恆香老餅家 (Moved) New Location

4/9 (星期一)難得一場來到元朗,怎可錯過來恆香買老婆餅,因為有8折卡,買一打都是$33.6平均每個$2.8,去到舅舅家已急不及待想品嚐,就拿出來同舅舅他們分享,果然是新鮮出盧,舅舅說摸到個紙盒底還暖的,皮很鬆化,內裡軟熟煙韌,清甜而不漏,真的好好味^.^當晚回家告訴弟弟買了一打老婆餅,去了舅舅家已吃了幾塊,他問我為什麼沒有多買一打回來,弟弟其實不大喜歡吃糕點這類食品,唯獨恆香老婆他最愛吃,第二日他食兩塊當早餐,第三日剩下兩塊,以為他會吃掉全部,誰知他只吃一塊,問他是不是不喜歡吃了,他說要留待明日再吃,看到他像小朋友般不捨得一次過吃完,有些後悔沒有買多半打或一打回來.

雖然市區都有得賣，但係每次去開元朗都多數會幫襯。今次買咗老婆餅之外，重試咗佢哋3款燒餅(奶黃、豆沙、花生)同埋綠豆酥。燒餅同綠豆酥留到第二朝至食，唔知係唔係咁嘅關係，抑或係先入為主的原故，覺得燒餅雖然都整得幾軟熟煙韌，不過冇奇趣嘅咁好，而3款口味之中，就以奶黃最正，滑而不太甜；花生餡就唔夠香。綠豆酥就差啲，感覺好「漏」。

早幾日,同成家人入左黎元朗...咁就緊係唔放過呢度既老婆餅+蛋黃蓮蓉酥啦因為對上一次,我個妹買左個蛋黃蓮蓉酥試,真係好好食,唔太'溜',蓮蓉唔會過甜今次買左4個蛋黃蓮蓉酥,4個皮蛋蓮蓉酥,6件老婆餅蛋黃蓮蓉酥一樣咁好食皮蛋蓮蓉酥都好食,不過我地全部都PREFER蛋黃蓮蓉酥!老婆餅真係好軟熟,好有口感!我相信每入一次元朗都會買黎食,下次試埋個奶黃燒餅先

因家住元朗關係,每日都會經過.之前已經有見過奶黃燒餅賣,但就一直都末買過來食.個日都終於去買來試試,嘩!原來係好正,個燒餅仲係有少少微熱仲好煙"un",我而家每日放工都去買一個食,如果第日搬離元朗都吾知點算

我成日都同人講, 出面的恆香真係無咁正, 所以我今次去到元朗走去買左半打.....令我失望照計元朗的老婆餅唔係有過夜呢回事, 因為每日都賣清, 但係個晚六點幾去買, 個半打老婆餅都唔再好似以前咁香滑, 以前放一晚第二朝食都ok, 但係今日即晚食都有d硬硬地.....好失望, 好在都未至於好以灣仔個d咁有油益味, 唉.....退步啦.......買左2個皮蛋酥比媽咪, $12.5一個, 都幾貴, 不過媽咪話入面無左酸薑, 唔再好味啦...

老婆餅外皮酥脆內裡軟熟，正!

在海外的項目進行得比想像中順利。於是同行的師弟便放假十天回港，帶回相當物資。被流放海外的我，吃著爸媽托師弟帶給我的食物，感動非常。農曆七月尾，正是傳統餅家的月餅季節。馳名的「蛋黃蓮蓉月餅」，蓮蓉不夠軟滑濃郁，質感鬆散「削」身。其他小吃，如「奶油蛋卷」，、「雞仔餅」、「迷你杏仁餅」（圖示），亦不甚美味。老實講，全部都麻麻地，不便宜亦不美味！

老婆餅正就好多人都是過啦,其實佢有一隻奶黃燒餅都好正架。

唔知係唔係心理作用, 硬係覺得元朗總店老婆餅至最好味

去完下白泥影相順道買半打老婆餅返屋企, 老婆餅新鮮夠熱, 外皮酥脆內裡軟熟, 不愧係元朗經典.

舊時人人都話去開元朗都要買老婆餅做手信, 我都唔係好信, 但大個左食過九龍同港島區個d恒香, 先知元朗個d 係好野, 所以今次去開元朗一定要買!! 晚上臨關門成九點半去, 好在都重有好多貨, 而且重係熱架!! $3.5一個, 一打都係三十幾蚊, 真抵食!! 攞到出旺角都重有d熱, 食番個先!! 一口咬落去……皮鬆化, 料又夠煙un, 好正!!! 另買了一盒蜂巢蛋卷, 廿零蚊一盒, 好正, 而家唔係咁易有蜂巢蛋卷啦, 好鬆化!!!!

我真係食恆香ｄ野大ｇａ　ｌａｗ，因為某ｄ原因我成日都可以食到恆香ｇｅ野，同埋知道佢地點整ｇａ　ｔｉｍ～而我覺得佢地ｇｅ老婆餅，蛋卷，中式禮餅，臘味都係好好味ｇａ！！我試過几間同樣有呢ｄ食品ｇｅ公司，姐係榮華，奇華個ｄ都唔夠佢好食～佢地ｄ老婆餅真係好香，夠鬆化～就算隔左几日再閎黎食都仲係咁好味～而其他公司個ｄ就．．．．．一係硬左一係出哂油咁～而且又唔貴ｗｏｗ！！真係抵佢咁出名～以前佢地ｄ月餅都好好味ｇａ，不過而＋大不如前ｌｕ～我覺得美心好食好多ｌａｗ月餅ｇｅ話～

過年有人送左恆香蛋卷比我,佢個名叫蜂x 蛋卷,又真係好蜂x wo~超香蛋味,個樣好厚,但食落係超鬆脆,因為太過鬆,所以留左好多碎在個罐度,我重味食哂呀,真係好期待食碎果時呀~

今年新年收到盒恆香出品既杏仁餅好開心因為我本身好鍾意食杏仁餅一盒有六小包每小包有四件賣相唔錯有粒粒杏仁o係面又整得幾實淨唔會一咬就散晒無錯有好香杏仁味但食落就太甜喇食完一件都有d漏再飲埋水簡直係飽都係澳門咀香園或者鉅記好味d

老婆餅好新鮮，外層又熱又脆，中間的冬瓜蓉又不太甜，我平日不喜歡吃老婆餅，但我都食了兩個。$35有10個，很抵食，現在有西鐵，入元朗買老婆餅方便好多。d蛋卷都好食，又脆又鬆化。