雞功房 (世瑛大廈) (Moved) New Location

跟這裏的老闆，真是老相識了。以前在佐敦工作，他的車仔麵店是我最愛的食堂，糯米釀雞翼、秘製咖喱、自家辣菜脯。是只能留在記憶的好滋味。後來業主加租，轉到小巷中轉做外賣，後來再重開甚至有連鎖店（ 現在是城中有名的車仔麵店了），他卻搬到中環做蟹湯飯，剛好我也在附近生活。後來又有業主加租，我也轉了新的工作以前沒有facebook，人和店舖的情懷就更見珍貴，在失聯了一段時間後，有日在雜誌見到老闆開店，立馬就過去食午餐。第一次去時， 想吃的菜式都賣完了，就點了黃酒雞湯麵，意想不到的好吃，一直對黃酒雞、麻油雞大有保留的我也真是心服口服， 吃到一半再加上菜脯，又是另一個層次的美味。這裏的雞湯做得好，入口有淡淡的薑味酒味，也能聞到藥材香，卻一點苦澀也沒有，反而更有一鼓甘甜滋味。像台灣的藥燉排骨第二次則點了個雞飯，雖然說是海南雞飯，但吃下去的雞肉卻像鹽焗雞，老闆這說客家人做法，用蒸的方法煮的鹹雞，肉是嫩滑的，卻有海南雞沒有的鹹香，當然做法不同不應比較。自己也是海南雞飯的fans，會走到不同地方找好的雞飯，這裏的味道是特别的，油飯也似模似樣，這道fusion雞飯，以性價比而言是合格有餘，再便宜一點恐怕就要排隊

想試好耐但幾次都話賣晒，我心諗有無甘誇張未到三點乜都賣晒，今日終於有機會一試，但又吾係我想像中好，不過上環黎講都吾係差。我地叫左個海南雞飯同一個黃酒雞湯雞肉蛋麵。海南雞飯飯無飯香，海南雞亦吾及出面滑漏，不過不失，跟埋個雞湯。雞湯部分，我個人就學得太重畺太辣，淹蓋左雞湯味，但都吾係差嘅，另外個蛋麵同跟海南雞嘅湯底係一樣，雞就反而比海南雞滑，其他嘢就無乜特別。最值得讚美嘅我反而最中意食佢免費擺係枱面嘅菜甫，整得幾好食咼！

再次來 吃午餐，每次來都會選擇兩點後避過人流。中午有幾款飯套餐，我們不約而同地選 $65 當日天氣凍所以對碗 特別期待。未喝已聞到酒香，一啖呷下，雞香和酒香也突出，飲完對手都暖返。不過份量太小，得幾啖。如果散叫 $15/碗都係呢個份量就唔抵飲。 輪到主角海南雞出場，份量都唔小，驟眼睇雞件大大件，一碟較多雞下壯；另外一碟以雞亦部份為主配上黑醬酒和蒜泥， 感覺都幾對板。 但當我打過面個層，先發現下面所全都是雞骨、雞骨同雞骨，該部份正正是是用來煲湯的雞殼。其實我只吃到面個三件雞比肉。但平心而論，雞的質素高，皮脆肉嫩，有雞味，是真心好食的。油潤雞肉飯較為黏口，欠香茅香味，而上面的雞油滲內飯內， 所以感覺幾油膩。 用 $65食個午餐，我會對它有所期待，食物質素不俗，只不過一碟飯內一半是雞骨，感覺非常不爽。 

今晚有朋友聚會 同幾位朋友決定一齊去呢間私房菜食 我朋友就中午打電話預先book咗5位。一去到就準備了清香桂花茶。可能我本身喜歡食鹹蛋黃 我好鍾意佢嘅鹹蛋黃炸魚皮。（唔記得影相作證）蟹泡飯好足味豉油雞整得好好味唔會太熟 因為本人比較喜歡骨仲有少少血水 豉油味濃得黎唔會鹹亦不油膩雞湯清甜我本人多數屋企煮 因為總覺得出邊嘢食偏鹹偏油 但今晚 餐飯食得唔鹹我其中一位朋友唔食蔥 只要book嘅時候通知佢地 咁佢啲餸就唔會有蔥出現喇店內只有幾圍檯 但我發現每圍嘅客人都會同廚師傾計 大家食得開心今次係我第一次試呢間私房菜 希望下次再幫親會有新驚喜

難得去上環工作，朋友介紹一定要試這問雞功房，因為這問是長龍店，所以我們提早12點就到達，已經有人在等位，我們是第二枱，再遲一點已經排到後樓梯了。等了10分鐘左右，就有位。朋友介紹這裡的豉油雞比海南雞好吃，所以一心要吃豉油雞飯。想不到12點已賣剩一份豉油雞脾食，我們當然要搶食。光是外表已經滿分，充油光澤，還香氣撲鼻，吃落更齒頰流香。雞肉很滑，而雞皮很脆很入味，連不吃雞皮的我都一塊不留。因為只有一份豉油雞，所以朋友選擇了蟹肉泡飯。不要以為這裡以雞為主打，其他菜式就不用心，蟹肉泡飯的質素亦令人驚嘆！有超多蟹肉，蟹湯超級香濃加上泡飯，真的不得了，朋友吃不停，份量十足，男士吃完都覺得飽飽，大滿足。一定會再來試其他菜式。

湯底係客家黃酒雞湯，呢款雲吞雞上海麵食左之後成個人都暖笠笠，冬天食就一流！料足，湯甜！堂食實在太多人，所以有時都會外賣，返office一邊做野，一邊食！雞肉嫩滑，有咸香味，事前準備功夫做得足，有菜有雲吞，好豐富！不過味道有點咸，如果味道淡少少就更好了！

每次 LUNCH HOUR 黎親都必定大排長龍, 之前有好多次因為太多人等所以放棄左｡ 今日專登未夠 12 點就到餐廳, 終於都唔洗等位｡ YEAH !!!! 呢間餐廳主打食雞, 招牌係海南雞 & 頭抽醬酒雞｡ 今日就試左佢嘅海南雞飯配客家黃酒雞湯｡海南雞飯 配 客家黃酒雞湯配左甜醬油 & 薑蓉, 隻海南雞好滑, 而且雞皮下唔會有好多脂肪, 食落去啖啖肉, 雞肉同雞骨煮到好易咬開｡ 飯係油飯, 完全索滿雞油味, 超級正 !! 另外, 黃酒雞湯用料十足, 充滿濃濃嘅藥材味, 而且黃酒嘅酒味已經揮發晒, 襯熱飲感覺非常補身｡

又係我認識左呢間小店短短2個月，已經食左4-5次，真係好好味！一啲都無誇張！上次食評主要寫左客家黃酒雞湯米（https://s.openrice.com/QrbT0Ni0i00）。今日冬至，Lunch帶埋屋企人會一會其他野食先海南雞飯，俾左雞肶，多肉夠嫩夠滑！油飯好香雞油味！掂豉油雞飯，原本$75，留意返：轉雞肶要加$10架豉油雞飯係要早啲打電話黎留定嘅，如果無留，就要睇你同豉油雞嘅緣份嘞不過今日12:30左右，豉油雞已經全部售罄講返豉油雞味道，唔好睇佢好似好深色，一啲都唔會過鹹，豉油有少少甜味，都係雞夠滑夠嫩，飯係白飯，但勝在夠豉油汁，撈飯真係好正！我媽媽都話非常好味蟹肉乾燒伊麵，都算多蟹肉喎，伊麵夠煙韌彈牙，個麵仲有啲蟹味，又係我媽媽至愛喎客家黃酒雞湯麵，今次叫左上海麵，雞湯都係保持一貫水準，好味但個人覺得都係配新竹米比較入味上次忘記左提到，記得加埋餐廳內提供嘅辣菜脯落個麵度食，好有特色好好味呢個係叫海南雞飯配的，個人認為同黃酒雞湯麵個湯底應該係一樣，但阿妹話覺得呢個湯更好味、更濃味餐後食埋滑滑朱古力布甸，做冬午餐好滿足！不過順帶一提，餐廳的服務態度確實麻麻，尤其係其中有個阿姐！我

朋友介紹話衣間好好食，咁lunch 就去試下，點知一試難忘，短短兩星期已食左兩次～😋今次第二次食，我lunch 放12點，行埋過去最快都5-8分鐘，兩次去入面都剛剛好坐滿，要等位，都要等25-30分鐘，其實對得一個鐘lunch 嘅我來講真係有啲趕😞餐廳用開放式廚房，等位時已看到鼓油雞，海南雞，垂涎欲滴🤤坐底已12:35 趕急地點了餐，佢叫雞功房但係除了雞還有蟹，下次要食蟹試一試先得今次食海南雞米粉同客家雞酒湯米粉兩款米粉嘅湯均散發著淡淡酒香，一上枱已可嗅到，食落兩款湯有一點點不同，但是都好好味，黃酒雞湯嘅雞是無骨的，海南雞則有骨。本人比較喜歡黃酒雞。飯後還有阿華田味布甸～好好味

前幾個星期行過公司附近嘅雞功房，睇餐牌內菜式嘅名，好養生啊😍價錢都還可以，終於決心一試。店內唔係太多枱，約十幾張，但12點左右已經好多人等位😰等到成12點半先入到去。唔嘥時間即刻叫野食！叫左1個客家雞酒湯米、1個海南雞湯米！建議叫米粉（似新竹米粉），因為米粉可以索到湯汁會比較入味😋因為餐廳有做外賣，所以堂食等候食物嘅時間都耐。入座後叫完食物都等左十幾分鐘，2個湯米終於黎到！個人覺得客家雞酒湯米非常好味，雞件夠滑、分量夠多，個湯有粟米、木耳、去核紅棗、少少蟲草花等材料，仲有1隻土雞蛋（全部都係我鍾意食嘅材料😍）。湯有淡淡酒味！感覺好足料！忍唔住飲哂成個湯🤣食完呢個雞湯米個人好暖，好滿足☺️啱哂秋冬季節食😋海南雞湯米，雞夠滑，如果能夠去骨就更好（Spoiled🤣🤣）。食完湯米後，餐廳仲送左個小的朱古力布甸，好滑喎！原來間餐廳夜晚有做私房菜，見菜式都好吸引！價錢大約$500位。已經約好左朋友下次黎試下☺️

手拆蟹肉湯米粉@雞功房- 蟹清湯鮮甜，味道淡雅，惟多喝有點寡- 蟹肉量多味鮮- 配料有木耳、小棠菜、粟米粒、腐竹，爽脆甜滑俱備- 新竹米粉幼細吸湯力佳，惟輕微過淋- 辣菜圃爽脆鹹香辣勁足

在永和街小巷有間樓上餐廳，煮雞很出色。午市沒有訂枱服務，因為地方小小，但人流很多。一入門口已聞到好香的頭抽雞味和黃酒雞味！我和肥豆爸12:20到達，但頭抽雞剛剛售罄，要等一段時間才有。因為他們認真製作，堅持用浸熟的方法烹調。我們趕著上班，便算了其他套餐。A1:海南雞飯餐配上一小碗黃酒雞湯，雞是用蒸的方法烹調，很是嫩滑，期望下次可以試頭抽雞，應該會更滑。此外，雞油飯亦很香。雞湯是採用當歸，蟲草花，杞子和黃酒煮成，非常出色，酒香而不辣，藥材味沒有蓋過雞味，恰到好處。A4: 花雕醉雞翼湯麵配醉蛋，湯底採用黃酒雞湯，麵選了全蛋闊麵。雞翼和蛋超級入味，差點醉了。好想知道烹調秘訣，好難煮得咁入味。隨餐奉送布甸，以為是一般貨色，怎料驚喜度高，質地好滑，唔會太實，搖晃時識跳舞。為了增加層次感，盒底加了薄薄一層朱古力，很用心。加＄10可把餐飲轉薑汁薏米水。

某一日lunch又係有兩個幾鐘去食。。都已經諗到唔想諗去邊度hea到咁耐。。（應該好多人想打我）突然醒返起上次去過一棟好多小店既大廈，於是就去幫襯下喇黎到都係十二點左右，已經要排隊入座，明明上次黎果時佢新開係完全冇人，果然media既催谷係非常重要呀（上次係uLxxx見到有介紹）唔緊要枱既turnover rate都非常快，於是等左十分鐘左右就坐低左。連店名都有個雞字咁當然就要試下佢d雞係咪有咁好食啦！海南雞飯配黃酒雞湯海南雞望落好似好多，但其實都幾多骨，如果有得叫海南雞脾飯你話幾好食落係超級滑既，但雞味又唔係話好重，飯就帶有少少油，都好似幾正宗，如果多返d肉就好喇。黃酒雞湯好好味，未飲過咁好味既雞湯！佢飲落帶有d中藥味，感覺好健康！最後跟餐唔係送野飲係送左個甜品，望落好稀但其實都幾稠。重點係好似飲緊維他朱古力奶咁，幾正有時間可以返焯，不過有d遠

琴日，睇完本U magazine 推介呢間「雞功房」，推薦海南雞飯，師父用蒸的方法令到雞唔會變「鞋」！哈哈，因為我都在上環上班，地點有優勢，當然要黎試下啦！今日，我們一行三人黎到，約1:15分，要等4張！大約1:30才有位！我當然點海南雞飯！友人們喜歡食粉，所以他們點了面款！雞很滑，油飯用珍珠米我最喜歡點他們的醬油！好味好戲在後頭，最驚喜的係雞油湯！一飲便知誇啦啦午餐令人$65！上環區算是中間價！推薦

[ 雞功房 ]位於上環的巷仔內，  地點唔難搵， 位於永樂街世瑛大廈二樓。 電梯門一打開， 先看到一間西餐廳， 隔離便是雞功房。 餐廳的面積比想像中還要細， 見店員遊走中也會撞椅背，難怪午 飯時段要等位。 一心來 食雞， 點知貪平點了下午茶 。 下午茶選擇是前所未見咁小， 只得三款。 三選一下， 選擇了   $45 上枱快有效率， 大約五分鐘。牛肉餅和我想像中有頗大落差，件頭細，我覺得佢只係一粒壓平了的牛丸。我情願佢比一件大牛肉餅我好過。吃下去感覺好鞋口，牛味亦唔係好出。再吃一口撈粗麵， 麵質彈牙，但有小小硬，所以吃前最好放蟹湯內浸一浸， 待麵索索湯會好吃一點。麵上灑上頗多蝦子， 雖然只是普通貨色，但感覺良好。沒有奶茶提供， 幸好還有咖啡。反而咖啡好喝， 夠熱又香濃。整體印象一般 ， 還有一次機會試下雞飯。