘意呢D一格格嘅紋理個人最愛牛脛脊 薄薄地但肉質非常軟幾乎係入口即融嘅感覺 而且好重牛味西冷同肉眼厚小小 而且油脂更加豐富加小小海鹽已經超好味～食到一半開始有點油膩感 可以配飯食最後來個日式炒野菜作結 大滿足！豆碟花梳打同乳酪 又靚又護眼

向來都好少係香港食和牛燒肉 總覺得和牛當然要係返日本食 但銅鑼燒呢間燒肉真係不得了 一試難忘！今次就唔試好多人食嘅近江和牛 而係一嘗嘗新出嘅A5飛禪和牛2-4人享用嘅套餐以玫瑰花做主題 未食先大飽眼福擺放成六份但其實係四份牛 有牛脛脊 牛小排 肉眼同西冷 仲有小小蔬菜伴食見到肉個紋理非常靚 肉質呈粉紅色玫瑰花造型男女見到都心心眼店員同我地介紹完仲幫我地燒埋每種肉都係燒一兩秒就可以燒埋另一邊 再沾少許海鹽吊味每塊牛脛脊都好薄 但齋聞已非常之香 軟到有入口即融嘅感覺 但濃郁嘅肉味就一直係口中蔓延之後就有我最愛的西冷 切法不同而且厚一點 油脂好豐富 肉又很嫩滑 我呢個食肉獸食到呢個咁正嘅A5飛禪牛真係超級滿足另外個刺身拼盤都好出色 三文魚鮮甜美味 金木鯛微微燒香魚皮表面 中間肉質結實而甘香拖羅亦很肥美 但略嫌有根 咬不開變了渣估唔到cwb都有間咁高質嘅燒肉 雖然高消費 但耐唔耐食一次人間美味都唔錯