牛禪燒肉日本料理 (Closed)

臨近年尾又係冬至兼聖誕，辛苦了一整年每個人都會開懷大吃。相約好友們共聚「日本菜」已經是首選，「牛禪」有著近江牛又有刺身小食，大人及小朋友都大愛。重點：它漸漸加入不同的元素，每次也有驚喜。餐牌上的食物相信是以「牛」為名，近江牛盛宴及料理長推介之食物，相信也是必點之選。首先到來是三點前菜，完全係我最愛的三味有爽脆的牛蒡、微辣的海蜇及醃製蒜頭，每樣都相當開胃。吃過三點前菜，來一碟日本青蘋果蟹籽沙律清新味蕾。利用日本的青蘋果切成絲狀味道相當爽口，混合蟹籽新鮮美味份量也恰到好處。明太子玉子是我的最愛，厚切的蛋做得相當出色，配合爆醬的明太子口感豐富，連同沙律醬同吃，非常美味。五品刺身自選出來，一上桌相當吸晴有深海池魚刺身、帶子刺身、三文魚腩刺身、金目鯛刺身及日本響螺。所有刺身都厚切肥美又新鮮，平常大家都喜歡三文魚或吞拿魚，但帶子卻令我有意外驚喜。北海道帶子的新鮮程度，相信已達致頂級。三文魚腩及金目鯛刺身切得相當平均，前者油脂豐富帶有甘香，後者色澤搶眼而且美味。最後日本的響螺口感一流，每條都非常爽口令人一試難忘。是夜主角登場-極上和牛盛宴（1.5板） $1,980/板，吃近江牛也有學問吧！店內有一頁

牛禪高級日式燒肉呢個大名一早已經聽過，牛肉主打近江牛。近江牛是滋賀縣內生產的黑毛和牛。與松阪牛、神戶牛並稱為日本三大和牛之一。咁勁既來頭，真係未食先興奮！青蘋果蟹籽沙律青蘋果比較酸，好開胃，蟹籽分量適中，多d會比較好。味醂魚干送酒小食，次次都會點，真係食唔停，唔經唔覺又飲多杯。明太子玉子燒煎蛋常卷基本上每一次食日本菜都會點。呢個玉子燒裏面加咗明太子，重要好多下。其實明太子同玉子既味道真係好夾。佢地個明太子醬，我點左好多。五品刺身師傅好有心機咁樣將啲刺身排到靚唔靚。-深海池魚刺身，好肥美，魚味十足。-帶子刺身，好大隻，真係珍寶級，冇雪味。-三文魚腩刺身，可能係最肥既腩位。-金目鯛刺身，表面輕輕炙過，好好食。-日本響螺，好爽口，份量多，抵食。估唔到燒肉店既刺身可以咁高質。極上和牛盛宴，近江牛板主角登場，用上牛型嘅碟上台，可以話俾你知道你食緊牛嘅邊一個部位。餐廳好窩心咁提供飲食tips，由淡味食到濃味，重可以知道自己食緊乜野。肥度十足，食到成口油，入口即化，和牛咁食真係好正。最後的肉眼，油脂最少，肉味最濃！鵝肝份量和法飽差不多大。喜歡鵝肝的我雙眼發晒青光。外層輕輕烤至微脆，內裏十分「油」軟，

臨近聖誕，一班好友要一起聚餐，便來到牛禪。這裡裝修得很有現代感，座位寛敞。吃和牛就一定要配清酒，點了夏田冬蔵 純米大吟釀$680，酒味比較濃郁，入口有回甘味，用來吃和牛和刺身，非常適合。海膽壽司兩件$108，用了美國產的馬糞海膽，海膽味濃郁而且鮮甜，吃得出是新鮮貨色。👍💯A5和牛餐，內有牛小排、牛肩肉、西冷和肉眼，看得出來是高質的A5和牛，脂肪分佈均勻。擺盤精緻，好像四朵玫瑰花一樣，非常吸睛。和牛入口溶化，只需要點些鹽，就已經很好味了。吉列生蠔$88，炸得外脆內軟，一口一件，蠔味充滿口腔，是一種享受。五品刺身：吞拿魚腩刺身$108，鮮甜而沒有根，入口溶化。深海池魚$188，清甜而爽口。帶子刺身$108，鮮甜又腍身。金目鯛$188，經過火炙，帶出魚肉的鮮味。赤𩶘(原條)$168，魚肉爽脆，肉質鮮甜。鵝肝多士(2件一份)$98，外表焦香，內𥚃軟滑，鵝肝的味道帶點油膩，不過多士剛好吸收了油膩感，配合得恰到好處。日式炒野菜$78，不會太油膩，吃完可以減輕吃太多肥膩食物的罪惡感。香芒椰汁糯米飯$98，芒果🥭香甜，椰汁🥥夠多，配合黑白糯米，便是最好味的甜品。這個甜品為今晚美味的和牛宴，寫下完美的結

好友一起吃飯，友人提議在這𥚃，因為他吃過，覺得環境、食物、服務都不錯。這裡的環境很舒適，空氣流通得很好，就算很多人一起燒烤，都不會有煙，而且連衫都不會有燒烤味。吃和牛自然點日本清酒：伯樂星純米大吟釀$780。純米大吟釀，是日本頂級的清酒，入口酒味不算太濃，容易接受，配和牛上一流。A5和牛玫瑰(期間限定)，適合二至四人享用。這個A5和牛餐將牛小排、牛頸脊砌成一朵朵玫瑰花。和牛西冷，和牛肉眼切成條狀，遠看成盤都是藝術品，視覺效果一流。和牛脂肪分佈均勻，每一口都可以吃到和牛的滋味。除了和牛西冷帶點嚼勁，其他部分都非常之軟腍。海膽壽司兩件$108，海膽鮮甜，充滿了口腔味蕾，感覺一流。五品刺身：吞拿魚腩刺身$108。赤𩶘(原條)$168，深海池魚$188，帶子刺身$108，金目鯛$188，解凍得非常好，可以保持刺身的鮮味，吃一口刺身，喝一口清酒，人生一大樂事。鵝肝多士(2件一份)$98，上枱時已經嗅到濃濃香氣，鵝肝和多士，一軟一脆，吃入口中，像演奏一篇美味的樂章。日式炒野菜$78，吃完滋味和牛，吃些蔬菜🥬，令腸胃覺得非常舒服。香芒椰汁糯米飯$98，芒果夠鮮甜，椰汁夠多，糯米夠軟熟，吃埋這個甜品，

香港眾多日式燒肉店，要數最回味的還是銅鑼灣這家牛禪。相隔一年，繼續主打近江牛。和牛有很多產地，最為港人熟悉的一定非神戶牛、松阪牛莫屬，而近江牛也同屬三大和牛之一。牛禪除了燒肉出眾，還有很多美味的日式料理。一班人飯聚，試勻各款美食最為開心。日本青蘋果蟹籽沙律($98)，青蘋果絲口感爽脆，酸酸甜甜的更覺開胃。明太子玉子燒($128)，食物賣相已經非常吸引，玉子燒精心排列，充滿日本風情。鹹香的明太子，配上嫩滑的卷蛋，美味可口。這裡的刺身可以單選，又或者選擇五品或七品盛合。每款刺身都有一定的厚度，而且非常新鮮。人數關係，我們點了深海池魚($168/份)、帶子($108/份)、三文魚腩($118/份)、金目鯛($188/份)和日本響螺($288/隻)，全部各兩份。在這裡，已不用太講究魚類的盛產季節，因為每一樣皆肉厚肥美。 深海池魚十分鮮味，而且肉質爽脆。帶子鮮甜彈牙；金目鯛色澤鮮紅搶眼，肉質鮮嫩；三文魚腩油脂豐富甘香；日本響螺口感一流，從來也未吃過如此爽口的響螺片。吃過前菜，來到重點近江牛，這次同樣點了一板極上和牛盛宴($1980)。同樣由富口感的軟嫩牛舌，一直享受到油脂肥美的肉眼部位。若對自己

高中位價錢 接近放題既質素🙁OpenRice見到呢間有四百幾個好評心想應該會有返咁上下質素 點知好失望.極上和牛盛宴($1580)入面分左牛九個不同部位分別有 牛舌 尾龍扒 牛臀肉牛腿上肉 牛外胸腹 牛肩 牛頸脊 小排同肉眼可惜佢價錢同質素唔成正比有啲部位好靱 同埋感覺唔算好新鮮成餐飯即刻冇晒心機😣.明明個場冇咩食客係門口等左好耐都冇待應理我地餐廳裝修一般 感覺上裝修同食物都同食放題既餐廳好似加上侍應服務質素麻麻 即刻back list 🤦🏻‍♀️

好友共聚講飲講食，開心開胃的晚飯聚會。銅鑼灣美食林立，我們選了世貿中心的牛禪，因為佢新出左玫瑰和牛大餐。賣相精美，未食都急不及待地打咭影相。先來美酒，獨愛日本大吟釀。伯樂星 純米大吟釀$780，天之戶 夏田冬藏 純米大吟釀$680，👍👍👍🐥⭐⭐⭐⭐⭐入口香醇，暖胃醒神。驅去一日的辛勞，十分放鬆，十分優閒，与友人講飲講食，其樂無窮。先來三點前菜、茄子沙律、多春白飯魚，醒醒胃口迎接美味大餐。🐥⭐⭐⭐五品刺身：包括赤𩶘(原條)- $168，帶子刺身 - $108，吞拿魚腩刺身 - $108，金目鯛 - $188 ，深海池魚 - $188，剌身是我的摯愛，魚生入口香醇，不能不吃。其中以吞拿魚腩刺身是我的最愛。海膽壽司 - $108，一口把海膽壽司放進口裡，海膽充滿了口腔，那是一種幸福滿滿的感覺。👍🐥⭐⭐⭐⭐主角出場，和牛玫瑰、每日5客，一千八百幾（期間限定 (20/12 – 1/1 供應)一定要訂位，份量足夠4人食用，脂肪分佈均勻，入口溶化，齒甲留香。👍👍👍🐥⭐⭐⭐⭐⭐鵝肝多士 $98(2件一份)，外脆內軟，邪惡又好味。吃完和牛，再來小點，對對胃口：野菜盛合 - $88，平衡一下胃口最好。吉列

識飲識食團團長吹雞call食飯，話去食日式和牛燒和刺身等等。此餐晚飯由團長親自發辦，唔跟就對唔住自己。團長帶了團員去了銅鑼灣世貿的牛禪燒肉日本料理開飯。裝修簡潔，座位舒適。先來一客凍飲，雪裡玉，用荔枝和火龍果打成的smoothies，甜度適中，飲到荔枝和火龍果的味道。三點前菜 - 有牛蒡、海蜇和秘製蒜頭，很精緻和開胃。芒果蟹籽沙律 - 青瓜絲配上芒果和大量蟹籽，味道清爽，口感爽脆。一口芝士 - 熱辣辣的一口芝士，外皮酥脆，內裡芝士軟糯，送酒佳品。七味魚翅 - 魚翅的不同部位有不一樣的口感，近魚翅旗位較骨感和爽脆，近魚身就有多少肉黏住，所以實感較為軟捻。味道像雞泡魚乾。五品刺身 - 帶子捻滑啖啖肉；火灸金目鯛有香濃charcoal味；吞拿魚腩當然是all-time-favourite，油脂和魚肉比例完美；原條赤𩶘，魚味濃鮮；油柑魚魚油豐富。整體評語，新鮮味美。和牛玫瑰 - 牛頸脊，牛小排，和牛A5西冷，和牛A5肉眼。造型如玫瑰一樣，靚到唔捨得食。牛頸脊 - 油花和肉汁比例平均牛小排 - 油脂比牛頸脊更重和牛A5西冷 - 捻滑無比，入口即溶和牛A5肉眼 - 肉甜味美，齒頰留香牛油露筍炒野菌

為食兵團今晚又出動了🎉🎉，首領安排了到世貿牛禪嘆世界，有酒有肴有嘩鬼，好不熱鬧。😂😂環境優雅，地點方便，座位寬敞，好選擇！先來三點前菜一份$30，有海蜇、牛蒡漬及蒜頭。三個味道各有千秋，以蒜頭最特別，爽口但無辛辣味，很特別。多春白飯魚 $88，外脆內軟；七味魷魚 $68，香脆中有咬口，送酒一流。茄子沙律 $78，喜歡沙律面的脆絲，其實吃不出是什麼材料😂😂，茄子保留紫色，熟透沒變色沒變型，值得一讚。粉紅主角之一，五品刺身 😍😍！今晚的刺身分別是原條赤𩶘$168、帶子刺身 $108、吞拿魚腩刺身$108、火炙金目鯛 $188以為及深海池魚$188。新鮮肥美，享受級別的刺身；賣相貫徹日本精神，精美中有內函。👍海膽壽司$108，每份2件。新鮮美味，令人心動 😍😍！那種獨特的甜品，在口腔內久久不散，令人回味。牛肉的浪漫莫過於和牛玫瑰🌹🍃🌹🌹🍃，撇開火辣的艷紅，換上溫婉的小 pink pink 😍😍 ……肥膏😅原來是這麼可愛的……😂😂是晚重點美食，和牛玫瑰，每日限量5客，每客$1,880。和牛油脂分佈平均，輕輕一燒，入口即溶，柔軟嫩滑，以鹽花輕輕調味，人間極品。有肴又怎能無酒，我們這班為食鬼也深明

今晚同一班好朋友嚟到呢間位於銅鑼灣世貿中心嘅 ''牛禪'' 食晚飯。知道呢間餐廳嘅 ''A5和牛'' 相當出色，所以今晚就同好朋友一齊嚟見色一下。好朋友相聚，一坐低梗係要飲返杯喇。🍻🍻餐廳提供多種唔同颜色唔同款式的清酒杯，任君選擇。伯樂星 純米大吟釀 $780天之戶 夏田冬蔵 純米大吟釀 $680同朋友仔摸住酒杯底傾下計真開心七味魚翅 $68魚翅香脆得嚟又好鬆口，配上七味粉辣辣地好送酒。一口芝士 $88 外脆内軟，芝士味香，送酒一流。芒果蟹籽沙律 $98蔬菜新鮮芒果甜，配上脆卜卜的蟹籽，口感美味。跟住再嚟呢個新鮮嘅魚生，五品刺身。火炙金目鯛 $188，炭烤味香。帶子刺身 $108，肉質鮮嫩好juicy。原條赤𩶘 $168，口感鮮甜又彈牙。吞拿魚腩刺身 $108，啖啖油香好味美。海膽壽司 $108/2件海膽 口感Creamy味够濃今晚的主角A5黑毛和牛玫瑰拼盤 $1880餐廳每晚只提供五客。肉眼 口感鬆化牛味足西冷 肉質幼嫩易入口牛小排 牛味夠濃油味香牛頸脊 幼滑爽口好咬口野菜盛合 $88 野菜新鮮，一口菜一口肉適合不過。炸蝦天婦羅 $128 皮脆鬆化，蝦肉新鮮彈牙。免治雞肉棒 $58/

爸打飯局，揀咗銅鑼灣世貿中心嘅牛禪燒肉日本料理。餐廳設計時尚優雅，座位寬敞舒適，最啱一大班人gathering, 唔會坐得逼逼夾夾。慶生飯局又點可以唔飲番杯，先嚟枝夏田冬藏大吟嚷開場。備有林林總總設計别緻嘅sake杯畀你選擇，服務有心思又貼心。三點前菜有牛蒡、海蜇同漬蒜，一小杯一小口，精美可口。隨之而來精彩美食紛紛上場。七味魚翅，將魚翅烤得香脆，再薄薄灑上七味粉，惹味香口，送酒佳品。蟹籽芒果沙律，沙律菜新鮮爽脆，配上蟹籽和芒果，美味之餘別有清新口感。絕對邪惡但令人難以抗拒嘅誘惑…一口芝士仿如藝術品嘅五品刺身隨即上場，當中有原條赤𩶘、油甘魚、拖羅、帶子、火炙金目鯛，每款都係大廚因應季節精心挑選嘅項目，件件新鮮肥美；一啖魚生，一啖sake，味覺享受無以尚之。再來一件馬糞海膽壽司，又鮮又creamy嘅海膽加上綿膩嘅壽司飯，滿足，滿足。經過一輪熱身，主角係時候出場，今晚我哋揀咗呢個期間限定嘅A5和牛玫瑰套餐。精選14個月飼育嘅黑毛和牛，當中包括有牛脛脊、牛小排、和牛A5西冷及和牛A5肉眼四個不同部位。肉色鮮嫩紅潤，雪花紋分佈細緻均匀，再加上大廚嘅巧手工藝，砌成一朵朶美麗動人嘅玫瑰。鑑於準備需時

最近銅鑼灣某百貨公司推嘅優惠真係好抵，當中真係令我掃咗唔少貨。特別同朋友搏鬥完幾小時後真係超想食一餐大餐。最我哋就揀咗呢間日本料理餐廳邊食邊分享我哋嘅戰利品。日本青蘋果蟹籽沙律 - $98先來前菜頭盤，呢個沙律份量非常多，而且特別鍾意佢個青蘋果酸酸甜甜味道相當清新，好適合做前菜小食。明太子玉子燒 - $128近期愛上玉子燒，而呢個明太子玉子燒真係啱哂我心水。玉子相當嫩滑，配上惹味嘅明太子，真係別有一番風味。五品刺身深海池魚刺身（2份） - $168/份帶子刺身（2份） - $108/份三文魚腩刺身（2份） - $118/份金目鯛刺身（2份）- $188日本響螺（2隻） - $288/隻賣相真係超吸引，而且刺身亦相當新鮮。個人說超鍾意佢嘅帶子非常厚身啖啖肉，食時更帶點甜美。而響螺口感豐富，鮮味之餘十分爽脆。極上和牛盛宴（1.5板） - $1,980/板又到主角近江牛啦，其實近江牛真係好好食而呢個和牛盛宴就有齊唔同部位，真係啱哂每樣都想試嘅我。當中餐牌更會教由味淡嘅部位食到味濃嘅部位。個人都好鍾意食佢嘅肉眼、西冷，油脂豐富且肉質嫩滑，只要加點鹽已經是完美。鵝肝多士 - $98（一份2件）一

好朋友返香港度假，大家當然要約埋一齊出嚟食下好嘢聚下啦。我哋幾個都係牛魔王，呢日就揀咗呢間位於銅鑼灣世貿中心嘅牛禪，食與神戶牛及松阪牛齊名嘅，《近江和牛》。三點前菜 ($30)，坐低後先點個前菜食下，漬蒜，海蜇及牛蒡，酸酸甜甜，爽身好食，十分醒胃。見到餐牌上面有清酒放題，最適合我哋，除左用嚟裝清酒嘅酒瓶好靚之外，餐廳仲特登攞盤清酒杯俾我哋揀，隻隻杯都係精緻漂亮。七味魚翅 ($78) - 唔同部份有唔同口感，有軟有脆，但同樣整得香口得嚟甜甜地帶有魚香味，再加上滋味七味粉，惹味又好食。芒果蟹籽沙律 ($98) - 新鮮蔬菜配上香甜芒果及大量新鮮脆卜卜嘅蟹籽，健康美味。一口芝士 ($88) - 鬆脆嘅外表入面係熱辣辣帶鹹香味嘅半溶芝士，邪惡又好味。嚟到日本餐廳，當然唔可以錯過呢度新鮮美味嘅魚生啦，五品刺身，包括:赤𩶘(原條) ($168)、帶子刺身 ($108)、吞拿魚腩刺身 ($108) 及 火炙金目鯛 ($188)赤𩶘、帶子嫩滑爽甜、油甘爽滑、吞拿魚腩軟滑，款款鮮甜味美。個人最愛其中嘅火炙金目鯛，一放入口上顎會品嚐到火炙後嘅炭烤味，而舌頭會感受到金目雕嘅鮮甜味，兩種美味既鮮明又融和，一試

襯生日梗係要食返啲好味道啦，於是我們兩個人來到世貿中心的牛禪燒肉日本料理。我們點了近江和牛盛宴$1980，總共有牛的九個部分，包括牛舌，尾龍扒，牛臀肉，牛腿上肉，牛外胸腹，牛肩，牛頸脊，小排，肉眼。燒的時候可以根據餐牌上的先後次序，由油份比較輕的試到油份比較重的部位，由淺至深的燒法，完全可以食到每一塊不同肉質的層次，肉質厚薄適中，牛肉的色澤很美，油脂分泌平均，入口即溶的感覺隨即湧現。 餐廳還有精美的前菜提供，非常貼心!今次只有我們兩個人來試這間燒肉店， 基本上食完一盤近江和牛盛宴， 已經沒有辦法再叫其他美食， 因為太飽太滿足了！ 對於這間高質的燒肉餐廳 ，一定會再來啊！下次還要試下他們的刺身或者其他不同的食物！

睇完杜如風攻略，一眾深潛的牛魔王都極想食日本和牛，有朋友介紹下，好快就揀好左銅鑼灣的牛襌，放工就腳之餘，話說呢度有真-日本極上和牛盛宴，咁就約好去止下心癮。食好西，除了book 位訂檯，仲要諗定食乜好佢地在電話中先介紹季節事令食材，有部份要兩天前預訂，令大家必定食到最好的前菜和和風野菜沙律 邊食邊等熱下身一口芝士和最鍾意的味醂魚乾味醂魚乾，唔會好靱好咸，但有少少咬口，自然要叫返杯野飲下任何套餐或和和牛盛宴，加多$100，90分鐘內指定清酒任飲，不過規矩就要個個都叫，一場黎到，個個都飲返杯指定的清酒，味道平易近人，易入口，唔會太搶喉和辛辣，貫徹house wine 特色五品刺身厚切深海池魚、帶子刺身、三文魚腩刺身、秋刀魚兩食和活赤貝，因為刺身要新鮮合時令先好食，記得記得記得提早2日打黎問好先，咁佢地先會有好介紹，上菜時大家都好自然嘩聲四起，現在睇返都不及現場的震撼各種刺身非常新鮮好食，味道絕對似在日本巿場內的食堂，有回到「家鄉」的感覺近江和牛盛宴日本三大和之一，有圖介紹各部位，再教埋先後次序點食，由淡味食到濃味店員仲細心咁教一下點先燒得好，重點緊係唔好燒到咁熟，最鍾意食就牛小腓，味道脂肪