囍運冰室 (淘大商場)

Open Now

Now Closed

食物質素不斷下降，員工在店內大聲落單，全店只得這男子的燥音，一餐飯中只聽見他不斷在落單的大聲呼叫。紙巾只給他們員工自己員工用，員工食完飯成隻碟都是纸巾，客人消費卻一張也沒有，是否值得檢討一下？下午茶干炒牛河，牛肉韌到不能吃，只吃了很鹹的河粉。焗肉醬意粉底底全是水，何來焗過？？如此水準，一個下午茶餐也要50多元，完全沒有好食品去提供給客人。 客人何解要再來光顧？此公司管理層需要落店看一看，希望改進一下

這店嚟過幾次，一般食物都正常，今日照樣食星洲炒米，食兩啖覺得唔對路，覺得好咸，以為炒得唔均勻，嘗試撈勻睇下會唔會好啲，因為本人都珍惜食物，唔會隨便就退回，但係都係救唔到，唯有叫店員換，店員建議叫另外一樣。我就選擇咗黑椒牛柳絲炒意粉，黑椒牛柳絲炒意粉都唔係第一次食，都冇乜問題，但今次明顯深色好多，食落黑椒量都比平時多，不過我食得辣，對我嚟講都冇乜問題，但食到一半法發覺呢碟唔係炒意粉，係湯意粉，係豉油湯，因為豉油都可以隔走，我所以都可以食埋佢，只係濃味啲啫。可能今日個炒鑊輸咗錢，或者公司冇加人工，甚至可能比女飛。我只會比多一次機會佢，下次再係咁就唔會再食。

今日嚟到九龍灣淘大揀咗一間叫做兩個喜字嘅起運冰室食我嘅下午茶，咁我哋係嗌咗兩個下午茶嘅一個吉列豬扒配沙律另一個係炸雞髀配薯王仲叫咗兩份餐飲一個熱奶茶另一個凍檸茶份量感覺有啲偏小同埋炸雞髀薯嗰個好似擺咗喺啲內容唔知點解,所以味道都係好一般我覺得下午茶亦都感覺上唔係太抵食，去返快餐店嗰啲可能仲好味最後就係覺得呢間嘢嘅下午茶性價比唔算高囉覺得比一般茶餐廳嘅下午茶質素低啲啦唔太推薦去呢間食下午茶嘅感覺就係咁

雖然4月22號開始走塑政策，亦明白餐飲行業都有一定壓力和影響。但作為餐廳負責人或其員工，亦必需要清楚了解政策內容，不要一知半解的將問題轉嫁到食客身上。香港餐飲業現正處於水深火熱，囍運冰室投資者還縱容其員工在胡亂說話，得罪客人，這樣只會令生意一落千丈，結業只是遲早的事。你們員工在4月23號向客人訛稱，堂食者不能打包食剩的食物，因為會獨犯法例，還理直氣壯地說出，今日已經拒絕數位客人將食物打包，即使客人願意自行附費。當然作為一個有常識的人，也會感到莫名其妙，政府是要市民響應環保，而不是鼓勵市民浪費食物。現在有請各餐廳負責人，如仍未清楚政策內容的話，請立即致電走塑熱線查詢，電話：54672494以免像囍運餐廳（牛頭角淘大商場店），得罪了客人也當無事般，無知最可怕，投資者的墳墓。祝各餐飲業投資者生意興隆，順風順水，大吉大利。

首先要講一講嘅係呢度啲食物質素普遍嚟講都幾高，來食過幾次，無論係全日早餐，定係最普通嘅沙嗲牛，佢都煮得幾好食。全日早餐價錢唔貴，都係60幾蚊，又有薯餅，又有魚柳，跟住仲有兩條廚師腸、沙律、茄汁豆。最重要嘅係佢仲要跟埋一碗龍蝦湯烏冬，呢個真係超抵食。就算一個男仔嚟當午餐咁食都夠飽啊。泰式豆角肉碎米粉呢個又係幾好食，少少辣辣地加埋肉碎同豆角，個米粉真係好惹味，佢個餐仲有跟埋炒蛋火腿同埋丹麥包，超正。雪山朱古力超濃郁朱古力味推薦！

呢間嘢開張嘅時間,食物及價錢還可以,但服務態度非常惡劣,有嘢唔做成日掛住吹水,已經冇幫襯一段時間,早兩個月朋友約咗喺度食飯,嗰晚食咗個燒鵝套餐,出品都叫做幾好,同埋佢請咗個後生仔侍應,一眼關七服務態度都幾好,於是呢排都有幫襯下,點知呢兩次就出事,叫咗個燒鵝套餐,嗰碟燒鵝仲衰過人哋下午茶三四十蚊啲貨式,比平時食開嘅分別實在太大,呢個係例牌燒鵝喎,好似頭頭尾尾答埋一碟咁,個侍應都覺得有點離譜同佢講,如果唔係個侍應服務好,我一定退返畀佢唔要,個燒味佬啱啱上班冇耐,你唔知個標準係點你就問下人,食到一肚氣！

食過一次呢間d晚市一個差黎形容，對上一手果間好食過呢間多多聲。唔詳細表達呢次真係唔寫唔得，朝早收銀+賣面包個位阿嬸d態度真係衰到一個極點，1、2、5毫就話唔收，原來連少少氧化5蚊都可以唔收。呢位阿嬸態度平時都係屬於差我都忍你，呢次真係忍唔到要寫食評語，麵包係好食（only)，老實講係香港宜家呢個環境仲諗住d客人無所謂點都會自己再返來幫襯唔休做呢個諗法已經唔掂架啦，宜家呢間仲差過對上果間都可以做咁耐，唔怪得消費意欲咁低寧願外出洗錢。

呢間餐廳建議堂食，試過堂食唔係甘，因為堂食有四分一份量，外賣份量呃人（見圖一同二），晚餐份量等於下午茶，收銀女店員怨婦上身，冇禮貌，大家睇路，不知所謂，做生意唔係甘，離哂譜

擒日同阿仔上完羽毛球班，又未夠鐘畫畫，行到有身汗，決定去囍運冰室食個tea，抖一抖！店舖好懷舊冰室設計，出面有麵包買，裏面一個個卡位坐，服務同衞生正常一般，食物就真好味。黑白一口西多好鍾意一口一口西多食，唔洗切，好方便。西多外脆內軟，配埋朱古力醬同煉奶食，好好食。脆皮生炸雞髀配薯條雞髀個皮好脆，肉質好滑同有肉汁，薯角香脆惹味。

每星期下午都會黎九龍灣總會想試下新餐廳今日試左囍運，食到懷疑人生下午茶時間黎到，唔係攞飛反而是要大熱天時在外排隊第一觀感已經唔好，但見都好多人排隊心諗，試下新野啦叫左兩個下午茶乾炒牛河：未食已影相，啲河粉好碎，無洋蔥只有幾條芽菜，最慘只有一片牛肉！？第一次食牛河只有一片牛肉！極無奈！最後啲河粉都食唔哂，太單調了！黑椒牛肉乾炒意粉：意粉超級淋！唔知擺左幾耐！雖然張相食左1-2啖先影相但睇相都知極少牛肉，超級幼，刀功太好家人食完都無感覺凍檸茶，凍奶茶叫左少甜，都仍偏甜但檸檬味/茶味都夠既如果可以再少啲甜會更好！總括然而，呢間野不可一，不可再！兩份主餐都好難食！！！！食過咁多間九龍灣餐廳，呢間是極品！！

住咗依區幾十年我夠膽講句，依間淘大分店係全個區服務態度最差既茶記，由佢開張至今，樓面既質素一日比一日差。即使唔係多客，樓面嗰倆3個伙記樓即使冇乜野做永遠都係扮盲扮聾，扮睇唔到你，扮聽唔到你嗌。好幾次都係咁，試過有次入舖坐咗成十分鐘，即使當日唔係多客，又舉手又嗌但個個樓面都裝盲裝聾唔想做生意咁，最終忍唔企咗出嚟，個樓面呀叔仲鬧返轉頭‘你坐下先啦！’，趕客走咁。近水吧樓面個呀姨同樣係唔想做嘢，你嗌佢佢係唔會啋你，因為佢覺得樓面既野唔係佢做，佢只係企喺水吧旁同水吧吹下水扮做野（扮工)。已經唔係第一次而係由開張至今樓面既服務態度越做越差，好在唔係得佢一間茶記，附近仲有x舍、x奶冰室、xx泰、xx日常、龍x … 洗錢仲要受埋依d扑街氣，要食嘢寧可行遠啲好過。

貪方便，馬路一過就入到的餐廳，冇乜人，諗住食個快早餐。一入去坐低已聞到好臭味道，原來是抹抬布臭味，用火酒紙巾消毒後頂硬上食完個早餐。隔離抬剛剛有位男士說要齋啡，阿姐話「咪齋啡囉！」，男士話「但點解我飲落有點甜」，另一位男侍應剛經過即放下另一杯咖啡，拿走有甜的那杯，然後那男侍應檢查那一位食客沒有咖啡後，疑似放下同一杯有甜的咖啡給另一位女食客。本想出聲提出質詢但要趕返工。原本想打電話到餐廳投訴食物質素及詢問清楚該杯咖啡的處理，因為整件事只有我一個人觀察着，個人認為餐廳有機會沒有其他人睇見，及我未能即時作出反映而否認，所以沒有進一步打電話質詢。另外五香肉丁出前一丁有陣噏味🙅🏼‍♀️，好難食，餐包就ok，以後都不會再幫襯。

囍運舖位嘅前身，係喜喜冰室。呢一間舖頭臨開業之前，已經得罪咗一班淘大嘅街坊，所以大家對佢嘅觀感好麻麻。我食過旺角嗰間囍運，味道就一般，唔知嚟到牛頭角，會唔會好食左呢？晚飯時間，我叫咗一個黯然銷魂飯（叉燒煎蛋飯）。佢啲叉燒好甜，應該落咗好多蜜糖落去燒，而且佢嘅叉燒其實係有啲肥嘅，雖則話半肥瘦嘅叉燒係好好食，但太多肥膏，始終都唔啱香港人。太陽蛋非常之橙色，橙色都唔係好敢食，但食落味道OK。黯然銷魂飯，豉油都係一個重點，唔知係咪近排油價太貴，所以連豉油都要慳啲使。唔係好夠豉油，識食落乾爭爭，只能夠靠隻蛋嘅蛋黃汁撈飯。佢杯奶茶，應該係成個餐裏面最出色嘅要食乜。加分！整體而言，呢個黯然銷魂飯，冇敏華嗰個咁好食，以呢個價錢嚟講，我亦都覺得一般水準。但你問我，我都會推介呢一個叉燒飯。

食 茶記老老豆豆都冇諗住有咩嘢服務，但係入邊啲侍應（定唔知係老闆娘啦） 好似唔想做咁。叫你落單，次次明明你望到，就擰轉頭，向左走，向右走咁。啊大佬，我啱啱坐低睇完個餐牌，好明顯係準備落單，你都要擰轉頭走。果個擰轉頭走嘅樓面，似係大家姐，可能係老闆娘，係咁行嚟行去，指指點點其他樓面，但係就偏偏睇唔到需要落單嘅客人。你係老闆娘嘅就算擰歪面，都叫你啲夥計嚟幫我落單啊，永遠唔會㗎喎。 就真係明明見住你叫佢，佢望到一眼之後就即刻擰塊面去第二度，之後行咗去就算。咁好心你，唔幫客人落單，就一係着返件廚房衫，一係就唔好喺度行嚟行去。如果你係老闆娘你叻，係咪希望客人坐低唔使嗌嘢食，齋坐，轉個頭俾錢你埋單？咁不如改名做 囍運遊樂場/老人院， 收入場費算啦淘大附近餐廳選擇多，大家行過兩步，無謂貪就腳方便貼錢買難受

每次都系旺角分店食 今次來到九龍灣試試依間水準 餐廳都幾大間 比較多卡位 坐得幾舒服😊都系叫我的心頭愛「全日特餐」 成個餐好豐富😍如果不太餓兩個人share都可以👍🏻✨全日特餐配熱飲 $62鮮茄牛尾湯稻庭烏冬 配吉列魚柳、德國腸、茄汁豆、牛乳炒蛋、薯餅、加配丹麥多士 $3🐟魚柳不算大塊 炸粉也不厚 有配埋沙律醬🥔下面系薯餅 質素正常🥚炒蛋份量較少都重奶味🥓德國腸有兩條 脆皮的明顯有辣味都幾好食👍🏻丹麥多士本來都重牛油味 再加上面頭的牛油都幾邪惡🧈不過好食🤣之前食過烏冬太軟爛不太中意🍜所以轉左公仔麵 羅宋湯底夠酸好濃郁帶少少辣 湯底仲有好多料(紅蘿蔔西芹青椒…)📍囍運冰室 (九龍灣)九龍灣牛頭角道77號淘大商場二期地下G211-214號舖