埠 (Closed)

朋友介紹咗這間餐廳, 一入去就係有和室嘅風味, 落地玻璃, 望住維港, 一邊食飯, 十分之寫意 ! 今日首先就食咗幾款串燒。首先食啲香口嘢, 就係豚肉露筍卷, 豚肉燒到外面香脆, 裏面爽脆, 相得益彰！另外就係雞軟骨, 爽脆之餘, 再落咗少少胡椒一齊食, 將味道加以提升。紫蘇梅子雞腿肉, 雞肉非常之滑, 梅子醬汁非常之香, 酸酸may ma, 非常之開胃！紫蘇雞皮蝦, 原來雞皮配蝦, 呢個concept非常之特別, 雞皮燒到香脆, 再配埋蝦非常之新鮮, 咬落去質感非常之好, 另外大家意猶未盡, 再叫多個松葉蟹肉烏冬 , 賣相不錯, 松葉蟹肉非常的鮮甜, 烏冬嘅係兩個人嘅份量, 湯底非常的鮮香, 配埋q彈嘅烏冬, 真係大滿足。

住港島咁耐都係第一次食鯉景灣d餐廳，雖然價錢唔平，但性價比好高，所以都幾值得黎！首先餐廳正正豈西灣河碼頭隔離，海景對到正😍二黎野食方面令我地非常滿意！menu主要係燒物為主，我地嗌左幾款燒物，再加兩款主菜。唔似一般日式燒烤咁，呢度野食唔洗食客自己燒，唔會攪到成頭成身油煙味，而且每枱仲有個石爐仔將d燒物保溫👍🏻店員服務亦十分周到同有禮👍🏻👇🏻秋葵，係我嘅至愛呀！👇🏻黑松露枝豆，呢個fusion配搭真係第一次食，估唔到又好夾味！👇🏻雞翼(手羽)、牛舌、和牛，三串肉都好香濃，肉質唔會乾真真硬掘掘👇🏻蟹肉飯團，好特別呀呢個主菜，有兩舊脆脆飯團再配上蟹汁同生蛋，好開胃嘅一款菜式👇🏻蟹肉烏冬，扁烏冬非常滑，唔好睇個煲細細，其實入面烏冬份量都幾多架，蟹肉亦都好足料

上個星期去左西灣河食串燒，餐廳係西灣河碼頭隔離，望到海景，格調即時高上不少。裝修行日式風格，不過燈光有少許不足，夜晚食會比較暗。野食方面，各類食物我同朋友都本住一試無妨嘅心態，叫左好多唔同種類。先講肉類，個人覺得雞肉係最岀色嘅，雞翼食得岀師傅嘅功架，越係簡嘅食材越難做得令人讚嘆，呢到嘅雞翼外皮好脆，抹上一層薄鹽，咸香十足。而月見紫穌雞棒都幾具特色。蔥花牛肉同京蔥豚肉燒都屬上乘，下次有機會，會再試和牛，相信一定別有一番風味。至於其他食材，有深刻印象嘅係鵪鶉蛋。岀面無食過，外面略焦，入面流心，不過味道比較淡，蛋味之外，可以多少許調味更佳。最後講下野飲，我地叫左枝巨峰燒酒，有少少失望，因為可能係新類型嘅酒，所以飲落無乜燒酒味。總體黎講，質素對得上價錢嘅。

上星期過左海，就去左西灣河，食朋友推介嘅串燒店。餐廳座落係海傍，可惜得一張大枱，個日比人預約左，無得望住無敵海景食串燒啦。餐廳好細心，叫串燒之後會先放一個爐係枱，入面放左燒熱左嘅石頭，等串燒黎到，可以放係上面保溫，唔會失卻左味道同口感。我同朋友都想試多d唔同嘅款式，所以每樣都淨係叫左一串。當中試左最岀色嘅係蔥花牛肉同埋雞翼。蔥花牛肉有用秘製醬汁醃過，所以好惹味，加上師傅燒得恰到好處，入面重保留左好多肉汁，咬落相當juicy。至於雞翼呢類平平無奇嘅食材，就最考驗師傅嘅手勢啦，落左鹽係面，燒到外皮脆一脆，係唯一一樣串燒我地叫左兩串！另外，重叫左好多特色串燒，豬肉京蔥燒呀，月見雞肉串個d，味道都相當好。味道環境都唔錯，不過價錢略為高左d。總體黎講，係一間高水準嘅餐廳，月頭不妨帶另一半獎勵一下自己。

星期六2人行去咗鯉景灣行下睇下有咩餐廳食lunch。發現 碼頭隔離有間餐廳， 食日本菜 就走咗入去試下。餐廳感覺非常高檔， lunch大概150蚊到200蚊 。 餐廳職員安排我們 坐近窗口 ，我們一邊享受日式料理 一邊觀看海景 非常休閒喎。我們叫了兩個午餐 一個係安格斯牛扒 另外一個係串燒 料理。 午餐嘅前菜 有日式蒸蛋同 蕃茄。 日式蒸蛋非常滑， 番茄十分新鮮。到左main course， 安格斯牛扒非常嫩滑份量十分足料 再配埋蒜片 香蔥 食落個口感非常非常一流。另外一個串燒料理 串燒包括 牛肉 ，墨丸 ，蕃茄仔 ，薯仔 ，雞翼 等等 分量十分足夠 ，配埋白飯， 加麵豉湯 ，感覺一流。甜品仲有 泡芙 ，味道也不錯。餐廳服務質素不錯 店員會 ，主動介紹午餐 ，非常有禮貌， 值得一讚。二人行 午餐每人 250蚊左右。雖然價錢不算太平， 但食物質素高 能夠一邊食一邊望一個非常漂亮的海景 可算是物有所值。

今日同朋友行到西灣河海旁，見到呢間日本野開喺呢個位置感覺上環境很好，我哋就想試下。餐廳裏面有位女侍應隨即問我哋幾多位？我哋答：兩位、可否比窗口位置餐枱我哋呢？佢話今晚已經full哂！只有近門口嘅一張二人餐枱😞，見嗰位女侍應好有誠意請我哋坐低，就試下啦～望吓餐牌上有好多我最鍾意嘅串燒、而且有D係好少地方有得食嘅野。牛舌一串、做到無蘇味、燒得啱啱好墨魚腸：比想像中重墨魚味，似食緊墨魚頭，我幾鐘意免治雞肉棒：混入左雞軟骨做到好爽口、食時加埋個特製醬油蛋汁更加好味廣島蠔：火候控制得唔錯、原汁原味、留住廣島蠔本身有嘅鮮味赤雞心、咬落似雞腎、但都燒得啱啱好帶子雞翼：係幾特別但帶子有啲細紫蘇雞皮蝦：好有特色、香脆赤雞肝：火候拿捏得唔錯、大約燒到八成熟、口感嫩滑甲羅燒拼松葉蟹肉飯團、飯團做到外脆內軟、裏面加左少少蟹肉、侍應教我地义開飯團🍙中心位置、放入甲羅燒嘅蟹膏醬一齊食、特色👍其實呢度嘅環境真係唔錯，如果可以坐喺窗口位置嘅餐枱、望住海景食晚飯就一流😍本人覺得呢度嘅食物味道同質素幾好，係收貴左少少。

第一次寫食評，幾好味嘅野都一向冇吸引到我要寫食評，估唔到被一個極差嘅女侍應激到我要寫食評呢位女侍應企門口，一入去就係佢招呼你第一句唔係歡迎你，而係質問你 "有冇book 位架？"同佢講我地姓咩，佢話姓咩嘅黎左啦，坐低左個咯喎我地指俾佢睇我地嘅booking (佢有張紙)，佢就再去問坐低左嘅人，跟住走黎話佢聽錯左人地嘅姓，就指左我地坐另一張，全程冇禮貌，冇笑容，冇諗過講聲唔好意思食完野，繼續傾計，佢走埋黎問我地仲有冇野要，我問佢攞左menu 睇。轉頭佢無啦啦走黎落單，問我食咩，但我完全冇表示過要落單，係佢自己走埋黎，知道我唔係落單就黑面，話咁我幫你收哂啲野，即刻執清檯面，係清到連餐具都冇哂，亦唔再沖茶之後已經興興地，唔想再叫野食成餐飯由7 點坐低開始，食完傾陣計，其實只係去到8:15，佢走埋黎話出面有客等緊，要我地埋單。可能佢覺得我地兩個人只係食左5 百幾蚊，太寒酸繁忙時間餐廳要限時個半鐘都可以理解，不過呢間餐廳係話唔限時的，結果未夠個半鐘就趕人，可能佢加句食唔夠1 千蚊要自己識走，否則面斥不雅野係好味，串燒好有水準可惜一個女侍應已經足以破壞成間餐廳直頭覺得係俾人當係乞衣咁樣招待p.s.

住在東區 經常去海濱徑慢跑或散步 每次經過往觀塘及鯉魚門的街渡碼頭都看到一幅頗大的集錦魚生廣告牌 然後會發現一間疑似日本餐廳 我總懷疑這餐廳是否在經營 因為總見餐廳的門關著 四周是石牆沒玻璃 總難知道是否開門營業一次總忍不住走近細看 啊在營業 但他們說要預約 好吧 這令我更好奇他們是賣那類別日本菜 於是訂了日期去試一推門進去有驚喜 原來裡面別有洞天 一列玻璃窗看到海和對岸的鯉魚門 頗有風味看看菜牌 原來是鐵板燒加點熱食 儘情去試 咦 味道也真不錯 值得再去。 邊看著海景邊慢慢地吃 在一頓晚餐裡淺嚐慢活態度 實在寫意

同朋友食生日飯。今日風和日麗對住個海食飯心情都會好啲。叫左個串燒溫泉蛋飯同鰻魚三食，串燒唔夠惹味，燒肉有點乾不過燒秋葵又唔錯喎！流心蛋好eye catching，撈飯食幾好，沙律唔錯好fresh鰻魚ok啦如果多啲鰻魚汁就更好，而且份量都唔少。不過我就唔太喜歡佢既茶漬飯，因為用既係我地飲既日本茶而唔係高湯。好懷念係日本食既茶漬飯最後送上甜品食物尚可，風景唔錯

之前有朋友介紹過這店的串燒。這晚大約8時半跟一好友來試試，店內客人不多，我們被安排坐在窗邊位置，景觀真不錯，但枱比較小，我要求轉到其他大一点的枱，有一女服務員就走出來說，"如果有需要，我們會多加一張枱給妳。即是說她認為沒必要，這是什麼服務態度。如果我沒有需要就不會要求妳轉枱啦！況且周圍都是吉枱。她還表現出很不滿的態度，轉頭便走開在旁邊玩手機，真不知她是有意或無意，因為環境很静，她跟同事說的粗言穢語和對我們說三道四的話有部分都傳到我們耳中，真火滾。食物雖然不錯，真不明白為什麼會僱用這種差劣的伙記。趕客。睇怕做唔到明年。

知道這一間餐廳好耐，所以去試一試。環境非常好，服務也很好。點菜時想點多春魚，想問一份多少條,點知一份係一條，一份係$24，我真係第一次去吃一份一條多春魚嘅日本燒。小朋友想吃，就算，點兩份，希望有驚喜。再問牛舌，一份有三件，正常，但強調係一大兩細，唔通要就牛舌形狀？重點左雞泡魚乾，大菇，油甘魚鮫，飯團，粟米，芝士年糕等等。點完後等咗都一段時間食物先來，但竟然係芝士年糕先來，咩玩法？？到多春魚來，竟然真係一條普通不過價值$24嘅多春魚....實在搵苯...其他吃物都好燶，只有燶味同好鹹...牛舌真係一大兩細。重有叫咗茉莉花茶，竟然用tiwnings 茶包又收$2x。餐廳其實好細心，用熱石爐去保溫，服務也好細心。但$24一條多春魚同燶味串燒實在好影響。本人只希望提供意見有待進步，難得有好嘅設施環境服務,希望會做到吃物可以配合，收費可以合理。

十點last order.伙記趕收工。按章工作。問一句答半句，最叫做小D，你地早地走。叫他介紹菜式，什麼都説可以的。我和朋友之前去過已是很勉強，但食物可以的，但我不會回頭，昨天朋友不信我再去，今天跟我説絕也不回頭。

訂檯時已確實沒有時間限制！香港寸金尺土，在旺區食晚餐有時段限制是非常了解，平日（wed)晚上在鯉景灣比較交通不便的地方及不滿座情況下，得到態度奇差的待應前來詢問😳食完未（二三次）並在未埋單下沒收晒所有歺具🤔是什麼意思呢？（防止唔可以停一停後再下單嗎？）百思不得其解🤔🤔🤔🧐🧐🧐再三強調是不滿座的，尚有四五檯吉檯

The place is nice and simple with a view on the sea.Everything we ordered was quite good but since only one person is grilling the skewers, it might take a bit long to get served.Food is not cheap though, prices are by unit and the bill goes up quick if you are really hungry! Ox tongue was definitely my favorite, nicely seasoned, nothing to add! Great place to chill and chat with a friend having skewers and beer !

I came here with my best friend last Monday and we have always wanted to try this place as it appears to be quite a cool location (hiding next to the pier in Sai Wan Ho). Staff was very friendly and suggested what we should try if we had not been here before. After we ordered the two lunch sets, staff started to serve us a couple pretty looking appetisers (tofu and salad). One of the main we ordered was skewers on Japanese style stone grill. It looked quite amazing (from my perspective - see pho