Ha Noi 越南菜

Open Now

Now Closed

先前食過其他分店，今次再訪就去重慶大廈分店，Heath地庫裝修完好有style好多餐廳，連呢間越南菜裝修都同其他分店有分別，好似cafe咁舒適~順化牛肉撈檬驚喜嘅係肥牛而唔係牛肉片，更薄更入味，牛嘅份量超多，撈埋配料加多啲醬汁，好開胃清新🙈生牛肉湯河薄薄嘅牛肉浸完熱湯僅僅熟😚入口即化，湯底都香濃牛肉味，咁大碗都係$61🥳越式蝦醬通菜出街食飯都會想食小小菜，越式蝦醬同港式原來都差唔多，不過呢碟菜都惹味而又無過鹹，清晒👍🏻👍🏻香茅沙嗲串燒可能因為聽日就係假期，胃口大開兩個人仲要食埋串燒😂😂雞肉炸得太過火有點乾，唔太啱口味🥲整體來講呢間店可以放入saved restaurant list 🩷

今日放工同男朋友嚟咗呢一間喺重慶大廈旁邊地庫嘅Ha Noi越南菜😆呢度嘅餐牌食物種類超多～連越南河都有好多選擇😉所以我哋一人叫咗一個主食，然後再叫咗小食～我叫咗河內生熟牛肉湯檬 ($69)，好鍾意佢呢度嘅生牛肉好嫩滑，而熟牛肉好重牛味，肉質一啲都唔韌～湯底鮮而不鹹，配埋檬粉食非常好食👍🏻份量都勁大碗，食完都飽咗一大半🤣男朋友叫咗越式豬頸肉撈檬 ($67)，一上枱第一個反應係啲豬頸肉勁多😍而且油脂勁香好好食～撈檬再加埋酸甜汁，食完一啲都唔覺得膩～小食方面，叫咗法式牛油雞翼 ($54)，雞翼炸得好香脆，上面嘅牛油，再加上蒜蓉勁惹味，勁邪惡😗另外亦都叫咗個越式生菜包 ($108)，估唔到份量都幾大，香料味重，炒得好香，包埋生菜，味道好均衡😉飲品就叫咗牛油果沙冰 ($36)，非常Creamy，牛油果好滑，唔會過甜，做得好出色！呢餐真係食到超級飽😆😆

成日都嚟尖沙咀，都係第一次行入呢一個地底商場，原來樓下呢度好多唔同嘅食肆可以選擇！我就嚟咗呢間越南菜試一試佢行到最入先見到佢食物種類都幾多選擇🦀軟殼蟹撈檬軟殼蟹好多膏，炸得好酥脆，又大大隻👍🏻配上清爽嘅撈檬，都幾夾👍🏻🍜河內特色綜合河粉 入邊有好多料，例如牛肉、扎肉、香葉卷等等，非常足料，夠晒飽😋🍘炸蝦餅可以用平啲嘅價錢加個小食，於是我揀咗蝦餅😋炸得好香口，口感好實在🫔鮮蝦米紙卷食越南嘢點會唔叫米紙卷！配上啲魚露醬，層次好豐富🧋椰果椰汁西米露跟煮食嗌加$12就可以加特飲‼️非常之抵食。-總結：最後埋單兩個人食咗大約$270左右，食到兩個主食、兩個小食、一杯飲品，個人認為係尖沙咀嚟講性價比都幾高‼️推薦大家嚟到可以試吓😋

尖沙咀重慶大廈是香港的一個地標，對外國人嚟講。但係本身local啲人都比較少去掛，起碼我係。但今日例外，約咗朋友去地庫行一轉，就發現咗好多新事物，當然係食肆居多，東揀西揀，揀中咗Ho Noi呢間越南餐廳。散叫或套餐都任君選擇，叫咗個198嘅2人套餐，内有主食二款，小食一款及時菜一碟還有2杯飲品，除咗滴漏咖啡要加錢，還有椰青要另叫，其他飲品都嗌得，你話抵唔抵？“生牛肉湯粉“係主食之一，但見生牛肉上檯時依然係粉紅色嘅超吸引，但係都係浸陣好啲咁就啱啱好啦，非常嫩滑；“香茅雞翼撈檬” ，雞翼真係好香口下次叫多幾隻，撈粉加埋啲汁真係一流；“安南鮮蝦米卷”，隔住米紙都見到大大隻的蝦，流口水，仲有多多配料；“田園灼時蔬”今日係生菜。“酥香軟殼蟹”成份嘢有2隻，1人1隻唔使爭，大隻又有蟹膏真開心，香脆多肉人人愛；“椰汁綠豆冰”和“鲜芒果西米露”亦冇揀錯。

想食越， 不過見到店舖都坐滿曬，唔想等所以就直情買外賣返去慢慢食。越式生菜包$108肉碎連埋啲香料炒好香，份量亦都唔少，跟咗一盒新鮮嘅生菜。每咬一口都係清脆嘅聲音，包住嚟食好有越式風味。西貢咖哩牛腩配法包$80食碗咖哩牛腩份量都好多，另外仲有少量嘅薯仔配菜。咖哩好香濃嗰款咖哩，牛腩係肉連埋筋肉嘅部分，有咬口得來唔會太韌。法包返到屋企攞焗爐稍微加熱，將啲咖哩汁倒埋落法包食啱啱好。perfect！越式烤雞半隻$118 外皮燒到脆脆嘅，皮脆肉嫩 ，再加埋甜酸辣汁 ，好食 。下次會再買！

今晚約左朋友係isquare 睇戲 睇戲前先食晚餐 揀左係重慶大廈隔離地庫既越南嘢 前菜叫左個蓮藕苗沙律個樣好似蓮藕咁 食落爽脆個醬汁酸酸辣辣 好開胃 配埋幾隻蝦仁 誠意十足河內特色綜合河粉黎到好大碗 配料都好多 有生牛肉 牛腩片 扎肉 雞絲 香葉卷朋友話湯頭好香牛肉味 生牛肉同牛腩片都幾嫩 香葉卷幾特別 香葉包住d 肉碎 出面比較少有 順化蕃茄蟹肉扎肉湯檬份量一樣咁多 湯頭 濃郁既鮮蟹同蕃茄味仲有好多肉碎 同檬粉一齊食 口感豐富加錢就可以跟餐飲我叫左熱蜜糖柑桔 好滋潤 朋友叫左檸檬蜜糖薑茶 話好夠薑 就算唔飲野 佢既香茅茶都好特別 一定要試下呢到叫湯粉麵 仲可以追加小食 我同朋友都追加左香茅雞翼 炸起熱辣辣 食落雞肉仲好滑 味道岩岩好 唔會咸不得不讚 呢到既店員服務好好對遊客都好友善 唔怪之得人流不斷

話說從來未落過嚟呢個商場都幾有新鮮感下面好多嘢食是是但但揀左呢間越南嘢真心有驚喜😍好好食啊我叫咗呢個豬扒越南河粉，湯底好濃帶少少甜，岩哂我豬扒好入味，亦都好鬆軟，又唔會太乾再加咗兩隻雞翼，20蚊都有啲貴，呢個價錢嚟講我覺得味道普通朋友嗌左個生牛肉湯河賣相唔錯食咗佢一塊牛，都幾好食

越南😊菜給人的印象是清新健康，不油膩，所以越南女仔好修長苗條💃💃。追求健康的我當然是經常幫襯，我都想苗條D。🤪🤪今日行開尖沙咀，經過彌敦道重慶大廈地庫商場，原來依家開左好多食肆，各種菜式都有，越南菜就是我們的一致選擇。中午食晏時間，好多人，所以我們專登行耐D街，等有位先吃。上班族人潮散去，到休閒族上場，不用上班的人還不少呢。餐廳是清爽簡潔的裝修，明顯越南風格，插了花的單車和竹笠掛在墻上 ，PHO大大個字告訴顧客這裡是吃越南粉的。印刷精美的餐牌擺在門口，讓等位客人可先選擇食物。我們已是心中有數，一早知道要吃甚麼。生牛肉🐮檬粉大碗鋪滿牛肉的湯粉，湯鮮味美，牛肉在滾湯裡灼得剛剛好，嫩口無渣，配合粗芽菜，洋蔥，九層塔，香蔥，滋味無限，湯都飲曬。香茅豬扒撈檬兩碗粉，一乾一濕，炸到酥香的豬🐷扒，外脆內嫩，肉汁豐盛，檬粉米香，配青瓜，紅羅蔔，薄荷葉，生菜絲，亮點是撈魚🐠露，整個撈檬生色出彩，食物在糖醋的交融中，賞心樂意，正中飢腸轆轆的胃納。濱海伴香茅牛🐮肉這又是一個特式菜。由炒肥牛肉，生菜葉，泡菜，紫蘇葉，細米粉組成 。用大片生菜葉，包起各種食材，捲好，再蘸魚露汁，放進口中，頓時感受到了食物組合擦出

因為見到特飲都唔需要額外加錢，所以就揀左優惠二人套餐。我地揀左生牛肉湯河、雞絲湯河，跟餐小食就揀左安南鮮蝦紙米卷，飲品就揀左兩杯特飲，一杯鮮芒果西米露，另一杯揀左椰汁三色冰。雞絲湯河雞絲粉量唔少，食落都有鮮雞味，再加上青檸汁，一次過食哂雞絲同埋湯粉，食落更加清甜。生牛肉湯河牛味好濃郁，河粉都無煮到一夾就散。吱埋青檸汁上生牛肉度，味道會更新鮮。安南鮮蝦紙米卷每件紙米卷入面都包住鮮蝦、生菜、米粉、青瓜、紅蘿蔔絲。紙米卷入面仲夾有花生粒同埋薄荷葉 ，食落有清香的甜味。即使無點醬汁，都已經好夠味。紙米卷包得好實淨，並無一咬就散開哂。田園灼時蔬生菜需然係跟餐，但都配有炸蒜頭。河內小食併盤小食併盤有扎肉、越式炸手打蝦餅、香茅雞翼、炸春卷、鮮蝦紙米卷。越式炸手打蝦餅炸得香脆，蝦味好夠，食落彈口。炸春卷並無炸到想象中咁硬，用料多但又唔會炸到散修修。香茅雞翼炸得好香口，食落有肉汁同埋少少甜味。鮮芒果西米露芒果同西米份量都唔少，每啖都可以飲西米、椰汁同芒果嘅香甜。椰汁三色冰椰汁香濃，唔係死甜，甜度適中。

餐廳掛滿用竹編造而成既燈罩做吊燈裝飾，牆紙都有好多越南圖案，好有氣氛。凡惠顧湯粉、撈檬、飯類，可以優惠價追加小食一款及加配飲品。越式海南雞飯：雞味濃郁，雞脾位特別嫩滑，搭配粒粒分明既油飯，仲有食海南雞唔少得既三款醬料，香氣撲鼻既薑蓉、充滿辣椒香既辣醬、味道醇厚既黑豉油，簡直令人食指大動。香茅豬扒撈檬：香茅豬扒烤得香口滋味，肉質鮮嫩多汁，撈埋酸酸甜甜既魚露汁、青瓜絲、蘿蔔絲、花生碎，十分開胃。酥香軟殼蟹：以經典酥炸方式為軟殼蟹帶來酥脆口感，外層軟殼和蟹肉在嘴裡互相交融，我最鍾意不用剝殼啖啖肉，實在超方便。越式炸蝦餅：手打蝦肉特別彈牙，炸到外脆內嫩，厚薄適中，上枱熱辣辣，配上越式醬汁，開胃美味。總結，價廉物美又好味，份量大大份，尖沙咀區抵食推介。

重慶大廈俾人嘅印象就南亞、印度人嘅大熔爐，不過，原來側邊地庫層卻有個大反轉，變成一個好新簇嘅商場「慶坊」，裡面開咗好多唔同特色嘅餐廳。半個月前先同老婆短短地自由行去咗一轉越南芽莊，感覺非常之好，今晚嚟到「Ha Noi」再重溫越式湯河撈檬嘅「味」力。餐廳門面嘅裝修顯得幾骨子，入到裡邊，地方都幾大，好闊落吓，一室光猛整潔，而入門口右邊嘅牆畫，盡顯越南風情，喺焦點所在，此外，仲有少少越南相關嘅裝飾物作點綴，感覺幾唔錯。翻一翻餐牌，選擇都有幾多吓，夠多元化，由越式湯粉、撈檬、飯類、越式法包、米紙卷、沙律、濱海、小食，以及廚師推介嘅精選菜式，仲有啲非常抵食嘅2、4人套餐，轉特飲都唔使加錢，正呀！總之選擇非常之多元化，見啲套餐咁抵我哋就揀咗個平平地只賣$198嘅二人套餐。飲品方面，亦有好多嘢揀，越式特飲啦，沙冰啦，暖意風情熱飲啦，顧及大眾需要，都有啲基本嘅港式飲品。而點咗主食，都可以以優惠價加配飲品。枱面就放咗一啲特色嘅調味醬料，而餐具、餐紙、牙簽等就放晌枱側拉櫃中，排列整齊，自由取用。越式手打炸蝦餅（細）$33雖然點咗套餐，都有一份米紙卷，但見佢可以追加小食，價錢又唔貴，就好想試埋呢個手打炸蝦餅

呢間越南餐廳真係好有驚喜，食到我全家人都舔舔脷，食物相當有質素，而且好受歡迎，食晚餐見到門口已經排晒隊，而且服務非常好，侍應都好有親切，好有笑容，所有服務都係快靚正，送餐好快，而且份量十足，真係好好食呀，而且佢哋嘅湯河粉都係大大碗，加埋個湯底好濃味，真係可以成碗都飲晒呀，而且我好推介佢哋嘅香茅豬扒，真係好入味，肉質鮮嫩，而且即叫即整，豐富，再加埋個紅豆冰，真係一流呀，而且飲品係大大杯，絕對唔會吝嗇，所以我覺得呢度真係經濟價錢實惠，仲可以比客人慢慢傾，慢慢食飯，真係至高嘅享受話，而且佢哋嘅小食仲可以追加，真係好豐富呀，例如佢哋嘅香茅雞翼都係好好食，而且個春卷都係好特別，用食料好豐富，真係出面嘅餐廳都食唔到啊，所以朋友如果經過尖沙咀，一定要泥試吓

尖沙咀重慶大廈嘅Heath慶方有間名叫Ha Noi嘅越南菜餐廳，晚餐時間我去試咗佢哋幾款招牌菜：越式香茅豬扒湯檬、魚露雞扒撈檬、香茅雞翼、越式炸蝦餅、招牌越式三文治，飲品選擇咗青檸梳打同鮮芒果西米露，整體價錢相當合理，同時亦好好食。首先，越式香茅豬扒湯檬同魚露雞扒撈檬都係味道鮮美，湯檬嘅牛骨湯底味道濃郁，香茅豬扒同魚露雞扒烹調得恰到好處，肉質嫩滑，香茅嘅香氣同魚露嘅鹹香完美融合。香茅雞翼外皮烤得金黃酥脆，內裡肉質鮮嫩多汁，香茅嘅香氣撲鼻而嚟。越式炸蝦餅外脆內嫩，蝦肉味道濃郁，搭配特製嘅醬料食用更加提味。招牌越式三文治亦係一大亮點，新鮮嘅麵包夾入豐富嘅餡料，包括蔬菜、越南扎肉、醬汁，每一啖都食到唔同嘅層次同新鮮感，係一個簡單卻滋味無窮嘅選擇。至於飲品，青檸梳打清新爽口，酸酸甜甜，極好地中和咗餐中嘅油膩感；而鮮芒果西米露甜而不膩，西米露嘅Q彈同芒果嘅鮮甜完美結合，為整頓晚餐畫上完美嘅句號。Heath慶方嘅環境簡潔舒適，服務人員態度親切，即使係繁忙嘅晚餐時段，都能夠感受到店家嘅熱情同用心。價錢合理，性價比高，極近地鐵站，仲有極多位置，唔使怕等位。對於所有人嚟講，Ha Noi絕對係個不錯嘅選擇

今晚同朋友嚟尖沙咀食飯，去咗呢個商場地庫，裏面原來有好多餐廳，我哋見到呢間餐廳都異口同聲話不如食越南菜😁 一一睇個menu 好多嘢都想食，但得我哋兩個人 只可以叫到幾樣我哋叫咗個小食拼盤， 個拼盤都有好多嘢，有春卷， 鮮蝦紙米卷，扎肉，蝦餅和雞翼。 春卷和紙米卷都係脹卜卜裏面有好多料好好食，個雞翼外面係脆一啲都唔會乾淨淨，正！ 酸辣無骨鳳爪， 無骨啱曬我哋啲懶人， 個鳳爪都算大隻又好入味， 又唔會只係得個酸，個汁好好味😋 一食唔可以停。食完啲小食，個菠蘿海鮮炒飯嚟到了， 碟炒飯一嚟到已經聞到好香， 嘩！真係好多料， 面頭已經有兩隻大蝦又有魷魚， 菠蘿應該真係用新鮮菠蘿起肉， 因為係有嗰種菠蘿嘅香味， 個炒飯真係好好食， 啲飯係炒到好乾身唔會油淋淋。

下午茶也要$50-$60一個，凍飲+$5蚊，點餐時店內有1位吃飯，4位當值店員，店員在門市非常熱情招客，店內有唔少年輕人及旅客光顧，但我們2人2隻手舉手很久都好像有盲點似的望不到我們🥲最後姐姐送餐經過順便下單了對面枱叫了2碟三寶飯，我也是，但為何廚房出的2碟飯會先給他們？我早下單的卻要再等下一碟，很難解釋。叫了三寶飯豬排份量偏少，有2隻雞翼及2塊扎肉，沒有蔥油味及香茅味， 蝦餅撈檬蝦餅新鮮炸好吃，但魚露很啖沒有味道，吃了不到半碗，太淡味。