hōmu by favilla (Closed)

第一次幫襯，門口企左5分鐘都冇人出嚟門口登記招呼，要自己行入餐廳搵人出門口登記，由冇人排隊入去等到後面有幾pair人係度等登記，如果趕時間就真係唔建議幫襯，入到去先發現真係慢活生活環境，用apps落餐，等餐等左成20分鐘先送嚟，眼見自覺人手不足，樽仔奶茶一般，吉列豬扒定食，少肉多脂肪多炸漿，去除了外面炸粉，豬扒所剩無己，不會再叫這個豬扒，另外叫了煙肉意粉定食配吉列蠔，這個反而不錯，可以再嘗試幫襯食呢個。

今次同朋友黎食生日🎂飯揀咗呢間日系風餐廳環境舒適🤭叫咗好多人推介嘅 慢煮封門柳定食美國豬梅扒定食兩樣都好出色特別係豬梅扒 唔好以為豬扒冇咩特別呢個豬梅扒定食份量多 又好食 真心推介👍🏻

2022.7.28 星期四 4pm這個時間有很多座位，枱與枱有足夠空間。•••••••••••••••••下午茶| 薑汁豚肉溫泉蛋丼飯 $53, 雜菜沙律, 熱飲 |🐖🍳🍚賣相很好，不過極淡味像沒有汁，幸好有溫泉蛋，將蛋汁拌勻全個飯當醬汁，所以全個飯只有蛋漿味。豚肉都沒有有薑汁味，似沒有調過味的白肉。配菜的菇、木耳、車厘茄和洋蔥都正常味道，不過洋蔥沒有煮很久，還是爽口有青味。分量剛剛好，下午茶算抵食。🥗雜菜沙律都算新鮮，多胡麻醬，比丼飯更濃味。🍵熱飲柚子蜜太細杯，三四口喝完。•••••••••••••••••店員態度友善，不過沒有主動斟水。吃完後見到店員幫對面枱客人斟水，才知道原來可以斟水的。

🧐 小編依日又要到荃灣處理公務，撞啱周末日子，喺午飯人多之前，去咗幫襯hōmu by favilla。[ 亂闖試飲試食 ]🍽 慢煮封門牛柳定食 😋😋😋😋😋封門牛柳肉質嫩，呈粉紅色，大小同厚度都方便入口咀嚼，加上少許芝麻香味，同沙律伴菜嘅日式芝麻醬，調味上唔算花巧，但好夠味道。白飯上有少許飯素，定食附有前菜紫薯蓉同忌廉湯，份量充足。☺️☕ 泡沫咖啡 😋😋😋😋泡沫咖啡揀咗nutty嘅咖啡豆，奶啡比例適中，不過不失。☺️午餐 💵💵💵💵 約港幣$160/人💁🏻‍♀️ 小編之前去過佢哋喺觀塘嘅分店食嘢，提供嘅食物大致差唔多，不過荃灣依間店舖地方大好多。若然大家去試嘅話，可以揀一間比較就腳啲㗎啦！😎🙆🏻‍♀️ 最後，喜歡嘅話，歡迎follow @foodirectory.hk ！

我見評論咁多，就抱一試無防心態去幫襯，點知原來咁差首先一入去，全間餐廳充滿油煙味，同佢幾靚既木系裝修完全唔夾🤷🏻坐位安排超逼🤷🏻職員質素唔可以話係好差，但2位男性小朋友侍應態度的確散漫，嗱~ 唔係無禮貌，係散漫。另一位大姐姐就好悠閒咁喺餐廳內渡步😅，只有門口帶位姐姐比較似餐廳侍應。食物價錢係中上價，星期六下午茶$5x~$8x 我叫佐個生薑燒飯，加錢+24要杯藍花柚子蜜。藍花柚子蜜係一杯無乜味既梳打水.個餐一放低，就見過餐具勁污糟，仲有上一餐既食物沾住個匙羹🫣生薑燒蛋飯細碗，肉片乾又硬，只有洋蔥好食少少成個餐唯一好食係個火箭菜沙律埋單連加一$85，真係可一不可再🙅🏻‍♀️

28.06.2022 星期二 晚hōmu by favilla今晚同朋友預祝生日，因最近疫情又回上過千，故此想選擇近近地，又想地方舒適點，在Open Rice不少人稱讚位於愉景新城的hōmu by favilla環境和食物不錯，於是訂枱試試。訂枱時順道預訂了卡位，而且小蛋糕可寫上祝福語，職員好有交帶，甚至在入座後再三確認，哈。從遠處見到餐廳日式木系的外觀，清新的感覺，入到內可能時間尚早，人客不多。餐廳地方不算大，但餐枱之間有足夠的距離，尤其是卡位，自成一排，可三、兩知己喁喁談心。綠色的大沙發，頗大的木枱，即使坐四個人也綽綽有餘，惟一那木枱偏低 ，稍為高大的朋友就會坐得辛苦。晚餐餐單分主食、漢堡、意大利粉/飯、定食，套餐可加錢小食，用Apps落單都好方便。晚餐：慢煮三文魚柳扒,豆腐,秋葵配蝶豆花汁三文魚扒正常，有少許配菜、沙律菜、豆腐、秋葵，那兩粒小番茄試了一粒難吃，可能不太新鮮；蝶豆花汁顏色很漂亮，但其實沒有特別味道。Mocha據說是採用85%越南精品黑朱古力、tasting note: 黑朱古力可可、咖啡果酸可加$3轉燕麥奶我見之前Open Rice別人的照片是除了杯子外，還用木托裝

地方舒適的日式西餐親子餐廳同行有小朋友 有ikea個款bb高櫈提供同屋企同款 所以呢度巳經成為左bb飯堂🤪每次黎都有幾樣係必叫既1️⃣吉列豬扒定食豬肉厚得黎有口感又juicy岩岩好 唔會覺得太鞋太乾2️⃣三色薯條有薯仔 黃蕃薯 同紫薯係每次必叫連bb既記憶點因為呢個佢有份今 仲要揀條長既😂3️⃣私心推介食肉獸脆皮德國豬手配酸菜啖啖肉，正😋😋整體感覺舒適侍應有禮巳經去左五次以上仲有野買添門口位可以一試地方闊落

哩排天氣時晴時雨，帶小朋友去玩真係要兩手準備～愉景新城係一個好去處，又有公園，又有得行街。餐廳又多親子餐廳，真係行得好安心～我哋先食飽個肚，先去玩。玩。玩。🍴煙三文魚芝士意粉 配吉列蠔、金菇肥牛卷：日式便當既意粉餐，份量一啲都唔野少，食到好飽，沙律夠新鮮，啲醬都好食。芝士意粉夠濃郁。吉列蠔脆卜卜。金菇肥牛卷好有牛肉味。🍴兒童餐👧🏻迷你烏冬配炸蝦、芝士竹輪、三色蕃薯條、玉子燒：哇！兒童餐都好豐富呀！有主食之外，仲有小食、沙律同生果等，成個餐都好好食，同好均衡飲食，一啲都唔hea，味道都好味，另外，份量根本比得上大人餐。

小編好耐都未出過荃灣搵野食喇，疫情咁勁真係想出去食飯既意欲都降低。今日行經愉景新城睇野之餘緊係搵未試過既餐廳。小編留意到一間室內裝潢幾開揚🖼，而且排隊人數唔算多，MENU方面雖然唔係咩特別，不過都可以一試，價錢亦合理💵。✦✦✦✦✦✦✦✦✦✦✦✦✦✦🎈炭燒雞番茄扁意粉 $55炭燒味道唔算好突出， 意粉味道偏向甜，主要番茄既原因，所以幾開胃，入面仲有少量蘑菇‧份量方面啱啱好夠一人🤩，酸酸甜甜既意粉係會令人越食開胃，不過雞排可能要有少少改善喇，整體係可以接受😊。✦✦✦✦✦✦✦✦✦✦✦✦✦✦小編個人比較鍾意有種休閒嘅感覺既餐廳，而對於係商場入面既餐廳都少有，尤其係卡位既感覺就較比較舒適🥰。而小編覺得餐廳有啲位既擺設同裝潢可以改些少，可能入座都感覺好🤔。

青山公路荃灣段398號愉景新城2樓2013號舖又到星期五晚，今晚來到位於愉景新城內的Homu by favilla食晚飯～餐牌唔算多選擇，叫左兩個dinner set：隨餐附送既日本茶：日式咖喱芝士漢堡+明太子雞翼+味噌炒蛋定食：定食附送紫薯蓉及日式粟米湯。三文魚籽吉列大蝦野菜卡邦尼扁意粉：吉列蝦是用麵包糠炸的，好食；卡邦尼汁很濃味，有點咸。比第一次來食時好味左，坐得舒服，但價錢有點貴。

荃灣愉景新城親子商場嘅設施 無論吃喝玩樂 最啱一家大細嚟 而家公園開放番即刻帶兩隻化骨龍嚟商場入面個鯨魚🐋公園玩玩到肚餓 嚟到呢間半開放式𝐡𝐨̄𝐦𝐮 𝐛𝐲 𝐟𝐚𝐯𝐢𝐥𝐥𝐚 醫肚呢間以木系做主題 座位夠闊落 坐得好舒適💛店內仲有間榻榻米房 好有日本🇯🇵feel 日式汁燒威牛舌溫泉蛋丼🫕 $112牛舌肉質夠腍帶爽 完全唔覺油膩篤穿溫泉蛋 蛋漿撈埋落日本米上 配上甜甜地既燒肉汁拌飯更好味😋三文魚籽吉列大蝦野菜卡邦尼扁意粉🍤 $138金黃色脆皮外層 原隻新鮮炸大蝦蝦肉夠鮮 三文魚籽晶瑩剔透 帶點鮮甜卡邦尼扁意粉 扁意粉軟硬適中 忌廉汁濃而不膩 醬汁掛滿每條意粉上 夠哂creamy👍🏻𝐁𝐚𝐢𝐥𝐞𝐲𝐬 𝐋𝐚𝐭𝐭𝐞 ☕️ 跟餐$35𝐁𝐚𝐢𝐥𝐞𝐲𝐬既特有香醇奶酒 配上𝐋𝐚𝐭𝐭𝐞香滑濃厚入口酒味唔會太強烈 甜酒配上咖啡☕️絕對讓人回味無窮😍💛 hōmu by favilla @favillacafe 📍 荃灣愉景新城2樓2013號舖💛其他分店：Favilla Cafe （The Original）📍鰂魚涌海光街7-9號龍景大廈地下5A舖The Artlab by Favilla📍觀塘開源道55號開聯工業中心B

有點失望，因為其實我有寫走餐具同不需要茶底，只需要奶（因為試過好多次，茶底唔係好啱我口味，咁我打算返公司先自己沖茶底，再加餐廳既奶），我唔係第一次咁叫，叫左幾次餐廳都有做比我，我都覺得餐廳都以客為重。但今次一大開個外賣袋，就知道唔妥，因為見到一杯沖好既奶茶！ 本身諗住都照飲啦，唔好浪費，但因為太甜，我真係唔0岩飲，所以都放棄左。希望餐廳記得要留意客人需要，我咁樣既要求係唔想浪費左杯野飲。 希望下次餐廳既員工會留意備注既字眼。

黎開荃灣行街行到攰，搵到呢間良心小店坐下，叫左個下午茶set加杯咖啡。抹茶控既我揀晒全部抹茶食物😂 點咗抹茶cheese cake+抹茶latte😍Cheese cake好creamy, 芝士味好出, 但抹茶味偏甜，中意苦澀抹茶味既我可能唔太岩抹茶latte就好濃味，賣相都唔錯

又又又一個冇晚市嘅晚餐知道呢間本來日式餐廳都要轉型賣兩餸飯於是決定要支持下💛鋪頭嘅餸菜會經常更換咁樣大家就唔會怕食厭經常都有新菜式食，有啲新鮮感兩餸飯$42起、三餸飯$52起如果係叫佢朝花精選嘅餸就每款另外再加$8五點後買滿$50仲會送你糖水添當日我哋叫咗2盒兩餸飯有菠蘿咕嚕肉、風沙雞翼、重羌汁芥蘭、水煮花椒牛肉配芋絲只係得牛肉呢款要加$8當日送咗雪梨雪耳糖水🐖咕嚕肉我鐘意佢冇骨啖啖肉同埋炸粉唔厚，唔會食落得層皮真材實料🐤風沙雞中翼有3隻不過每隻都好大隻但我略嫌佢淡味咗少少🐄牛肉就好香口好辣但又辣得過癮另外值得一提係佢哋嘅白飯係用日本米架真係夠特別又落重本美中不足係當日嘅飯煲得乾身咗少少所以硬咗少少但兩餸飯有日本米食真係好難得呀！糖水唔會太甜而且又有啲雪耳同雪梨片食下做個完美嘅ending之後會繼續支持！

呢2個月猶如宵禁一樣，有次7點行經路德圍，一片死寂好似半夜一樣，商場就更加唔使講。。。 位處大商場嘅Cafe，一直都知係有心人經營，為咗疫情由 Fusion菜 Cafe轉型做兩餸飯，無錯，近期大熱嘅兩餸三餸 價錢未必最平，38蚊一餸42蚊兩餸52蚊三餸，但重點係有誠意～乾蔥炒西蘭花好惹味，檸蜜瑞士豬扒 酸甜開胃跟日本靚仔，日本米咬口特別正絕對無交行貨仲有擺盤添！不過意大利黑醋雞翼就硬啲無咁入味，送嘅紅豆沙亦水咗啲，但呢個價錢，無投訴啦！ 記唔記得前排搶糧？周圍買唔到食材，佢哋仲即時入批日本蛋明治牛奶，方便街坊補給，點知。。。坐咗艇🥺各行各業都努力求存，WFH又要湊仔，橫掂無時間煮，就多多支持各餐廳小店啦～