恆香老餅家 (Moved) New Location

經開買左一打新鮮出爐老婆餅，半打同阿爸阿媽一齊食，半打帶返去比老婆做早餐。 外皮鬆化，內裡軟熟少甜，配茶食最好。 客人流量大，實在有原因，繼續支持！

我好鐘意食老婆餅，雖然唔會成日食同唔會食好多。第一次入元朗，當然要買老婆餅啦。唔知點解，買到返去，凍哂，散哂，但係都好好味。比係市區o既鬆軟，又唔油。真係好好味。

由元朗外賣到的老婆餅,可能因為路途太遠,外層的酥皮都震鬆了,拎上手,差不多只有中間的東瓜蓉.還好...吸少一點calories. 甜度適中,柔軟度剛好.

識飲識食復活節(七)每次爸媽到元朗逛街，大多會買盒恆香老婆餅回來。總店的出品就是好一點，不知是甚麼原因，是會比較鬆軟的。吃了這麼多次也沒有令我失望，果然是出名老店。一間餅家能做到這麼出名，但水準又穩定，實在抵錫。會Encore。

食完蛇羹還未買早餐,就近隔離買四個老婆餅做早餐.第二朝食時冇叮到,但係塊皮仲好香,脆脆地,個餡仲好軟,唔會硬掘掘.

大年初三下午食完海鮮同爸媽去元朗行下專誠黎買老婆餅，人山人海我地買左一打老婆餅($48)，半打皮旦酥($27)~同埋2件摩囉酥($6)就走啦~拎番屋佐~D老婆餅仲係暖暖的~個餡好清甜~外鬆內軟摩囉酥就唔係好得啦~我都係鍾意食平時果D~呢道賣的是連蓉餡~個皮太脆了

本諗住只買老婆餅返家吃,但見酥皮蛋撻又出爐,仲要$2件,平過老婆餅,就買埋返家吃.返到屯門家,仲暖暖地,兩樣都咁好食,估唔到恆香除了老婆餅,蛋撻都咁掂喎!

尋晚(15-11-2007 Thu)同女友人R o係元朗食飯前,先o係o度買好耐冇食又突然好想食o既皮蛋酥作為爸媽o既小食兼我今日o既早餐.o黎到時,見有花生燒餅,豆沙燒餅同奶黃燒餅,於是又忍唔住手,買o左兩個$3.50 o既豆沙燒餅畀我同R即食,同半打皮蛋酥($4.50/each)共$34.00.燒餅已經凍晒,係預料中事,打開o黎睇,size比奇趣o既略細,又冇芝麻o係面,餅皮邊有少少燶o左,食落,唔…...餅皮比奇趣遜色,冇咁煙韌,而且有小小硬,但夠薄;而豆沙一樣唔太甜而且有好多.尋晚買皮蛋酥時,o衣o家微暖.到今朝攞一個食先,咬落去,外層酥皮除除剥落,但脆口的.餡料依然好味,滑滑o既蓮蓉亦唔黐牙,食到中間唔大件o既皮蛋,中和o左微甜o既蓮蓉,絕對係完美o既組合,真係令人回味無窮.而食完一個都唔覺漏,於是就…...再o黎一個.哈哈,食完兩個依然冇漏o既感覺,且覺得o岩o岩好,size真係一流.下次入去會再買,不過唔會咁多因要留肚試棋子餅同其他.

昨天在總店買了一個老婆餅同一個豆沙燒餅（第一次食恆香燒餅）兩者本來作今早的早餐，怎料老闆比我早到，又要趕著開工，最後留到下午五點多才食。在隔了２４小時且沒翻叮情況之下吃，燒餅已是預料中的硬（買的時候又暖又軟），遲吃了是我的錯＞＜依稀吃到豆沙餡不甜，雖然多但不會膩。老婆餅仍然ＫＥＥＰ到軟，好食好食～

個人大大下唔係幾鐘意食呢d咁"脷"o既老餅(老婆餅), 但果次有機會食岩岩出爐冇耐o既老婆餅, 嘩驚為天人, 連食三個都仲好想再食, 好食到唔停得口, 自此愛上新鮮恒香老餅(老婆餅). 每次到元朗都例必藉口阿媽鐘意食咁買比佢^^再順勢買多半打甚麼綠豆條呀, 紅荳棋子餅呀咁.

某天同女友去完濕地公園, 途徑元朗, 當然要試試馳名的恆香老餅家的手勢一試老婆餅, 嘩, 真係超好食, 同其他二三流餅店賣的完全不同最特別的是它們不時設免費試食, 而且真係成個成個咁俾你~ 個氣氛好熱鬧, 好正~另外, 亦特別介紹它的蛋黃蓮蓉酥, 很香很濃, 喜愛吃月餅的朋友絕不能錯過!

仲未試過德成號既蛋卷搵日要去買黎試下!所以暫時黎講恆香蛋卷係我心頭好食完一條,唔夠再黎第二條. 我食左5條先肯停口新年試過食親戚買個d不知名蛋卷嘩. 我真係未食過咁難食既蛋卷.

雖然成日俾人話我咩都食, 可我總有野係不吃的。由細到大, 我都不喜歡吃老婆餅。估唔到一把年紀來了個口味突變。因不喜歡, 故素來沒有研究老婆餅。酥皮幾鬆化, 不過易散, 跟冬瓜餡好難一併送入口, 可幸尚算鬆化。我隻狗見到個盒都流曬口水, 沒法, 此物始終是牠最愛(佢要求好高架, 麵包唔好食的一概不吃)。出名, 是有其因。恆香老婆餅雖好, 叉燒酥才是best of the best。叉燒餡味濃, 汁料惹味, 酥皮鬆化, 是好吃又好快賣曬的食品。

當然不吃市區都有、新鮮出爐的老婆餅。恆香的西餅，只有總店才有：心型的栗子杯，襯底的是朱古力雪芳蛋糕，加層薄薄的鮮忌廉之後，便是一層厚厚的栗子蓉- 不單栗子味香濃，栗子仲好茸…加多粒藍莓草莓，以唐餅舖而言，絕對交足功課。兩個拳頭咁大的花生包同菠蘿紅豆包，將會是來年目標。

買左半打老婆餅$22,原來一打都係$33，蠢左！同埋一個皮旦酥$4,一個旦黃酥$3,隔日先食都好好食，而家想encore都無機會，元朗有幾何先會入去哇~九龍應該開返間分店嘛