埠 (Closed)

平時去SoHo東啲bar飲野就飲得多 原來呢到都臥虎藏龍 有間隱世餐廳因為佢咁啱開喺碼頭旁邊 行過都好少留意到佢 咁啱個日同女朋友去個邊飲野 經過見到 比餐廳嘅海景吸引住 就決定搵日試下🙈呢日嚟到間餐廳 裝潢都唔錯 感覺幾舒服☺️門口有大大個招牌 好易搵👍🏻餐廳入邊有個開放式嘅廚房專做串燒 客人可以一邊睇住師傅做 一邊食飯🙈之後我哋首先嗌咗個醬燒雞泡魚干做前菜 另外我同女朋友每人叫咗一杯柚子梅酒同埋紫蘇梅酒 一路食雞泡魚干 一路飲 簡直係Perfect match🤤之後我哋就叫咗一個蔥蒜牛柳串燒同埋雞軟骨串燒雞軟骨燒得好入味 不過更值一提嘅就係個蔥蒜牛柳串燒牛柳半生熟 口感一流 肉汁仲要好豐富加埋蔥同蒜嘅調味 香得嚟仲好惹味🙈🙈🙈之後就到 帶子燒雞翼雞翼外皮好脆 雞肉好多汁 但略嫌帶子味唔夠出😢呢個大蘑菇都好值得一試 估唔到外面睇落燒得乾 但原來食落口係勁多汁 好正阿🙈跟住就到我最喜愛嘅燒牛舌啦！件牛舌好厚身 口感超豐富 食落口仲有超香濃嘅牛味🤤🤤🤤👍🏻之後就輪到壓軸出場嘅甲羅燒拼松葉蟹肉飯團啦😍佢一嚟到嘅賣相已經好吸引 首先將個蛋黃同個蟹膏撈埋一齊先 然後再鋪喺個飯團上面一齊食👍🏻蟹膏

呢間日本餐廳喺碼頭隔離 之前跑步經過覺得門面好有特色 睇唔到餐廳入面嘅環境,但係佢喺正海邊好有feel 所以特登搵個機會去試下 平時都鍾意喺街邊檔食下串燒,但係食完呢間日本串燒餐廳之後 完全覺得係唔同level 首先入到去個環境好舒服,可以望到海景 侍應嘅態度都好好,好細心 串燒有好多種類可以揀,海鮮雞牛豬內臟蔬菜 超級多選擇我哋兩個人都嗌咗十幾款 可以話每款都咁好味,而且燒到啱啱好我個人最推介嘅係墨魚咀,白鱔,番薯,雞翼簡簡單單嘅食物都燒得好好味,而且好新鮮而且呢啲串燒係慢慢上 ,唔會因為食唔切而擺到凍曬 佢仲會擺喺啲熱石上面慶烘熱住另外仲叫咗個飯糰,兩邊煎到好似飯焦咁硬硬地脆脆地,好好味最後再加多個蕨餅,好濃嘅黃豆粉味 超級滿足嘅一餐

西灣河有唔少景點適合一家大細黎參觀，例如電影資料館同埋滅火輪。今日同屋企人得閒黎到依度，決定喂飽個肚先展開旅程~依間專打日式串燒嘅鋪頭位於西灣河碼頭，有少少隱秘，但係勝在有一份寧靜感。窗外仲有無敵大海景，對住觀塘個邊嘅碼頭，客人仲可以出去露台吹吹風打下卡，非常有情調。午市套餐有9款，價錢大約係$100-200，附送前菜、沙律、味憎湯、甜品。串燒定食($228)，係依度一定要試下佢嘅串燒，依次係安格斯牛肉、雞翼、豚肉露荀卷、日本豆腐、墨魚香腸、冬菇、車里茄、日本蕃薯。每款串燒都燒得剛剛好。一定要贊佢嘅牛肉，非常清甜。第一次食墨魚香腸，煙煙韌韌，墨魚味好香。豚肉露荀卷製作好精緻，香脆嘅豚肉片加埋爽口嘅露荀，令到口感升華。鐵板美國安格斯牛扒10安士($238)，上菜時已經聞到香噴噴嘅牛扒味，肉身有15mm咁厚。牛扒唔會燒得過熟，仲保留到佢嘅鮮甜味，軟得黎又帶點煙韌。上面灑上炸蒜片，下面係炸薯仔絲。講番前菜同沙律先。前菜係關東煮入面嘅3款小食，而沙律非常新鮮開胃。依度嘅味憎湯係我飲過嘅味憎湯入面最好味，用料豐富，見得到有唔少海苔同豆腐，味道濃郁，唔會得個咸字~甜品係泡芙，入面係超凍嘅cream

每次到西灣河，都會腳步放慢點周圍走走到海邊渡輪碼附近、散散步、吹吹海风好舒服，海傍附近有一間居酒屋—埠，是日式料理它的熱窩和串燒做好出色，坐在海傍一邊欣賞夜景吃著美食人生樂也！ 這次已是第二次光顧了，喜歡這裡的環境、食物，和細心侍應，這次我地點左札幌生力啤酒、紅菜頭大根沙律、芝士年糕、關東煮、珍寶帶子。首先來的是前菜紅菜頭大根沙律，刀功切得細丝，十分爽脆，甜甜酸酸，十分醒胃。關東煮來啦，熱辣辣的一窩，份量足，有流心溫泉蛋，軟滑無渣的大根， 索滿汁的豆腐、魚腐好鲜甜還有最重要是要飲咪湯因為用鏗魚和昆布煲湯做湯底十分清甜鲜味白膳燒到外脆內軟嫩，十分惹味芝士年糕軟糯彈牙，芝士十足。秋葵燒到翠翠爽爽的，我的最最愛終於來了一珍寶帶子，用脆紫菜包住來食口感豐富，外的脆、內里包住帶子的鮮甜美味新鮮到還保留海水味道

妹妹話帶我去間新餐廳，聽講佢係上次拍拖經過時見到，見環境幾好，想同我一齊試一試。地點係西灣河碼頭，我地由太古沿海邊行過去，都用左15分鐘左右。餐廳正正開係碼頭旁邊，叫做"埠"，好適合個環境呢!被安排坐窗口位，可以望到海景，感覺悠閒自在。間中仲可以見到往來西灣河同油塘嘅船隻，好有feel呢。1:30到達，正好趕到食供應到2:00嘅午餐。點餐後服務員先奉上熱茶，沙律及前菜。前菜是味噌青瓜，先讓大家清清口腔。沙律新鮮爽囗加上沙律汁，酸酸地好清新。午餐Set一共有9款，草根姐妹點了一款牛一款鰻魚。鰻魚釜飯三食（$208）Eel Kamameshi 鰻魚飯以熱鐡鍋盛上，鍋下有一個小小的火燭，令鰻魚飯可以保持一定的溫度。甜甜的鰻魚汁非常討好，鰻魚燒得香口，油潤而不肥膩，軟嫰到幾本上入口就溶，質數好高!! 米飯選用了珍珠米，飯粒飽滿，但拌飯的鰻魚汁不夠多。3食的第一食是單吃鰻魚飯，其次是拌入紫菜、芝和蔥花同吃，最後是加入清茶當作茶漬飯，這個鰻魚釜飯三食很不錯呢!鐡板美國安格斯牛扒10 oz（$238）Teppan Angus Steak Set 10 oz另一個午餐草根姐妹揀咗安格斯牛扒🐃，牛扒大概

西灣河東soho呢個浪既國度又間環境浪漫的串燒店🍡見到個門口都做到好高級同專業咁👨🏻‍🍳仲可以揀坐出面，吹住海風🍂，飲番杯🍻🍶，一流！(左)大葱雞腿肉🐔$24個汁好濃，同個雞配合得好好！兩個大葱亦都令到成件事好惹味！😋😋😋😋😋(右)墨魚🦑腸$25將墨魚切粒，讓入腸衣入邊，切出嚟再加膽汁燒，好味。紫蘇梅子雞腿肉🍗$32個雞好嫩好juicy，如果你唔鐘意紫蘇，可以將份量自行減少，而乎合自己口味。燒山芋$22好似淮山咁，表面燒到好脆，而入面係好似淮山的滑潺潺咁，鍾意鮮淮山同秋葵的朋友要食白鱔$68呢個係鹽燒，個魚皮燒得好脆身，個魚肉好juicy。(左)廣島蠔 $48有兩隻好大嘅廣島號，肉新好肥美，燒起上嚟嗰陣亦都唔會縮水。(右) A4 和牛 $148雖然未去到A5級別，但入口都好亂輕輕咬都可以好快溶，都好推薦。甲羅燒拼松葉蟹肉飯團🍙$128個飯團入邊有好豐富嘅蟹肉，個蟹蓋嘅膏同蛋混合查喺個飯團上面。正！

今日同朋友慶祝，朋友住在西灣河，推介依間係西灣河碼頭嘅埠👍👍平日七點半左右去到都滿左一大半，所以大家最好訂定位，仲可以留定窗口位，可以望到海景🤩慶祝食串燒就一定要飲啤酒🍻叫咗兩杯生啤👍串燒方面叫咗牛舌，好香，好軟滑，好夠味，好好食😋我最中意食嘅係豚大腸，之後仲追加咗一串，個大腸洗得好乾淨，唔臭，唔會太肥，又容易咬，加埋出面有啲燒汁，超好食😋😋之後叫個雞皮，因為份量較少，所以叫咗兩串燒蠔一串有兩隻，兩隻都幾大隻幾有肉👍幾鮮五花肉同鱔係我平時串燒最中意食，果然都無令我失望😋五花肉肥瘦剛好，鱔好鮮甜，完全無骨👍👍之後就到有好多人推介嘅甲羅燒拼松葉蟹肉飯團👍👍個飯團入面好多蟹肉，連埋啲蟹膏好好食，同呢個都幾飽肚😂😂 之後仲叫咗串雞翼同埋雞軟骨，不過我已經太飽食唔落，朋友話都好香，好好味，個雞翼多汁😋👍

因為有啲開心嘢發生咗，於是同老公仔兩個人決定食餐好，餐廳由老公安排，初初估多數都係油尖旺搵食，估唔到佢搵到嚟西灣河，仲對住個海景，縱使喺晚上，但感覺仍好feel，未食嘢已經有好感 入到餐廳，環境雖然唔係好大，但好寧願，感覺幾好，再睇埋餐牌，感覺串燒嘅款式都算多，牛、雞肉呢啲必有，家禽內臟都唔少得，仲有埋海鮮添，但可惜老公近排敏感無得食海鮮，唯有食其他做主打我地先點咗個蟹子沙律（$48），清清地細細份，再嚟食燒秋葵（$18）同南瓜，首次食燒秋葵，感覺有啲似平時嘅健康食品，脆但入面充滿汁，另外仲有叫到松葉蟹肉飯團（$48），個飯團好脆，的確見到有蟹肉，熱哄哄食一流肉類方面個人推薦大蔥豚肉頰（$28），一來好少有機會食到面頰，二來面頰肉爽口味濃，加埋啲蔥就算燒黑咗都無咩苦味，更突出蔥香，同埋肉一齊食估唔到都幾夾最終呢餐食得好開心，環境好，食物質素亦高，very nice

好耐冇入西灣河, 呢間日本野對正碼頭, 望落環境唔錯, 不過門口係密封趟門, 如果整返透明玻璃門會更加吸引。講返食物, 前菜叫左雞泡魚乾, 濃濃魚味, 唔會太硬, 好食；燒明太子, 唔係一般的燒玉子, 而係鹹香的魚卵, 配上清新蘿蔔絲, 不過呢個對我黎鹹左D。串燒叫左安格斯牛+牛舌, 2樣質素都好好, 牛味濃, texture 好好。花魚一夜乾, 店員推介的, 其實是把鮮魚經鹽水醃漬與風乾一天處理, 經燒烤後, 魚皮香脆, 魚肉微鹹鮮甜, 好岩送飯。之後叫左個鍋燒烏冬, 烏冬彈牙, 感覺唔錯。Overall 黎講, 呢度D野食比其他日本食肆感覺正宗, 碗碟擺設都好有心思, 環境一流! 仲要對住個無敵海景。不過價錢略貴, 2人賣單around $600

一流海景燒明太子，細切一片片，好有鹹香味，食咗幾片覺得咸咗啲，而餐廳加咗啲蘿蔔蓉，配埋一齊食，中和返啲鹹味，啱啱好！燒物叫咗兩樣，墨魚腸同埋安格斯肉眼。餐廳專登用咗載着啲石頭嘅燒爐，一路熱住啲燒物!墨魚腸好特別顏色，好深色黑黑地，加咗啲墨汁。味道香甜，入邊仲有啲墨魚粒。肉眼好有牛味，入邊啲肉汁都多。松葉蟹肉飯團，飯團兩面燒到卜卜脆，入面夾雜着啲蟹肉絲，配埋啲濃香蟹膏好夾好好食！關東煮，上枱用爐一路熱住!入面有好多酙料，雜菜粉絲福袋、半熟雞蛋、魔芋等等。湯汁香甜濃郁，熱辣辣食，讚！御盛飯，有碗面試湯、一碗白飯、蒜頭漬物。蒜頭醃左，食落少少咸幾香，脆脆地，味道唔似蒜頭味，但配飯又好好食。松葉蟹肉鍋燒烏冬，上枱可以用爐熱住！入面好多蟹肉，啲烏冬彈牙，粗細適中，配埋啲蟹肉好好食！蟹肉味道愈煮愈濃！整體食物有質素，景觀一流！

來到週末，無所事事，唔想窩在家裡，老公提議搭船過去鯉魚門行下。也好，反正已經很久沒搭過船了，而且由西灣河碼頭到鯉魚門三家村，只需數分鐘，過程悠閒，海闊天空，落船後還可以閒遊三家村平房區同海鮮街。好少嚟西灣河搵食，印象中對上一次已經係今年年頭。記得之前睇過食友介紹，鯉景灣太康街有間日式串燒店，食物水準唔錯，價錢亦很合理，反正有的是時間，就一於先去吃頓午餐再繼續行程。餐廳位於西灣河碼頭旁邊，不過原來正門唔係向住大路，門口喺側邊，有點隱蔽。由於來到時餐廳剛開門，所以店內還沒有其他食客。細看裝潢，室內佈置簡約，以白色和淺木色為主調，給人清爽明淨的感覺。原來餐廳盡頭還設有一間獨立房間，環境唔錯，非常適合同三五知己來談天說地、飲野傾偈。不過講到店內最大賣點，當然是外面露台對住九龍東的無敵海景啦，一望無際，令人心曠神怡！午市套餐共有 9 款選擇，定價由 $118 - $238 不等，附前菜、沙律、味噌湯、御飯及甜品。如果唔想食套餐，當然也可以散點，價錢亦非常大眾化。點完餐後，店員隨即奉上前菜同沙律。是日前菜係粗麵豉青瓜，青瓜食落清甜爽口，加上麵豉，既惹味又去青澀。沙律菜爽脆新鮮、車厘茄賣相討好，甜美

星期六下午去海馬公園，所以午餐就過咗去筲箕灣搵食。之前已經搵左呢間埠，見佢啲lunch set同串燒都好好食咁樣，今日終於都有機會試到。經理好好咁安排左我哋坐埋窗邊，可以望住過海景食野，個人嘅心情都特別舒暢。自己本身好鍾意食鰻魚，所以就叫左呢度嘅鰻魚釜飯三食，而女朋友就是叫咗一個串燒定食，貪佢乜都有啲可以試到多啲唔同嘅嘢。鰻魚魚肉細緻，油脂適中，不會太乾身，魚皮微微焦香，入口即溶，美味非常。話明鰻魚三食，除咗配上原有鰻魚燒汁一食外，亦都可以加上芝麻、香蔥同紫菜，配合少少wasabi ，呢個配搭有意想不到嘅清新。第三食就係再加上熱湯，令到你即使慢慢食，食到最尾都可以有熱辣辣嘅感覺。三種食法各有風味，每一種食法都刺激你的味蕾，絕對可以帶到俾你驚喜。最後食埋個忌廉泡芙，咁就完美啦。

Wohoo~終於到星期六🙌🏻天色昏暗，今日公司包場去海馬公園，由於3點後先入得場，我就提議先去鯉景灣個邊chill住嘆brunch😺兩口子拍拖梗係要花d心思搵新餐廳食下啦😻餐廳好特別，隱身係西灣河碼頭，侍應好好咁為我地安排左近窗嘅位置，悠閒地望海非常寫意👻隨餐嘅前菜同沙律一啲都唔馬虎，日式醃漬前菜有淡淡嘅海水味，沙律菜好fresh，配埋醋汁同蕃茄仔，十分醒胃經過一輪揀選，我地決定叫唔同嘅set交換食😗因爲每一樣都好吸引🤫 首先介紹左男朋友個份鰻魚釜飯三食先🌟🌟鰻魚入口肥美甘香，外皮略脆，內裡嘅油脂配埋醬汁唔肥膩之餘，更能帶岀食材新鮮同師傅嘅功架👍🏻 上菜時，侍應好細心咁介紹左”三食”嘅食法，當中茶漬係我最like, 茶香滲透每顆飯粒，作為茶控表示很滿足😍我set串燒定食又係無得輸！雖然係個餐預設左無得揀，但偏食嘅我竟然每一串都鍾意食🤗當中最特別岀面食唔到既墨魚香腸真係好有驚喜🤤墨魚粒有咬口，爽脆口感好似食梗雞軟骨咁👍🏻原來個presentation都有玄機，裡面嘅熱石係用黎令串燒保持熱度嘅！日本嘅細心竟然係香港體驗到，天呀~~好掛住日本呀🗻日本絹豆腐，其香脆外皮咬落去竟然係軟滑嘅豆腐，

近著西灣河碼頭，除了一街之隔、很有feel的酒吧和西餐，還有碼頭旁邊的日本菜都幾吸引。落地玻璃旁，望著大海，浪一個接一個打上來，浪花四濺，日光日白卻有情調。百餘元的午餐，包沙律、前菜、飯和甜品。前菜是關東煮，最喜歡清甜的蘿蔔。長腳蟹肉鍋燒烏冬 · 火炙左口魚群邊丼烏冬用熱鍋上，白煙直冒，為吃到熱辣辣的烏冬而興奮的同時，不敢怠慢，生怕烏冬會浸太久會變腍。蟹肉很多，但不算鮮甜。烏冬滑溜又煙韌，很喜歡它的咬口。邊吃，邊談起小時候常吃的白色圓形烏冬，很討厭它煮太久後外層有點溶掉的質地和古怪的味道。左口魚丼細細碗，定食的份量剛好。左口魚入口即溶，化成油，滲到飯中。啖啖都是火炙香和左口魚的油香。明明放入口是白飯，沒有油光的白飯，吃起來卻像每粒飯都包著一層油般香。鰻魚釜飯三食就是加了鰻魚汁的鰻魚飯、自行斟茶的茶漬飯和紫菜、芝麻拌飯。鰻魚都可以，欠了炭燒的香。甜品是一粒內有少量忌廉的泡芙，對於不吃甜品不滿足的我而言，這個滿足不了我的甜癮。吃完熱呼呼的食物，加杯冰凍的啤酒，正。下次可以試串燒，其他客人點了串燒，一人一個爐，都幾特別。

有朋友搬左去太古城，咁見佢我食飯派帖，我就諗不如搵間近佢既餐廳食飯啦。佢仲話怕好遠唔就我，其實有地鐵就去邊都好方便。咁我就揀左係soho east近海邊既呢間「埠」食飯。上網睇到見佢D串燒好似唔錯，而且成個門面格局都幾高級下。一行到Soho East，見到舖頭後面上方有個大大個既牌寫住西灣河碼頭，而家就明白點解佢叫做「埠」啦，因為係一個碼頭，有意思!另一樣吸引我既就係佢門口有個牌寫住「海藻鹽使用店」，令到我對佢既串燒多一份期待。一入店內發現空間不算很大，只有大約20個座位，但都佈置得舒適同不會太迫。由於有預約，我地被安排在窗邊位置，可以望到維港，而且不時有船在旁邊碼頭上落往返鯉魚門，景觀一流喎!在窗外仲有幾個露台位，如果要呼吸的朋友就可以揀坐出面了。晚上冇咩套餐，咁我地就散叫串燒啦，而且都有好多選擇︰朋友都係鍾意食雞肉，所以分別叫左雞軟骨、雞翼同紫蘇梅子雞腿肉。另外都點左牛舌、兩串蔬菜類、沙津、飯糰同芝士年糕等。落左單黎左飲品後就先上左個脆脆野菜沙津，份量唔算很大但都適合兩個人淺嘗，而且蔬菜好新鮮、個醋汁都調校得幾好，酸酸地幾開胃。之後店員就用燒烤台拎左幾串串燒來，原來個台下面有D熱石