點點心思 (Closed)

其實都好耐無食點心，對上一次響佐敦食完又貴又唔好食嘅點心後，對食點心有少少陰影，咁啱今日做咗月餅送貨員，送完最後一盒月餅後已經無哂力，行過呢間點點心思點心専門店無乜人，即刻衝入去坐低，二話不說點了馳名鮮蝦餃($28)、香滑牛肉腸($20)及南瓜蒸排骨($21)，另茶錢$3。先來蝦餃，蝦肉算爽口，整體味道OK，如蝦餃皮可以無咁粉就更好，不過已經好過好多地方。再到牛肉腸，牛肉剛熟，腸粉皮算幾滑，但同蝦餃皮一樣粉咗少少，但其實水準已很好。南瓜蒸排骨，識我都知我超鍾意食蒸排骨，南瓜也是我喜愛食的，排骨沒有蒸得過火，少少腍又幾好咬口，南瓜夠甜，一入口即溶，正。仲有好多點心未試，不過服務員經常入漏單，要食客(包括我)提返佢哋，小心！

今日行過軒尼詩道發現新開左間點心專門店，就在油站斜對面，市政大廈旁邊，在灣仔來講價錢適中，味道一流，值得推介！極力推介點心蝦餃王，真係又大粒又彈牙，忍唔住食左2籠，創新點心原隻鮑魚餃也十分美味，因為太肚餓來不及影相，影menu算啦