杏花樓甜品 (Closed)

4/19/2007 8:15 pm經過”浜”呢一劫之後, 決定再食過晚餐.! 選了杏花樓,貪其可以食埋甜品. 鍾意食魚既我, 要了一個鮮茄龍利柳上海麵餐($39) 頗大一碗, 茄味其實不濃, 麵質幾滑, 龍利柳想不到又幾新鮮, 幾滑. 好味道!Bf要了鯪魚球米線($27). 一碗都有5, 6粒鯪魚球, 入面有d蝦米, 冬菰咁, 口感比較實, 不夠彈牙. 但味道還可. 米線麵質比較煙un.餐可要飲品or 甜品, 我就要左芝麻糊. 熱辣辣一中碗, 幾香, 應該不是開粉吧! 但就有溝到其他粉令佢杰物左d.二人食得飽飽, 才$66! 呢個質數同價錢, 咁先對路嘛~

好鍾意黎杏花樓食,無論只係黎食碗糖水,定係直頭黎食晚飯都好正!最鍾意食佢既菜飯,仲有糖醋骨、雞亦、豬扒等都好好味!而呢度既糖水大部份都試過,真係樣樣都真材實料,又只係小甜,可以食番糖水本身既味道,本人最愛芝麻胡、杏仁胡同埋海底椰雪耳羹,真係正到暈呀!!無論凍食定熱食都好好味!特別係夏天黎食碗凍糖水,由於夠晒凍,個人都即時涼番晒啦!!

xo醬炒腸粉:成日思疑係ding出嚟.雪丸芝麻冰:又幾得意噃.

呢排唔知點解心思思想食菜飯, 又咁俾我係呢度見到呢間杏花樓菜飯都有好多人讚, 就即管呢度一試.原本見到餐牌自選飯加自選糖水餐都係三,四十蚊, 好抵呀, 但可惜店員話無, 我係夜晚七,八點去, 可能餐係下午茶餐ga la, 唯有散叫啦.菜飯都幾大碗, d菜幾新鮮, 但d 飯就硬身少少, 搞到d飯同d 菜唔多撈得埋, 但總括講, 都ok 啦, 不過不失咁lor.人手唔夠, 服務略有不周

唔夠香~太"傑"喇! 又有d一粒粒唔知係咩o既野~好難食...

我叫左一個雪丸涼粉ｄ雪丸好食嫁～～～係食雪米”磁”不過個碗涼粉係好很難食唔甜的而且個ｄ奶唔知點解係黎到既時候已經黑曬佢ｄ涼粉又唔涼仲死係唔甜得ｄ怪怪既奶味整體實在好難啃成２０蛟碗～～～無下次

响壽司正食完後，唔多夠喉，兜兜轉轉嚟咗呢度...女友食飽飽，睇住我一個人表演^_^醉鮮雞翼菜飯--- 用嘅確實係鮮雞，肉算夠實，可惜酒味唔濃；菜飯普通過普通，欠缺惹味嘅蝦米。同唯一仲差幾皮....甜品綠豆沙反而唔錯，煲至起沙，始終佢哋都係做甜品起家ma...卒之飽嘞

今日去呢間的目的,係因為有coupon的關係,佢係免費送一碗海底椰雪耳糖水所以同屋企人一齊去試下佢其他野,冰凍涼粉冰-- 都好多涼粉料,甜度都ok原粒紅豆冰-- 係就係原粒,但係奶多過豆喎海底椰雪耳糖水-- 等左好耐,因為我叫左熱的,但料都幾多下,甜味岩xo醬炒腸粉-- 有些些辣,但賣相都唔錯,有埋甜醬配埋侍應服務態度都好,有個亞姐都不厭其煩向我地介紹有咩好野食..有水免費俾你飲,平時去糖水舖,都好少有水俾你飲架環境都唔錯,或者係位於尖咀,所以多遊客卦,服務都唔差架

同阿男朋友仔行到累累地想搵個地方飲下野，但係尖沙咀四圍都好多人，行下行下見到"杏花樓"，甘岩又有位喎! 一於去試下啦~我地order 左:1) 咖啡紅豆冰: 味道又配合得唔錯，幾特別$22/杯2) 蘿蔔糕: 煎得好香，又大件，好多料，唔到得d粉$15/碟見隔離左右既客人都係食米線同菜飯多(下次真係要試下)個蘿蔔糕等左好耐先有得食，因為阿姐張我地果碟比左其他枱，不過阿姐知道後立即話唔好意思，好快手甘整番碟比我地，算佢啦!!

睇演唱會前來食晚飯, 之後搭火車去紅館.朋友們的上海麵同米線的湯底餚得不錯, 係成餐\\\\\\\飯o既highlight.炸班塊唔夠熱, 仲有一個菜忘記了, 總知很一般.甜品方面桑寄生蓮子茶碗野冇乜藥材味, 似落左好多水同糖. 蓮子冇連子味, 只有糖水味鮮奶杏仁露, 杰到似粥甚至糊仔, 食落黐實喉嚨. 杏仁味越吃越苦.我只飲左個木瓜鮮奶, 好\\\\\\\"奶\\\\\\\", 木瓜味好淡, 個樣似草莓奶多D. 不過唔難飲.埋單唔貴, 服務環境合格, 唔要求高, 係新世紀算係咁. 仲有LINGUINE西冷扒等等選擇, 咪話唔犀利.

9/2同朋友去食晏叫o左蜜糖雞翼菜飯+ 豬頸肉米線蜜糖雞翼好好味, 可能我鐘意食蜜糖啦, 朋友就覺得太甜, 三隻雞翼o黎講就太少了, 雖然都算幾大隻~個菜飯唔太得, 我都係加o左辣醬同蜜糖汁先食~豬頸肉唔錯, 係有D就太大舊同埋厚身, 個汁好得意, 不妨一試, 米線我無食到, 朋友話okay~service欠奉都無所謂既, 午市都知你o地辛苦o架喇..不過其實一個lunch set有餐飲跟會更加好, 相信呢個價錢會有更好的選擇~因為地方實在太細了...呢個笑臉, 係比碟雞翼o架, 為o左蜜糖雞翼, 我都係會一食再食的~

星期二同朋友尼食晚飯,叫左鎮江骨湯麵--有4件長長地既排骨,味道同我食開既有的唔同,外面食既鎮江骨通常係比較深色同甜酸味偏甜,但呢度既骨係比較淺色同埋酸味重的,我覺得有的似梅子蒸排骨既味道,但都幾好味.湯麵係幼身上海麵,麵質都幾彈,份量都有若碗半正常飯碗既量.芋頭糕--好正,一碟有2件約3吋x3吋x3/4吋高既四方形,見到有好多芋頭粒,初時以為麵粉一定比較多會好實,但點知食落係好似用芋蓉+麵粉+芋頭粒+臘肉去整,所以口感唔會硬掘掘,而係好粉好有口感好正.我同朋友都讚.還有一個叫鳳凰炒腸粉,其實係普通蝦米腸粉加蛋加些乾蔥頭去炒,加些豉油同芝麻一齊食都幾好味,原本再想食甜品,但3樣野都好飽喇,所以留番下次.

26號同朋友睇完戲想食個desert,見好耐無去杏花樓於是就去喇.我地去到都成5點鐘所以唔太多人,假期原來無set叫架(呢方面唔太好)朋友叫左個豆腐花$13,我就order左個西米皮麻蓉湯丸$16,豆腐花先上,我食左一啖,都有的豆香味但唔太滑,不過都okay.而我碗湯丸等左好耐好耐都唔見,個waitress好主動咁唔駛我出聲就同我去追,抵讚!終於有得食喇,原來一碗有6粒架,size唔係好大粒但適中,的麻蓉好香芝麻味,我覺得佢應該無撈豬油所以唔會比人一種油膩感覺,比左一粒朋友食佢都話好正,唯一係個糖水底稍甜,搶左薑汁既味道.見到佢地有告示話1月1日加價呀,我會係之前再尼食多次先.p.s.西米皮唔似糯米皮咁煙un,但都唔錯.

我鍾意食杏花樓唔係因為甜品,而係因為米線呢度既米線,湯底好正,夠甜(當然應該唔係勁加味精果隻).鎮江排骨好入味,好有自然既醋味,好有婆婆味道,香茅豬扒都好夠味,基本上次次食都係叫米線咁滯Service好鬼好,應該有train過黎~

我and 2 frd 去食.. 我d frds 食雪蛤"登"紅棗... 我就食芒果底既雜果西米露......... 個雪蛤"登"紅棗.. 我d frds 話好食.... but 我果個芒果底既雜果西米露就~~~~~ d 生果ok la... coz 都唔係好關佢事........ 個西米露就好"傑" lo.... 又冇咪西米... d 芒果味又怪怪地..... 我未食過d 咁既西米露lo~~~~~~~