HABO室內釣蝦場

Open Now

Now Closed

都係經過朋友介紹 第一次接觸釣蝦呢個活動要準備嘅嘢好簡單 就係帶個人去就夠職員服務態度好好 會首先問係唔係第一次玩第一次嘅話佢就會去教你成個流程點樣去玩釣完嘅成果可以當場有幫你煮嘅服務食完啲蝦超級彈牙 而且好入味唔使驚自己釣唔到 釣既中途如果你冇成果 有職員會過嚟幫你見你新手嘅話，會間唔中醒一兩隻俾你最少都會有得食五隻值得推介 試完驚你返唔到轉頭下次都會再去 我相信我自己都會越釣越多環境方便都好好 非常之舒服 個人好放鬆 可以集中去釣蝦

釣蝦場是一個充滿樂趣的娛樂場所，讓人能夠親近自然，享受釣蝦的過程。無論是家庭聚會還是朋友出遊，這裡都適合各年齡層的人。釣蝦不僅能增進彼此的交流與互動，還能體驗到釣到蝦子的成就感。場內設施完善，還提供新鮮的食材，讓人釣完後可以品嘗美味的蝦料理，真是一個放鬆身心的好去處！每人仲可以保底五隻蝦，釣唔到嘅朋友都可以食。佢有多種款式及烹調方法，想健康啲又清蒸如果唔健康有鹹蛋黃口味都不錯。想去嘅朋友快啲去玩吓啦。

同朋友去咗釣蝦，蝦場地下好乾爽，環境好乾淨。職員都好關心我哋，有行過嚟問我哋：「有冇人未釣到啊？使唔使幫手呀？」，仲示範咗點樣釣蝦添！釣唔到蝦都會有保底，每支竿包5隻，一定有得食😋！最後我哋2個鐘釣到33隻，可以食飽飽了！如果揀薑蔥白芍蝦就唔洗加工費，其他煮法就要加$60/斤，我哋加錢試咗2款特別口味嘅蝦，即叫即煮。啲蝦煮完上嚟有驚喜，㷫辣辣～大廚仲幫我哋處理晒啲蝦腳同埋鉗，蝦殼開咗邊，仲挑埋蝦腸先煮。★̆̈ 秘製蒜香豉油蝦呢個醬炒出嚟好惹味，蝦款上面全部都你醬，食落甜甜哋好開胃，加埋芝麻喺面好香！★̆̈ 流沙黃金蝦炸到好乾身，咸蛋黃味好香，蝦殼脆到可以吞埋落肚。個底有啲咸蛋黃醬，點埋啲醬食真係好邪惡 😋2種煮法啲蝦都好彈牙多肉，仲有蝦膏添。有得玩又有得食！下次再玩過❣️

HABO室內釣蝦場 📍新蒲崗六合街9號Artisan Hub地舖雖然過左中秋，但香港依家熱到我完全唔想岀冷氣房，放假唔知做咩好就諗住試下釣蝦。一小時＄140/每人 （保底每人5隻）調味加工費$60 其實！真係好難釣到😂 2個人2支竿玩左一個鐘：戰績係total 3隻🥹 好彩有保底，揀左流金黃金蝦，好香口！總共$340/10隻蝦，雖然唔算好平，但係有得玩有得食都幾好😂第一次玩都體驗幾好，第一次掂生蝦少驚，不過啲職員都會教你點樣釣，等你可以體驗吓釣到嘅感覺😂 btw想講當日有個高手坐我隔籬，足足釣咗成 40隻蝦，超勁！！考慮揾日覆桌🫡 覺得除咗拍拖仲可以叫埋屋企人去，family day活動ready!#fookdie試伏 #釣蝦 #habo #新蒲崗 #香港好去處 #新蒲崗好去處

今日約了朋友去試吓吊蝦，我就冇吊到多少，朋友就一隻又一隻，怎麼可能‼️ 只有食人的吧！ 清蒸、蒜香、尤其是黃金蝦，真係有帶酒樓水準，加埋薯條，好滿足，加上地方好靚，有夢幻海底feel,近地鐵站，幾好玩。

因為老公生日，所以朋友就帶咗我哋嚟釣蝦，釣完仲可以煮嚟食，亦都可以帶走。因為從來都未試過釣蝦，職員會好詳細咁介紹魚竿既用法。而我都係一直釣唔到，職員留意到我都會幫我，教我搵容易有蝦嘅位置，最後我都釣到三條！！兩個鐘體驗雖然唔係釣到好多，但係整個感覺都非常好，職員又有禮貌又會詳細同細心咁留意每個客人嘅情況，十分之令人讚賞！釣完之後，我地選擇咗堂食，四個人加埋有20幾條，可以揀兩個餸，我哋就揀咗人氣no.1 「秘製蒜香醬油蝦」同埋「酸甜咕嚕蝦」。大家都一致認為「秘製蒜香醬油蝦」係最好食。另外都叫咗幾個小食，分別有炸一口芝士，炸燒賣同炸薯條配黑松露醬。全部都好好食。臨走前仲叫員工幫我哋影張合照，技術非常到位，唔使自己再另外編輯。唯一缺點係女廁廁所既洗手液用完未fill返。整體感覺唔錯，會再次幫襯。

夏天真係唔係好想去outdoor活動，但又要帶小朋友放下電，無意中搵到呢間室內釣蝦，地方唔算大，但分好一個個座位都唔會逼同好整潔，味道都唔大👍🏻我哋揀左$150釣一個鐘🪝小朋友未試過用釣蝦，店員好有心機指導，釣唔到都會過嚟幫下手，朋友話佢個位釣唔到店員即刻倒多一桶蝦落去🤣🤣雖然最後唔算釣到好多，但每位最少包5隻蝦，所以釣唔夠都會有蝦食🍤釣完蝦就可以即場揀味道煮，有6款味，每款味加工要$60，最後我哋揀咗黃金同蒜蓉醬油味，呢度煮得幾好食，小朋友平時唔係點剝蝦殼，佢哋都自己剝食晒😋總結怕熱又想玩下都值得去👍🏻

已經嚟過兩次，同唔同朋友嚟一樣咁開心😆一入門口就見到驚冇位可以提早打電話預約第一次玩可以試下一個鐘先鍾意又有位先再加鐘都唔遲🥳欣賞呢度嘅職員對釣蝦都有一份熱誠每次職員都會問吓你有冇釣過蝦亦會教你一次基本嘅操作🫶🏼其實一個場入邊有兩個蝦池地方絕對夠大，唔使怕迫☺️釣到啦🥳🥳🥳多得職員嘅口述幫忙同提點我終於釣到第一隻😆之後仲陸續有嚟夠鐘就係時候食嘢老闆講過就算釣唔到蝦都會有得食😋 每人大約六隻我哋叫咗客薯條新鮮炸起😋 浸住鹹蛋黃醬☺️之後就係醬油蝦，一樣咁惹味最後就係我最推薦嘅黃金蝦😆蝦整體都新鮮🦐 有啲仲好大隻😍水準唔錯✨除咗新手之外，同場亦有啲好專業嘅釣蝦朋友絕對適合一家大細一齊過個開心嘅下畫😍

室內活動釣蝦體驗。去過一至二間的釣蝦場地，各有特色Habo絕對是新手推薦的地方環境衛生一流，較光亮，而且感覺是新裝修，裝備齊全，不懂的話職員會有教學準時開始準時完結，釣到的蝦可以選擇煮法，就算釣不到也會有5隻，烹調方法有原味和特別的味道（加錢），即煮即食要多一點的時間，所以釣釣再吃基本上都用了1.5-1.45小時而今次選擇了豉油蝦的味道，熱辣辣出來，外殼包滿汁，還有手套和濕紙巾提供，洗手的地方就在食桌附近，亦有洗手液，十分方便。越多小時越優惠通常1小時未能滿足

今次試晒佢最出名嘅口味 黃金蝦同埋蒜香蝦 黃金蝦香濃鬆脆 有淡淡的蛋黃味 食過翻尋味 雖然蝦膏就冇乜啦 但係嗰調味真係好好食另外一個就係蒜香蝦 蒜味非常之濃郁好味 食到舔舔脷 真係超正呀吊蝦嚟講呢就唔係好釣到啦 可能係我技巧嘅問題啦 但係食物方面質素其實都唔錯 雖然價錢嚟講就貴咗少 加工費都幾貴㗎 但勝在味道搭救囉印象中玩咗大概兩個鐘左右都要二百幾蚊埋單 都咪話唔貴 而且如果釣到蝦嘅話就有蝦食啦 但係調唔到就冇咁樣囉 如果佢有蝦送埋就好啦

｛係咪蝦呀？｝ HABO室內釣蝦場（新蒲崗）係呀，有幾款味道既燒蝦🦐，釣完蝦就可以交俾廚房加工，即刻有得食啦！今日想輕鬆下，特登入新蒲崗玩下釣蝦。地理位置好方便；鑽石山站行5分鐘就到！第二次釣蝦，當然要觀察下其他人點玩先啦。員工會細心指導，教我地一次！豉油🦐：餐廳招牌，豉油好香食落亦很濃味；表面加左芝麻香左，原隻蝦蝦質感好實但彈牙。蝦頭好多膏！🩷釣蝦又有得玩，有得玩又有得食🤩放假最佳活動🩷

近排天氣唔好，成日都落雨，今個週末就去咗玩啲室內嘅活動-釣蝦。呢間釣蝦場係第二次到訪，鍾意佢哋會播住廣東歌，自己可以細細聲唱下K，冷氣又夠猛，感覺很Chill和舒適～有上次嘅經驗，今次明顯有進步，打破上次嘅紀錄，釣到9隻蝦，好有成功感。另外，都想讚揚下佢哋周不時都會加蝦，令到成功釣蝦率大增！釣完之後會安排即刻煮埋啲蝦嚟食，味道有五款，今次叫咗秘製蒜香醬油蝦，等一陣就有得食，新鮮出爐熱辣辣蝦肉爽口彈牙，個醬汁鹹中帶甜而且好濃稠，剝完殼之後再點一點真係好惹味！除咗蝦仲有啲炸物小食可以追加，非常適合休閒嘅假日嚟又食又玩。收費表

小朋友去咗上興趣班，兩小口一齊去咗附近呢個型格建築物Artisan Hub地下嘅釣蝦埸「Habo」玩吓. 個場好近鑽石山地鐵站，望落好潮好Cyber feel，星期五好多男士放工之後過嚟happy hour，亦都有情侶嚟拍拖，有飲品啤酒等可供選購，仲有播住好聽嘅日文歌，吹住水釣蝦都幾寫意. 場內有兩個長方形大水池，環境乾淨企理，都坐得舒適幾闊落，另外一邊有用餐區. 收費$140 一個鐘，如果唔夠喉仲可以選二至四小時plan. 靚女工作人員耐心教導成個過程點做好抵讚👏🏻親手釣完蝦即時加工食落真係特別好味㗎😋. 幾經辛苦都釣到幾隻大蝦，好生猛，上水仲跳跳紮. 新手就算冇乜收穫都唔怕，因為每個人都有五隻大蝦，如果基本薑蔥白灼、鹽焗等烹調手法就免加工費，其他煮法就另加工費. 今次試咗個醬油蝦真係食到舔舔脷絕對要回頭. 如果唔夠喉，另外仲會有其他炸物小食，同埋各種煮法嘅大蝦可供選購. ⭐️秘製蒜香醬油蝦🍤🦐蝦肉好鮮爽口彈牙仲有蝦膏. 醬汁味道濃郁，蒜香惹味醬油香甜. 仲有芝麻香加以點綴食到停唔到口. 💯最近一係好熱，一係落晒雨，喺室內釣蝦就冇有怕啦. 拍拖親子敘舊聯誼都一流啊. 🉐❣️

🫶🏻室內釣蝦新體驗X即釣即煮系列—▫️餐廳：Habo釣蝦場▫️地點：全香港有1️⃣間分店📍新蒲崗六合街9號Artisan Hub地舖（港鐵鑽石山站 A2 出口, 步行約6分鐘）▫️營業時間⏰：星期一至日12:00-22:00▫️價錢：$140-1hr$250-2hrs$340-3hrs$410-4hrs—美味：🦐🦐🦐🦐環境：🦐🦐🦐+0.8🦐價錢：💰💰💰+0.7💰服務：👨‍🍳👨‍🍳👨‍🍳+0.8👨‍🍳—👧🏻👦🏻第一次去釣蝦🦐🦐室內又唔怕受天氣影響😃仲要有專人幫你準備晒啲用具😁去到即釣😃😃😃佢哋仲會教埋你點釣同有啲咩注意事項⚠️新手友善—一個鐘任釣，如果釣唔到都有補底5隻蝦比你🥰🥰每隻都好生猛同大隻🦐🦐🤩釣完就可以揀埋烹製方法🦐清蒸就免費，其他煮法$60-1斤（20隻左右）—👦🏻👧🏻揀咗📍流心黃金蝦📍秘製蒜香醬油蝦兩款都好jeng😂😂👧🏻連殼都食埋😂😂—#好西 #打卡 #釣魚 #串燒 #正餐 #美食 #HongKong #室內好去處 #串燒 #iphoneonly#instagood #羊架 #amy_in_spk #釣蝦 #燒烤 #新蒲崗 #鑽石山 #蒜蓉 #燒烤

好耐無釣魚啦！始終outdoor activity 都係怕曬😂見有室內釣蝦場，黎玩下！反正釣唔到都有得食蝦😆又有冷氣又有歌聽！ 釣蝦場位於新蒲崗，大廈都幾cyber feel ! 以小時收費，會提供釣蝦工具、餌。 新手都唔洗驚，店員會教下小技巧！ 上好餌釣蝦，多點耐性，就有蝦上釣！ 釣完仲有蝦蝦食，除左白灼，仲可以加錢轉其他食法。揀左蒜香醬油蝦，蝦頭橙紅爆羔，鮮味唔咸幾結實。成隻蝦沾滿醬汁，勁惹味！仲有流沙黃金蝦蝦殼沾滿蛋黃汁，粒粒咸蛋黃碎，又香又脆口，連蝦殼都可以食。蝦身肉爽彈好入味，食到舔舔脷 ！